10 லட்சத்துல பேயான் வாங்கலாமா, இல்ல டாப்-எண்ட் i20 பெட்டரா? யாருக்கு எது செட் ஆகும்?
பேயான் நெடுஞ்சாலைகள் மற்றும் நீண்ட சாலை பயணங்களுக்கு மிகவும் பொருத்தமானது. அதேசமயம் i20 நகரத்தை சுற்றி வர மிகவும் வசதியாக இருக்கும்.
- ஒரு கருத்தை எழுதுக
| எங்கள் வாசகர்களில் தேர்ந்தெடுக்கப்படும் 50 பேருக்கு பிரத்யேக கார் வாங்கும் வழிகாட்டுதல் சேவையை வழங்குகிறோம். இதன் மூலம் ஆட்டோமோட்டிவ் துறை நிபுணர்களுடன் நேரடியாக உரையாடி கார் வாங்குவது தொடர்பான உங்கள் அனைத்து சந்தேகங்களுக்கும் தெளிவான விளக்கம் பெறலாம். இந்த படிவத்தை பூர்த்தி செய்து நீங்களும் அந்த வாய்ப்பைப் பெறலாம். தகுதி பெறுபவர்களை எங்கள் குழுவினர் விரைவில் தொடர்புகொள்வார்கள். |
ஹூண்டாய் நிறுவனம் பேயான் என்ற புதிய காம்பேக்ட் எஸ்யூவி மாடலை அறிமுகப்படுத்தியுள்ளது. இது வென்யூ மற்றும் கிரெட்டா ஆகிய கார்களுக்கு இடைப்பட்ட இடத்தில் நிலைநிறுத்தப்பட்டுள்ளது. 10 லட்சம் ரூபாய் ஆரம்ப விலையில் வெளிவந்துள்ள இந்த பேயான் கிரெட்டாவை விட குறைந்த விலையில் கிடைப்பதால் பலரின் கவனத்தை ஈர்த்துள்ளது. அதேசமயம் இதே பட்ஜெட்டில் ஹூண்டாய் i20 காரின் டாப் வேரியண்ட்டான ஆஸ்டா ஆப்ஷனல் மாடலும் கிடைக்கிறது. ஹேட்ச்பேக் மாடலாக இருந்தாலும் பல அம்சங்களில் இது கூடுதல் பலன்களைத் தருகிறது. ஒரே பட்ஜெட்டில் இந்த இரண்டு ஹூண்டாய் கார்களில் எதை வாங்குவது என்ற குழப்பம் இருந்தால் இரண்டையும் ஒப்பிட்டுப் பார்த்து சரியான முடிவை எடுக்க இந்த விரிவான அலசல் உதவும்.
விலை
| மாடல் |
ஹூண்டாய் பேயான் HX2 |
ஹூண்டாய் i20 ஆஸ்டா Optional |
| Price (ex-showroom) |
ரூ. 10 லட்சம் |
ரூ. 9.25 லட்சம் (MT)/ ரூ. 10.44 லட்சம் (CVT) |
-
பேயான் மாடலின் அடிப்படை வேரியண்ட்டான HX2 விலை 10 லட்சம் ரூபாயில் துவங்குகிறது. ஆனால் i20 காரின் டாப் வேரியண்ட்டான ஆஸ்டா ஆப்ஷனல் மாடலின் மேனுவல் விலை 9.25 லட்சம் ரூபாயாகவும் ஆட்டோமேட்டிக் விலை 10.44 லட்சம் ரூபாயாகவும் நிர்ணயிக்கப்பட்டுள்ளது.
-
பேயான் உருவத்தில் பெரிய காராக இருந்தாலும் i20 காரின் டாப் ஆட்டோமேட்டிக் மாடலை விட 44,000 ரூபாய் குறைவான விலையிலேயே கிடைக்கிறது. இதன் பரிமாண விவரங்களை அடுத்த பகுதியில் விரிவாகப் பார்க்கலாம். அதேசமயம் i20 ஆஸ்டா ஆப்ஷனல் மேனுவல் வேரியண்ட்டை எடுத்துக் கொண்டால் அது பேயானை விட 75,000 ரூபாய் குறைவு என்பது குறிப்பிடத்தக்கது.
பரிமாணங்கள்
| மாடல் |
ஹூண்டாய் பேயான் |
ஹூண்டாய் i20 |
வித்தியாசம் |
| நீளம் | 4245 மிமீ |
3995 மிமீ |
+ 250 மிமீ |
| அகலம் |
1810 மிமீ |
1775 மிமீ |
+ 35 மிமீ |
| உயரம் |
1570 மிமீ |
1505 மிமீ |
+ 65 மிமீ |
| வீல்பேஸ் |
2600 மிமீ |
2580 மிமீ |
+ 20 மிமீ |
-
எஸ்யூவி தோற்றத்தில் உருவாக்கப்பட்டுள்ள பேயான் நீளம், அகலம் மற்றும் உயரம் என அனைத்து அளவுகளிலுமே i20 ஹேட்ச்பேக்கை விட பெரியதாக இருக்கிறது.
