Kia Syros EV HTX Plus vs X-Line: వేరియంట్ల పోలికలు
టాప్-స్పెక్ X-Line వేరియంట్లో మాత్రమే లభించే రెండు కీలక సేఫ్టీ ఫీచర్లు
- ఒక వ్యాఖ్యను వ్రాయండి
రూ.20 లక్షల కంటే తక్కువ ధరలో ఎక్కువ ఫీచర్లతో కూడిన ఎలక్ట్రిక్ SUV కోసం చూస్తున్న వారికి ఇది సరైన సమయం! Kia ఇటీవల భారత మార్కెట్లో Syros EVని విడుదల చేసింది. ఇందులో మీరు కోరుకునే దాదాపు అన్ని ఫీచర్లను అందించింది. Syros EV మొత్తం 5 వేరియంట్లలో లభిస్తుంది. అవి HTK, HTK Plus, HTX, HTX Plus, X-Line. పూర్తి ప్యాకేజీ కావాలనుకునే వారికి HTX Plus సరిపోతుంది. అయితే మరింత ఆకర్షణీయమైన లుక్తో పాటు మరిన్ని ఫీచర్లు కావాలనుకుంటే X-Line వేరియంట్ను పరిశీలించాలి. HTX Plus కంటే అదనంగా చెల్లించే మొత్తానికి X-Lineలో ఏమేం ఫీచర్లు లభిస్తాయో ఈ పోలికలో చూద్దాం.
ధర
| మోడల్ |
Syros EV HTX Plus |
Syros EV X-Line ER |
| ధర |
రూ.19.50 లక్షలు |
రూ.20 లక్షలు |
HTX Plusతో పోలిస్తే X-Line వేరియంట్ ధర రూ.50,000 ఎక్కువ. ఈ అదనపు మొత్తానికి కొన్ని కీలకమైన ఫీచర్లు లభిస్తాయి. వాటి గురించి ఈ కథనంలో మరింత వివరంగా చూద్దాం.
సిరోస్ EV పూర్తి ధరల వివరాలను ఈ కథనంలో చూడవచ్చు.
ఎక్స్టీరియర్
సిరోస్ EV, ICE Syros ఆధారంగా రూపొందించబడినందున, దాని డిజైన్ లాంగ్వేజ్, ప్రొపోర్షన్స్ దాదాపు ఒకేలా ఉంటాయి. HTX Plus వేరియంట్ అన్ని కలర్ ఆప్షన్లలో లభిస్తుంది. అయితే X-Line వేరియంట్ కేవలం రెండు రంగుల్లో మాత్రమే అందుబాటులో ఉంటుంది. అవి ఎక్స్క్లూజివ్ మ్యాట్ గ్రాఫైట్, అరోరా బ్లాక్ పెర్ల్. వీటిలో ఎక్స్క్లూజివ్ మ్యాట్ గ్రాఫైట్ కలర్ కేవలం X-Line వేరియంట్కు మాత్రమే ప్రత్యేకం. దీంతో ఇది లైనప్లో ప్రత్యేకమైన ఆప్షన్గా నిలుస్తుంది.
సిరోస్ EVలో అందుబాటులో ఉన్న కలర్ ఆప్షన్ల గురించి పూర్తి వివరాలు తెలుసుకోవాలంటే, వేరియంట్ వారీగా కలర్స్ వివరించిన కథనాన్ని చూడవచ్చు.
ముందు భాగం
ముందు నుంచి చూస్తే రెండు వేరియంట్లు ఒకేలా కనిపిస్తాయి. పైకి లేపిన బంపర్ డిజైన్తో కూడిన ఫంకీగా, అదే సమయంలో గంభీరంగా కనిపించే ఫ్రంట్ ఫాసియా ఇందులో ఉంది. ముఖం రెండు చివర్లలో వర్టికల్గా ఏర్పాటు చేసిన హెడ్ల్యాంప్స్ కనిపిస్తాయి. ఇవి సైడ్ క్లాడింగ్తో కలిసిపోయి SUVకు గంభీరమైన లుక్ను ఇస్తాయి.
