భారతీయులు మనస్ఫూర్తిగా ఇష్టపడే టాప్ 5 సెడాన్లు!
అన్నింటిలో డిజైర్ అగ్రస్థానంలో కొనసాగుతుండగా, తరువాతి స్థానాలలో ఆరా మరియు అమేజ్ కొనసాగుతున్నాయి
- ఒక వ్యాఖ్యను వ్రాయండి
SUVల జనాదరణ విపరీతంగా పెరుగుతున్నప్పటికీ, భారతీయ మార్కెట్లో కొన్ని సెడాన్లు ఇప్పటికీ చాలా మంచి సంఖ్యలో అమ్ముడవుతున్నాయి. డిజైర్ అమ్మకాల చార్టులలో అగ్రస్థానంలో కొనసాగుతుండగా, ఆరా మరియు అమేజ్ తర్వాతి స్థానాల్లో ఉన్నాయి. 2025-26 సంవత్సరంలో అత్యధికంగా అమ్ముడైన టాప్ ఐదు సెడాన్ల వివరాలు ఇక్కడ ఉన్నాయి.
#1 మారుతి సుజుకి డిజైర్
అమ్మిన యూనిట్లు: 2,60,075
సెడాన్ మార్కెట్లో Maruti Suzuki Dzire ఈ విభాగంలో తిరుగులేని అమ్మకాల ఛాంపియన్గా నిలుస్తోంది. విశాలమైన, ప్రాక్టికల్ క్యాబిన్, నమ్మకమైన ఇంజిన్, మరియు అత్యుత్తమ ఫ్యూయల్-ఎఫిషియన్సీ దీని సొంతం. మొదటిసారి కారు కొనేవారికి ఇది సురక్షితమైన ఎంపిక. దీని ధరలు రూ. 6.26 లక్షల నుండి రూ. 9.36 లక్షల వరకు (ఎక్స్-షోరూమ్) ఉన్నాయి.
2024లో వచ్చిన కొత్త తరం డిజైర్లో 1.2-లీటర్ పెట్రోల్ ఇంజిన్ ఉంది, ఇది 90 PS పవర్ మరియు 110 Nm టార్క్ను అందిస్తుంది. దీని క్లెయిమ్డ్ ఫ్యూయల్ ఎఫిషియెన్సీ 25.71 kmpl (AT). ఇందులో LED DRLలతో ఆటోమేటిక్ LED హెడ్ల్యాంప్లు, ఎలక్ట్రిక్ సన్రూఫ్, వైర్లెస్ కనెక్టివిటీ తో 9-అంగుళాల టచ్స్క్రీన్, 6 ఎయిర్బ్యాగ్లు, 360-డిగ్రీ కెమెరా వంటి ఫీచర్లు ఉన్నాయి. దీనికి 5-స్టార్ BNCAP సేఫ్టీ రేటింగ్ కూడా లభించింది.
#2 హ్యుందాయ్ ఆరా
అమ్మిన యూనిట్లు: 74,258
2023లో చివరిసారిగా అప్డేట్ అయిన Hyundai Aura, డిజైర్ తర్వాత మంచి అమ్మకాలను నమోదు చేస్తోంది. ఫ్యూయల్ ఎఫిషియెన్సీ మరియు క్యాబిన్ స్పేస్ కారణంగా ఇది ఫ్లీట్ కొనుగోలుదారులలో కూడా ప్రాచుర్యం పొందింది. ఆరా ధర రూ. 6 లక్షల నుండి రూ. 8.60 లక్షల వరకు (ఎక్స్-షోరూమ్) ఉంది.
ఇందులో వైర్డ్ ఆండ్రాయిడ్ ఆటో & ఆపిల్ కార్ ప్లేతో 8-అంగుళాల టచ్స్క్రీన్, మల్టీ ఇన్ఫర్మేషన్ డ్రైవర్ డిస్ప్లే, యాక్ససరీ వైర్లెస్ ఫోన్ చార్జర్, టోమేటిక్ క్లైమేట్ కంట్రోల్, క్రూయిజ్ కంట్రోల్ మరియు ఆటోమేటిక్ హెడ్ లాంప్స్ వంటి ఫీచర్లు ఉన్నాయి. సేఫ్టీ కోసం 6 ఎయిర్బ్యాగ్లు, టైర్ ప్రెజర్ మానిటరింగ్ సిస్టమ్ (TPMS) మరియు ISOFIX చైల్డ్ సీట్ మౌంట్లు, రేర్ పార్కింగ్ కెమెరా ఉన్నాయి.
#3 హోండా అమేజ్
అమ్మిన యూనిట్లు: 37,342
Honda Amaze కూడా 2025-26 సంవత్సరంలో మంచి అమ్మకాలను సాధించింది. మృదువైన పెట్రోల్ ఇంజిన్ మరియు సెగ్మెంట్-ఫస్ట్ ఫీచర్లతో, ఇది ఒక ప్రాక్టికల్ సెడాన్గా నిలుస్తుంది. అమేజ్ ధర రూ. 7.51 లక్షల నుండి రూ. 10 లక్షల వరకు (ఎక్స్-షోరూమ్) ఉంటుంది.
