ఈ దీపావళికి కొనుగోలు చేయగల టాప్ 10 అత్యంత చౌకైన ఆటోమేటిక్ కార్లు

ఆటోమేటిక్ కార్లు ఇకపై పెద్ద బడ్జెట్ ఉన్న కొనుగోలుదారులకు మాత్రమే పరిమితం కాలేదు. సరసమైన హ్యాచ్‌బ్యాక్‌లలో AMT గేర్‌బాక్స్‌లు ఎక్కువగా అందుబాటులోకి రావడంతో.. మాన్యువల్ కారును ఎంచుకోవడంతో పోలిస్తే రెండు-పెడల్ డ్రైవింగ్ సౌకర్యం కోసం ఇప్పుడు కొంత అదనపు మొత్తం చెల్లిస్తే సరిపోతుంది.

ఈ దీపావళికి ఆటోమేటిక్ కారును కొనుగోలు చేయాలని మీరు భావిస్తుంటే.. ఎంచుకోవడానికి ఇప్పుడు చాలా ఆప్షన్లు ఉన్నాయి. ఈ జాబితాలో అత్యంత చౌకైన ఆటోమేటిక్ కారు ధర రూ.4.77 లక్షలు కాగా, ఇందులో ఒక కాంపాక్ట్ SUV, ఇటీవల విడుదలైన ఒక సెడాన్ కూడా ఉన్నాయి. ఈ పండుగ సీజన్‌లో మీరు కొనుగోలు చేయగల అత్యంత చౌకైన 10 ఆటోమేటిక్ కార్ల వివరాలు ఇవిగో.

మారుతి సుజుకి ఎస్-ప్రెస్సో

ఆటోమేటిక్ ట్రాన్స్‌మిషన్ వేరియంట్ల ధరలు రూ.4.77 లక్షల నుంచి ప్రారంభం

బడ్జెట్‌ను సాధ్యమైనంత తక్కువగా ఉంచడం ప్రాధాన్యత అయితే, Maruti Suzuki S-Pressoలో ఆటోమేటిక్ గేర్‌బాక్స్ ఆప్షన్ రూ.4.77 లక్షలకే లభిస్తుంది. VXi (O) AGS అత్యంత చౌకైన ఆటోమేటిక్ వేరియంట్. ఇందులో 68 PS పవర్, 89 Nm టార్క్ ఉత్పత్తి చేసే 1-లీటర్ పెట్రోల్ ఇంజిన్‌కు 5-స్పీడ్ AMTను జత చేశారు. AMT వెర్షన్ 25.30 kmpl క్లెయిమ్డ్ మైలేజీని అందిస్తుంది.

ఎస్-ప్రెస్సోలోని టాల్-బాయ్ డిజైన్ దాని కాంపాక్ట్ పరిమాణానికి తగ్గట్టుగా క్యాబిన్‌లో సాపేక్షంగా ఎక్కువ స్థలాన్ని అందిస్తుంది. పై స్థాయి VXi Plus వేరియంట్‌లో ఆపిల్ కార్ ప్లే, ఆండ్రాయిడ్ ఆటోతో కూడిన 7-అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్, స్టీరింగ్-మౌంటెడ్ కంట్రోల్స్ వంటి ఫీచర్లు ఉన్నాయి.

రెనాల్ట్ క్విడ్

ఆటోమేటిక్ ట్రాన్స్‌మిషన్ వేరియంట్ల ధరలు రూ.4.90 లక్షల నుంచి ప్రారంభం.

Renault Kwid ఎంట్రీ-లెవల్ హ్యాచ్‌బ్యాక్ విభాగంలో SUV తరహా డిజైన్‌ను అందిస్తుంది. దీని ఆటోమేటిక్ వెర్షన్ ధర రూ.4.90 లక్షల నుంచి ప్రారంభమవుతుంది. Climber AMT వేరియంట్‌లో 68 PS పవర్, 92 Nm టార్క్ ఉత్పత్తి చేసే 1-లీటర్ పెట్రోల్ ఇంజిన్‌కు 5-స్పీడ్ AMT గేర్‌బాక్స్‌ను జత చేశారు.

