2026 டொயோட்டா கிளான்ஸா ஃபேஸ்லிஃப்ட்: வெறும் 50,000 ரூபாய்க்கு டாப்-எண்ட் V(O) வேரியண்ட் தேவையா? V Vs V(O) முழு ஒப்பீடு!
கிட்டத்தட்ட அனைத்து வசதிகளையும் கொண்ட V வேரியண்ட்டை விட, கூடுதல் ரூ. 50,000 செலவழித்து டாப்-ஸ்பெக் V(O) வேரியண்ட்டை வாங்குவது சரியான தேர்வா? அனைத்து விவரங்களையும் இங்கே விரிவாகப் பார்ப்போம்.
- ஒரு கருத்தை எழுதுக
| எங்களின் 50 அதிர்ஷ்டசாலி வாசகர்களுக்கு பிரத்யேக கார் வாங்கும் அனுபவ வழிகாட்டலை நாங்கள் வழங்குகிறோம். இதன் மூலம் நீங்கள் நேரடியாக ஒரு ஆட்டோமொபைல் நிபுணரிடம் பேசி உங்கள் சந்தேகங்கள் அனைத்தையும் தீர்த்துக் கொள்ள முடியும். உடனே இந்த படிவத்தைப் பூர்த்தி செய்யுங்கள். நீங்கள் அந்த அதிர்ஷ்டசாலிகளுள் ஒருவராக இருந்தால் விரைவில் உங்களைத் தொடர்பு கொள்வோம். |
இந்தியாவில் பெரிதும் எதிர்பார்க்கப்பட்ட டொயோட்டா கிளான்ஸா ஃபேஸ்லிஃப்ட் மாடல் 6.99 லட்சம் ரூபாய் ஆரம்ப எக்ஸ்-ஷோரூம் விலையில் களமிறங்கியுள்ளது. கார் வாங்குபவர்கள் தங்களுக்கு ஏற்ற சரியான தேர்வை எளிதாக எடுக்கும் வகையில் பலதரப்பட்ட வேரியண்ட்களில் இது கிடைக்கிறது. கிளான்ஸா மாடல் E, S, G, V மற்றும் V(O) என மொத்தம் ஐந்து வேரியண்ட்களில் பெட்ரோல் மற்றும் CNG ஆப்ஷன்களுடனும், MT மற்றும் AMT கியர்பாக்ஸ் தேர்வுகளுடனும் விற்பனைக்கு வந்துள்ளது.
டாப்-ஸ்பெக் V(O) வேரியண்ட்டிற்கு கீழே நிலைநிறுத்தப்பட்டுள்ள V வேரியண்ட், ஒரு சில அம்சங்களைத் தவிர டாப் வேரியண்ட்டில் உள்ள அத்தனை வசதிகளையும் அப்படியே பெற்றுள்ளது. சிறந்த சௌகரியம் மற்றும் சொகுசு அம்சங்களை வழங்கும் இந்த வேரியண்ட் மேனுவல் மற்றும் ஆட்டோமேட்டிக் டிரான்ஸ்மிஷன் இரண்டிலுமே கிடைக்கிறது. அதேசமயம், டாப்-ஸ்பெக் V(O) வேரியண்ட்டில் இன்றைய மார்க்கெட்டில் காரை தனித்துக்காட்டும் சில அட்டானமஸ் டெக்னாலஜி வசதிகள் கூடுதல் விலையில் சேர்க்கப்பட்டுள்ளன. அப்படியானால், V வேரியண்ட்டையே வாங்கலாமா அல்லது பட்ஜெட்டை சற்றே கூட்டி V(O) வேரியண்ட்டிற்கு செல்லலாமா? வாருங்கள் விரிவாகப் பார்க்கலாம்:
விலை
| வேரியண்ட் |
|
|
||
| டொயோட்டா கிளான்ஸா V |
ரூ. 9.99 லட்சம் |
ரூ. 10.59 லட்சம் |
||
| டொயோட்டா கிளான்ஸா V(O) |
ரூ. 10.49 லட்சம் |
ரூ. 10.98 லட்சம் |
அனைத்தும் பான் இந்திய எக்ஸ்-ஷோரூம் விலைகள் ஆகும்.
