2026 Maruti Brezza VXI వేరియంట్ వివరాలు: కొనుగోలు చేయడానికి ఇదే బెస్ట్ మిడ్ వేరియంటా?

Maruti ఇటీవల 2026 Brezza ఫేస్‌లిఫ్ట్ను విడుదల చేసి, తన ప్రత్యర్థులకు గట్టి పోటీ ఇచ్చేలా అప్‌డేట్ చేసింది. ఎంతోకాలంగా ఎదురుచూస్తున్న మార్పులతో ధరను తగ్గించడంతో పాటు, ఫీచర్లు, భద్రతా అంశాలను కూడా మెరుగుపరిచింది.

మారుతి బ్రెజ్జా మొత్తం నాలుగు వేరియంట్లలో అందుబాటులో ఉంది. అవి LXI, VXI, ZXI, ZXI ప్లస్. వీటిలో రూ.8.55 లక్షల (ఎక్స్‌షోరూమ్) ప్రారంభ ధర కలిగిన VXI మిడ్ వేరియంట్‌కు ఆ ధర చెల్లించడం నిజంగా విలువైనదేనా? తెలుసుకుందాం.

ఎక్స్‌టీరియర్

VXI వేరియంట్‌లో బ్రెజ్జాకు ఇప్పటికే గుర్తింపుగా మారిన బాక్సీ డిజైన్‌ను కొనసాగించారు. ఫేస్‌లిఫ్ట్‌లో కూడా అదే ఆకృతిని కొనసాగించినప్పటికీ, 2026 మోడల్‌లో ముందు భాగానికి కొత్త డిజైన్ ఎలిమెంట్లను జోడించారు. హెడ్‌ల్యాంప్‌లను కలుపుతూ ఉండే కొత్త గ్లోస్ బ్లాక్ ట్రిమ్‌లో సుజుకి లోగోను అమర్చారు. ఇది మునుపటి మోడల్‌తో పోలిస్తే మరింత క్లీన్‌గా, షార్ప్‌గా కనిపిస్తుంది. లోయర్ వేరియంట్లలో హాలోజన్ ప్రొజెక్టర్ హెడ్‌ల్యాంప్స్, హాలోజన్ టర్న్ ఇండికేటర్లు ఉన్నాయి. కొత్త స్కల్ప్టెడ్ డిజైన్‌తో కూడిన బంపర్, సన్నని త్రిభుజాకార ఫాగ్ ల్యాంప్ హౌసింగ్ ముందు భాగాన్ని మరింత ఆకర్షణీయంగా మార్చాయి. దిగువన ఉన్న ఎయిర్ డ్యామ్‌కు కొత్త సిల్వర్ ట్రిమ్‌ను అందించారు. అయితే VXI వేరియంట్‌లో ఎల్‌ఈడీ హెడ్‌ల్యాంప్స్, డీఆర్‌ఎల్స్, ఫ్రంట్ పార్కింగ్ సెన్సర్లు, ఫాగ్ ల్యాంప్స్ వంటి ఫీచర్లు లేవు.

సైడ్ ప్రొఫైల్‌లో బ్రెజ్జాకు ప్రత్యేకమైన బాక్సీ డిజైన్‌ను అలాగే కొనసాగించారు. బ్లాక్డ్-అవుట్ పిల్లర్లు, ఫ్లోటింగ్ రూఫ్ డిజైన్ దీని ప్రత్యేక ఆకర్షణగా నిలుస్తాయి.

ముందు, వెనుక వీల్ ఆర్చ్‌లపై స్వల్ప మస్క్యులర్ డిజైన్‌లతో సైడ్ ప్రొఫైల్ సాదాసీదాగా కనిపిస్తుంది. నాన్-టర్బో వేరియంట్లలో 16 అంగుళాల స్టీల్ వీల్స్‌కు సిల్వర్ వీల్ క్యాప్స్ ఉంటాయి. టర్బో వేరియంట్‌లో మాత్రం 16 అంగుళాల బ్లాక్ అలాయ్ వీల్స్ లభిస్తాయి. VXI వేరియంట్‌లో షార్క్ ఫిన్ యాంటెన్నా, ORVMలపై టర్న్ ఇండికేటర్లు, అలాగే పైన పేర్కొన్న అలాయ్ వీల్స్ వంటి ప్రీమియం ఫీచర్లు ఉన్నాయి. అయితే ZXI వేరియంట్ నుంచి అందుబాటులో ఉండే రూఫ్ రైల్స్ ఇందులో లేవు.