క్విడ్ దాని పరిమాణానికి తగ్గట్టుగా సుదీర్ఘమైన ఫీచర్ల జాబితాను కూడా కలిగి ఉంది. వేరియంట్‌ను బట్టి 8-అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్, వైర్‌లెస్ ఆపిల్ కార్ ప్లే, ఆండ్రాయిడ్ ఆటో, ఆటోమేటిక్ క్లైమేట్ కంట్రోల్, పవర్డ్ ORVMలు, రివర్స్ పార్కింగ్ కెమెరా వంటి ఫీచర్లు ఉంటాయి. Climber వెర్షన్‌లో రూఫ్ రైల్స్, బ్లాక్ క్లాడింగ్ వంటి ప్రత్యేక స్టైలింగ్ అంశాలు కూడా ఉన్నాయి.

మారుతి సుజుకి ఆల్టో K10

ఆటోమేటిక్ ట్రాన్స్‌మిషన్ వేరియంట్ల ధరలు రూ.4.97 లక్షల నుంచి ప్రారంభం.

Alto K10.. ఎస్-ప్రెస్సో కంటే పై స్థాయిలో ఉంటుంది. దీని ఆటోమేటిక్ ట్రాన్స్‌మిషన్ ధరలు రూ.4.97 లక్షల నుంచి ప్రారంభమవుతాయి. ఇందులో అదే 68 PS పవర్ ఉత్పత్తి చేసే 1-లీటర్ పెట్రోల్ ఇంజిన్‌ను అందించారు. ఇది 24.90 kmpl క్లెయిమ్డ్ మైలేజీని అందిస్తుంది. చిన్న పరిమాణం ఉన్నప్పటికీ సులభంగా డ్రైవ్ చేయగల స్వభావంతో ఆల్టో K10 తనదైన స్థానం సంపాదించుకుంటుంది.

ఆటోమేటిక్ ట్రాన్స్‌మిషన్ వేరియంట్లలో ఆపిల్ కార్ ప్లే, ఆండ్రాయిడ్ ఆటోతో కూడిన 7-అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్ వంటి ఫీచర్లు కూడా ఉన్నాయి. మాన్యువల్ ట్రాన్స్‌మిషన్ వేరియంట్లలో ఫ్యాక్టరీ-ఫిటెడ్ CNG ఆప్షన్ కూడా కొనసాగుతోంది.

మారుతి సుజుకి సెలెరియో

ఆటోమేటిక్ ట్రాన్స్‌మిషన్ వేరియంట్ల ధరలు రూ.5.63 లక్షల నుంచి ప్రారంభం.

Celerio చాలాకాలంగా మంచి మైలేజీకి పేరుగాంచింది. అదే సమయంలో ఆటోమేటిక్ హ్యాచ్‌బ్యాక్‌ను పొందేందుకు సరసమైన మార్గాల్లో ఇది కూడా ఒకటి. దీని VXi AMT ధర రూ.5.63 లక్షల నుంచి ప్రారంభమవుతుంది. ఇందులో 68 PS పవర్, 92 Nm టార్క్ ఉత్పత్తి చేసే 1-లీటర్ పెట్రోల్ ఇంజిన్ ఉంటుంది. AMT వెర్షన్ 26 kmpl క్లెయిమ్డ్ మైలేజీని అందిస్తుంది.

