அடுத்தடுத்து மாஸ் காட்டப்போகும் மஹிந்திரா: ஜூன் 2027-க்குள் வரும் 4 புதிய கார்கள் இவைதான்!
இந்த வரிசையில் முற்றிலும் புதிய மாடல்கள், எலெக்ட்ரிக் வாகனங்கள் மற்றும் தற்போது ஷோரூம்களில் விற்பனையாகும் காரின் ஃபேஸ்லிஃப்ட் வெர்ஷன் ஆகியவை இடம்பெற்றுள்ளன.
- ஒரு கருத்தை எழுதுக
| எங்களின் 50 அதிர்ஷ்டசாலி வாசகர்களுக்கு பிரத்யேக கார் வாங்கும் அனுபவ வழிகாட்டலை நாங்கள் வழங்குகிறோம். இதன் மூலம் நீங்கள் நேரடியாக ஒரு ஆட்டோமொபைல் நிபுணரிடம் பேசி உங்கள் சந்தேகங்கள் அனைத்தையும் தீர்த்துக் கொள்ள முடியும். உடனே இந்த படிவத்தைப் பூர்த்தி செய்யுங்கள். நீங்கள் அந்த அதிர்ஷ்டசாலிகளுள் ஒருவராக இருந்தால் விரைவில் உங்களைத் தொடர்பு கொள்வோம். |
சமீபத்தில் நடைபெற்ற செய்தியாளர்கள் மற்றும் அனலிஸ்ட் சந்திப்பில், 2027 ஜூன் மாதத்திற்குள் 4 புதிய மாடல்களை சந்தைக்கு கொண்டு வர உள்ளதாக மஹிந்திரா உறுதி செய்துள்ளது. இந்த நான்கு புதிய கார்களில் NU_IQ பிளாட்ஃபார்மில் உருவாகும் முற்றிலும் புதிய மாடல், எலெக்ட்ரிக் வாகனங்கள், ஒரு பிக்கப் டிரக் மற்றும் தற்போது விற்பனையில் உள்ள காரின் அப்டேட் செய்யப்பட்ட மாடல் ஆகியவை அடங்கும். அந்த கார்கள் என்னென்ன என்பதை விரிவாகப் பார்ப்போம்.
மஹிந்திரா ஸ்கார்பியோ லைஃப்ஸ்டைலர்
மஹிந்திரா உறுதி செய்துள்ள பட்டியலில் இருக்கும் முக்கியமான மாடல் ஸ்கார்பியோ லைஃப்ஸ்டைலர் பிக்கப் டிரக். இதன் வெளிப்புற டிசைனை காட்சிப்படுத்தியுள்ள நிறுவனம், இந்த கார் 2027 ஏப்ரலில் முறைப்படி விற்பனைக்கு வரும் என தெரிவித்துள்ளது. இதன் கம்பீரமான முரட்டுத்தனமான தோற்றமும் பெரிய அளவும் சாலைகளில் பார்ப்பவர்களை நிச்சயம் திரும்பிப் பார்க்க வைக்கும். என்ஜினை பொறுத்தவரை ஸ்கார்பியோ N மாடலில் உள்ள அதே 2-லிட்டர் டர்போ-பெட்ரோல் மற்றும் 2.2-லிட்டர் டீசல் என்ஜின்கள் இதிலும் வழங்கப்படும் என எதிர்பார்க்கப்படுகிறது. இதில் மிக முக்கியமான விஷயம் என்னவென்றால், இதன் ஆரம்ப எக்ஸ்-ஷோரூம் விலை ரூ.19.79 லட்சத்திற்கும் குறைவாகவே இருக்கும் என்பதை மஹிந்திரா ஏற்கனவே உறுதி செய்துள்ளது. இதன் மூலம் சந்தையில் உள்ள இசுஸு வி-கிராஸ் மற்றும் டொயோட்டா ஹிலக்ஸ் போன்ற கார்களுக்கு நேரடி சவாலாக அமைவதுடன், இந்தியாவில் மெல்ல வளர்ந்து வரும் லைஃப்ஸ்டைல் பிக்கப் டிரக் செக்மென்ட்டையே இது தலைகீழாக மாற்ற அதிக வாய்ப்புள்ளது.