டொயோட்டா கிளான்ஸாவின் ஆரம்ப விலை பேஸ்-ஸ்பெக் E வேரியண்ட்டிற்கு 6.99 லட்சம் ரூபாயாக நிர்ணயிக்கப்பட்டுள்ளது. இதில் V வேரியண்ட்டின் விலை 9.99 லட்சம் ரூபாயில் தொடங்குகிறது. இந்த வேரியண்ட் மேனுவல் மற்றும் ஆட்டோமேட்டிக் டிரான்ஸ்மிஷன் இரண்டிலும் கிடைக்கிறது. டாப்-ஸ்பெக் V(O) வேரியண்ட்டின் விலை 10.49 லட்சம் ரூபாயில் தொடங்குகிறது. இதுவும் இரண்டு டிரான்ஸ்மிஷன் தேர்வுகளிலும் விற்பனைக்கு வருகிறது. இந்த டாப் இரண்டு வேரியண்ட்களிலும் CNG பவர்டிரெய்ன் ஆப்ஷன் கொடுக்கப்படவில்லை.
இரண்டு வேரியண்ட்களுக்கும் இடையிலான விலை வித்தியாசம் வெறும் 50,000 ரூபாய் மட்டுமே. V வேரியண்ட்டிலேயே அதே ஸ்டைலிங் மற்றும் கிட்டத்தட்ட அனைத்து அம்சங்களும் இருக்கும்போது, கூடுதல் பணத்திற்கு டாப் வேரியண்ட் ஒர்த்தா என்ற கேள்வி அனைவருக்கும் வரும். பேஸ் மற்றும் டாப் வேரியண்ட்டிற்கு இடையே என்னென்ன வித்தியாசங்கள் உள்ளன, அந்த கூடுதல் பணத்திற்கு என்னென்ன கிடைக்கின்றன என்பதைப் பார்ப்போம்:
எக்ஸ்டீரியர்
டொயோட்டா கிளான்ஸாவின் V மற்றும் V(O) ஆகிய இரண்டு வேரியண்ட்களும் ஒரே மாதிரியான எக்ஸ்டீரியர் டிசைனையே கொண்டுள்ளன. இரண்டிற்கும் இடையே வெளிப்புற தோற்றத்தில் எந்த வித்தியாசமும் இல்லை. இவற்றின் முக்கிய வித்தியாசமே வசதிகளில் மட்டுமே தவிர, டிசைனில் கிடையாது.
முன்பக்கம்
முன்பக்கத்தைப் பொறுத்தவரை, V மற்றும் V(O) ஆகிய இரண்டு வேரியண்ட்களிலுமே அப்டேட் செய்யப்பட்ட பெரிய மெஷ் கிரில் கொடுக்கப்பட்டுள்ளது. இதில் க்ளாஸ் பிளாக் வேலைப்பாடுகளும் குரோம் பார்டர்களும் உள்ளன. இரண்டு வேரியண்ட்களிலுமே LED DRL, LED ஹெட்லைட், ஹெட்லைட்களை இணைக்கும் குரோம் ஸ்ட்ரிப் மற்றும் பம்பரின் மேல் பகுதியில் டொயோட்டா லோகோ ஆகியவை இடம்பெற்றுள்ளன. பம்பரின் கீழ் பகுதியில் ஸ்போர்ட்டியான ஸ்ப்ளிட்டர், LED ஃபாக் லேம்ப் மற்றும் அதன் மேலே ஒரு குரோம் ஸ்ட்ரிப் கொடுக்கப்பட்டுள்ளது.