కాంపాక్ట్ పరిమాణం కారణంగా రద్దీగా ఉండే రోడ్లపై సెలెరియోను సులభంగా నడపవచ్చు. చిన్న హ్యాచ్‌బ్యాక్‌కు తగినట్లుగా క్యాబిన్ కూడా సాపేక్షంగా సౌకర్యవంతంగా ఉంటుంది. అధిక వేరియంట్లలో 7-అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్, Apple CarPlay, Android Auto, పుష్-బటన్ స్టార్ట్/స్టాప్ బటన్, కీ-లెస్ ఎంట్రీ వంటి ఫీచర్లు ఉంటాయి. CNG వెర్షన్ కూడా ఉంది. అయితే ఇది మాన్యువల్ గేర్‌బాక్స్‌తో మాత్రమే లభిస్తుంది.

మారుతి సుజుకి వ్యాగన్ ఆర్

ఆటోమేటిక్ ట్రాన్స్‌మిషన్ వేరియంట్ల ధరలు రూ.5.99 లక్షల నుంచి ప్రారంభం.

పైన పేర్కొన్న చిన్న హ్యాచ్‌బ్యాక్‌లకు భిన్నంగా, Wagon R తన టాల్-బాయ్ ఆకారంతో ఎక్కువ హెడ్‌రూమ్‌ను, విభిన్నమైన క్యాబిన్ లేఅవుట్‌ను అందిస్తుంది. దీని ఆటోమేటిక్ ట్రాన్స్‌మిషన్ రేంజ్ రూ.5.99 లక్షల నుంచి ప్రారంభమవుతుంది. వేరియంట్‌ను బట్టి 1-లీటర్, 1.2-లీటర్ పెట్రోల్ ఇంజిన్లు అందుబాటులో ఉన్నాయి. 1-లీటర్ ఇంజిన్ 68 PS పవర్, 91 Nm టార్క్‌ను, 1.2-లీటర్ ఇంజిన్ 91 PS పవర్, 114 Nm టార్క్‌ను ఉత్పత్తి చేస్తుంది.

వ్యాగన్ ఆర్ డిజైన్ కారణంగా మంచి హెడ్‌రూమ్, సాపేక్షంగా విశాలమైన క్యాబిన్‌ను అందించే ప్రాక్టికల్ ఆప్షన్‌గా నిలుస్తుంది. అధిక వేరియంట్లలో 7-అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్, ఆపిల్ కార్ ప్లే, ఆండ్రాయిడ్ ఆటో, కీ-లెస్ ఎంట్రీ, ఎలక్ట్రికల్‌గా అడ్జస్ట్ చేయగల ORVMలు వంటి ఫీచర్లు ఉన్నాయి.

టాటా టియాగో

ఆటోమేటిక్ ట్రాన్స్‌మిషన్ వేరియంట్ల ధరలు రూ.6 లక్షల నుంచి ప్రారంభం.

పెట్రోల్, CNG రెండు పవర్‌ట్రెయిన్ ఆప్షన్లతో AMTను అందిస్తున్న ఈ జాబితాలోని కొద్ది కార్లలో టాటా Tiago కూడా ఒకటి. పెట్రోల్ ఆటోమేటిక్ రేంజ్ Pure AMTతో రూ.6 లక్షల నుంచి ప్రారంభమవుతుంది. CNG-AMT వేరియంట్లు రేంజ్‌లో పై స్థాయిలో అందుబాటులో ఉన్నాయి. పెట్రోల్ ఇంజిన్ 85 PS పవర్‌ను, CNG వెర్షన్ 74 PS పవర్‌ను ఉత్పత్తి చేస్తుంది.

టాటా అధిక వేరియంట్లలో 10.25-అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్, 360-డిగ్రీ కెమెరా, వైర్‌లెస్ ఫోన్ ఛార్జర్ వంటి ఫీచర్లతో టియాగోను అప్‌డేట్ చేసింది. దీంతో పనితీరుకు ప్రాధాన్యం ఇస్తారా లేదా నిర్వహణ ఖర్చులకు ప్రాధాన్యం ఇస్తారా అనే దాని ఆధారంగా ఆటోమేటిక్ పెట్రోల్ లేదా CNG పవర్‌ట్రెయిన్‌ను ఎంచుకునే అవకాశం కొనుగోలుదారులకు లభిస్తుంది.