బంపర్లో బాడీ-కలర్ డిజైన్ ఎలిమెంట్స్ ఉంటాయి. వీటి మధ్యలో హారిజాంటల్గా ఏర్పాటు చేసిన ఫాగ్ ల్యాంప్స్ చక్కగా ఇన్గ్రేట్ చేయబడ్డాయి. ICE వెర్షన్లో చూసినట్లుగానే దిగువ ఎయిర్ డ్యామ్ పెద్దగా ఉంటుంది. అయితే ఇది EV కావడంతో, రిజిస్ట్రేషన్ ప్లేట్కు కొద్దిగా పైన ఉన్న ఎయిర్ డ్యామ్ను స్లీక్గా రూపొందించారు.
సైడ్
సైడ్ నుంచి చూస్తే సిరోస్ లోని బాక్సీ ప్రొఫైల్ అలాగే కొనసాగుతుంది. HTK వేరియంట్ నుంచి సిరోస్ EVలో ఫ్లష్ డోర్ హ్యాండిల్స్ లభిస్తాయి. అయితే HTX Plus, X-Line వేరియంట్లలో ఇవి ఆటోమేటిక్ పాప్-అప్ స్టైల్లో ఉంటాయి.
మందంగా ఉండే వీల్ క్లాడింగ్స్ హెడ్ల్యాంప్, టెయిల్ ల్యాంప్ యూనిట్లతో కలిసిపోయి SUVకు స్పోర్టీ లుక్ను ఇస్తాయి. X-Line వేరియంట్లో సైడ్ పార్కింగ్ సెన్సర్లు కూడా కనిపిస్తాయి. ఇవి HTX Plusలో ఉండవు. రూఫ్ రైల్స్, షార్క్ ఫిన్ యాంటెన్నా, ORVMలలో ఇన్గ్రేటెడ్ టర్న్ సిగ్నల్స్ కూడా అందుబాటులో ఉన్నాయి.
వెనుక భాగం
వెనుక భాగంలో సిరోస్ EVలో ఫ్లాట్ టెయిల్గేట్ ఉంటుంది. ఇందులో లో-సెట్ టెయిల్ ల్యాంప్ సెటప్ ఉండగా, రియర్ విండ్షీల్డ్ బయట అంచుల్లో సెకండరీ టెయిల్ ల్యాంప్స్ ఏర్పాటు చేశారు. పైభాగంలో చిన్న ఇన్గ్రేటెడ్ స్పాయిలర్ కూడా ఉంది.
ఇంటీరియర్
ఇంటీరియర్ డిజైన్ దాదాపు ఒకేలా ఉన్నప్పటికీ, HTX Plus, X-Line వేరియంట్లు మాకు భిన్నమైన అనుభూతిని కలిగించాయి. ఓనిక్స్ బ్లాక్, ఆఫ్ వైట్ కలర్ థీమ్తో ఉన్న HTX Plus క్యాబిన్ విశాలంగా, ఖరీదైన అనుభూతిని కలిగించింది. అదే సమయంలో X-Lineలో ఓనిక్స్ బ్లాక్, హంటర్ గ్రీన్ కలర్ థీమ్తో మరింత స్పోర్టీ అనుభూతి కలిగింది. రెండు SUVల్లోనూ లెదరెట్తో కవర్ చేసిన స్టీరింగ్ వీల్, లెదరెట్ సీట్లు ఉంటాయి.
Syrosలో చూసిన ట్రిపుల్ డిస్ప్లే సెటప్ ఇందులోనూ కొనసాగుతుంది. ఇందులో 12.3-అంగుళాల టచ్స్క్రీన్ ఇన్ఫోటైన్మెంట్ డిస్ప్లే, 12.3-అంగుళాల పూర్తిగా డిజిటల్ ఇన్స్ట్రుమెంట్ క్లస్టర్, క్లైమేట్ కంట్రోల్ కోసం 5-అంగుళాల డిస్ప్లే ఉన్నాయి.