వెనుక భాగంలో బ్రెజ్జా డిజైన్ మునుపటి మోడల్‌తో దాదాపు ఒకేలా ఉంది. ఇందులో ఎల్‌ఈడీ టెయిల్‌ల్యాంప్స్, టాప్ మౌంటెడ్ స్పాయిలర్ ఉన్నాయి. వెనుక బంపర్‌లో స్వల్ప మార్పులు చేసినప్పటికీ, మిగతా డిజైన్ ప్రీ-ఫేస్‌లిఫ్ట్ మోడల్‌ను పోలి ఉంటుంది. అయితే ఈ వేరియంట్‌లో రేర్ వైపర్, వాషర్, అలాగే బంపర్ దిగువన ఉండే సిల్వర్ స్కిడ్ ప్లేట్ లేవు.

VXI వేరియంట్‌లో మొత్తం 7 రంగుల ఎంపికలు అందుబాటులో ఉన్నాయి. అవి వరుసగా స్ప్లెండిడ్ సిల్వర్, సిజ్లింగ్ రెడ్, పెర్ల్ ఆర్క్టిక్ వైట్, మాగ్మా గ్రే, వివేషియస్ ఆరెంజ్, లస్ట్రస్ బేజ్, బ్లూయిష్ బ్లాక్ (టర్బో)

బ్రెజ్జా యొక్క రంగుల గురించి మేము వివరించిన వివరణాత్మక కథనాన్ని ఇక్కడ చూడండి.

ఇంటీరియర్

బ్రెజ్జా ఇంటీరియర్ డిజైన్, లేఅవుట్‌ను దాదాపు అలాగే ఉంచినప్పటికీ, ఫేస్‌లిఫ్ట్‌లో కొన్ని స్వల్ప మార్పులు చేశారు. డ్యాష్‌బోర్డ్‌పై మునుపు ఉన్న సిల్వర్ ఫినిష్ స్థానంలో ఇప్పుడు బ్లాక్ ట్రిమ్‌ను అందించారు. అలాగే డోర్ ప్యాడ్‌లపై బ్లాక్-బ్రౌన్ కలర్ థీమ్, పూర్తిగా బ్లాక్ ఫ్యాబ్రిక్ సీట్లను అందించారు. అయితే VXI వేరియంట్‌లో ముందు ప్రయాణికుల కోసం సెంటర్ ఆర్మ్‌రెస్ట్ లేదు.

వెనుక సీట్లు ముగ్గురు ప్రయాణికులు కూర్చునేందుకు తగినంత విశాలంగా ఉన్నప్పటికీ, రియర్ ఆర్మ్‌రెస్ట్, రియర్ USB ఫాస్ట్ ఛార్జింగ్ పోర్ట్, మధ్య ప్రయాణికుడికి హెడ్‌రెస్ట్ లభించవు.

అయినప్పటికీ క్యాబిన్‌లో తగినంత స్టోరేజ్ స్పేస్‌తో పాటు వెనుక ప్రయాణికులకు మంచి లెగ్‌రూమ్‌ను అందించారు.

ఫీచర్లు, భద్రత

బ్రెజ్జా VXIలో 9 అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్, వైర్‌లెస్ ఆండ్రాయిడ్ ఆటో, ఆపిల్ కార్‌ప్లే, 4-స్పీకర్ సౌండ్ సిస్టమ్, ఆన్‌బోర్డ్ వాయిస్ అసిస్టెంట్, ఆటోమేటిక్ క్లైమేట్ కంట్రోల్, కీ లెస్ ఎంట్రీ, ఎలక్ట్రిక్‌గా అడ్జస్ట్ అయ్యే ORVMలు, టర్బో వేరియంట్‌లో ఎలక్ట్రిక్‌గా ఫోల్డ్ అయ్యే ORVMలు వంటి ఫీచర్లు ఉన్నాయి. మా వివరణాత్మక వేరియంట్ వారీ ఫీచర్ల కథనాన్ని ఇక్కడ చూడండి.

