தீபாவளி கார் பர்ச்சேஸ்: பாரத் NCAP ரேட்டிங்கில் 5-ஸ்டார் வாங்கிய டாப் 10 பாதுகாப்பான கார்கள் இவைதான்
இந்த பட்டியலில் பெரும்பாலானவை SUV வகை கார்களே ஆக்கிரமித்துள்ளன. இதில் வழக்கமான பெட்ரோல்/டீசல் மாடல்களுடன் சேர்ந்து அதிகரித்து வரும் எலெக்ட்ரிக் எஸ்யூவி மாடல்களும் இடம் பிடித்துள்ளன.
- ஒரு கருத்தை எழுதுக
இந்த பண்டிகைக் காலத்தில் புதிய SUV வாங்கத் திட்டமிடும்போது, பாதுகாப்பு மிக முக்கியமான விஷயமாக இருக்கும். இந்தியாவிற்கான புதிய கார் மதிப்பீட்டுத் திட்டமான பாரத் NCAP, பல கார்களை சோதனை செய்து அதன் பாதுகாப்பு ரேட்டிங்கை வெளியிட்டுள்ளது. இதில் முழுமையாக 5-ஸ்டார் ரேட்டிங் பெற்ற 10 SUV-க்களைப் பற்றி இங்கே விரிவாகப் பார்க்கலாம். டாடா ஹாரியர் EV மற்றும் மஹிந்திரா XEV 9e ஆகிய இரண்டு மாடல்கள் பெரியவர்களுக்கான பாதுகாப்பில் 32-க்கு 32 என முழு மதிப்பெண்களைப் பெற்று அசத்தியுள்ளன. இந்த கார்களின் பாதுகாப்பு அம்சங்கள் மற்றும் கிராஷ் டெஸ்ட் மதிப்பெண்களைப் பற்றி விரிவாகப் பார்ப்போம்.
டாடா ஹாரியர் EV - 5 ஸ்டார்ஸ்
5-ஸ்டார் BNCAP கிராஷ் ரேட்டிங் அடல்ட் சேஃப்டி ஸ்கோர்: 32/ 32 சைல்டு சேஃப்டி ஸ்கோர்: 45/ 49
டாடா நிறுவனத்தின் அதிகம் எதிர்பார்க்கப்படும் ஹாரியர் EV பாதுகாப்பில் ஒரு புதிய தரத்தை நிர்ணயித்துள்ளது. பாரத் NCAP சோதனைகளில் இது பெரியவர்களுக்கான பாதுகாப்பில் 32-க்கு 32 என்ற முழுமையான மதிப்பெண்ணைப் பெற்றுள்ளது. இது பயணிகளின் பாதுகாப்பிற்கு இந்த கார் எவ்வளவு முக்கியத்துவம் கொடுக்கிறது என்பதைக் காட்டுகிறது. குழந்தைகளுக்கான பாதுகாப்பிலும் இது மிகச் சிறந்த மதிப்பெண்களைப் பெற்றுள்ளது. இதன் மூலம் இது இந்தியாவின் பாதுகாப்பான எலக்ட்ரிக் SUV-க்களில் ஒன்றாக இருக்கும் என்பது உறுதியாகிறது.
இந்தச் சிறப்பான பாதுகாப்பு முடிவுக்கு இதில் வழங்கப்பட்டுள்ள விரிவான பாதுகாப்பு அம்சங்களே முக்கியக் காரணமாகும். ஹாரியர் EV காரில் 7 ஏர்பேக்குகள், 360-டிகிரி கேமரா, 4 வீல்களுக்கும் டிஸ்க் பிரேக்குகள்,ISOFIX சைல்டு சீட் ஆங்கர்கள் மற்றும் லெவல்-2 அடாஸ் போன்ற ஹையர் பாதுகாப்பு அம்சங்கள் கொடுக்கப்பட்டுள்ளன.