பக்கவாட்டு தோற்றம்
பக்கவாட்டிலும் இரண்டு வேரியண்ட்களுக்கும் எந்த மாற்றமும் இல்லை. இரண்டு வேரியண்ட்களிலுமே 16-இன்ச் டூயல்-டோன் அலாய் வீல்கள், முன்பக்க ஃபெண்டரில் புதிய குரோம் இன்சர்ட் மற்றும் ஃப்ளோட்டிங் ரூஃப்லைன் ஆகியவை உள்ளன. மேலும் ஸ்போர்ட்டியான பிளாக் சைட் ஸ்கர்ட்ஸ், A, B மற்றும் C பில்லர்களில் பிளாக்-அவுட் ஃபினிஷிங், குரோம் டோர் ஹேண்டில்கள், ஷார்க்-ஃபின் ஆண்டெனா மற்றும் UV-புரொடெக்டட் கிளாஸ் போன்ற அம்சங்கள் பொதுவாக இடம்பெற்றுள்ளன. இந்த செக்மென்ட்டிலேயே தனித்து நிற்கும் வகையில் ஸ்டைலான மற்றும் பிரீமியம் தோற்றத்தை கிளான்ஸாவின் சைட் புரொஃபைல் வழங்குகிறது.
பின்பக்கம்
பின்பக்கத்திலும் இரண்டு வேரியண்ட்களிலும் C-வடிவ LED டெயில் லைட்டுகளை இணைக்கும் வகையிலான அகலமான குரோம் ஸ்ட்ரிப், ஹை-மவுண்டட் ஸ்டாப் லேம்ப், இன்டகிரேட்டட் ரியர் ஸ்பாய்லர், ரியர் வைப்பர், ரிஃப்ளெக்டர்களுடன் கூடிய பல்கியான பம்பர் மற்றும் பூட்டின் நடுவில் டொயோட்டா லோகோ கொடுக்கப்பட்டுள்ளது. ஒட்டுமொத்தமாக பின்பக்க டிசைனும் V மற்றும் V(O) இரண்டிலும் ஒரே மாதிரியாகத்தான் உள்ளது.
கலர் ஆப்ஷன்கள்
2026 டொயோட்டா கிளான்ஸா ஃபேஸ்லிஃப்ட் மொத்தம் 7 வண்ணங்களில் கிடைக்கிறது: கேஃப் ஒயிட், என்டைசிங் சில்வர், கேமிங் கிரே, டிஜிட்டல் டீல் கிரீன், இன்ஸ்டா ப்ளூ, ப்ளூயிஷ் பிளாக் மற்றும் ஸ்போர்ட்டின் ரெட். இந்த அனைத்து நிறங்களுமே V மற்றும் V(O) ஆகிய இரண்டு வேரியண்ட்களிலுமே கிடைக்கின்றன. வேரியண்ட் வாரியான கலர் ஆப்ஷன்கள் பற்றிய விரிவான தகவல்களை எங்களது கட்டுரையில் அறிந்துகொள்ளலாம்.
இன்டீரியர்
கேபினுக்குள் நுழையும்போதும் மாற்றங்கள் மிகக் குறைவாகவே இருக்கின்றன. V மற்றும் V(O) ஆகிய இரண்டுமே லேயர்டு டேஷ்போர்டு டிசைன், க்ளாஸி பிளாக் ஃபினிஷிங், சீட்கள் மற்றும் டோர் பேடுகளில் லெதரேட் அப்ஹோல்ஸ்டரியுடன் கூடிய டூயல்-டோன் பிளாக் மற்றும் பேஜ் இன்டீரியர் தீமைப் பெற்றுள்ளன. லெதரேட் சுற்றப்பட்ட ஃப்ளாட்-பாட்டம் ஸ்டீயரிங் வீல் இருந்தாலும், V(O) வேரியண்ட்டின் ஸ்டீயரிங்கில் மட்டும் ADAS பணிகளுக்கான கூடுதல் சுவிட்சுகள் கொடுக்கப்பட்டுள்ளன. டேஷ்போர்டின் மையப்பகுதியில் டச்ஸ்கிரீன் இன்ஃபோடெயின்மென்ட் சிஸ்டமும், அதன் கீழே சில்வர் வேலைப்பாடுகளுடன் கூடிய கிடைமட்ட AC வென்ட்களும் அமைந்துள்ளன. இதில் பயன்படுத்தப்பட்டுள்ள பிரீமியம் மெட்டீரியல்கள் கேபினின் அழகை மேலும் கூட்டுகின்றன.