ఇందులో వైర్లెస్ కనెక్టివిటీతో 8-అంగుళాల టచ్స్క్రీన్, 7-అంగుళాల డిజిటల్ డ్రైవర్ డిస్ప్లే, ఆటోమేటిక్ క్లైమేట్ కంట్రోల్, రేర్ AC వెంట్స్ మరియు ఆటోమేటిక్ LED హెడ్ల్యాంప్లు ఉన్నాయి. సేఫ్టీ విషయంలో, ఇది సెగ్మెంట్-ఫస్ట్ కెమెరా-బేస్డ్ ADAS (అడ్వాన్స్డ్ డ్రైవర్ అసిస్టెన్స్ సిస్టమ్), 6 ఎయిర్బ్యాగ్లు, కీ లెస్ ఎంట్రీ, ఐసోఫిక్స్ చైల్డ్ సీట్ మౌంట్స్ మరియు లేన్-వాచ్ కెమెరాను అందిస్తుంది. డిజైర్ లాగే, దీనికి కూడా 5-స్టార్ BNCAP రేటింగ్ ఉంది.
#4 వోక్స్వాగన్ విర్టస్
అమ్మిన యూనిట్లు: 23,685
పవర్ఫుల్ ఇంజిన్లు, మంచి రైడ్ మరియు హ్యాండ్లింగ్ కారణంగా Volkswagen Virtusను ఉత్సాహవంతులు ఎక్కువగా ఇష్టపడతారు. ఇది 2025-26లో 23,000కు పైగా యూనిట్లు అమ్ముడైంది. దీని ధర రూ. 10.50 లక్షల నుండి రూ. 19 లక్షల వరకు (ఎక్స్-షోరూమ్) ఉంది. ముందు సంవత్సరంతో పోలిస్తే ఈ సంవత్సరం ఎక్కువ యూనిట్లు అమ్ముడైనప్పటికీ, జూన్ 2025తో పోలిస్తే జూన్ 2026లో అమ్మకాలు తగ్గుముఖం పట్టాయి.
స్పోర్టీ లుక్తో పాటు, ఇందులో వైర్లెస్ ఆండ్రాయిడ్ ఆటో మరియు ఆపిల్ కార్ ప్లే తో కూడిన 10.1-అంగుళాల టచ్స్క్రీన్, వైర్లెస్ ఫోన్ ఛార్జర్, ఎలక్ట్రిక్ సన్రూఫ్, ఆటోమేటిక్ క్లైమేట్ కంట్రోల్, ఆటోమేటిక్ హెడ్మలాంప్స్ మరియు 6 ఎయిర్బ్యాగ్లు వెనుక పార్కింగ్ కెమెరా, మరియు EBDతో కూడిన ABS వంటి ఫీచర్లు ఉన్నాయి. ఈ సంవత్సరం విర్టస్కు ఒక ఫేస్లిఫ్ట్ రానుంది.
#5 స్కోడా స్లావియా
అమ్మిన యూనిట్లు: 15,171
విర్టస్ ప్లాట్ఫామ్ సిబ్లింగ్ అయిన Skoda Slavia, 2025-26లో 15,000కు పైగా యూనిట్లను విక్రయించింది. సౌకర్యవంతమైన వెనుక సీటు అనుభవం కోరుకునే వారిలో ఈ సెడాన్ ప్రాచుర్యం పొందింది. స్కోడా ఇటీవల టాప్-ఎండ్ మాంటే కార్లో ట్రిమ్ కోసం రెండు కొత్త షేడ్లను కూడా విడుదల చేసింది. దీని ధర రూ. 10 లక్షల నుండి రూ. 18.19 లక్షల వరకు (ఎక్స్-షోరూమ్) ఉంది.
స్లావియాలో ఆటోమేటిక్ LED హెడ్లైట్లు, రెయిన్ సెన్సింగ్ వైపర్లు, వైర్లెస్ ఆండ్రాయిడ్ ఆటో మరియు ఆపిల్ కార్ప్లే తో 10.1-అంగుళాల టచ్స్క్రీన్, వైర్లెస్ ఫోన్ ఛార్జర్, 6 ఎయిర్బ్యాగ్లు, రియర్-వ్యూ పార్కింగ్ కెమెరా, బ్రేక్ డిస్క్ వైపింగ్ మరియు టైర్ ప్రెజర్ మానిటరింగ్ సిస్టమ్ (TPMS) వంటి ఫీచర్లు ఉన్నాయి. స్లావియా టెస్టింగ్ లో ఉండగా కనిపించింది, స్లావియా కూడా త్వరలో ఫేస్లిఫ్ట్ను పొందనుంది.
మొత్తంమీద, సెడాన్లు కలిపి 4 లక్షలకు పైగా యూనిట్లు అమ్ముడయ్యాయి. ఈ కార్లు సౌకర్యవంతమైన సీటింగ్, ఫీచర్-లోడెడ్ క్యాబిన్లు, మరియు పవర్ఫుల్ ఇంజిన్లను అందిస్తూ SUVలకు గట్టి పోటీనిస్తున్నాయి. ఈ సెడాన్లలో మీరు దేనిని ఇష్టపడతారో కామెంట్స్ లో తెలియజేయండి.