மஹிந்திரா XEV 9e - 5 ஸ்டார்ஸ்
5-ஸ்டார் BNCAP கிராஷ் ரேட்டிங்
அடல்ட் சேஃப்டி ஸ்கோர்: 32/ 32
சைல்டு சேஃப்டி ஸ்கோர்: 45/ 49
மஹிந்திராவின் எலக்ட்ரிக் SUV வரிசையில் வரவிருக்கும் XEV 9e டாடா ஹாரியர் EV-க்கு இணையாக பாதுகாப்பில் சிறந்து விளங்குகிறது. இந்த SUV-யும் பெரியவர்களுக்கான பாதுகாப்பில் 32-க்கு 32 என்ற முழு மதிப்பெண்ணை பெற்றுள்ளது. இது மஹிந்திராவின் 'பார்ன் எலக்ட்ரிக்' பிளாட்ஃபார்மின் வலிமையான கட்டமைப்பை எடுத்துக்காட்டுகிறது. இதில் லெவல் 2 ADAS போன்ற மேம்பட்ட பாதுகாப்பு தொழில்நுட்பங்களும் இடம்பெறும் என எதிர்பார்க்கப்படுகிறது.
It gets six airbags as standard, while higher-spec variants feature seven airbags, along with a 360-degree camera, ISOFIX சைல்டு seat mounts, tyre pressure monitoring and a Level-2 ADAS suite that includes features such as forward collision warning and autonomous emergency braking.
மஹிந்திரா BE 6 - 5 ஸ்டார்ஸ்
5-ஸ்டார் BNCAP கிராஷ் ரேட்டிங்
அடல்ட் சேஃப்டி ஸ்கோர்: 31.97/ 32
சைல்டு சேஃப்டி ஸ்கோர்: 45/ 49
மஹிந்திராவின் மற்றொரு எதிர்கால எலக்ட்ரிக் SUV மாடலான BE 6, பாதுகாப்பிலும் 5-ஸ்டார் ரேட்டிங்கை உறுதி செய்துள்ளது. இது பெரியவர்களுக்கான பாதுகாப்பில் 31 புள்ளிகளுக்கு மேல் பெற்றுள்ளது. இதன் சைல்டு ஆக்குபேஷன் புரொடக்ஷன் (COP) ஸ்கோரும் 43 புள்ளிகளுக்கு மேல் இருப்பதால் இது ஒரு முழுமையான பாதுகாப்பான குடும்ப காராக இருக்கும். இதன் வடிவமைப்பு மற்றும் தொழில்நுட்பம் மட்டுமல்ல பாதுகாப்பிலும் மஹிந்திரா கவனம் செலுத்தியுள்ளது.
இதில் அடிப்படை வசதியாக 6 ஏர்பேக்குகள் வழங்கப்படுகின்றன. ஹையர்-வேரியண்ட்களில் ( 7 ஏர்பேக்குகளுடன், 360-டிகிரி கேமரா, ஐசோஃபிக்ஸ் (ISOFIX) சைல்டு சீட் ஆங்கர்கள், டயர் அழுத்தத்தைக் கண்காணிக்கும் வசதி (TPMS) மற்றும் ஃபார்வர்டு கொலிஷன் வார்னிங் (முன்பக்க மோதல் எச்சரிக்கை), ஆட்டோனமஸ் எமர்ஜென்சி பிரேக்கிங் உள்ளடக்கிய லெவல்-2 அடாஸ் (Level-2 ADAS) பாதுகாப்புத் தொகுப்பும் இடம்பெற்றுள்ளது.
2026 கியா செல்டோஸ் - 5 ஸ்டார்ஸ்
5-ஸ்டார் BNCAP கிராஷ் ரேட்டிங்
அடல்ட் சேஃப்டி ஸ்கோர்: 31.70/ 32
சைல்டு சேஃப்டி ஸ்கோர்: 45/ 49
கியா செல்டோஸின் வரவிருக்கும் 2026 மாடல் பாதுகாப்பில் ஒரு பெரிய முன்னேற்றத்தைக் காண உள்ளது. இது பாரத் NCAP-ல் 5-ஸ்டார் ரேட்டிங் பெற்றுள்ளது. இதன் தற்போதைய மாடல் குளோபல் NCAP-ல் 3-ஸ்டார் மட்டுமே பெற்றிருந்த நிலையில் இந்த புதிய ரேட்டிங் செல்டோஸ் வாங்குபவர்களுக்கு ஒரு பெரிய நம்பிக்கையை அளிக்கும். 6 ஏர்பேக்குகள் ஸ்டாண்டர்டாக வருவதுடன் ADAS போன்ற அம்சங்களும் இதில் அடங்கும்.
