இந்திய மார்க்கெட்டில் கால்பதிக்கும் JSW மோட்டார்ஸ்... முதல் காரே இதுதானா? முழு விவரம் இங்கே
இந்திய சாலைகளில் மற்ற முன்னணி கார்களுக்கு சவால் விட ஒரு புதிய போட்டியாளர் களமிறங்குகிறது!
- ஒரு கருத்தை எழுதுக
| எங்களின் 50 அதிர்ஷ்டசாலி வாசகர்களுக்கு பிரத்யேக கார் வாங்கும் அனுபவ வழிகாட்டலை நாங்கள் வழங்குகிறோம். இதன் மூலம் நீங்கள் நேரடியாக ஒரு ஆட்டோமொபைல் நிபுணரிடம் பேசி உங்கள் சந்தேகங்கள் அனைத்தையும் தீர்த்துக் கொள்ள முடியும். உடனே இந்த படிவத்தைப் பூர்த்தி செய்யுங்கள். நீங்கள் அந்த அதிர்ஷ்டசாலிகளுள் ஒருவராக இருந்தால் விரைவில் உங்களைத் தொடர்பு கொள்வோம். |
இந்தியாவின் ஸ்டீல் மற்றும் சிமெண்ட் துறைகளில் முன்னணியில் இருக்கும் JSW குரூப், இப்போது ‘JSW மோட்டார்ஸ்’ என்ற புதிய கார் பிராண்டுடன் உள்நாட்டு ஆட்டோமொபைல் சந்தையில் காலடி எடுத்து வைக்கிறது. இந்த பிராண்டின் முதல் தயாரிப்பாக, ஐந்து பேர் அமரக்கூடிய ‘காம்பாட்’ என்ற SUV விற்பனைக்கு வரவுள்ளது. சர்வதேச அளவில் புகழ்பெற்ற ‘ஜெட்டூர் டி2’ காரை அடிப்படையாகக் கொண்டு இது உருவாகிறது. கரடுமுரடான தோற்றத்துடனும் உலகளாவிய நற்பெயருடனும் வெளிவரவிருக்கும் இந்த SUV, இந்திய வாகன உலகில் புதிய திருப்பத்தை ஏற்படுத்தும் என எதிர்பார்க்கப்படுகிறது. JSW மோட்டார்ஸின் பிராண்ட் அறிமுகம் மற்றும் அதன் முதல் SUV குறித்த விரிவான விவரங்களை இங்கே பார்க்கலாம்.
JSW மோட்டார்ஸ் இந்தியா அறிமுக கால அட்டவணை
டிசம்பர் 3 மற்றும் 4 ஆகிய தேதிகளில் நடைபெறும் இரண்டு நாள் மெகா நிகழ்வின் மூலம், JSW மோட்டார்ஸ் டிசம்பர் 4, 2026 அன்று இந்தியாவில் அதிகாரப்பூர்வமாக களமிறங்குகிறது.
இந்த பிராண்டின் முதல் மாடலான ‘காம்பாட்’ SUV, டிசம்பர் 2026 முதல் 2027-ன் தொடக்கத்திற்குள் விற்பனைக்கு வரும் என்றும், அதே காலகட்டத்தில் இதன் விலை விவரங்கள் அதிகாரப்பூர்வமாக அறிவிக்கப்படலாம் என்றும் தகவல்கள் தெரிவிக்கின்றன. மகாராஷ்டிராவின் சத்ரபதி சம்பாஜிநகரில் உள்ள JSW-வின் கார் தயாரிப்பு ஆலையில் இந்த வாகனம் அசெம்பிள் செய்யப்படும்.
இருப்பினும், உள்ளூர் அசெம்பிளி முழுமையாகத் தொடங்குவதற்கு முன், ஆரம்ப கட்ட யூனிட்டுகள் வெளிநாட்டிலிருந்து இறக்குமதி செய்யப்பட அதிக வாய்ப்புகள் உள்ளன.
