2027 கிரெட்டா இன்டீரியரை தலைகீழா மாத்திட்டாங்களா? வேற லெவல் அப்டேட்! உள்ளே என்ன இருக்கு?
இந்த ஸ்பை படங்கள் மூலம் ஹூண்டாய் நிறுவனத்தின் புத்தம் புதிய ப்ளியோஸ் கனெக்ட் இன்போடெயின்மென்ட் சிஸ்டம் இந்த புதிய கிரெட்டாவில் இடம்பெறுவது உறுதியாகியுள்ளது.
- ஒரு கருத்தை எழுதுக
| எங்களின் 50 அதிர்ஷ்டசாலி வாசகர்களுக்கு பிரத்யேக கார் வாங்கும் அனுபவ வழிகாட்டலை நாங்கள் வழங்குகிறோம். இதன் மூலம் நீங்கள் நேரடியாக ஒரு ஆட்டோமொபைல் நிபுணரிடம் பேசி உங்கள் சந்தேகங்கள் அனைத்தையும் தீர்த்துக் கொள்ள முடியும். உடனே இந்த படிவத்தைப் பூர்த்தி செய்யுங்கள். நீங்கள் அந்த அதிர்ஷ்டசாலிகளுள் ஒருவராக இருந்தால் விரைவில் உங்களைத் தொடர்பு கொள்வோம். |
கிரெட்டா பிரியர்களை உற்சாகப்படுத்தும் வகையில் அடுத்த தலைமுறை 2027 ஹூண்டாய் கிரெட்டா காரின் புதிய ஸ்பை படங்கள் மீண்டும் வெளியாகியுள்ளன. இந்த ஸ்பை படங்கள் மூலம் காரின் முற்றிலும் புதிய டேஷ்போர்டு லேஅவுட், புதுமையான டிசைன் அம்சங்கள் மற்றும் அதிநவீன வசதிகள் குறித்த பல தகவல்கள் தெரியவந்துள்ளன. மேலும் தற்போதைய தலைமுறை மாடலை விட புதிய கிரெட்டா கூடுதல் நீள அகலத்துடன் பெரிய காராக இருக்கும் என்பதும் உறுதியாகியுள்ளது.
இந்திய காம்பாக்ட் எஸ்யூவி செக்மென்ட்டின் முடிசூடா மன்னனாக ஹூண்டாய் கிரெட்டா வலம் வந்தாலும், தற்போது சந்தைப் போட்டிக்கு ஏற்ப அடுத்த தலைமுறை அப்டேட்டுக்கான நேரம் வந்துவிட்டது. இந்த சூழலில் வெளியாகியுள்ள புதிய ஸ்பை படங்கள் இந்த காரைப் பற்றி வெளிப்படுத்தும் சுவாரஸ்யமான தகவல்களை விரிவாகப் பார்க்கலாம்.
காரின் உட்புறத்தில் என்னென்ன மாற்றங்கள் உள்ளன?
புதிய கிரெட்டாவின் டேஷ்போர்டு முற்றிலும் புதிய அமைப்பில் காட்சியளிக்கிறது. புத்தம் புதிய டூ-ஸ்போக் ஸ்டீயரிங் வீல், டேஷ்போர்டின் நடுவே ஹூண்டாயின் ப்ளியோஸ் இன்டர்ஃபேஸ் சிஸ்டத்துடன் கூடிய பிரம்மாண்டமான 15-இன்ச் டச்ஸ்கிரீன் இன்போடெயின்மென்ட் திரை மற்றும் ஓட்டுநருக்காக ஒரு மெல்லிய டிஜிட்டல் டிரைவர் டிஸ்பிளே ஆகியவை கொடுக்கப்பட்டுள்ளன. இந்த ஒட்டுமொத்த செட்டப், சர்வதேச சந்தையில் விற்பனையாகும் ஹூண்டாய் அயோனிக் 3 காரில் இருப்பதைப் போலவே காட்சியளிக்கிறது.
ப்ளியோஸ் கனெக்ட் என்பது அடிப்படையில் ஹூண்டாயின் அடுத்த தலைமுறை இன்போடெயின்மென்ட் அமைப்பாகும். இந்த சிஸ்டம் கொண்ட ஹூண்டாய் கார்களில் சென்ட்ரல் இன்போடெயின்மென்ட் ஸ்கிரீன் மற்றும் மெல்லிய டிஜிட்டல் டிரைவர் டிஸ்பிளே மட்டுமல்லாமல் முக்கிய கண்ட்ரோல்களுக்கான பிசிகல் பட்டன்களும் தொடர்கின்றன. அத்துடன் இதில் இன்-பில்ட் க்ளியோ AI வசதியும் சேர்க்கப்பட்டுள்ளது. இதன் மூலம் பல்வேறு கார் செயல்பாடுகளை வாய்ஸ் மூலம் கட்டுப்படுத்தலாம் மற்றும் தேவையான கேள்விகளைக் கேட்டு உரையாடவும் முடியும்.