నిస్సాన్ మాగ్నైట్

ఆటోమేటిక్ ట్రాన్స్‌మిషన్ వేరియంట్ల ధరలు రూ.6.27 లక్షల నుంచి ప్రారంభం.

ఈ జాబితాలో చోటు దక్కించుకున్న తొలి SUV Nissan Magnite. దీని ఆటోమేటిక్ రేంజ్ Visia AMT వేరియంట్‌తో రూ.6.27 లక్షల నుంచి ప్రారంభమవుతుంది. దీంతో ఆటోమేటిక్ SUVను పొందేందుకు ఇది సరసమైన మార్గాల్లో ఒకటిగా నిలుస్తుంది. అధిక వేరియంట్లలో టర్బో-పెట్రోల్ ఇంజిన్, CVT ఆప్షన్ కూడా ఉన్నాయి.

వేరియంట్‌ను బట్టి 8-అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్, ఆటోమేటిక్ క్లైమేట్ కంట్రోల్, ముందు వరుస సీట్లకు వెంటిలేషన్, వైర్‌లెస్ ఆపిల్ కార్ ప్లే, ఆండ్రాయిడ్ ఆటో, 360-డిగ్రీ కెమెరా వంటి ఫీచర్లు లభిస్తాయి.

టాటా ఏరిస్

ఆటోమేటిక్ ట్రాన్స్‌మిషన్ వేరియంట్ల ధరలు రూ.6.70 లక్షల నుంచి ప్రారంభం.

ఈ జాబితాలో తాజాగా చేరిన మోడల్ టాటా ఏరిస్. అలాగే ఇక్కడ ఉన్న ఏకైక సెడాన్ కూడా ఇదే. దీని ఆటోమేటిక్ ట్రాన్స్‌మిషన్ వేరియంట్ రేంజ్ Pure Petrol AMTతో రూ.6.70 లక్షల నుంచి ప్రారంభమవుతుంది. CNG వెర్షన్లు కూడా AMTతో అందుబాటులో ఉన్నాయి.

ఏరిస్‌లో 1.2-లీటర్ నేచురల్లీ ఆస్పిరేటెడ్ పెట్రోల్ ఇంజిన్ ఉంటుంది. ఫ్యాక్టరీ-ఫిటెడ్ CNG ఆప్షన్ కూడా లభిస్తుంది. ఇందులో 419-లీటర్ల బూట్ ఉంది. వైర్‌లెస్ ఆండ్రాయిడ్ ఆటో, ఆపిల్ కార్ ప్లేతో కూడిన 10.25-అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్, ఆటోమేటిక్ క్లైమేట్ కంట్రోల్, క్రూయిజ్ కంట్రోల్, వెంటిలేటెడ్ ఫ్రంట్ సీట్లు వంటి ఫీచర్లు ఉన్నాయి. బ్లైండ్-స్పాట్ మానిటర్‌తో కూడిన 360-డిగ్రీ కెమెరా కూడా అందుబాటులో ఉంది.

హ్యుందాయ్ గ్రాండ్ i10 నియోస్

ఆటోమేటిక్ ట్రాన్స్‌మిషన్ వేరియంట్ల ధరలు రూ.7.21 లక్షల నుంచి ప్రారంభం.

హ్యుందాయ్ Grand i10 Niosలో 82 PS పవర్, 114 Nm టార్క్ ఉత్పత్తి చేసే 1.2-లీటర్ పెట్రోల్ ఇంజిన్‌కు 5-స్పీడ్ AMTను జత చేశారు. ఆటోమేటిక్ ట్రాన్స్‌మిషన్ వేరియంట్ల ధరలు రూ.7.21 లక్షల నుంచి ప్రారంభమవుతాయి. దీంతో ఈ జాబితాలోని చిన్న ఇంజిన్ హ్యాచ్‌బ్యాక్‌లకు భిన్నమైన ఆప్షన్‌గా ఇది నిలుస్తుంది. 8-అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్, వెనుక AC వెంట్లతో ఆటోమేటిక్ క్లైమేట్ కంట్రోల్, క్రూయిజ్ కంట్రోల్, రివర్స్ పార్కింగ్ కెమెరా, వైర్‌లెస్ ఫోన్ ఛార్జింగ్ వంటి ఫీచర్లు ఉన్నాయి.