இந்திய கார் சந்தையில் JSW மோட்டார்ஸ்: நீங்கள் தெரிந்து கொள்ள வேண்டியவை
JSW குரூப் தனது சொந்த கார் பிராண்டாக ‘JSW மோட்டார்ஸ்’ என்ற தனி நிறுவனத்தை பயணிகள் வாகன சந்தையில் நிலைநிறுத்துகிறது. ஏற்கனவே சீன நிறுவனமான SAIC Motor உடன் இணைந்து ‘JSW எம்.ஜி மோட்டார் இந்தியா’ என்ற கூட்டு முயற்சியில் இக்குழு செயல்பட்டு வந்தாலும், இந்தப் புதிய பிராண்ட் தனக்கென தனி கார் மாடல்களுடன் சுதந்திரமாக இயங்கும். அதேநேரம் தற்போதைய JSW எம்.ஜி மோட்டார் இந்தியா பார்ட்னர்ஷிப் எந்தப் பாதிப்பும் இன்றி வழக்கம் போல் தொடரும்.
சீனாவின் பிரபல கார் தயாரிப்பு நிறுவனமான செரியின் தயாரிப்புகளை அடிப்படையாகக் கொண்டு, இந்தியாவில் JSW பேட்ஜுடன் விற்பனை செய்வதே JSW மோட்டார்ஸின் முக்கிய திட்டமாக இருக்கும். JSW மோட்டார்ஸின் முதல் காராக வரும் ‘காம்பாட்’, சர்வதேச அளவில் கிடைக்கும் ஜெட்டூர் டி2 காரின் மறுவடிவமாகும்.
பாக்ஸி ஸ்டைலில் மிரட்டலான தோற்றம் கொண்ட இந்த SUV, JSW எம்.ஜி கூட்டு முயற்சிக்கு வெளியே, முழுக்க முழுக்க JSW பேட்ஜுடன் வெளிவரும் முதல் காராக அமையவுள்ளது.
JSW காம்பாட் (ஜெட்டூர் டி2) ஒரு பார்வை
JSW காம்பாட் காரானது ஜெட்டூர் டி2-வை அடிப்படையாகக் கொண்டு உருவாக்கப்படுவதால், கம்பீரமான பாக்ஸி தோற்றத்துடனும் சாலையைக் கவரும் விதத்திலும் காட்சியளிக்கும். இதன் சதுர வடிவ அளவுகள் கேபினுக்குள் அதிக இடவசதியைத் தரும். இந்தியாவில் அறிமுகமாகும் மாடல், சிறிய மாற்றங்களுடன் கூடிய ஃபேஸ்லிஃப்ட்டுக்கு முந்தைய சர்வதேச வெர்ஷனை அடிப்படையாகக் கொண்டிருக்கும் என்று கூறப்படுகிறது.
டொயோட்டா ஃபார்ச்சூனர் மற்றும் மஹிந்திரா ஸ்கார்பியோ N போன்ற பாரம்பரிய லேடர்-ஃபிரேம் சேசிஸ் அமைப்பைத் தவிர்த்து காம்பாட் ஒரு மோனோகாக் கட்டமைப்பைப் பயன்படுத்துகிறது. இது கரடுமுரடான தன்மையை விட, தார் சாலைகளில் அதிகப்படியான சவாரி சௌகரியத்திற்கு முக்கியத்துவம் தருகிறது.
முன்பக்கத்தில், ஜெட்டூர் டி2-வின் நேரான ஃபிளாட் முகப்பு வடிவமைப்பை காம்பாட் அப்படியே தக்கவைத்துக் கொள்ளும். இருப்பினும் ஸ்பை படங்களில் பார்க்கும்போது இந்தியாவுக்கான மாடலில் புதுப்பிக்கப்பட்ட ஹெட்லேம்ப்கள் மற்றும் மறுவடிவமைப்பு செய்யப்பட்ட பம்பர் இருக்கலாம் எனத் தெரிகிறது. கிரில்லில் உள்ள ‘JETOUR’ எழுத்துக்களுக்குப் பதிலாக ‘COMBAT’ என்ற பேட்ஜிங் வரவுள்ளது.
பக்கவாட்டில் காம்பாட் பாக்ஸி வடிவ அமைப்பு, தட்டையான ரூஃப்லைன் மற்றும் எடுப்பான தோற்றத்தைக் கொண்டுள்ளது. இதில் 20-இன்ச் அலாய் வீல்கள், தடிமனான வீல்-ஆர்ச் கிளாடிங் மற்றும் நியான் கிரீன் நிற ஹைலைட்டுகளுடன் கூடிய ரூஃப் ரெயில்கள் இடம்பெற்று காரின் சாகச உணர்வை மேலும் அதிகரிக்கும்.