செல்டோஸ் காரும் இந்த சிறந்த கிராஷ்-டெஸ்ட் செயல்திறனுடன் விரிவான பாதுகாப்பு அம்சங்களைக் கொண்ட பாக்கேஜை வழங்குகிறது. இதில் 6 ஏர்பேக்குகள், EBD உடன் கூடிய ABS பிரேக்கிங் சிஸ்டம், எலக்ட்ரானிக் ஸ்டெபிலிட்டி கன்ட்ரோல் (ESC), 4 வீல்களுக்கும் டிஸ்க் பிரேக்குகள்,ISOFIX சைல்டு சீட் ஆங்கர்கள் மற்றும் டயர் பிரஷர் மானிட்டரிங் சிஸ்டம் ஆகியவை கொடுக்கப்பட்டுள்ளன. மேலும், அடாப்டிவ் க்ரூஸ் கன்ட்ரோல் மற்றும் பல்வேறு டிரைவர் அசிஸ்டென்ஸ் அம்சங்களை உள்ளடக்கிய லெவல்-2 அடாஸ் (Level-2 ADAS) மற்றும் 360-டிகிரி கேமரா வசதிகளும் இதில் கிடைக்கின்றன.
மாருதி சுஸூகி விக்டோரிஸ் - 5 ஸ்டார்ஸ்
5-ஸ்டார் BNCAP கிராஷ் ரேட்டிங்
அடல்ட் சேஃப்டி ஸ்கோர்: 31.66/ 32
சைல்டு சேஃப்டி ஸ்கோர்: 43/ 49
மாருதி சுஸூகி நிறுவனமும் பாதுகாப்பு ரேட்டிங்கில் கவனம் செலுத்தத் தொடங்கியுள்ளது. அதன் வரவிருக்கும் பிரீமியம் SUV விக்டோரிஸ், பாரத் NCAP-ல் 5-ஸ்டார் ரேட்டிங்கைப் பெற்றுள்ளது. இது மாருதி கார்கள் பாதுகாப்பானவை அல்ல என்ற பொதுவான கருத்தை மாற்றும் ஒரு முயற்சியாகும். இந்த SUV வலுவான கட்டமைப்பு மற்றும் நவீன பாதுகாப்பு அம்சங்களுடன் வரும் என எதிர்பார்க்கப்படுகிறது.
விக்டோரிஸ் காரில் அடிப்படை வசதியாக 6 ஏர்பேக்குகளுடன் எலக்ட்ரானிக் ஸ்டெபிலிட்டி கன்ட்ரோல் (ESC), ISOFIX சைல்டு-சீட் ஆங்கர்கள் மற்றும் ஹில்-ஹோல்ட் அசிஸ்ட் ஆகியவை வழங்கப்படுகின்றன. இதன் ஹையர்-வேரியண்ட்களில் 360-டிகிரி கேமரா, முன்பக்க மற்றும் பின்புற பார்க்கிங் சென்சார்கள் மற்றும் லெவல்-2 அடாஸ் (Level-2 ADAS) போன்ற கூடுதல் அம்சங்கள் சேர்க்கப்பட்டுள்ளன. இந்த அடாஸ் அமைப்பில் லேன்-கீப் அசிஸ்ட், ஆட்டோனமஸ் எமர்ஜென்சி பிரேக்கிங் மற்றும் அடாப்டிவ் க்ரூஸ் கன்ட்ரோல் உள்ளிட்ட வசதிகள் இடம்பெற்றுள்ளன.
மாருதி சுஸூகி e விட்டாரா - 5 ஸ்டார்ஸ்
5-ஸ்டார் BNCAP கிராஷ் ரேட்டிங்
அடல்ட் சேஃப்டி ஸ்கோர்: 31.49/ 32
சைல்டு சேஃப்டி ஸ்கோர்: 43/ 49
மாருதியின் முதல் எலக்ட்ரிக் SUV-யான e விட்டாரா பாதுகாப்பிலும் எந்தக் குறையும் வைக்கவில்லை. இதுவும் 5-ஸ்டார் ரேட்டிங் பெற்றுள்ளது. பெரியவர்களுக்கான பாதுகாப்பில் 31 புள்ளிகளுக்கு மேல் பெற்றுள்ள இந்த கார் குழந்தைகளுக்கான பாதுகாப்பிலும் 43 புள்ளிகளுக்கு மேல் பெற்று சிறப்பான செயல்திறனை வெளிப்படுத்தியுள்ளது. இது மாருதியின் EV பயணத்திற்கு ஒரு வலுவான தொடக்கமாக அமையும்.