இரண்டு வேரியண்ட்களிலும் பொதுவான வசதிகளாக முன்பக்க ஸ்லைடிங் சென்டர் ஆர்ம்ரெஸ்ட், ரியர் AC வென்ட்கள், உயரத்தை அட்ஜஸ்ட் செய்யும் வசதி கொண்ட டிரைவர் சீட், அட்ஜஸ்டபிள் ஹெட்ரெஸ்ட்கள், டில்ட் மற்றும் டெலஸ்கோபிக் ஸ்டீயரிங், க்ளோவ்பாக்ஸ் வெளிச்சம், முன்பக்க ஃபுட்வெல் லேம்ப், USB சார்ஜிங் போர்ட்கள், ரியர் பார்சல் ஷெல்ஃப் மற்றும் 60:40 ஸ்ப்ளிட் பின் இருக்கைகள் ஆகியவை இடம்பெற்றுள்ளன. இடவசதியைப் பொறுத்தவரை நல்ல நீ ரூம், ஹெட்ரூம் மற்றும் ஷோல்டர் ரூமுடன் ஒரு சிறிய குடும்பம் சௌகரியமாக அமர்ந்து செல்லும் வகையில் கேபின் விசாலமாக உள்ளது.
| படங்கள் மூலம் விரிவாகப் பார்க்க: டொயோட்டா கிளான்ஸாவின் டிசைன் மற்றும் சிறப்பம்சங்களை கூடுதல் படங்களுடன் நெருக்கமாகப் பார்க்க, எங்களது விரிவான இமேஜ் கேலரியை பார்வையிடுங்கள். |
வசதிகள்
டொயோட்டா கிளான்ஸாவின் V வேரியண்ட்டே ஏராளமான அம்சங்களுடன் முழுமையாக லோடு செய்யப்பட்டுள்ளது. V(O) வேரியண்ட்டில் பெரிய அளவில் கூடுதல் வசதிகள் எதுவும் சேர்க்கப்படவில்லை; இரண்டு வேரியண்ட்களிலும் வசதிகள் பெரும்பாலும் ஒன்று போலவே நீடிக்கின்றன.
V மற்றும் V(O) வேரியண்ட்களில் வயர்லெஸ் Android Auto மற்றும் Apple CarPlay சப்போர்ட் கொண்ட 9-இன்ச் டச்ஸ்கிரீன் இன்ஃபோடெயின்மென்ட் சிஸ்டம், 6-ஸ்பீக்கர் கிளாரியன் சவுண்ட் சிஸ்டம், வென்டிலேட்டட் ஃப்ரண்ட் சீட்கள், ஹெட்ஸ்-அப் டிஸ்ப்ளே, ஆட்டோமேட்டிக் கிளைமேட் கண்ட்ரோல், ரியர் AC வென்ட்கள், ஆட்டோமேட்டிக் ஹெட்லைட்கள், ஸ்டீயரிங் மவுண்டட் ஆடியோ கன்ட்ரோல்கள், கீலெஸ் என்ட்ரி, புஷ்-பட்டன் ஸ்டார்ட்/ஸ்டாப், குரூஸ் கண்ட்ரோல், வயர்லெஸ் ஃபோன் சார்ஜர், கனெக்டட் கார் டெக், வாய்ஸ் அசிஸ்டண்ட், டிரைவர் சைடு ஒன்-டச் அப்/டவுன் வசதி கொண்ட அனைத்து பவர் விண்டோக்கள், எலக்ட்ரிக்கலி அட்ஜஸ்டபிள் மற்றும் மடிக்கக்கூடிய ORVM, உயரத்தை அட்ஜஸ்ட் செய்யக்கூடிய டிரைவர் சீட், முன்பக்க ஃபுட்வெல் லேம்ப், USB Type-A மற்றும் C ஃபாஸ்ட் சார்ஜிங், கியர் ஷிஃப்ட் இண்டிகேட்டர் மற்றும் 12V பவர் சாக்கெட் ஆகியவை இடம்பெற்றுள்ளன.
இதில் உள்ள ஒரே ஒரு வித்தியாசம் என்னவென்றால், V வேரியண்ட்டில் உள்ள வழக்கமான குரூஸ் கண்ட்ரோலுக்கு பதிலாக V(O) வேரியண்ட்டில் அடாப்டிவ் குரூஸ் கண்ட்ரோல் கொடுக்கப்பட்டுள்ளது.