ஜெட்டூர் டி2 காரில் பின் டெயில்கேட்டில் ஸ்பேர் வீல் பொருத்தப்பட்டிருப்பது போல இந்திய காம்பாட் மாடலிலும் அது தொடரும். மஹிந்திரா தார், மாருதி ஜிம்னி போன்ற ஆஃப்-ரோடு கார்களில் காணப்படும் இந்த டெயில்கேட் ஸ்பேர் வீல் அம்சம் இதிலும் வருகிறது. இவற்றுடன், காரின் பாக்ஸி ஸ்டைலுக்கு ஏற்ற வகையில் செங்குத்தாக அடுக்கப்பட்ட உயரமான எல்.இ.டி டெயில்லைட்களும் வடிவமைக்கப்படலாம்.
| அளவுகள்: நீளம்: 4785 மிமீ; அகலம்: 2006 மிமீ; உயரம்: 1880 மிமீ; வீல்பேஸ்: 2800 மிமீ; கிரவுண்ட் கிளியரன்ஸ்: 220 மிமீ; பூட் ஸ்பேஸ்: 752 லிட்டர்கள். |
உட்புறத்தைப் பொறுத்தவரை சீனாவின் ஜெட்டூர் டி2 போலவே தோற்றமளித்தாலும், JSW பேட்ஜ்களைக் கொண்டிருக்கும். கேபினில் சில்வர் அக்சென்ட்களுடன் கூடிய ஆல்-பிளாக் தீம் மற்றும் வெளிப்புறத்திற்குப் பொருந்தும் வகையிலான நேர்த்தியான டேஷ்போர்டு டிசைன் இடம்பெறும் என எதிர்பார்க்கப்படுகிறது. 15.6-இன்ச் தொடுதிரை நடுவில் கம்பீரமாக அமைய, அதன் கீழே கிடைமட்டமாக சென்ட்ரல் ஏசி வென்ட்கள் வரும். JSW மோட்டார்ஸ் லோகோ தாங்கிய நான்கு ஸ்போக் ஸ்டீயரிங் வீல் மற்றும் டிஜிட்டல் இன்ஸ்ட்ரூமென்ட் கிளஸ்டர் இதில் பொருத்தப்படலாம்.
அம்சங்கள் பட்டியலில் JSW காம்பாட் மிகவும் தாராளமாக இருக்கும். 15.6-இன்ச் டச்ஸ்கிரீன் இன்ஃபோடெயின்மென்ட் சிஸ்டம், 10.25-இன்ச் டிஜிட்டல் இன்ஸ்ட்ரூமென்ட் கிளஸ்டர், பனோரமிக் சன்ரூஃப், மெமரி வசதியுடன் கூடிய பவர் அட்ஜஸ்டபிள் முன் இருக்கைகள், வென்டிலேட்டட் இருக்கைகள், 12-ஸ்பீக்கர் சோனி ஆடியோ சிஸ்டம் மற்றும் 50W வயர்லெஸ் போன் சார்ஜர் ஆகியவை இதன் முக்கிய சிறப்பம்சங்களாக இருக்கும்.
பாதுகாப்பு வசதிகளில், JSW காம்பாட் காரில் 6 ஏர்பேக்குகள், Level-2 ADAS, காரைச் சுற்றியும் காருக்குக் கீழேயும் காட்டும் 540-டிகிரி கேமரா, மற்றும் HHA மற்றும் HDC ஆகியவை இடம்பெறும் என எதிர்பார்க்கப்படுகிறது. சர்வதேச அளவில் ஜெட்டூர் டி2 கார் ASEAN NCAP கிராஷ் டெஸ்ட்டில் முழுமையான 5-ஸ்டார் பாதுகாப்பு ரேட்டிங் பெற்றுள்ளது குறிப்பிடத்தக்கது.
