மிரட்டலான அப்டேட்களுடன் 2026 ஃபோக்ஸ்வேகன் விர்ட்டஸ் ஃபேஸ்லிஃப்ட் டீசர்ப்ட்... டிசம்பரில் மாஸ் என்ட்ரி!
விர்ட்டஸ் கார் தனது நேர்த்தியான மற்றும் ஸ்போர்ட்டியான தோற்றத்தைத் தக்கவைத்துக்கொண்டு மேலும் பிரீமியம் லுக்கைக் கூட்டக்கூடிய சில நுட்பமான டிசைன் மாற்றங்களை இப்போது பெற்றுள்ளது.
- ஒரு கருத்தை எழுதுக
| எங்களின் 50 அதிர்ஷ்டசாலி வாசகர்களுக்கு பிரத்யேக கார் வாங்கும் அனுபவ வழிகாட்டலை நாங்கள் வழங்குகிறோம். இதன் மூலம் நீங்கள் நேரடியாக ஒரு ஆட்டோமொபைல் நிபுணரிடம் பேசி உங்கள் சந்தேகங்கள் அனைத்தையும் தீர்த்துக் கொள்ள முடியும். உடனே இந்த படிவத்தைப் பூர்த்தி செய்யுங்கள். நீங்கள் அந்த அதிர்ஷ்டசாலிகளுள் ஒருவராக இருந்தால் விரைவில் உங்களைத் தொடர்பு கொள்வோம். |
இந்திய ஆட்டோமொபைல் சந்தை சமீப காலமாக ஏராளமான புதிய கார் அறிமுகங்களால் மிகுந்த பரபரப்பாகக் காணப்படுகிறது; இதில் பெரும்பாலானவை எஸ்யூவிகளாகவும், சில ஹேட்ச்பேக்குகளாகவும் உள்ளன. இருந்தாலும் நடப்பு ஆண்டு இன்னும் முடிவடையவில்லை, வரவிருக்கும் கார்களின் பட்டியலும் தீரவில்லை. அந்த வரிசையில், ஃபேஸ்லிஃப்ட் அப்டேட்டுக்கு தயாராக இருக்கும் விர்ட்டஸ் காரின் புதிய படங்களை ஃபோக்ஸ்வேகன் தற்போது வெளியிட்டுள்ளது; இது வரும் டிசம்பரில் விற்பனைக்கு வரும் என எதிர்பார்க்கப்படுகிறது.
A post shared by CarDekho India (@cardekhoindia)
விர்டஸின் சகோதர மாடலான ஸ்கோடா ஸ்லாவியா சமீபத்தில் ஃபேஸ்லிஃப்ட் செய்யப்பட்ட நிலையில் தற்போது வெளியாகியுள்ள விர்ட்டஸ் டீசரில் என்னென்ன மாற்றங்கள் தெரிகின்றன? விர்ட்டஸ் ஃபேஸ்லிஃப்ட்டில் இடம்பெற வாய்ப்புள்ள புதிய அம்சங்கள் என்னென்ன என்பதையும் அலசுவோம்.
முற்றிலும் புதிய டிசைனா?
நிச்சயமாக இல்லை. ஒரு ஜெர்மன் நிறுவனத்தின் ஃபேஸ்லிஃப்ட் மாடல் என்பதால் எக்ஸ்டீரியரில் மிகக் குறைந்த அளவிலான மாற்றங்களையே நாம் எதிர்பார்க்க முடியும். அப்படியிருந்தும் கூட இதில் செய்யப்பட்டுள்ள மாற்றங்கள் தெளிவாகக் கண்ணில் படுகின்றன. விர்டஸின் முகப்புப் பகுதி பியானோ பிளாக் ஃபினிஷ் மற்றும் ஏர் டேமின் கீழ்ப்பகுதியில் டைமண்ட் போன்ற பேட்டர்ன் கொண்ட புதிய பம்பர் டிசைனைப் பெற்றுள்ளது. ஆனால் ஹெட்லேம்ப்களின் வடிவமைப்பில் எந்த மாற்றமும் இல்லாமல் பழைய தோற்றமே தொடர்கிறது.
அதேநேரம் பழைய ஹாலோஜன் ஃபாக் லேம்ப்களுக்குப் பதிலாக எல்இடி புரொஜெக்டர் லேம்ப்கள் வந்துள்ளன. அதிகப்படியான பளபளப்பான டிசைன்களுக்குப் போகாமல், தனது கம்பீரமான ஸ்போர்ட்டி லுக்கை ஃபோக்ஸ்வேகன் அப்படியே தக்கவைத்திருப்பதையும், வழக்கமான கனெக்டட் எல்இடி டிஆர்எல்களைத் தவிர்த்திருப்பதையும் இங்கு கவனிக்க முடிகிறது.
