2026 Tata Aeris బుకింగ్స్ ప్రారంభం: బుకింగ్ మొత్తం, ఆన్లైన్ ప్రక్రియ & డెలివరీ తేదీ వివరాలు
ఇప్పుడు రూ.11,000తో ఏరిస్ను బుక్ చేసుకోవచ్చు.. ఈ నెల చివరి నుంచి డెలివరీలు ప్రారంభమయ్యే అవకాశం
- ఒక వ్యాఖ్యను వ్రాయండి
Tata Aeris కాంపాక్ట్ సెడాన్కు ఇటీవల ఫేస్లిఫ్ట్ వచ్చింది. ఇందులో కొత్త ఫీచర్లు, అప్డేటెడ్ డిజైన్, మార్పులు చేసిన ఇంటీరియర్తో పాటు ఎన్నో మార్పులు చేశారు. ఏరిస్ ధర రూ.5.29 లక్షల (ఎక్స్-షోరూమ్) నుంచి ప్రారంభమై రూ.9.74 లక్షల (ఎక్స్-షోరూమ్) వరకు ఉంది.
ఫేస్లిఫ్ట్ ఏరిస్ను ఇంటికి తీసుకురావాలని చూస్తున్నట్లయితే, దీని బుకింగ్కు సంబంధించిన తెలుసుకోవాల్సిన పూర్తి వివరాలు ఇవి:
మీ టాటా ఏరిస్ను ఎలా బుక్ చేసుకోవాలి?
2026 టాటా ఏరిస్ను టాటా అధికారిక వెబ్సైట్ ద్వారా బుక్ చేసుకోవచ్చు. లేదా మీకు సమీపంలోని టాటా డీలర్షిప్కు వెళ్లి కూడా బుక్ చేసుకోవచ్చు. ఇప్పుడు బుకింగ్ ప్రక్రియను చూద్దాం:
ఆన్లైన్లో బుకింగ్
ఆన్లైన్లో బుకింగ్ చేయాలంటే టాటా కార్స్ అధికారిక వెబ్సైట్ను సందర్శించి, బుకింగ్ పేజీకి వెళ్లి, కింది దశలను అనుసరించాలి.
- మీకు నచ్చిన వాహనాన్ని ఎంచుకోండి - ఏరిస్
- ‘Book Now’ బటన్పై క్లిక్ చేయండి. దీంతో మీరు ఎంచుకున్న కారు కోసం కాన్ఫిగరేటర్ ఓపెన్ అవుతుంది.
- తర్వాత మీకు నచ్చిన ఇంజిన్, ట్రాన్స్మిషన్ను ఎంచుకోండి.
- ఇప్పుడు మీ పర్సోనాను ఎంచుకోండి - Smart, Pure, Pure Plus, Pure Plus A, Creative, Accomplished.
- మీకు నచ్చిన రంగును ఎంచుకోండి.
- అనంతరం మీ వ్యక్తిగత వివరాలు, బిల్లింగ్ అడ్రస్ను నమోదు చేయండి.
- డెలివరీ తీసుకోబోయే మీ నగరంలోని మీకు నచ్చిన డీలర్షిప్ను ఎంచుకోండి.
- రూ.11,000 బుకింగ్ మొత్తాన్ని చెల్లించి మీ ఆర్డర్ను ప్లేస్ చేయండి.
ఏరిస్ను ఆన్లైన్లో బుక్ చేసుకోవడం సౌకర్యవంతంగా ఉంటుంది. అయితే మీరు వ్యక్తిగతంగా డీలర్ను సంప్రదించి బుక్ చేసుకోవాలనుకుంటే, డీలర్షిప్ ద్వారా ఏరిస్ను ఎలా బుక్ చేసుకోవాలో ఇక్కడ తెలుసుకోవచ్చు:
డీలర్షిప్ ద్వారా బుకింగ్:
- కొత్త ఏరిస్ను బుక్ చేసుకోవడానికి మీకు సమీపంలోని లేదా మీరు ఇష్టపడే టాటా డీలర్షిప్కు వెళ్లవచ్చు.
- ఒక సేల్స్పర్సన్ను మీకు కేటాయిస్తారు. వారు కారును మీకు పూర్తిగా చూపిస్తూ వాక్-అరౌండ్ ఇస్తారు.
- ఈ ప్రక్రియ తర్వాత ఆన్లైన్ బుకింగ్ సమయంలో అందించినట్లుగానే మీ వ్యక్తిగత వివరాలను అందించాలి.
- తర్వాత టాటా ఏరిస్లో మీకు నచ్చిన వేరియంట్, పవర్ట్రెయిన్ ఆప్షన్, ఎక్స్టీరియర్, ఇంటీరియర్ కలర్ ఆప్షన్లను నిర్ధారించుకుని బుకింగ్ ఫీజును చెల్లించాలి.
| ముఖ్యమైనది: కారును బుక్ చేసుకునే ముందు మీ కుటుంబంతో కలిసి పూర్తిస్థాయి టెస్ట్ డ్రైవ్ తీసుకోవాలని మేము సూచిస్తున్నాం. అలాగే క్యాన్సిలేషన్ ప్రక్రియకు సంబంధించిన నిబంధనలు, షరతులను అడిగి తెలుసుకోండి. డెలివరీ టైమ్లైన్ను కూడా చెక్ చేయండి. ఎందుకంటే ఎంచుకున్న వేరియంట్, ఇతర అంశాల ఆధారంగా ఇవి మారవచ్చు. |
డెలివరీ టైమ్లైన్
టాటా ఏరిస్ డెలివరీలు 11 అక్టోబర్ 2026 నుంచి ప్రారంభమవుతాయి. మీరు ఎంచుకున్న వేరియంట్, కలర్ ఆధారంగా ఈ కాంపాక్ట్ సెడాన్ను చాలా త్వరగానే అందుకునే అవకాశం ఉంది. వేరియంట్ల గురించి మరింత వివరంగా తెలుసుకోవడానికి ఈ స్టోరీని చూడండి.
