2027 Hyundai i20 గ్లోబల్ అరంగేట్రం: డీటైల్డ్ ఇమేజ్ గ్యాలరీలో వాటి వివరాలు!

హ్యుందాయ్ బ్రెజిల్‌లో తదుపరి తరం i20ను విడుదల చేసింది. ఇప్పటివరకు ఈ హ్యాచ్‌బ్యాక్‌కు వచ్చిన అప్‌డేట్‌లలో ఇది అతిపెద్ద మార్పులలో ఒకటిగా నిలవొచ్చు. ఈ కొత్త తరం i20 వచ్చే ఏడాది భారత మార్కెట్లో కూడా ప్రవేశించే అవకాశం ఉంది. ఇందులో పూర్తిగా కొత్త ఇంటీరియర్, ఎక్స్‌టీరియర్ డిజైన్, మరింత టెక్నాలజీతో కూడిన ఫీచర్ల జాబితా, అలాగే అప్‌డేటెడ్ పవర్‌ట్రెయిన్ ఎంపికలు ఉండనున్నాయి. 

హ్యుందాయ్ భారత్‌లో ఈ మోడల్‌ను అధికారికంగా ప్రకటించే వరకు వేచి చూస్తున్న తరుణంలో, గ్లోబల్ వెర్షన్ గురించి తెలుసుకోవాల్సిన అన్ని వివరాలు ఈ డీటైల్డ్ ఇమేజ్ గ్యాలరీలో చూద్దాం.

ఎక్స్‌టీరియర్

డిజైన్ లాంగ్వేజ్ లో భారీ మార్పులు చోటుచేసుకున్నాయి. ప్రస్తుతం ఉన్న మోడల్‌తో పోలిస్తే కొత్త i20 పెద్ద పరిమాణాలు, మరింత స్లీక్ డిజైన్ అంశాలతో మరింత ఆధునికంగా కనిపిస్తోంది.

• ముందు భాగంలో కనెక్టెడ్ LED హెడ్‌ల్యాంప్ సెటప్‌తో పాటు పెద్ద లోయర్ ఎయిర్ డ్యామ్‌ను అందించారు.

• బంపర్ దిగువ భాగాన్ని బ్లాక్ ఫినిష్‌తో రూపొందించగా, గ్రిల్ మధ్యలో సిల్వర్ స్ట్రిప్‌ను ఇచ్చారు. గత మోడల్‌లో కనిపించే పదునైన కట్స్, క్రీజ్‌ల స్థానంలో ఇప్పుడు మరింత మృదువైన లైన్లు కనిపిస్తున్నాయి.

• సైడ్ ప్రొఫైల్‌లో బాక్సీ సిల్హౌట్‌ను అందించారు. వీల్ ఆర్చ్‌లు, సైడ్ స్కర్ట్‌లపై మందమైన క్లాడింగ్ ఇవ్వడం వల్ల కారు మరింత బలమైన రూపాన్ని సంతరించుకుంది. అలాగే వెనుక భాగం వైపు పైకి ఎగసే ప్రత్యేక విండో లైన్ కూడా ఆకర్షణీయంగా కనిపిస్తోంది.

• బ్రెజిల్ మార్కెట్ కోసం హ్యుందాయ్ 17-అంగుళాల వరకు డ్యూయల్-టోన్ అలాయ్ వీల్స్‌ను అందిస్తోంది. పరిమిత సంఖ్యలో వచ్చే X-Line వెర్షన్‌లో బ్లాక్డ్-అవుట్ ORVMలు మరియు వెనుక విండో వెనుక భాగంలో ప్రత్యేక బ్యాడ్జ్‌ను కూడా అందించారు.

• వెనుక భాగంలో కనెక్టెడ్ LED టెయిల్‌ల్యాంప్ సెటప్, శిల్పకళను తలపించే టెయిల్‌గేట్, రూఫ్ స్పాయిలర్, అలాగే స్పోర్టీ లుక్ కోసం ఫాక్స్ డిఫ్యూజర్‌తో కూడిన క్లాడెడ్ బంపర్‌ను అందించారు.

ఇంటీరియర్

• కొత్త i20 ఇంటీరియర్ భవిష్యత్ తరహా డిజైన్‌ను కలిగి ఉండటంతో పాటు, గతంలో గ్లోబల్ హ్యుందాయ్ మోడళ్లలో కనిపించిన రెట్రో-కూల్ టచ్‌లను కూడా కొనసాగించింది.

• డ్యాష్‌బోర్డ్‌లో ప్రధాన ఆకర్షణగా డిజిటల్ ఇన్‌స్ట్రుమెంట్ క్లస్టర్ మరియు టచ్‌స్క్రీన్ ఇన్ఫోటైన్‌మెంట్ సిస్టమ్‌ను కలిపిన కర్వ్డ్ డ్యూయల్-స్క్రీన్ సెటప్ కనిపిస్తుంది.