பக்கவாட்டுத் தோற்றத்தில் காரின் ஒட்டுமொத்த வடிவமைப்பு அப்படியே தொடர்கிறது. இருப்பினும், இந்த ஃபேஸ்லிஃப்ட் மாடலில் புதிய 10-ஸ்போக் டிசைனுடன் கூடிய 16 இன்ச் அலாய் வீல்கள் கொடுக்கப்பட்டுள்ளன. தற்போதைய மாடல்களைப் போலவே, GT மற்றும் GTline வேரியண்ட்களில் இவை முழுமையான பிளாக் ஃபினிஷிலும், பிற உயர் ரக வேரியண்ட்களில் டூயல்-டோன் ஃபினிஷிலும் கிடைக்கும்.
பின்பக்க வடிவமைப்பிலும் சில நுணுக்கமான மாற்றங்கள் செய்யப்பட்டுள்ளன. பம்பரின் கீழ்ப்பகுதியில் சேர்க்கப்பட்டுள்ள டைமண்ட் பேட்டர்ன் காருக்கு கூடுதல் பிரீமியம் தோற்றத்தைத் தருகிறது. அதேசமயம் டெயில் லேம்ப் மற்றும் பூட் லிட் உள்ளிட்ட பெரும்பாலான பழைய பாகங்கள் எந்த மாற்றமும் இன்றி தொடர்கின்றன.
வெளியாகியுள்ள படங்களில் இன்டீரியர் காட்சிகள் இன்னும் காட்டப்படவில்லை. இருப்பினும், இதே குடும்பத்தைச் சேர்ந்த சமீபத்திய பிற ஃபேஸ்லிஃப்ட் கார்களைப் பார்க்கும்போது, கேபினுக்குப் புத்துணர்ச்சியூட்டும் வகையில் சில சிறிய டிசைன் மாற்றங்களுடன் அதே லேஅவுட் இதிலும் தொடரும் என எதிர்பார்க்கலாம்.
எதிர்பார்க்கப்படும் வசதிகள்
இந்த ஆண்டு ஃபேஸ்லிஃப்ட் செய்யப்பட்ட பிற VAG கார்களைப் போலவே, புதிய 10.25 இன்ச் டிஜிட்டல் டிரைவர் டிஸ்பிளே மற்றும் வயர்லெஸ் Android Auto மற்றும் Apple CarPlay சப்போர்ட் கொண்ட மேம்படுத்தப்பட்ட 10.1 இன்ச் டச்ஸ்கிரீன் இன்ஃபோடெயின்மென்ட் சிஸ்டம் போன்ற வசதிகள் விர்டஸிலும் இடம்பெறும். இதுதவிர பவர்டு மற்றும் வென்டிலேட்டட் வசதி கொண்ட முன்பக்க இருக்கைகள், சிங்கிள்-பேன் சன்ரூஃப், கனெக்டட் கார் டெக்னாலஜி, ஆட்டோ கிளைமேட் கன்ட்ரோல் மற்றும் வயர்லெஸ் சார்ஜர் ஆகியவையும் எதிர்பார்க்கப்படுகின்றன.
*குறிப்புக்காக ஸ்லாவியா ஃபேஸ்லிஃப்ட்டின் இன்ஃபோடெயின்மென்ட் டிஸ்பிளே
பாதுகாப்பைப் பொறுத்தவரை, 360-டிகிரி கேமரா, நான்கு சக்கரங்களுக்கும் டிஸ்க் பிரேக்குகள் மற்றும் முன்பக்க பார்க்கிங் சென்சார்கள் போன்ற அப்கிரேடுகள் வரலாம். மேலும் EBD உடன் கூடிய ABS, HHA, 6 ஏர்பேக்குகள், டயர் பிரஷர் வார்னிங் சிஸ்டம் மற்றும் ISOFIX சைல்டு சீட் மவுண்ட்கள் போன்றவையும் விர்டஸில் தொடரும். தற்போதைய தலைமுறை விர்ட்டஸ் Global NCAP கிராஷ் டெஸ்ட்டில் 5 ஸ்டார்களைப் பெற்றுள்ளதால், காரின் பாதுகாப்புத் தரம் மேலும் உறுதிப்படுகிறது.
பவர்டிரெயின் ஆப்ஷன்கள்
விர்ட்டஸ் தொடர்ந்து 1-லிட்டர் TSI மற்றும் 1.5-லிட்டர் TSI என்ஜின் தேர்வுகளுடனேயே விற்பனைக்கு வரும். எனினும், 1-லிட்டர் என்ஜினில் பழைய 6-ஸ்பீடு மேனுவல் கியர்பாக்ஸுடன் சேர்த்து புதிய 8-ஸ்பீடு ஆட்டோமேட்டிக் கியர்பாக்ஸ் அறிமுகமாகும் என எதிர்பார்க்கப்படுகிறது; அதே நேரத்தில் 1.5-லிட்டர் என்ஜின் தொடர்ந்து தனது பிரபலமான DSG கியர்பாக்ஸைப் பெறும்.