భద్రత పరంగా 6 ఎయిర్‌బ్యాగ్స్, ABSతో పాటు EBD, టర్బో వేరియంట్‌లో రివర్స్ పార్కింగ్ కెమెరా, రివర్స్ పార్కింగ్ సెన్సర్లు, ఎలక్ట్రానిక్ స్టెబిలిటీ ప్రోగ్రామ్ (ESP), హిల్ హోల్డ్ కంట్రోల్ (HHC), రియర్ డీఫాగర్, ISOFIX చైల్డ్ సీట్ మౌంట్స్ ఉన్నాయి.

అయితే రియర్ వైపర్, వాషర్, టైర్ ప్రెజర్ మానిటరింగ్ సిస్టమ్ (TPMS), ఫ్రంట్ పార్కింగ్ సెన్సర్లు, 360-డిగ్రీ కెమెరా వంటి ఫీచర్లు ఇందులో లేవు.

ఇటీవల భారత్ NCAP క్రాష్ టెస్టుల్లో బ్రెజ్జా 5-స్టార్ సేఫ్టీ రేటింగ్ను సాధించింది. వివరణాత్మక నివేదికను ఇక్కడ చూడండి 

పవర్‌ట్రెయిన్ ఎంపికలు

బ్రెజ్జాలో మొత్తం మూడు ఇంజిన్ ఎంపికలు ఉన్నాయి. వీటిలో 1.5-లీటర్ నేచురల్లీ ఆస్పిరేటెడ్ పెట్రోల్ ఇంజిన్‌కు మాన్యువల్, ఆటోమేటిక్ గేర్‌బాక్స్ ఎంపికలు లభిస్తాయి. అండర్‌బాడీ సీఎన్‌జీ ట్యాంక్‌తో కూడిన 1.5-లీటర్ నేచురల్లీ ఆస్పిరేటెడ్ పెట్రోల్ వెర్షన్ మాత్రం కేవలం మాన్యువల్ గేర్‌బాక్స్‌తోనే అందుబాటులో ఉంటుంది. అలాగే 1-లీటర్ టర్బో పెట్రోల్ ఇంజిన్ కూడా మాన్యువల్ గేర్‌బాక్స్‌తో మాత్రమే లభిస్తుంది. వీటి పవర్‌ట్రెయిన్ వివరాలు ఇలా ఉన్నాయి:

MT - మాన్యువల్ ట్రాన్స్‌మిషన్, AT - ఆటోమేటిక్ ట్రాన్స్‌మిషన్ (టార్క్ కన్వర్టర్)

ప్రతి వేరియంట్‌కు అందుబాటులో ఉన్న పవర్‌ట్రెయిన్ ఎంపికల పూర్తి వివరాల కోసం మా వివరమైన కథనాన్ని ఇక్కడ క్లిక్ చేసి చూడండి.

ధర, ప్రత్యర్థులు

బ్రెజ్జా VXI వేరియంట్ ధరలు టర్బో మాన్యువల్ వెర్షన్‌కు ఎక్స్‌షోరూమ్‌లో రూ. 8.55 లక్షల నుంచి ప్రారంభమవుతాయి. ఇక నేచురల్లీ ఆస్పిరేటెడ్ ఆటోమేటిక్ వెర్షన్ ధర ఎక్స్‌షోరూమ్‌లో రూ. 10.55 లక్షల వరకు ఉంది.

అన్ని ధరలు ఎక్స్‌షోరూమ్ (పాన్ ఇండియా).

భారత మార్కెట్లో మారుతి బ్రెజ్జా- Tata Nexon, Hyundai Venue, Mahindra 3XO, Maruti Fronx, Toyota Taisor, Skoda Kylaq, Nissan Magnite, Renault Kiger వంటి మోడళ్లతో పోటీపడుతోంది.