• మధ్య భాగంలో స్లిమ్ వర్టికల్ AC వెంట్స్‌ను అమర్చారు. వాటి మధ్యలో క్లైమేట్ కంట్రోల్ బటన్లను ఉంచారు. 

• భారత్‌లోని Venue, Verna వంటి మోడళ్లలో చూసిన ‘మోర్స్ కోడ్’ లోగోతో కూడిన కొత్త ఫ్లాట్-బాటమ్ స్టీరింగ్ వీల్‌ను కూడా ఈ హ్యాచ్‌బ్యాక్‌లో అందించారు.

• బేజ్-గ్రే, ఆల్-బ్లాక్ మరియు బ్లాక్-గ్రే కలర్ కాంబినేషన్‌లతో సహా పలు క్యాబిన్ థీమ్‌లను అందిస్తున్నారు.

ఫీచర్లు & సేఫ్టీ

బ్రెజిల్ స్పెక్ i20లో ఆటోమేటిక్ క్లైమేట్ కంట్రోల్, 12.3-అంగుళాల డిజిటల్ ఇన్‌స్ట్రుమెంట్ క్లస్టర్, వైర్‌లెస్ ఆండ్రాయిడ్ ఆటో మరియు ఆపిల్ కార్‌ప్లేతో కూడిన 12.3-అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్, 6-స్పీకర్ సౌండ్ సిస్టమ్, కనెక్టెడ్ కార్ టెక్నాలజీ, ప్యాడిల్ షిఫ్టర్లు, కీ లెస్ ఎంట్రీ, పుష్-బటన్ స్టార్ట్/స్టాప్ మరియు వైర్‌లెస్ ఫోన్ ఛార్జర్ వంటి ఫీచర్లు ఉన్నాయి.

ముందు సీట్లలో ఉన్న ప్రయాణికులకు రెండు USB Type-C ఛార్జింగ్ పోర్టులు అందించగా, వెనుక AC వెంట్స్ కింద వెనుక ప్రయాణికుల కోసం మరో USB Type-C ఛార్జింగ్ పోర్ట్‌ను కూడా అందించారు.

సేఫ్టీ పరంగా లెవల్-2 ADAS (అడ్వాన్స్‌డ్ డ్రైవర్ అసిస్టెన్స్ సిస్టమ్స్), 6 ఎయిర్‌బ్యాగ్‌లు, హిల్ హోల్డ్ అసిస్ట్ (HHA), ఎలక్ట్రానిక్ స్టెబిలిటీ కంట్రోల్ (ESC), రియర్ వైపర్ మరియు వాషర్, ట్రాక్షన్ కంట్రోల్, రియర్ పార్కింగ్ సెన్సర్లు, ఆటో-హోల్డ్ ఫంక్షన్‌తో కూడిన ఎలక్ట్రానిక్ పార్కింగ్ బ్రేక్ (EPB), రివర్స్ పార్కింగ్ కెమెరా మరియు నాలుగు వీల్స్ కూ డిస్క్ బ్రేక్‌లను అందించారు. 

పవర్‌ట్రెయిన్‌లు

బ్రెజిల్‌లో కొత్త i20ను 1-లీటర్ నేచురల్లీ ఆస్పిరేటెడ్ ఫ్లెక్స్-ఫ్యూయల్ పెట్రోల్ ఇంజిన్ మరియు 1-లీటర్ టర్బో-పెట్రోల్ ఇంజిన్ ఎంపికలతో అందిస్తున్నారు. అయితే భారత మార్కెట్లో ప్రస్తుతం ఉన్న 1.2-లీటర్ నేచురల్లీ ఆస్పిరేటెడ్ పెట్రోల్ ఇంజిన్‌ను కొనసాగించే అవకాశం ఉంది. అలాగే i20 N-Lineలో లభించే 1-లీటర్ టర్బో-పెట్రోల్ ఇంజిన్‌ను కూడా అందించే అవకాశం ఉంది.

MT - మాన్యువల్ ట్రాన్స్‌మిషన్, CVT - కంటిన్యూస్ వేరియబుల్ ట్రాన్స్‌మిషన్ (ఆటోమేటిక్)

DCT - డ్యూయల్ క్లచ్ ట్రాన్స్‌మిషన్ (ఆటోమేటిక్)

లాంచ్ తేదీ, అంచనా ధర & ప్రత్యర్థులు

కొత్త హ్యుందాయ్ i20 భారత మార్కెట్లో 2027 మధ్య నాటికి విడుదలయ్యే అవకాశం ఉంది. దీని ప్రారంభ ధర సుమారు రూ. 6.5 లక్షలు (ఎక్స్-షోరూమ్) ఉండవచ్చని అంచనా.

హ్యుందాయ్ i20కు ప్రధాన ప్రత్యర్థులుగా Tata Altroz, Maruti Baleno, Toyota Glanza ఉన్నాయి.