2026 Maruti Brezza ZXI వేరియంట్ వివరాలు: దాని ధరకు పూర్తి విలువ అందించే వేరియంటా?

మారుతి సుజుకి ఇండియా గతవారం facelifted Brezzaను విడుదల చేసింది. ఇందులో కొత్త ఫీచర్లు, కొత్త ఇంజిన్ ఎంపికలు తదితర అప్‌డేట్‌లను తీసుకొచ్చింది. ఈ కథనంలో టాప్ వేరియంట్‌కు కిందనున్న ZXI వేరియంట్‌లో ఏమేమి లభిస్తాయి? టాప్ వేరియంట్‌కు బదులుగా దీన్ని కొనుగోలు చేయడం విలువైనదేనా? అనే విషయాన్ని తెలుసుకుందాం. ముందుగా డిజైన్‌తో ప్రారంభిద్దాం.

ఎక్స్‌టీరియర్

ముందు భాగంలో బ్రెజ్జా ZXI వేరియంట్‌లో ఇంటిగ్రేటెడ్ LED DRLsతో కూడిన LED ప్రొజెక్టర్ హెడ్‌ల్యాంప్స్, కొత్తగా డిజైన్ చేసిన బంపర్‌కు ఇరువైపులా LED ఫాగ్ ల్యాంప్స్, స్మోక్డ్ క్రోమ్ ఫినిష్ గ్రిల్, అలాగే టర్బో వేరియంట్‌లో మాత్రమే ఫ్రంట్ పార్కింగ్ సెన్సర్లు ఉన్నాయి. దీంతో ఈ వేరియంట్ దాదాపు టాప్ ఎండ్ ట్రిమ్‌లా కనిపిస్తుంది.

సైడ్ ప్రొఫైల్‌లో బ్రెజ్జా బాక్సీ SUV డిజైన్‌ను అలాగే కొనసాగించింది. ఇందులో రూఫ్ రైల్స్, బ్లాక్ వీల్ ఆర్చ్ క్లాడింగ్, 16 అంగుళాల పెయింటెడ్ అలాయ్ వీల్స్, బాడీ కలర్ డోర్ హ్యాండిల్స్‌తో పాటు ప్యాసివ్ ఎంట్రీ బటన్, టర్న్ ఇండికేటర్లతో కూడిన ఎలక్ట్రిక్‌గా అడ్జస్ట్ అయ్యే, ఫోల్డయ్యే ORVMలు ఉన్నాయి. డోర్ ప్యానెల్‌ల దిగువ భాగంలో సిల్వర్ ఇన్‌సర్ట్స్ కూడా ఉండటంతో దీని లుక్ మరింత ఆకర్షణీయంగా కనిపిస్తుంది.

వెనుక భాగంలో ZXI ట్రిమ్‌లో టర్బో వేరియంట్‌కు మాత్రమే రియర్ వైపర్, వాషర్ అలాగే రియర్ డీఫాగర్ అందించారు. డిజైన్ మాత్రం ప్రీ-ఫేస్‌లిఫ్ట్ మోడల్‌ను పోలి ఉంటుంది. టెయిల్‌గేట్ వరకు విస్తరించే LED టెయిల్‌ల్యాంప్స్, మారుతి లోగోకు పైన టెయిల్‌ల్యాంప్స్ మధ్యలో Brezza బ్యాడ్జింగ్, టర్బో పెట్రోల్ వేరియంట్లకు టర్బో బూస్టర్జెట్ బ్యాడ్జ్ ఉన్నాయి. 