లోయర్ వేరియంట్లలో టూ-స్పోక్ స్టీరింగ్ సెటప్ లభిస్తుంది. అయితే HTX Plus, X-Line వేరియంట్లలో కియా Seltos చూసిన త్రీ-స్పోక్ స్టీరింగ్ వీల్ ఉంటుంది. దీనికి అదనంగా X-Lineలో ఫుట్వెల్ ల్యాంప్, 64-కలర్ యాంబియంట్ లైటింగ్ సెటప్ లభిస్తాయి. ఇవి రాత్రి సమయంలో డ్రైవింగ్ అనుభవాన్ని మరింత మెరుగుపరుస్తాయి.
ఫీచర్లు & సేఫ్టీ
కియా సిరోస్ EVతో మేము నిర్వహించిన విస్తృత టెస్టింగ్ సమయంలో, HTX Plus, X-Line రెండు వేరియంట్లూ కంఫర్ట్, కన్వీనియన్స్ ఫీచర్ల పరంగా, సేఫ్టీ పరంగా మంచి ప్యాకేజీగా అనిపించాయి. ఇందులో పనోరమిక్ సన్రూఫ్, వైర్లెస్ ఆండ్రాయిడ్ ఆటో, ఆపిల్ కార్ ప్లేతో కూడిన 12.3-అంగుళాల టచ్స్క్రీన్ ఇన్ఫోటైన్మెంట్ డిస్ప్లే, పూర్తిగా డిజిటల్ ఇన్స్ట్రుమెంట్ క్లస్టర్, ముందు మరియు వెనుక వెంటిలేటెడ్ సీట్లు, ఆటోమేటిక్ పాప్-అప్ డోర్ హ్యాండిల్స్ (HTX Plus, X-Line వేరియంట్లకు మాత్రమే ప్రత్యేకం), వైర్లెస్ ఫోన్ ఛార్జర్, 4-వే పవర్డ్ డ్రైవర్ సీట్, హార్మాన్ కార్డన్ 8-స్పీకర్ సౌండ్ సిస్టమ్, కనెక్టెడ్ కార్ టెక్నాలజీ వంటి ఫీచర్లు ఉన్నాయి.
X-Line వేరియంట్లో మరిన్ని కంఫర్ట్, కన్వీనియన్స్ ఫీచర్లు లభిస్తాయి. వీటిలో పుడిల్ ల్యాంప్, ఫుట్వెల్ ల్యాంప్, 64-కలర్ యాంబియంట్ లైటింగ్, వెహికల్-టు-లోడ్ (V2L) రివర్స్ ఛార్జింగ్ సామర్థ్యం ఉన్నాయి.
సేఫ్టీ విషయానికి వస్తే, కియా సిరోస్ EVలోని HTX Plus, X-Line రెండు వేరియంట్లలోనూ బిల్ట్-ఇన్ డ్యాష్క్యామ్, 360-డిగ్రీ కెమెరా, ఆటో-డిమ్మింగ్ IRVM (ఇన్సైడ్ రియర్ వ్యూ మిర్రర్), 6 ఎయిర్బ్యాగ్స్, ABSతో EBD, ఎలక్ట్రానిక్ స్టెబిలిటీ కంట్రోల్ (ESC), హిల్ స్టార్ట్ అసిస్ట్ కంట్రోల్ (HAC), టైర్ ప్రెజర్ మానిటరింగ్ సిస్టమ్ (TPMS), ముందు మరియు వెనుక పార్కింగ్ సెన్సర్లు ఉన్నాయి. వీటికి అదనంగా X-Line వేరియంట్లో సైడ్ పార్కింగ్ సెన్సర్లు, 16 ఫీచర్లతో కూడిన లెవెల్-2 ADAS లభిస్తుంది. ఇవి ప్రమాదాలను ముందుగానే గుర్తించి, కీలక పరిస్థితుల్లో డ్రైవింగ్ సేఫ్టీని మెరుగుపరచడంలో సహాయపడతాయి.