கேபினின் பிற சிறப்பம்சங்களாக ஆஃப்-ஒயிட் மற்றும் கிரே நிறங்கள் கலந்த புதிய டூயல்-டோன் தீம் வழங்கப்பட்டுள்ளது. இந்த நிற அமைப்பு டோர் டிரிம்கள் மற்றும் சீட்களிலும் பிரதிபலிக்கிறது. அதேபோல் சென்டர் கன்சோல் ஏரியாவும் முற்றிலும் மாற்றி அமைக்கப்பட்டு, மிக எளிமையான மினிமலிஸ்ட் தோற்றத்தைப் பெற்றுள்ளது. இதில் ட்வின் கப் ஹோல்டர்கள் மற்றும் முன்பக்க ஆர்ம்ரெஸ்ட் இடம்பெற்றுள்ளன. காரின் கதவுகளின் உள்புற டிரிம்களில் ஸ்டைலான சில்வர் நிற லைன் பேட்டர்ன்களும் கவனத்தை ஈர்க்கின்றன.
காரின் பின்பக்க டோர் டிரிம்களிலும் இதே சில்வர் லைன் பேட்டர்ன் டிசைன் தொடர்கிறது. தற்போதுள்ள கிரெட்டாவைப் போலவே, புதிய மாடலிலும் பாஸ் மோட் அம்சம் கொடுக்கப்பட்டுள்ளது. இதன் மூலம் பின் இருக்கை பயணிகள் முன்பக்க கோ-பாசஞ்சர் சீட்டை அட்ஜஸ்ட் செய்து அதிக லெக்ரூமைப் பெற முடியும். அத்துடன் ரியர் ஏசி வென்ட்கள், கப் ஹோல்டர்களுடன் கூடிய சென்டர் ஆர்ம்ரெஸ்ட் மற்றும் சன்பிளைண்ட்ஸ் போன்ற வசதிகளும் இதில் தொடர்ந்து இடம்பெறுகின்றன. கிரெட்டாவின் வெளிப்புறத் தோற்றம் எப்படி இருக்கிறது என்பதை அறிய கீழே உள்ள இணைப்பைத் தொடவும்.
எதிர்பார்க்கப்படும் வசதிகள் மற்றும் பாதுகாப்பு அம்சங்கள்
மேலே குறிப்பிடப்பட்டுள்ள டிஸ்பிளே அமைப்புகளைத் தவிர, புதிய கிரெட்டாவில் ஹெட்-அப் டிஸ்பிளே, மல்டி-கலர் ஆம்பியன்ட் லைட்டிங் உள்ளிட்ட பல நவீன கேஜெட்கள் அறிமுகமாகும் என எதிர்பார்க்கப்படுகிறது. அதேநேரம் முந்தைய கிரெட்டாவில் உள்ள 8-ஸ்பீக்கர் போஸ் சவுண்ட் சிஸ்டம், டூயல்-ஜோன் கிளைமேட் கண்ட்ரோல், பனோரமிக் சன்ரூஃப், எலக்ட்ரிக்கலி அட்ஜஸ்டபிள் முன்பக்க சீட்கள், வென்டிலேட்டட் சீட்கள் மற்றும் வயர்லெஸ் போன் சார்ஜர் போன்ற பிரீமியம் வசதிகள் புதிய மாடலிலும் தக்கவைக்கப்படும்.
பாதுகாப்பைப் பொறுத்தவரை 6 ஏர்பேக்குகள், ISOFIX சைல்டு சீட் மவுண்ட்கள், EBD உடன் கூடிய ABS, ESC, HDC, HSA, 360-டிகிரி கேமரா மற்றும் TPMS போன்ற அனைத்து முக்கிய அம்சங்களும் இடம்பெறும். இவற்றுடன் மேலும் மேம்படுத்தப்பட்ட புதிய தலைமுறை ADAS தொழில்நுட்பமும் இதில் வழங்கப்படலாம் என்ற வலுவான எதிர்பார்ப்பு உள்ளது.