பவர்டிரெயின் விவரக்குறிப்புகள் பின்வருமாறு:
| விவரங்கள் |
|
|
||
| பவர் |
115 PS |
150 PS |
||
| டார்க் | 178 Nm |
250 Nm |
||
| டிரான்ஸ்மிஷன் |
6-speed MT / 8-speed AT |
7-speed DCT |
*MT - மேனுவல் டிரான்ஸ்மிஷன் / AT - டார்க் கன்வெர்ட்டர் (ஆட்டோமேட்டிக்) / DCT - டூயல்-கிளட்ச் டிரான்ஸ்மிஷன் (ஆட்டோமேட்டிக்)
1-லிட்டர் TSI பெட்ரோல் என்ஜின் அதன் சுறுசுறுப்பான மற்றும் விறுவிறுப்பான இயங்குதன்மைக்காக வாடிக்கையாளர்களிடையே பெரும் பாராட்டைப் பெற்ற ஒன்றாகும். நமது சாலைகளின் பெரும்பாலான டிரைவிங் தேவைகளுக்கு இதன் பவர் போதுமானதை விட அதிகமாகவே இருக்கும். மேலும், புதிய 8-ஸ்பீடு கியர்பாக்ஸ் பார்க்கிங் போன்ற குறைந்த வேகங்களில் ஏற்படும் தேவையற்ற விறுவிறுப்பைச் சரிசெய்து, எரிபொருள் சிக்கனத்தையும் கணிசமாக மேம்படுத்துகிறது.
அதேசமயம், 1.5-லிட்டர் என்ஜின் எந்தவித சிரமமும் இன்றி வெளிப்படுத்தும் மிரட்டலான பவருக்காக கார் ஆர்வலர்களின் ஃபேவரிட்டாக உள்ளது; அதோடு இதில் உள்ள 2-சிலிண்டர் மோடு காரணமாக நெடுஞ்சாலைகளில் இது சிறப்பான மைலேஜையும் வழங்குகிறது.
எதிர்பார்க்கப்படும் விலை மற்றும் போட்டியாளர்கள்
ஃபோக்ஸ்வேகன் விர்ட்டஸ் ஃபேஸ்லிஃப்ட் வரும் நவம்பர் மாத இறுதியில் அல்லது டிசம்பர் மாதத் தொடக்கத்தில் அறிமுகமாகும் என எதிர்பார்க்கப்படுகிறது. இதன் ஆரம்ப எக்ஸ்-ஷோரூம் விலை 12 லட்சம் ரூபாயாக நிர்ணயிக்கப்பட வாய்ப்புள்ளது.
காம்பாக்ட் செடான் பிரிவில் இது ஸ்கோடா ஸ்லாவியா, ஹோண்டா சிட்டி மற்றும் ஹூண்டாய் வெர்னா போன்ற முன்னணி மாடல்களுக்குக் கடுமையான போட்டியைக் கொடுக்கும்.
கார்தேக்கோவின் கருத்து...
சமீபகாலமாக தனது பிரிவில் அதிகம் விற்பனையாகும் செடானாக விர்ட்டஸ் ஆதிக்கம் செலுத்தி வருகிறது. அதற்கேற்ற தகுதியும் இந்த காருக்கு உண்டு. ஸ்டைலான தோற்றம், அபாரமான செயல்திறன், சவுகரியமான பயணம் மற்றும் தேவையான அம்சங்களை விரும்பும் செடான் பிரியர்களின் முதல் தேர்வாக இது இருக்கிறது.
வரவிருக்கும் புதிய ஃபேஸ்லிஃப்ட் மூலம் விர்ட்டஸ் மாடல் புதிய 8-ஸ்பீடு கியர்பாக்ஸ், UV கட் கிளாஸ் மற்றும் கேபினை முன்பை விட மிக வேகமாக குளிர்விக்கும் புதிய ஏசி சிஸ்டம் போன்ற குறிப்பிடத்தக்க முக்கிய அப்டேட்களைப் பெறுகிறது. மேலும் பெரிய டிஜிட்டல் டிரைவர் டிஸ்பிளே, முன்பக்க பார்க்கிங் சென்சார்கள் மற்றும் 360-டிகிரி கேமரா போன்ற நவீன வசதிகளின் சேர்க்கை, அதிக வசதிகள் நிறைந்த பிற போட்டியாளர்களுக்கு மத்தியில் விர்டஸை மேலும் கவர்ச்சிகரமானதாக மாற்றுவதுடன், போக்குவரத்து நெரிசலான இடங்களில் காரை எளிதாக ஓட்டிச் செல்லவும் பெரிதும் உதவும்.