| ఎలక్ట్రిక్ వెర్షన్కే ప్రత్యేకంగా ADAS! సిరోస్ ICE వెర్షన్ను ADASతో విడుదల చేసినప్పటికీ, మోడల్-ఇయర్ అప్డేట్లో ఆ ఫీచర్ను తొలగించారు. ఇప్పుడు ADAS ఫీచర్ సిరోస్ EVలో మాత్రమే ప్రత్యేకంగా లభిస్తుంది. |
సిరోస్ EVలో HTX, HTX ER, HTX Plus ER వేరియంట్ల మధ్య గందరగోళంగా ఉందా? మరింత సమాచారం కోసం ఈ పోలికను చూడవచ్చు.
డ్రైవ్ట్రెయిన్ ఆప్షన్లు
కియా సిరోస్ EVలో HTX Plus, X-Line రెండు వేరియంట్లూ కేవలం ఒకే బ్యాటరీ ప్యాక్తో అందుబాటులో ఉన్నాయి. ఇది 51.4 kWh ఎక్స్రెండెడ్ రేంజ్ బ్యాటరీ ఆప్షన్.
| వివరాలు |
Syros EV |
| బ్యాటరీ |
51.4 kWh (Extended Range) |
| ఎలక్ట్రిక్ మోటార్ల సంఖ్య |
1 |
| క్లెయిమ్డ్ రేంజ్ (MIDC Part 1 + Part 2) |
526 కి.మీ |
| పవర్ |
171 PS |
| టార్క్ |
255 Nm |
కియా సిరోస్ EVలోని పవర్ట్రెయిన్ ఆప్షన్ల విషయంలో గందరగోళంగా ఉంటే, Syros EV వేరియంట్ వారీగా డ్రైవ్ట్రెయిన్ వివరాలను చూడవచ్చు.
ప్రత్యర్థులు
కియా సిరోస్ EVకు- Tata Nexon EV, VinFast VF6, Mahindra XUV 3XO EV, MG Windsor EV ప్రధాన ప్రత్యర్థులుగా ఉన్నాయి.
కార్దెకో ఏమి చెబుతోంది...
మొదటి డ్రైవ్ అనుభవంలో కియా సిరోస్ EVను నడిపినప్పుడు, ట్రిపుల్-స్క్రీన్ లేఅవుట్, పనోరమిక్ సన్రూఫ్, ముందు మరియు వెనుక వెంటిలేటెడ్ సీట్లు, కనెక్టెడ్ కార్ టెక్నాలజీ ఫీచర్లు, లెదరెట్ ఇంటీరియర్తో కూడిన ప్రీమియం క్యాబిన్ లేఅవుట్ వంటి అంశాలతో Syros EV HTX Plus, X-Line వేరియంట్లు ఫీచర్లతో నిండినవిగా అనిపించాయి. ఎక్కువ ఫీచర్లతో ఎలక్ట్రిక్ SUVను కోరుకునే వారికి ఇవి సరైన ఎంపికలుగా నిలుస్తాయి.
అదనంగా రూ.50,000 చెల్లిస్తే X-Line వేరియంట్లో లెవెల్-2 ADAS సూట్, యాంబియంట్ లైటింగ్, ఫుట్వెల్ ల్యాంప్, పుడిల్ ల్యాంప్ వంటి ఫీచర్లు లభిస్తాయి. దీంతో ఇప్పటికే మంచి ఫీచర్లతో ఉన్న HTX Plus కంటే X-Line మరింత ప్రీమియం అనుభూతిని అందిస్తుంది. అందువల్ల X-Line వేరియంట్కు ఉన్న అదనపు ధర సమర్థించదగినదే!