பாதுகாப்பு வசதிகள்
பாதுகாப்பைப் பொறுத்தவரை, கிளான்ஸாவின் V வேரியண்ட்டே டாப் மாடலுக்கு இணையான சிறப்பான பாதுகாப்பு உபகரணங்களைக் கொண்டுள்ளது. இரண்டு வேரியண்ட்களிலும் பாதுகாப்பு கிட் சமமாகப் பகிரப்பட்டுள்ள நிலையில், V(O) வேரியண்ட்டில் கூடுதலாக சேர்க்கப்பட்டுள்ள ADAS டெக்னாலஜி மட்டுமே அதைத் தனித்துக் காட்டுகிறது.
இரண்டு வேரியண்ட்களிலும் பொதுவாக 6 ஏர்பேக்குகள், EBD உடன் கூடிய ABS, பிரேக் அசிஸ்ட், HHC, ESP, முன் மற்றும் பின் பார்க்கிங் சென்சார்களுடன் கூடிய 360-டிகிரி பார்க்கிங் கேமரா, ஆட்டோ-டிம்மிங் IRVM, TPMS, வாஷர் மற்றும் டிஃபாகருடன் கூடிய ரியர் வைப்பர், அனைத்து இருக்கைகளுக்கும் 3-பாயிண்ட் சீட்பெல்ட்கள் மற்றும் ISOFIX சைல்ட் சீட் மவுண்ட்கள் ஆகியவை இடம் பெற்றுள்ளன.
கூடுதலாக V(O) வேரியண்ட்டில் Level-2 ADAS தொகுப்பு வழங்கப்படுகிறது. இதில் அடாப்டிவ் குரூஸ் கண்ட்ரோல், லேன் கீப் அசிஸ்ட், லேன் டிபார்ச்சர் வார்னிங், ஹை பீம் அசிஸ்ட் மற்றும் அட்டானமஸ் எமர்ஜென்சி பிரேக்கிங் போன்ற நவீன அம்சங்கள் அடங்கும். இந்த அப்கிரேடுகள் காரின் தொழில்நுட்பத் தரத்தை உயர்த்தி, பிற பிரீமியம் ஹேட்ச்பேக்குகளுக்கு இணையாக நிறுத்துகின்றன.
பவர்டிரெய்ன் விவரங்கள்
புதிய கிளான்ஸா மாடலில் ஒரே ஒரு இன்ஜின் ஆப்ஷனை மட்டுமே டொயோட்டா வழங்குகிறது. புதிய Z-சீரிஸ் 1.2-லிட்டர் நேச்சுரலி அஸ்பிரேட்டட் பெட்ரோல் இன்ஜின் இதில் பொருத்தப்பட்டுள்ளது. இது 5-ஸ்பீட் மேனுவல் டிரான்ஸ்மிஷன் அல்லது 5-ஸ்பீட் AMT கியர்பாக்ஸுடன் இணைக்கப்பட்டுள்ளது. அதிக மைலேஜ் விரும்புபவர்களுக்காக இந்த இன்ஜின் ஃபேக்டரி-ஃபிட்டட் CNG கிட் உடனும் கிடைக்கிறது.
ஆனால், V மற்றும் டாப்-ஸ்பெக் V(O) வேரியண்ட்கள் பெட்ரோல் இன்ஜினில் மட்டுமே இயங்குகின்றன; இவற்றில் CNG பவர்டிரெய்ன் ஆப்ஷன் கிடையாது. அதேநேரம் இரண்டு வேரியண்ட்களிலுமே மேனுவல் மற்றும் AMT ஆட்டோமேட்டிக் கியர்பாக்ஸ் சாய்ஸ் கொடுக்கப்பட்டுள்ளது.