இ-விட்டாரா காரில் 7 ஏர்பேக்குகள், ISOFIX சைல்டு-சீட் ஆங்கர்கள், எலக்ட்ரானிக் ஸ்டெபிலிட்டி கன்ட்ரோல் மற்றும் லெவல்-2 அடாஸ் (Level-2 ADAS) ஆகிய அம்சங்கள் கொடுக்கப்பட்டுள்ளன. குழந்தைகளுக்கான பாதுகாப்பு சோதனையில் இது டைனமிக் டெஸ்ட்டில் 24-க்கு முழுமையாக 24 மதிப்பெண்களையும், சைல்டு ரெஸ்ட்ரைன்ட் சிஸ்டம் (CRS) பொறுத்தும் சோதனையில் 12-க்கு 12 மதிப்பெண்களையும் பெற்று அசத்தியுள்ளது.
2026 ஹூண்டாய் வென்யூ - 5 ஸ்டார்ஸ்
5-ஸ்டார் BNCAP கிராஷ் ரேட்டிங்
அடல்ட் சேஃப்டி ஸ்கோர்: 31.15/ 32
சைல்டு சேஃப்டி ஸ்கோர்: 44.46/ 49
ஹூண்டாய் வென்யூவின் 2026 ஃபேஸ்லிஃப்ட் மாடல் டிசைனில் மட்டுமல்ல பாதுகாப்பிலும் மேம்படுத்தப்பட்டுள்ளது. இந்த காம்பேக்ட் SUV பாரத் NCAP சோதனைகளில் முழுமையான 5-ஸ்டார் ரேட்டிங்கைப் பெற்றுள்ளது. இது இந்த செக்மென்ட்டில் பாதுகாப்பான கார்களைத் தேடுவோருக்கு ஒரு சிறந்த தேர்வாக அமையும். 6 ஏர்பேக்குகள் மற்றும் ADAS போன்ற அம்சங்கள் ஸ்டாண்டர்டாக வழங்கப்படலாம்.
வென்யூ (Venue) காரின் பாதுகாப்பு அம்சங்களில் 6 ஏர்பேக்குகள், EBD உடன்கூடிய ABS பிரேக்கிங் சிஸ்டம், ESC, ஹில்-ஹோல்ட் கன்ட்ரோல் மற்றும் டயர் பிரஷர் மானிட்டரிங் சிஸ்டம் ஆகியவை அடிப்படை வசதியாக வழங்கப்படுகின்றன. மேலும் 2026 வென்யூ மாடலை ஹூண்டாய் நிறுவனம் லெவல்-2 அடாஸ் (Level-2 ADAS) தொழில்நுட்பத்துடன் அப்டேட் செய்துள்ளது. அத்துடன் 360-டிகிரி கேமரா மற்றும் முன்பக்க & பின்புற பார்க்கிங் சென்சார்களும் இதில் கிடைக்கின்றன. மேலும் குழந்தைகளுக்கான பாதுகாப்புச் சோதனையில் இது டைனமிக் டெஸ்ட்டில் 24-க்கு 23.46 மதிப்பெண்களையும், சைல்டு ரெஸ்ட்ரைன்ட் சிஸ்டம் (CRS) பொறுத்தும் சோதனையில் 12-க்கு முழுமையாக 12 மதிப்பெண்களையும் பெற்றுள்ளது
டாடா சியரா - 5 ஸ்டார்ஸ்
5-ஸ்டார் BNCAP கிராஷ் ரேட்டிங்
அடல்ட் சேஃப்டி ஸ்கோர்: 31.14/ 32
சைல்டு சேஃப்டி ஸ்கோர்: 44.73/ 49
டாடா மோட்டார்ஸின் மற்றொரு ஐகானிக் பெயரான சியரா அதன் EV அவதாரத்தில் பாதுகாப்பிலும் சிறந்து விளங்குகிறது. இந்த லைஃப்ஸ்டைல் SUV பாரத் NCAP-ல் 5-ஸ்டார் ரேட்டிங் பெற்றுள்ளது. இதன் தனித்துவமான வடிவமைப்புடன் பாதுகாப்பிலும் எந்த சமரசமும் செய்யப்படவில்லை என்பது தெளிவாகிறது. இதன் வலுவான கட்டமைப்பு மற்றும் பாதுகாப்பு அம்சங்கள் இதை ஒரு பாதுகாப்பான குடும்ப காராக மாற்றுகிறது.