இன்ஜினைப் பொறுத்தவரை, ஜெட்டூர் டி2-வில் உள்ள பவர்டிரெய்னையே காம்பாட் பயன்படுத்தும். இதில் 1.5-லிட்டர் டர்போ பெட்ரோல் இன்ஜின், இரண்டு எலக்ட்ரிக் மோட்டார்கள் மற்றும் 18 kWh பேட்டரி பேக் கொண்ட பிளக்-இன் ஹைப்ரிட் தொழில்நுட்பம் இடம்பெற அதிக வாய்ப்புள்ளது. இந்த இன்ஜின் 3-ஸ்பீடு டெடிகேட்டட் ஹைப்ரிட் டிரான்ஸ்மிஷனுடன் இணைக்கப்படும். எலக்ட்ரிக் பவரில் மட்டுமே இந்த கார் சுமார் 90 கிமீ வரை செல்லும் என்றும், பெட்ரோல் இன்ஜின் மற்றும் பேட்டரி இரண்டும் முழுமையாக இருக்கும்போது மொத்தம் 1100 கிமீ தூரம் வரை பயணிக்க முடியும் என்றும் கூறப்படுகிறது. சர்வதேச மாடல் AWD சிஸ்டத்தில் வரும் வேளையில், இந்திய மாடல் FWD டிரைவ்டிரெய்னுடன் வெளிவரும்.
JSW காம்பாட்டின் முழு இன்ஜின் விவரங்கள்:
| அளவுகள் |
|
|
| இன்ஜின் |
1.5-litre turbo petrol with plug-in hybrid |
|
| பேட்டரி பேக் |
18.4 kWh |
|
|
2 |
|
| கிளைம்டு பவர் |
360 PS |
|
| கிளைம்டு டார்க் |
610 Nm |
|
| டிரான்ஸ்மிஷன் |
3-speed DHT |
|
| டிரைவ்டிரெயின் |
FWD |
|
| கிளைம்டு எலக்ட்ரிக் ரேஞ்ச் (NEDC) |
90 km |
|
| கிளைம்டு மொத்த ரேஞ்ச் (ஒட்டுமொத்தமாக) |
Up to 1100 km |
DHT- டெடிகேட்டட் ஹைபிரிட் டிரான்ஸ்மிஷன்; FWD- ஃபிரன்ட்-வீல் டிரைவ்
விலை மற்றும் போட்டியாளர்கள்
JSW காம்பாட்டின் எக்ஸ்-ஷோரூம் விலை ரூ.25 லட்சம் முதல் ரூ.35 லட்சம் வரை நிர்ணயிக்கப்படலாம் என எதிர்பார்க்கப்படுகிறது. இது மார்க்கெட்டில் இருக்கும் எம்.ஜி ஹெக்டர் டோமாஹாக் PHEV, கியா சொரெண்டோ, ஃபோக்ஸ்வேகன் டெய்ரான் மற்றும் ஸ்கோடா கோடியாக் போன்ற மாடல்களுக்குக் கடும் போட்டியாக அமையும்.
கார்தேக்கோவின் பார்வை...
தினசரி அலுவலகப் பயன்பாட்டிற்கு எலக்ட்ரிக் டிரைவிங் மற்றும் நீண்ட தூர பயணங்களுக்கு டர்போ-பெட்ரோல் இன்ஜின் என கலவையான பிளக்-இன் ஹைப்ரிட் தொழில்நுட்பம் மற்றும் ரக்கட் ஸ்டைலுடன் வரும் JSW காம்பாட், இந்த செக்மென்டில் ஒரு புதிய மாற்றத்தைக் கொண்டுவரும்.
இதில் எதிர்பார்க்கப்படும் ஏகப்பட்ட சொகுசு அம்சங்கள் காரின் மதிப்பை மேலும் உயர்த்தும். இருப்பினும், நம்பகமான விற்பனை மற்றும் சர்வீஸ் நெட்வொர்க்கை கட்டமைத்து வாடிக்கையாளர்களின் நம்பிக்கையை பெறுவதும், சரியான விலையை நிர்ணயிப்பதும் JSW மோட்டார்ஸுக்கு மிகவும் அவசியம். இந்த இரண்டிலும் சரியான முடிவை எடுத்தால், காம்பாட் SUV இந்த பிரிவில் ஒரு மிகச்சிறந்த மாற்றாக மாறும். டிசம்பர் 2026-ல் இது அறிமுகமாகும் போது கூடுதல் தகவல்கள் வெளியாகும்.
JSW மோட்டார்ஸ் மற்றும் வரவிருக்கும் காம்பாட் காரைப் பற்றி நீங்கள் என்ன நினைக்கிறீர்கள்? கமெண்ட்டில் உங்கள் கருத்துகளைப் பகிர்ந்துகொள்ளுங்கள்!