மஹிந்திரா விஷன் S (புதிய NU_IQ பிளாட்ஃபார்ம் வாகனம்)
கடந்த 2025 ஆகஸ்ட் மாதத்தில் அறிவிக்கப்பட்ட புதிய NU_IQ பிளாட்ஃபார்மை அடிப்படையாகக் கொண்டு இந்த புதிய மாடல்களில் ஒன்று உருவாகும் என்று மஹிந்திரா கூறியுள்ளது. இந்த புதிய பிளாட்ஃபார்மில் இருந்து வெளிவரவிருக்கும் மிக முக்கியமான முதல் கார் விஷன் S தான். இது தயாரிப்பு நிலைக்கு மிக நெருக்கமான தோற்றத்தில் பலமுறை டெஸ்டிங்கின் போது ஸ்பை ஷாட்களில் சிக்கியுள்ளது. விஷன் S மாடலானது வாடிக்கையாளர்களுக்கு பிடித்த பாக்ஸி எஸ்யூவி தோற்றத்துடனும் நவீன லைட்டிங் அமைப்புகளுடனும் வடிவமைக்கப்பட்டுள்ளது. இது பெட்ரோல் மற்றும் டீசல் என்ஜின் ஆப்ஷன்களில் வரும் என எதிர்பார்க்கப்படுகிறது. விஷன் S காரும் 2027-ல் விற்பனைக்கு வரவுள்ளது. மேலும், இந்த NU_IQ பிளாட்ஃபார்மில் விஷன் T, விஷன் X மற்றும் விஷன் SXT போன்ற பிற எஸ்யூவிகளும் தயாராகி வருவது குறிப்பிடத்தக்கது.
மஹிந்திரா BE 07
முற்றிலும் புதிய EV ஒன்றையும் அறிமுகப்படுத்த உள்ளதாக மஹிந்திரா குறிப்பிட்டுள்ளது. இதில் ஆட்டோமொபைல் உலகில் தற்போது அதிக கவனத்தை ஈர்த்து வரும் மாடல் BE 07. மிகவும் ஷார்ப்பான ஸ்போர்ட்டி தோற்றம் கொண்ட இந்த BE 07, சமீபத்தில் இறுதி தயாரிப்பு வடிவத்தில் டெஸ்டிங் செய்யப்படும் போது பார்க்கப்பட்டது. அதில் இதன் ஆங்குலர் DRL மற்றும் டெயில் லேம்ப்கள் தெளிவாக தெரிந்தது. மஹிந்திராவின் மற்ற EV கார்களைப் போலவே, BE 07 மாடலும் பிரம்மாண்டமான தோற்றம், பல்வேறு நவீன வசதிகள் நிறைந்த கேபின் மற்றும் பல பேட்டரி ஆப்ஷன்களுடன் வெளிவரும். டாடா ஹாரியர் EV மாடலுக்கு நேரடி போட்டியாக களமிறங்குவதால், இதில் ஆல்-வீல்-டிரைவ் ஆப்ஷனை மஹிந்திரா கொடுக்குமா என்பதைப் பொறுத்திருந்துதான் பார்க்க வேண்டும். மஹிந்திராவின் தற்போதைய பிற எலெக்ட்ரிக் கார்களை விட BE 07 காரின் விலை சற்று கூடுதலாகவே இருக்கும் என எதிர்பார்க்கலாம்.
அதேபோல், தங்களது ஒட்டுமொத்த EV உற்பத்தியை தற்போதுள்ள மாதத்திற்கு 8000 யூனிட்டுகள் என்ற அளவிலிருந்து, 2027 தொடக்கத்திற்குள் மாதத்திற்கு 12,000 யூனிட்டுகளாக உயர்த்த மஹிந்திரா தீவிரமாக திட்டமிட்டுள்ளது. இந்த உற்பத்தி அதிகரிப்பு BE 07 தயாரிப்புக்கு உதவுவதோடு மட்டுமல்லாமல், மஹிந்திரா XEV 9S உள்ளிட்ட தற்போதைய மாடல்களின் வெயிட்டிங் பீரியடையும் வெகுவாகக் குறைக்க உதவும்.