குழந்தைகளுக்கான பாதுகாப்புச் சோதனையில் சியரா டைனமிக் மதிப்பீட்டில் 24-க்கு 23.73 மதிப்பெண்களைப் பெற்றுள்ளது. இதன் பாதுகாப்பு அம்சங்களில் 6 ஏர்பேக்குகள், EBD உடன்கூடிய ABS பிரேக்கிங் சிஸ்டம், எலக்ட்ரானிக் ஸ்டெபிலிட்டி கன்ட்ரோல் (ESC), ஐசோஃபிக்ஸ் (ISOFIX) சைல்டு சீட் ஆங்கர்கள், 4 வீல்களுக்கும் டிஸ்க் பிரேக்குகள், டயர் பிரஷர் மானிட்டரிங் சிஸ்டம் (TPMS), 360-டிகிரி கேமரா மற்றும் லெவல்-2 அடாஸ் தொழில்நுட்பம் ஆகியவை அடங்கும்.
டாடா பன்ச் EV - 5 ஸ்டார்ஸ்
5-ஸ்டார் BNCAP கிராஷ் ரேட்டிங்
அடல்ட் சேஃப்டி ஸ்கோர்: 31.09/ 32
சைல்டு சேஃப்டி ஸ்கோர்: 45/ 49
சிறந்த பாரத் NCAP பாதுகாப்பு ரேட்டிங் என்பது பெரிய SUV -களுக்கு மட்டுமே சாத்தியமான ஒன்றல்ல என்பதை டாடா பன்ச் EV நிரூபித்துள்ளது. இந்த எலெக்ட்ரிக் மைக்ரோ-எஸ்.யூ.வி, பெரியவர்களுக்கான பாதுகாப்பில் 32-க்கு 31.09 மதிப்பெண்களையும் குழந்தைகளுக்கான பாதுகாப்பில் 49-க்கு 45 மதிப்பெண்களையும் பெற்று இரண்டு பிரிவுகளிலுமே 5-ஸ்டார் ரேட்டிங்கைத் தட்டிச் சென்றுள்ளது. மேலும், குழந்தைகளுக்கான டைனமிக் பாதுகாப்புச் சோதனைகளிலும் இது முழு மதிப்பெண்களைப் பெற்று அசத்தியுள்ளது.
பன்ச் EV காரில் 6 ஏர்பேக்குகள், EBD உடன்கூடிய ABS பிரேக்கிங் சிஸ்டம், ESC, ஹில்-ஹோல்ட் அசிஸ்ட், TPMS, பின்புற பார்க்கிங் சென்சார்கள் மற்றும் ISOFIX ஆங்கர்கள் ஆகியவை அடிப்படை வசதியாகப் வழங்கப்படுகின்றன. ஹையர்-வேரியண்ட்களில் 360-டிகிரி கேமரா, பிளைண்ட்-வியூ மானிட்டர் மற்றும் ஆட்டோ ஹோல்ட் வசதியுடன் கூடிய எலக்ட்ரானிக் பார்க்கிங் பிரேக் போன்ற கூடுதல் அம்சங்கள் சேர்க்கப்பட்டுள்ளன.
மஹிந்திரா தார் ராக்ஸ் - 5 ஸ்டார்ஸ்
5-ஸ்டார் BNCAP கிராஷ் ரேட்டிங்
அடல்ட் சேஃப்டி ஸ்கோர்: 31.09/ 32
சைல்டு சேஃப்டி ஸ்கோர்: 45/ 49
மஹிந்திரா தார் ராக்ஸ் பெரியவர்களுக்கான பாதுகாப்பில் 32-க்கு 31.09 மதிப்பெண்களையும் குழந்தைகளுக்கான பாதுகாப்பில் 49-க்கு 45 மதிப்பெண்களையும் பெற்று இந்தப் பட்டியலை நிறைவு செய்கிறது. மிக முக்கியமாக பாரத் NCAP அமைப்பிடம் 5-ஸ்டார் பாதுகாப்பு ரேட்டிங் பெற்ற முதல் 'பாடி-ஆன்-ஃப்ரேம்' SUV என்ற பெருமையையும் இது பெற்றுள்ளது. இதன் மூலம் தனது பாரம்பரியமான கரடுமுரடான SUV கட்டமைப்போடு வலுவான பாதுகாப்புத் திறனையும் இது நிரூபித்துள்ளது.
