2026 Scorpio N Facelift టాప్ మోడల్ Z8L: వేరియంట్ వివరాలు
స్కార్పియో N ఫేస్లిఫ్ట్లోని Z8L వేరియంట్, Z8Tతో పోలిస్తే అదనపు కీలకమైన సేఫ్టీ ఫీచర్లను అందిస్తుంది
- ఒక వ్యాఖ్యను వ్రాయండి
మహీంద్రా ఇటీవల Scorpio N Faceliftను స్వల్పంగా అప్డేట్ చేసిన డిజైన్, రిఫ్రెష్ చేసిన డ్యాష్బోర్డ్తో పాటు, మహీంద్రా ఇందులో అందించాలని మేము కోరుకున్న అన్ని ఫీచర్లతో విడుదల చేసింది! స్కార్పియో N మొత్తం ఏడు వేరియంట్లలో అందుబాటులో ఉంది. అన్ని ఆధునిక ఫీచర్లతో పాటు 4WD సామర్థ్యం కలిగిన SUV కోసం చూస్తున్నట్లయితే, ఈ కథనం ద్వారా స్కార్పియో N ఫేస్లిఫ్ట్లోని Z8L వేరియంట్ను వివరంగా పరిశీలిద్దాం.
ధర
స్కార్పియో N ఫేస్లిఫ్ట్లోని టాప్-మోడల్ Z8L వేరియంట్కు సంబంధించిన పూర్తి ధరల పట్టిక ఇదిగో:
| వేరియంట్ |
పెట్రోల్ |
డీజిల్ |
||||
| MT |
AT |
MT |
AT |
MT 4WD |
AT 4WD |
|
| Z8L (7-సీటర్) |
రూ. 21.31 లక్షలు |
రూ. 22.87 లక్షలు |
రూ. 21.99 లక్షలు |
రూ. 23.49 లక్షలు |
రూ. 24.25 లక్షలు |
రూ. 25.49 లక్షలు |
| Z8L (6-సీటర్) |
రూ. 21.69 లక్షలు |
రూ. 23.05 లక్షలు |
రూ. 22.47 లక్షలు |
రూ. 23.80 లక్షలు |
- |
- |
స్కార్పియో N ఫేస్లిఫ్ట్లోని Z8L వేరియంట్ 6-సీటర్ లేదా 7-సీటర్ కాన్ఫిగరేషన్లో అందుబాటులో ఉంది. 7-సీటర్ కాన్ఫిగరేషన్లోని Z8L అన్ని పవర్ట్రెయిన్ కాంబినేషన్లలో లభిస్తుంది. అయితే 6-సీటర్ కాన్ఫిగరేషన్లోని Z8Lలో 4WD కాంబినేషన్ అందుబాటులో లేదు.
ఎక్స్టీరియర్
ముందు భాగం
స్కార్పియో Nకు ఎంతో ఆదరణ పొందిన బలమైన ఫ్రంట్ డిజైన్ను మహీంద్రా అలాగే కొనసాగించింది. పెద్ద గ్రిల్, LED టెయిల్ ల్యాంప్స్, తేలు తోకను పోలిన LED DRLs అన్నీ అలాగే కొనసాగాయి. గ్రిల్పై ఉన్న క్రోమ్ ఇన్సర్ట్స్తో పాటు ట్విన్-పీక్ మహీంద్రా లోగో SUVకి మరింత భారీ, ఆకట్టుకునే రూపాన్ని అందిస్తున్నాయి.
సైడ్
సైడ్ ప్రొఫైల్లో Z8L వేరియంట్ కొత్తగా డిజైన్ చేసిన డ్యూయల్-టోన్ 18-అంగుళాల అల్లాయ్ వీల్స్పై నడుస్తుంది. రూఫ్ రైల్స్, విండో లైన్పై ఉన్న క్రోమ్ ఇన్సర్ట్ వెనుక భాగంలో స్కార్పియన్ టెయిల్ ఆకారంలోకి మారడం వల్ల స్కార్పియో N ఫేస్లిఫ్ట్కు స్పోర్టీ లుక్ వస్తుంది.
వెనుక భాగం
వెనుక డిజైన్ కూడా పాత మోడల్తో పోలిస్తే అలాగే ఉంది. నిలువుగా అమర్చిన పెద్ద టెయిల్ ల్యాంప్స్, పక్కకు తెరుచుకునే టెయిల్గేట్, ఇంటిగ్రేటెడ్ స్పాయిలర్ ఇవన్నీ కలిసి స్పోర్టీ లుక్ను అందిస్తున్నాయి. బంపర్ దిగువ భాగంలో సిల్వర్ ఇన్సర్ట్ కూడా ఉంది. ఇది SUVకి కొంత ప్రీమియం టచ్ను అందిస్తుంది.