கிளான்ஸாவின் இன்ஜின் விவரக்குறிப்புகளைப் பார்ப்போம்:
| இன்ஜின் |
1.2-லிட்டர் நேச்சுரலி அஸ்பிரேட்டட் பெட்ரோல் |
| சிலிண்டர் எண்ணிக்கை |
3 |
| பவர் |
83 PS |
| டார்க் | 112 Nm |
| டிரான்ஸ்மிஷன் | 5-speed MT / 5-speed AMT |
| அதிகாரப்பூர்வ மைலேஜ் (ARAI) |
23.80 கிமீ/லி (MT) / 24.77 கிமீ/லி (AMT) |
MT - மேனுவல் டிரான்ஸ்மிஷன் , AMT- ஆட்டோமேட்டட் மேனுவல் டிரான்ஸ்மிஷன்
டொயோட்டா கிளான்ஸாவின் பிற வேரியண்ட்களில் வழங்கப்படும் பவர்டிரெய்ன்கள் பற்றி தெரிந்துகொள்ள எங்களது வேரியண்ட் வாரியான பவர்டிரெய்ன் செய்தியைப் பார்க்கவும்.
போட்டி கார்கள்
பிரீமியம் ஹேட்ச்பேக் பிரிவில் களமிறங்கும் டொயோட்டா கிளான்ஸா, மாருதி சுஸுகி பலேனோ, ஹூண்டாய் i20 மற்றும் டாடா அல்ட்ராஸ் போன்ற மாடல்களுக்கு நேரடிப் போட்டியாக அமைகிறது. மேலும் இதே விலைப் பிரிவில் உள்ள மாருதி சுஸுகி ஸ்விஃப்ட், டாடா பஞ்ச், மாருதி சுஸுகி ஃபிரான்க்ஸ், டொயோட்டா அர்பன் க்ரூஸர் டைஸர் மற்றும் ஹூண்டாய் கிராண்ட் i10 நியோஸ் போன்ற கார்களுடனும் சந்தையில் போட்டியிடுகிறது.
கார்தேக்கோவின் கருத்து ...
டொயோட்டா கிளான்ஸா V வேரியண்ட் டாப் மாடலுக்கு சற்றே கீழே இருந்தாலும் நீண்ட அம்சங்களின் பட்டியல், மாடர்ன் கேபின், மேனுவல் மற்றும் AMT தேர்வுகள் என பார்ப்பதற்கும் ஓட்டுவதற்கும் ஒரு டாப்-ஸ்பெக் வேரியண்ட் போலவே முழு அனுபவத்தைத் தருகிறது. எக்ஸ்டீரியரின் அழகு அம்சங்கள் மற்றும் இன்டீரியர் வசதிகள் அனைத்துமே V(O) வேரியண்ட்டிற்கு இணையாகவே உள்ளன. டாப்-ஸ்பெக் V(O) வேரியண்ட்டில் Level-2 ADAS மட்டுமே கூடுதல் அம்சமாகச் சேர்க்கப்பட்டுள்ளது; மற்றபடி எல்லாமே ஒன்றுதான்.
V(O) வேரியண்ட்டின் கூடுதல் விலை 50,000 ரூபாய் என்றாலும், அதில் கிடைக்கும் நவீன உபகரணங்கள் காரை மேலும் நவீனமாக்குவதோடு, நீண்ட காலப் பயன்பாட்டில் வசதியையும், பாதுகாப்பையும், சிறந்த உரிமையாளர் அனுபவத்தையும் உறுதி செய்கின்றன.
அதேசமயம், ADAS பாதுகாப்பு வசதிகள் உங்கள் முக்கிய தேவையாக இல்லை என்றால், V வேரியண்ட்டே டாப் மாடலின் அனைத்து வசதிகளையும் வழங்கிவிடுகிறது. அந்த கூடுதல் தொகையைக் கொண்டு காரின் வெளிப்புற பாதுகாப்பிற்குத் தேவையான ஆஃப்டர்மார்க்கெட் பெயிண்ட் புரொடெக்ஷன் கோட்டிங் போன்ற விஷயங்களைச் செய்து கொள்ளலாம். மேலும் கிளான்ஸாவில் அதிக மதிப்புமிக்க பிற பட்ஜெட் வேரியண்ட்களும் உள்ளன; அவற்றையும் ஒருமுறை பார்க்கலாம்!
இந்த இரண்டு வேரியண்ட்களில் உங்கள் தேர்வு எதுவாக இருக்கும்? கீழே உள்ள கமெண்ட் பகுதியில் எங்களுடன் பகிர்ந்து கொள்ளுங்கள்!