தார் ராக்ஸ் காரில் 6 ஏர்பேக்குகள் எலக்ட்ரானிக் ஸ்டெபிலிட்டி கன்ட்ரோல், ஹில்-ஹோல்ட் மற்றும் ஹில்-டிசென்ட் கன்ட்ரோல், 360-டிகிரி கேமரா, 4 வீல்களுக்கும் டிஸ்க் பிரேக்குகள் மற்றும் டயர் பிரஷர் மானிட்டரிங் சிஸ்டம் ஆகியவை வழங்கப்படுகின்றன. மேலும் இது லேன்-கீப் அசிஸ்ட் மற்றும் அடாப்டிவ் க்ரூஸ் கன்ட்ரோல் போன்ற லெவல்-2 ADAS பாதுகாப்பு அம்சங்களையும் வழங்குகிறது.
கார்தேக்கோ சொல்வது...
இந்த கிராஷ்-டெஸ்ட் எண்கள் கார்களுக்கு இடையே போட்டி எவ்வளவு தீவிரமாக மாறியுள்ளது என்பதைத் தெளிவாகக் காட்டுகின்றன. டாடா ஹாரியர் EV மற்றும் மஹிந்திரா XEV 9e ஆகிய இரண்டுமே பெரியவர்களுக்கான பாதுகாப்பில் -க்கு 32 முழு மதிப்பெண்களையும் பெற்று அசத்தியுள்ளன. மஹிந்திரா BE 6 மாடலும் இந்த இலக்கிற்கு மிகவும் நெருக்கமாக வந்துள்ளது. இந்தப் பட்டியலில் சற்று கீழே வந்தாலும் வித்தியாசங்கள் மிகக் குறைவே - ஹூண்டாய் வென்யூ, டாடா சியரா டாடா பன்ச் EV மற்றும் மஹிந்திரா தார் ராக்ஸ் ஆகிய அனைத்துமே பெரியவர்களுக்கான பாதுகாப்பில் 31 புள்ளிகளுக்கும் மேல் கடந்து சாதனை படைத்துள்ளன.
இதில் ஹாரியர் EV, XEV 9e போன்ற பிரீமியம் எலெக்ட்ரிக் எஸ்.யூ.வி-க்களும், செல்டோஸ் போன்ற காம்பேக்ட். SUV-க்களும் பன்ச் EV போன்ற சிறிய ரக மாடல்களும் அடங்கும். மாருதி விக்டோரிஸ் மற்றும் இ-விட்டாரா ஆகிய கார்கள், மாருதி சுஸூகி நிறுவனமும் 5-ஸ்டார் பாரத் NCAP பாதுகாப்புப் பிரிவில் மிக வலுவாகக் களம் இறங்கியுள்ளதை உணர்த்துகின்றன.
இருப்பினும் ஒரு காரின் 5-ஸ்டார் ரேட்டிங்கை மட்டும் தனியாகப் பார்க்கக் கூடாது. கார்களை ஒப்பிடும்போது, அதில் உள்ள பெரியவர்களுக்கான தனிநபர் பாதுகாப்பு மதிப்பெண்கள் குழந்தைகளுக்கான பாதுகாப்புச் செயல்திறன் மற்றும் வழங்கப்பட்டுள்ள பாதுகாப்பு அம்சங்கள் ஆகியவை சிறந்த புரிதலைக் கொடுக்கும். எனவே இந்த தீபாவளிக்கு உங்கள் வீட்டிற்குப் புதிய SUV காரைக் கொண்டுவரத் திட்டமிடுகிறீர்கள் என்றால் பாதுகாப்புக்கு முன்னுரிமை அளிப்போருக்கு இந்த 10 கார்களும் சிறந்த தொடக்கமாக அமையும்.
இந்த தீபாவளிக்கு 5-ஸ்டார் பாரத் NCAP பெற்ற இந்த SUV -க்களில் எந்த காரை வாங்க நீங்கள் விரும்புவீர்கள்? கீழே உள்ள கமெண்ட் பகுதியில் எங்களுடன் பகிர்ந்துகொள்ளுங்கள்!