ఇంటీరియర్
స్కార్పియో N ఫేస్లిఫ్ట్లోకి అడుగుపెట్టగానే ముందుగా మన దృష్టిని ఆకర్షించేది పెద్ద ఫ్లోటింగ్ ఇన్ఫోటైన్మెంట్ స్క్రీన్, అలాగే Thar Roxxలో చూసిన పూర్తిగా డిజిటల్ ఇన్స్ట్రుమెంట్ క్లస్టర్. Z8S వేరియంట్ నుంచి స్కార్పియో N ఫేస్లిఫ్ట్లో 12.3-అంగుళాల పెద్ద ఇన్ఫోటైన్మెంట్ స్క్రీన్ అందుబాటులో ఉంటుంది. దిగువ వేరియంట్లలో 8-అంగుళాల యూనిట్ ఉంటుంది. 10.25-అంగుళాల పూర్తిగా డిజిటల్ ఇన్స్ట్రుమెంట్ క్లస్టర్ కూడా ఇంటీరియర్లో ప్రధాన ఆకర్షణగా నిలుస్తుంది.
డ్యాష్బోర్డ్ను కూడా రీడిజైన్ చేశారు. ఇన్ఫోటైన్మెంట్ స్క్రీన్కు కింద సన్నని AC వెంట్స్ను అమర్చారు. డ్యూయల్-టోన్ బ్లాక్, బ్రౌన్ థీమ్తో పాటు సెంటర్ కన్సోల్పై ఉన్న సిల్వర్ ఎలిమెంట్ ఇంటీరియర్కు ప్రీమియం అనుభూతిని అందిస్తుంది. స్కార్పియో N ఫేస్లిఫ్ట్లో మాకు నచ్చిన మరో అప్డేట్ పనోరమిక్ సన్రూఫ్. ఇది క్యాబిన్లో మరింత విశాలమైన, ఎలివేటెడ్ అనుభూతిని అందిస్తుంది.
ఫీచర్లు & సేఫ్టీ
గతంలో స్కార్పియో Nను పరీక్షిస్తున్నప్పుడు SUVలో కొన్ని ముఖ్యమైన ఫీచర్లు లేకపోవడాన్ని మేము గమనించాం. అయితే ఫేస్లిఫ్ట్తో మహీంద్రా ఆ లోటుపాట్లన్నింటినీ భర్తీ చేసి స్కార్పియో Nను పూర్తి ప్యాకేజీగా మార్చింది. టాప్ వేరియంట్ కావడంతో Z8Lలో అన్ని కీలకమైన ఫీచర్లు ఉన్నాయి. ఇందులో వైర్లెస్ ఆండ్రాయిడ్ ఆటో ఆపిల్ కార్ ప్లే కనెక్టివిటీతో కూడిన 12.3-అంగుళాల టచ్స్క్రీన్ ఇన్ఫోటైన్మెంట్ స్క్రీన్, 10.25-అంగుళాల పూర్తిగా డిజిటల్ ఇన్స్ట్రుమెంట్ క్లస్టర్, ముందు భాగంలో 65W టైప్-C ఛార్జింగ్ పోర్ట్, పనోరమిక్ సన్రూఫ్, వెంటిలేటెడ్ ఫ్రంట్ సీట్లు, డ్యూయల్-జోన్ క్లైమేట్ కంట్రోల్, కూలింగ్తో కూడిన వైర్లెస్ ఫోన్ ఛార్జర్, 6-వే పవర్ అడ్జస్టబుల్ డ్రైవర్ సీటు, 12-స్పీకర్ సోనీ సౌండ్ సిస్టమ్ ఉన్నాయి.