அப்டேட்டட் மஹிந்திரா XEV 9e
இந்தப் பட்டியலில் இருக்கும் கடைசி கார் ஒரு ஃபேஸ்லிஃப்ட் அப்டேட் ஆகும். இதைப் பற்றிய தகவல்கள் குறைவாகவே இருந்தாலும், இது மஹிந்திரா XEV 9e காரின் அப்டேட்டட் மாடலாக இருக்கும் என எதிர்பார்க்கப்படுகிறது. இக்கார் 2026 டிசம்பர் 8 அன்று சந்தைக்கு வர வாய்ப்புள்ளது. BE 6 மற்றும் XEV 9e ஆகிய இரண்டுமே கடந்த 2024 நவம்பரில் அறிமுகமாயின. இதில் BE 6 மாடலானது 2026 ஆகஸ்ட் மாதத்தில் BE 6 ஸ்போர்டெக் என்ற பெயரில் புதிய அப்டேட்டைப் பெற்றுவிட்டது. ஆனால் XEV 9e காருக்கு இன்னும் எந்த அப்டேட்டும் கிடைக்கவில்லை.
ஒருவேளை அப்டேட் செய்யப்படுவது XEV 9e மாடலாக இருக்கும் பட்சத்தில், அதில் புதிய வேரியண்ட்டுகள், புதுமையான நிறங்கள், ஸ்பெஷல் எடிஷன்கள் மற்றும் 70 kWh பேட்டரி பேக் ஆப்ஷன் உள்ளிட்ட மாற்றங்களை எதிர்பார்க்கலாம். மஹிந்திரா நிறுவனம் இந்த காருக்கும் ஸ்போர்டெக் என்ற பெயரை சேர்க்கலாம். இதனுடன் மஹிந்திரா XEV 9S மாடலிலும் இத்தகைய உற்பத்தி மாற்றங்கள் செய்யப்படுமா என்பதை இனிமேல்தான் பார்க்க வேண்டும்.
கார்தேக்கோவின் கருத்து...
விரைவில் ஒரு மஹிந்திரா எஸ்யூவி வாங்க திட்டமிட்டிருப்பவர்களுக்கு இனி வரவிருக்கும் காலம் செம ட்ரீட்டாக அமையப்போகிறது. தற்போதுள்ள மஹிந்திரா எஸ்யூவி கார்கள் மார்க்கெட்டில் ஏற்கனவே கொடிகட்டிப் பறந்து வரும் நிலையில், சந்தையில் தனது ஆதிக்கத்தை மேலும் வலுப்படுத்த பல புதுமையான கார்களை களமிறக்க அந்நிறுவனம் தயாராகிவிட்டது. காம்பாக்ட் எஸ்யூவி செக்மென்ட்டில் விஷன் S காரும், குறைந்த பட்ஜெட்டில் ஸ்கார்பியோ லைஃப்ஸ்டைலர் பிக்கப்பும் தடம் பதிக்க உள்ளன. மறுபுறம், மஹிந்திராவின் ஃபிளாக்ஷிப் எலெக்ட்ரிக் எஸ்யூவியாக BE 07 மாடல் பல ஹைடெக் அம்சங்களுடன் களம் காணவுள்ளது.
இதில் கவனிக்க வேண்டிய மிக முக்கியமான அம்சம் என்னவென்றால், இந்த வரவுகள் வெறும் சிறு ஃபேஸ்லிஃப்ட்டோ அல்லது ஸ்பெஷல் எடிஷனோ மட்டுமல்ல; முற்றிலும் புத்தம் புதிய மாடல்களாகும். எனவே மஹிந்திராவின் புதிய காரை வாங்க நினைப்பவர்கள் கொஞ்சம் காத்திருப்பது நல்லது. பைப்லைனில் பல அசத்தலான கார்கள் தயாராகி வருகின்றன. இதில் நீங்கள் எந்த காருக்காக ஆவலுடன் காத்திருக்கிறீர்கள் என்பதை கமெண்ட்டில் சொல்லுங்கள்.
- Image Source 1
- Image Source 2: u/ParticularNext1196 (Reddit)