హ్యుందాయ్ ఎక్స్‌టర్

ఆటోమేటిక్ ట్రాన్స్‌మిషన్ వేరియంట్ల ధరలు రూ.6.98 లక్షల నుంచి ప్రారంభం.

మాగ్నైట్ తర్వాత ఈ జాబితాలో చోటు దక్కించుకున్న రెండో SUV Hyundai Exter. దీని ఆటోమేటిక్ రేంజ్ HX3 AMTతో రూ.6.98 లక్షల నుంచి ప్రారంభమవుతుంది. ఇందులో 82 PS పవర్, 114 Nm టార్క్ ఉత్పత్తి చేసే అదే 1.2-లీటర్ పెట్రోల్ ఇంజిన్ ఉంటుంది.

వైర్‌లెస్ ఆపిల్ కార్ ప్లే, ఆండ్రాయిడ్ ఆటోతో కూడిన 8-అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్, ఆటోమేటిక్ క్లైమేట్ కంట్రోల్, వెనుక AC వెంట్లు, డ్యాష్‌క్యామ్ వంటి ఫీచర్లు ఎక్స్‌టర్‌లో ఉన్నాయి. అధిక వేరియంట్లలో సన్‌రూఫ్ కూడా ఉంటుంది. అలాగే అన్ని వేరియంట్లలో ఆరు ఎయిర్‌బ్యాగ్‌లు స్టాండర్డ్ సేఫ్టీ ఫీచర్‌గా ఉన్నాయి.

కార్దెకో ఏమి చెబుతున్నది…

మారుతి సుజుకి ఎస్-ప్రెస్సో, ఆల్టో K10 కార్లు ఆటోమేటిక్ ఆప్షన్‌ను రూ.5 లక్షల మార్క్‌కు అత్యంత దగ్గరగా తీసుకొస్తున్నాయి. ఇక సెలెరియో, వ్యాగన్ ఆర్ క్యాబిన్ స్పేస్, ప్రాక్టికాలిటీ విషయంలో మరో అడుగు ముందుకు వెళ్తాయి.

ధర పెరిగే కొద్దీ ఆప్షన్లు కూడా మరింత విస్తరిస్తాయి. టాటా టియాగో పెట్రోల్, CNG-AMT ఆప్షన్లను అందిస్తుండగా, నిస్సాన్ మాగ్నైట్ ఆటోమేటిక్ SUVను జాబితాలోకి తీసుకొస్తుంది. టాటా ఏరిస్ AMT సౌకర్యంతో సెడాన్‌ను అందిస్తుంది.

కాబట్టి ఈ దీపావళికి కొత్త కారు కొనుగోలు చేయాలని, ఎక్కువ మొత్తం ఖర్చు చేయకుండా ఆటోమేటిక్ కారు సౌకర్యాన్ని పొందాలని మీరు భావిస్తే.. ఇప్పుడు పరిగణనలోకి తీసుకోవడానికి అనేక ఆప్షన్లు ఉన్నాయి. అయితే తుది ఆన్-రోడ్ ధర మీ నగరం, రిజిస్ట్రేషన్ ఛార్జీలు, ఇన్సూరెన్స్, ఇతర ఖర్చుల ఆధారంగా మారుతుంది.

ఈ దీపావళికి వీటిలో ఏ ఆటోమేటిక్ కారును ఇంటికి తీసుకెళ్లాలని మీరు భావిస్తున్నారు? కింద కామెంట్లలో మాకు తెలియజేయండి.

అన్ని ధరలు ఎక్స్-షోరూమ్.