எதிர்பார்க்கப்படும் பவர்டிரெயின் விவரங்கள்
2027 ஹூண்டாய் கிரெட்டா தற்போதைய மாடலில் உள்ள என்ஜின் ஆப்ஷன்களுடனேயே தொடர்ந்து வெளிவரும் எனத் தெரிகிறது. ஆனால், இதில் மிகப்பெரிய ஹைலைட்டாக ஒரு ஸ்ட்ராங் ஹைபிரிட் பவர்டிரெயின் ஆப்ஷன் அறிமுகமாக அதிக வாய்ப்புள்ளது. அதிக மைலேஜ் தரும் காரை எதிர்பார்க்கும் வாடிக்கையாளர்களுக்கு இது மிகப்பெரிய நற்செய்தியாக அமையும். எதிர்பார்க்கப்படும் என்ஜின் விவரங்கள்:
| ஹூண்டாய் கிரெட்டா |
||||||||
| எஞ்சின் |
|
|
|
|
||||
| டிரான்ஸ்மிஷன் |
6-speed MT/CVT |
7-speed DCT |
6-speed MT/ 6-speed AT |
6-speed DCT |
||||
| பவர் |
115 PS |
160 PS |
116 PS |
154 PS (Front-wheel drive) / 178 PS (All-wheel drive) |
||||
| டார்க் |
144 Nm |
253 Nm |
250 Nm |
TBA |
||||
*MT - மேனுவல் டிரான்ஸ்மிஷன், CVT - கண்டினியூஸ் வேரியபிள் டிரான்ஸ்மிஷன், AT - டார்க் கன்வெர்டர் கன்வெர்டர் ஆட்டோமெட்டிக் , DCT - டூயல் கிளட்ச் டிரான்ஸ்மிஷன்
பாரிஸ் மோட்டார் ஷோவில் காட்சிப்படுத்தப்பட்ட செல்டோஸ் ஹைபிரிட் காரில் உள்ள அதே ஹைபிரிட் பவர்டிரெயின்தான் புதிய கிரெட்டாவிலும் பயன்படுத்தப்படும் என்று கணிக்கப்படுகிறது. இந்தியாவில் இதன் Front-wheel drive மாடல் விற்பனைக்கு வர வாய்ப்புள்ளது.
இதுதவிர அடுத்த தலைமுறை கிரெட்டாவில் முழுமையான ஆல்-எலக்ட்ரிக் எடிஷன் மற்றும் ஸ்போர்ட்டியான N-Line மாடல்களையும் ஹூண்டாய் அறிமுகப்படுத்தும் என எதிர்பார்க்கலாம்.
எதிர்பார்க்கப்படும் விலை மற்றும் சந்தைப் போட்டி
வரவிருக்கும் புதிய ஹூண்டாய் கிரெட்டாவின் எக்ஸ்-ஷோரூம் ஆரம்ப விலை சுமார் 11 லட்சம் ரூபாயாக நிர்ணயிக்கப்படலாம்.
சந்தையில் இந்த புதிய கிரெட்டா, ஹூண்டாய் பேயான், கியா செல்டோஸ், மாருதி கிராண்ட் விட்டாரா, ரெனால்ட் டஸ்டர், ஹோண்டா எலிவேட், டாடா சியரா, ஸ்கோடா குஷாக், வோக்ஸ்வாகன் டைகுன், மாருதி விக்டோரிஸ், டொயோட்டா ஹைரைடர், நிஸான் டெக்டான், சிட்ரோயன் ஏர்கிராஸ் எக்ஸ் மற்றும் எம்ஜி ஆஸ்டர் போன்ற கார்களுக்கு நேரடிப் போட்டியாக அமையும்.
கார்தேக்கோவின் பார்வை…
பெரிதாக்கப்பட்ட அளவுகள், முற்றிலும் மாற்றப்பட்ட பிரீமியம் இன்டீரியர் மற்றும் புத்தம் புதிய நவீன அம்சங்களுடன் வரவிருக்கும் புதிய ஹூண்டாய் கிரெட்டா நிச்சயம் பொறுத்திருந்து வாங்கக்கூடிய ஒரு சிறந்த காராகத் தெரிகிறது. இந்த புதிய மாற்றங்கள் காம்பாக்ட் எஸ்யூவி செக்மென்ட்டையே அடுத்த நிலைக்கு எடுத்துச் செல்லும் என்பதில் சந்தேகமில்லை. குறிப்பாக ஹைபிரிட் பவர்டிரெயின் அறிமுகமாவது அதிக மைலேஜை விரும்பும் வாடிக்கையாளர்களுக்கு மிகச் சிறந்த தேர்வாக இருக்கும். எனவே புதிய கிரெட்டாவை வாங்க திட்டமிடுபவர்கள், 2027-ல் நடக்கும் இதன் அதிகாரப்பூர்வ வெளியீடு வரை காத்திருக்கலாம்.