రంగుల ఎంపికలు

బ్రెజ్జా ఫేస్‌లిఫ్ట్ ZXI వేరియంట్‌లో మొత్తం 9 రంగుల ఎంపికలు ఉన్నాయి. అవి వరుసగా, సిజ్లింగ్ రెడ్, పెర్ల్ ఆర్క్టిక్ వైట్, వివేషియస్ ఆరెంజ్, లస్ట్రస్ బేజ్, పెర్ల్ బ్లూయిష్ బ్లాక్, మాగ్మా గ్రే, స్ప్లెండిడ్ సిల్వర్. అదనంగా సిజ్లింగ్ రెడ్, ఆర్క్టిక్ వైట్, లస్ట్రస్ బేజ్ రంగులకు బ్లాక్ రూఫ్‌తో డ్యూయల్-టోన్ ఎంపిక కూడా అందుబాటులో ఉంది.

బ్రెజ్జా ఫేస్‌లిఫ్ట్‌కు అందుబాటులో ఉన్న అన్ని రంగుల గురించి మరింత తెలుసుకోవాలంటే, వేరియంట్‌వారీ కలర్స్ కథనాన్ని చూడండి. 

ఇంటీరియర్

ఫేస్‌లిఫ్ట్ బ్రెజ్జాలో డ్యాష్‌బోర్డ్‌కు బ్రౌన్ టెక్స్చర్డ్ ఫినిష్, సాఫ్ట్-టచ్ డ్యాష్‌బోర్డ్ టాప్, మధ్యలో అమర్చిన ఇన్ఫోటైన్‌మెంట్ సిస్టమ్ వంటి స్టైలింగ్ అప్‌డేట్‌లు అందించారు. మారుతి ప్రత్యేకమైన డిజైన్‌తో క్యాబిన్ మొత్తం ప్రీమియం అనుభూతిని కలిగిస్తుంది. క్రోమ్ ఫినిష్ ఇన్నర్ డోర్ హ్యాండిల్స్, పలు స్టోరేజ్ కంపార్ట్‌మెంట్లు, ముందు సెంటర్ ఆర్మ్‌రెస్ట్ ఈ SUVని మరింత ప్రాక్టికల్‌గా మారుస్తాయి. 

వెనుక సీట్లలో ఫ్యాబ్రిక్ అప్హోల్స్టరీ, అడ్జస్టబుల్ హెడ్‌రెస్ట్స్, రియర్ AC వెంట్స్ ఉండటంతో వెనుక ప్రయాణికులకు సౌకర్యవంతమైన అనుభవాన్ని అందిస్తుంది. ZXI ప్లస్ వేరియంట్‌ను ఎంచుకుంటే లెదర్ అప్హోల్స్టరీ కూడా లభించి క్యాబిన్‌కు మరింత ప్రీమియం లుక్ వస్తుంది. 

ఫీచర్లు, సేఫ్టీ

ఫీచర్ల పరంగా ZXI వేరియంట్‌లో ఈ క్రింది సదుపాయాలు ఉన్నాయి. అవి వరుసగా 7 అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్, వైర్‌లెస్ ఆండ్రాయిడ్ ఆటో, ఆపిల్ కార్‌ప్లే, ఆటోమేటిక్ క్లైమేట్ కంట్రోల్, స్టీరింగ్ మౌంటెడ్ ఆడియో కంట్రోల్స్, 4-స్పీకర్ ఆడియో సిస్టమ్, టర్బో వేరియంట్‌లో రెండు ట్వీటర్లు, ఎలక్ట్రిక్ సన్‌రూఫ్, డ్రైవర్ సీట్ హైట్ అడ్జస్ట్మెంట్, సింగిల్ కలర్ అంబియంట్ లైటింగ్, ఫ్రంట్ ఫుట్‌వెల్ ఇల్యూమినేషన్.

VXI variantతో పోలిస్తే ఇందులో అదనంగా ఈ ఫీచర్లు లభిస్తాయి. అవి వరుసగా ఎలక్ట్రిక్ ఫోల్డింగ్ ORVMలు, స్టోరేజ్‌తో కూడిన ఫ్రంట్ సెంటర్ ఆర్మ్‌రెస్ట్, కప్ హోల్డర్లతో రియర్ సెంటర్ ఆర్మ్‌రెస్ట్, వైర్‌లెస్ ఫోన్ ఛార్జర్, ఎలక్ట్రిక్ సన్‌రూఫ్. అదే ZXI ప్లస్ వేరియంట్‌లో అదనంగా ఈ ఫీచర్లు ఉన్నాయి. 10.1 అంగుళాల పెద్ద ఇన్ఫోటైన్‌మెంట్ స్క్రీన్, హెడ్-అప్ డిస్‌ప్లే, 360 డిగ్రీ కెమెరా.