2026 టాటా ఏరిస్: ఓవర్ వ్యూ
కొత్త ఏరిస్లో రీడిజైన్ చేసిన లుక్, లైట్ క్యాబిన్ థీమ్తో అప్డేటెడ్ ఇంటీరియర్స్ ఉన్నాయి. ఇందులో DRLలను ఇంటిగ్రేట్ చేసిన స్లీక్ హెడ్ల్యాంప్స్తో కొత్త ఫ్రంట్ డిజైన్, పియానో బ్లాక్ గ్రిల్, స్కల్ప్టెడ్ బంపర్లు ఉన్నాయి. వెనుక భాగంలో LED కనెక్టెడ్ టెయిల్ ల్యాంప్స్ ఉన్నాయి. వీటితో పాటు వీల్ ఆర్చ్ క్లాడింగ్, ఆకట్టుకునే 15-అంగుళాల డ్యూయల్-టోన్ అల్లాయ్ వీల్స్, అప్డేటెడ్ కలర్ పాలెట్ ఉన్నాయి.
ఇంటీరియర్లో డ్యాష్బోర్డ్ను అప్డేట్ చేశారు. ఇందులో ఫ్రీ-స్టాండింగ్ స్క్రీన్లు, మినిమల్ డిజైన్ ఉన్నాయి. 10.25-అంగుళాల టచ్స్క్రీన్ ఇన్ఫోటైన్మెంట్ సిస్టమ్, డిజిటల్ ఇన్స్ట్రుమెంట్ క్లస్టర్, ఆడియో కంట్రోల్స్తో కూడిన కొత్త టూ-స్పోక్ స్టీరింగ్ వీల్, డ్యూయల్-టోన్ బేజ్, వైట్ కలర్ స్కీమ్ ఉన్నాయి.
టెక్నాలజీ విషయానికి వస్తే, డ్యూయల్ వైర్లెస్ ఫోన్ ఛార్జర్లు, వైర్లెస్ ఆండ్రాయిడ్ ఆటో, ఆపిల్ కార్ప్లే, 6-స్పీకర్ సౌండ్ సిస్టమ్, డిజిటల్ ఇన్స్ట్రుమెంట్ క్లస్టర్, ఆటోమేటిక్ క్లైమేట్ కంట్రోల్, ఎలక్ట్రిక్ సన్రూఫ్, రియర్ AC వెంట్స్ వంటి ఫీచర్లు ఉన్నాయి.
సేఫ్టీ పరంగా 6 ఎయిర్బ్యాగులు, బ్లైండ్-స్పాట్ మానిటర్తో కూడిన కొత్త 360-డిగ్రీ కెమెరా, ఎలక్ట్రానిక్ స్టెబిలిటీ కంట్రోల్ (ESC), హిల్ హోల్డ్ కంట్రోల్ (HHC), రియర్ పార్కింగ్ సెన్సార్లు, టైర్ ప్రెజర్ మానిటరింగ్ సిస్టమ్ (TPMS), రియర్ డీఫాగర్ వంటి ఫీచర్లు ఉన్నాయి.
పవర్ట్రెయిన్లు
కొత్త ఏరిస్లో టియాగోలో ఉన్న అవే ఇంజిన్ ఆప్షన్లను అందిస్తున్నారు. ఇందులో 1.2-లీటర్ నేచురల్లీ ఆస్పిరేటెడ్ పెట్రోల్ ఇంజిన్తో మాన్యువల్, ఆటోమేటిక్ గేర్బాక్స్ ఆప్షన్లు ఉన్నాయి.
ఏరిస్లో ఫ్యాక్టరీ-ఫిటెడ్ డ్యూయల్-సిలిండర్ CNG కిట్ కూడా ఉంది.
దీని పూర్తి స్పెసిఫికేషన్లు ఇవి:
| ఇంజిన్ |
1.2-లీటర్ నేచురల్లీ ఆస్పిరేటెడ్ పెట్రోల్ |
1.2-లీటర్ నేచురల్లీ ఆస్పిరేటెడ్ పెట్రోల్ + CNG |
| పవర్ |
86 PS |
75 PS CNG |
| టార్క్ |
113 Nm |
96.5 Nm CNG |
| ట్రాన్స్మిషన్ |
5-స్పీడ్ MT / 5-స్పీడ్ AMT |
5-స్పీడ్ MT / 5-స్పీడ్ AMT |
*MT- మాన్యువల్ ట్రాన్స్మిషన్, AMT- ఆటోమేటెడ్ మాన్యువల్ ట్రాన్స్మిషన్
ధర & ప్రత్యర్థులు
కొత్త ఏరిస్ ధర రూ.5.29 లక్షల (ఎక్స్-షోరూమ్) నుంచి ప్రారంభమవుతుంది. ఇది మంచి విలువను అందిస్తుంది. మరిన్ని వివరాల కోసం మా లాంచ్ స్టోరీను కూడా చూడవచ్చు.
ఇది Maruti Dzire, Honda Amaze, Hyundai Aura వంటి కాంపాక్ట్ సెడాన్లతో పోటీ పడుతుంది.