సేఫ్టీ విషయానికి వస్తే, స్కార్పియో N ఫేస్లిఫ్ట్ Z8Lలో మునుపటి మోడల్ను డ్రైవ్ చేస్తున్న సమయంలో మేము మిస్ చేసిన అత్యంత ముఖ్యమైన ఫీచర్లలో ఒకటైన 540-డిగ్రీ కెమెరా ఉంది. 540-డిగ్రీ కెమెరా చేరడంతో ఇరుకైన రోడ్లలో SUVను సులభంగా మానీవర్ చేయవచ్చు. అలాగే ఇరుకైన ప్రదేశాల్లో పార్కింగ్ చేయడం, ఆఫ్-రోడింగ్ సమయంలో కూడా ఇది సహాయపడుతుంది. ఇతర సేఫ్టీ ఫీచర్లలో 6 ఎయిర్బ్యాగ్స్, 10 సేఫ్టీ మరియు అసిస్టెన్స్ ఫంక్షన్లతో కూడిన లెవెల్-2 ADAS, టైర్ ప్రెజర్ మానిటరింగ్ సిస్టమ్ (TPMS), ఎలక్ట్రానిక్ స్టెబిలిటీ కంట్రోల్ (ESC), ISOFIX చైల్డ్ సీట్ మౌంట్స్, హిల్ హోల్డ్ అసిస్ట్ ఉన్నాయి. టాప్-స్పెక్ వేరియంట్కు కింద ఉండే Z8Tలో ADAS, బ్లైండ్ వ్యూ మానిటర్, 540-డిగ్రీ కెమెరా వంటి ఫీచర్లు ఉండవు. మునుపటి తరం స్కార్పియో N గ్లోబల్ NCAP సేఫ్టీ రేటింగ్లో 5 స్టార్ రేటింగ్ సాధించినందున, ఇదే ప్లాట్ఫామ్, అండర్పిన్నింగ్స్ను కొనసాగిస్తున్న ఫేస్లిఫ్ట్ కూడా అదే గుర్తింపును కొనసాగించే అవకాశం ఉంది.
పవర్ట్రెయిన్ ఆప్షన్స్
ఫేస్లిఫ్ట్లో మహీంద్రా ప్రస్తుతం ఉన్న మోడల్లో అందిస్తున్న అదే పవర్ట్రెయిన్ ఆప్షన్లను కొనసాగించింది. ఇందులో 2-లీటర్ టర్బో-పెట్రోల్ ఇంజిన్, 2.2-లీటర్ డీజిల్ ఇంజిన్ ఉన్నాయి. వాటి పూర్తి స్పెసిఫికేషన్లు ఇవి:
| ఇంజిన్ |
2-లీటర్ టర్బో-పెట్రోల్ mStallion |
2.2-లీటర్ డీజిల్ mHawk |
| శక్తి |
203 PS |
175 PS వరకు |
| టార్క్ |
380 Nm వరకు |
400 Nm వరకు |
| ట్రాన్స్మిషన్ |
6-స్పీడ్ MT/6-స్పీడ్ AT |
6-స్పీడ్ MT/6-స్పీడ్ AT |
| డ్రైవ్ ట్రైన్ |
RWD |
RWD/4WD |
ప్రత్యర్థులు
స్కార్పియో Nకు Hyundai Alcazar, Mahindra XUV 7XO, Tata Safari, MG Hector వంటి మోనోకాక్ SUVలు ప్రత్యామ్నాయాలుగా నిలుస్తాయి. Toyota Innova Crystaను కూడా పరిగణించవచ్చు. ఎందుకంటే అది కూడా బాడీ-ఆన్-ఫ్రేమ్ వాహనమే.
కార్దెకో ఏమి చెబుతోంది...
స్కార్పియో Nను ఎక్కువ కాలం పాటు ఉపయోగించి పరిశీలించినప్పుడు, ఈ SUV డిజైన్ కాలాతీతంగా ఉండటంతో పాటు SUV అభిమానులను ఆకట్టుకునే భారీ, రగ్డ్ రూపాన్ని కలిగి ఉందని మేము గమనించాం. స్కార్పియో Nను ఎక్కడికి తీసుకెళ్లినా అక్కడ చాలా మంది దృష్టిని ఆకర్షించింది. లాంగ్ టూరింగ్ సామర్థ్యం, అప్డేటెడ్ క్యాబిన్, అధునాతన సేఫ్టీ ఫీచర్లు, బలమైన మరియు ఇప్పటికే నిరూపితమైన పవర్ట్రెయిన్ ఆప్షన్లు, ఫోర్-వీల్ డ్రైవ్ సామర్థ్యం వంటి అంశాలతో, కుటుంబం కోసం ఒక SUVను కొనుగోలు చేసి అప్పుడప్పుడు దానితో ఆఫ్-రోడింగ్ చేయాలనుకునేవారికి స్కార్పియో Nను తప్పకుండా పరిశీలించాలి. ఇక Z8L వేరియంట్ విషయానికి వస్తే, టాప్కు కింద ఉండే Z8Tతో పోలిస్తే 540-డిగ్రీ కెమెరా, లెవెల్-2 ADAS సూట్ వంటి అదనపు ఫీచర్లు లభిస్తాయి. కాబట్టి అదనంగా చెల్లించే డబ్బుకు ఇవి సమర్థనీయమైన ఫీచర్లే!