సేఫ్టీ పరంగా ZXI ట్రిమ్‌లో ఈ క్రింది ఫీచర్లు అందుబాటులో ఉన్నాయి. 6 ఎయిర్‌బ్యాగ్స్, ఎలక్ట్రానిక్ స్టెబిలిటీ ప్రోగ్రామ్ (ESP), టర్బో వేరియంట్‌లో మాత్రమే టైర్ ప్రెజర్ మానిటరింగ్ సిస్టమ్ (TPMS), హిల్ హోల్డ్ అసిస్ట్, టర్బో వేరియంట్‌లో మాత్రమే బ్లైండ్ స్పాట్ అలర్ట్, టర్బో వేరియంట్‌లో మాత్రమే రియర్ క్రాస్ ట్రాఫిక్ అలర్ట్, టర్బో వేరియంట్‌లో మాత్రమే సేఫ్ ఎగ్జిట్ వార్నింగ్, రివర్స్ పార్కింగ్ కెమెరా, సెన్సర్లు, టర్బో వేరియంట్‌లో మాత్రమే రియర్ వైపర్, వాషర్ వంటివి అందించబడ్డాయి. బ్రెజ్జా ఇప్పటికే భారత్ NCAP క్రాష్ టెస్టుల్లో పూర్తి 5-స్టార్ సేఫ్టీ రేటింగ్ సాధించింది. మరిన్ని వివరాల కోసం సంబంధిత కథనాన్ని ఇక్కడ చూడవచ్చు.

బ్రెజ్జా ఫేస్‌లిఫ్ట్‌లోని ఇతర వేరియంట్లలో లభించే ఫీచర్ల గురించి మరింత తెలుసుకోవాలంటే, వేరియంట్ల వివరాల కథనాన్ని చూడండి.

పవర్‌ట్రెయిన్ ఎంపికలు

బ్రెజ్జా ఫేస్‌లిఫ్ట్ ZXI వేరియంట్‌లో మూడు ఇంజిన్ ఎంపికలు ఉన్నాయి. అవి 1-లీటర్ టర్బో పెట్రోల్, అండర్‌బాడీ ట్యాంక్‌తో కూడిన 1.5-లీటర్ పెట్రోల్+CNG, అలాగే 1.5-లీటర్ నేచురల్లీ ఆస్పిరేటెడ్ పెట్రోల్.

MT - మాన్యువల్ ట్రాన్స్‌మిషన్, AT - టార్క్ కన్వర్టర్ ఆటోమేటిక్ ట్రాన్స్‌మిషన్

ధర, ప్రత్యర్థులు

బ్రెజ్జా ఫేస్‌లిఫ్ట్ ZXI వేరియంట్ ధర టర్బో పెట్రోల్ మాన్యువల్ (MT) కోసం రూ.9.85 లక్షల (ఎక్స్‌షోరూమ్) నుంచి ప్రారంభమై, నేచురల్లీ ఆస్పిరేటెడ్ పెట్రోల్ ఆటోమేటిక్ (AT) కోసం రూ.12.05 లక్షల (ఎక్స్‌షోరూమ్) వరకు ఉంది.

*డ్యూయల్-టోన్ రంగుల ఎంపికకు వర్తించే ధరలు. 

దీని ప్రధాన ప్రత్యర్థుల్లో Tata Nexon, Mahindra XUV 3XO, Skoda Kylaq, Hyundai Venue, Kia Sonet, Nissan Magnite, Renault Kiger, Kia Syros ఉన్నాయి.