-
இவற்றில் முக்கியமாக கவனிக்க வேண்டியது காரின் நீளம் மட்டுமே. i20 கார் 4 மீட்டருக்குள் அடங்கிவிடும். பேயான் 4.2 மீட்டருக்கும் அதிகமான நீளத்தைக் கொண்டுள்ளது. அதாவது i20 காரை விட பேயான் 250 மிமீ கூடுதல் நீளம் கொண்டது.
-
தோற்றப் பொலிவும், பெரிய உருவமும் கொண்ட காரை விரும்புபவர்களுக்கு பேயான் மிகச்சிறந்த தேர்வாக இருக்கும். அதேநேரம் அதிக நெரிசல் மிகுந்த நகரச் சாலைகளில் எளிதாகக் கையாள ஒரு காம்பேக்ட் கார் தேவைப்பட்டால் i20 மிகவும் பொருத்தமாக அமையும்.
கலர் ஆப்ஷன்கள்
- -
| ஹூண்டாய் பேயான் HX2 |
ஹூண்டாய் i20 ஆஸ்டா Optional |
| டைட்டானியம் பிளாக் |
அட்லஸ் ஒயிட்* |
| கிளாஸி ப்ளூ |
டைட்டன் கிரே |
| அட்லஸ் ஒயிட் |
டைட்டன் கிரே மேட் |
| - |
ஃபியரி ரெட் |
| - |
ஸ்டாரி நைட் |
*பிளாக் ரூஃப் வசதியுடன் கிடைக்கிறது
- பேயான் காரின் அடிப்படை வேரியண்ட்டில் மூன்று வண்ணங்கள் மட்டுமே வழங்கப்படுகின்றன. ஆனால் i20 ஆஸ்டா ஆப்ஷனல் மாடலில் ஐந்து வண்ணத் தேர்வுகள் கிடைக்கின்றன.
- மேலும், i20 ஆஸ்டா ஆப்ஷனல் மாடலில் பிளாக் ரூஃப் உடன் கூடிய டூயல்-டோன் ஆப்ஷன்களும், மேட் பினிஷ் வண்ணமும் கூட கிடைக்கிறது.
- வண்ண விருப்பங்களைப் பொறுத்தவரை, பேயான் எஸ்யூவியை விட i20 காரிலேயே வாடிக்கையாளர்களுக்கு கூடுதல் தேர்வுகள் உள்ளன.
வசதிகள்
| அம்சங்கள் |
ஹூண்டாய் பேயான் |
ஹூண்டாய் i20 |
| LED Headlamps |
✅(Projector) |
✅(Reflector) |
| LED Taillamps |
✅ |
✅ |
| Wheels |
16-inch steel wheels with coveரூ. |
16-inch diamond-cut alloy wheels |
| Rear Spoiler |
✅ |
✅ |
| Sharkfin Antenna |
✅ |
✅ |
| Height-adjustable Driver Seat |
✅ |
✅ |
| Adjustable Headrests |
✅(Front) |
✅(Front and Rear) |
| Ambient Lighting |
❌ |
✅(Blue) |
| Infotainment system |
❌ |
✅(10.25-inch touchscreen) |
| Wireless Apple CarPlay/Android Auto |
❌ |
✅(via adapter) |
| Instrument Cluster |
Semi-digital |
Semi-digital |
| Wireless Phone Charger |
❌ |
✅ |
| Sound system |
6 speaker |
7-speaker BOSE audio system |
| Auto-diமிமீing IRVM |
❌ |
✅ |
| Cruise Control |
❌ |
✅ |
| Climate Control |
✅(Manual) |
✅(Automatic) |
| Rear AC Vents |
✅ |
✅ |
| Power-adjustable ORVMs |
✅ |
✅ |
| Keyless entry with push-button start/stop |
❌ |
✅ |
| USB charging ports |
✅ (3x Type-C) |
✅(1x Type-C, 1x Type-A) |
| Sunroof |
❌ |
✅(Single-pane) |
| Multi-drive Modes |
❌ |
✅(Normal, Sports) |
| Cooled Glovebox |
❌ |
✅ |
| Connected Car Tech |
❌ |
✅ |
| Airbags |
6 |
6 |
| Rear View Camera |
❌ |
✅ |
| Parking Sensoரூ. |
✅(Rear) |
✅(Rear) |
| ESC (electronic stability control) |
✅ |
✅ |
| Hill hold assist (HHA) |
✅ |
✅ |
| Rain Sensing Wipeரூ. |
❌ |
✅ |
| Rear Wiper with washer |
❌ |
✅ |
| Rear defogger |
✅ |
✅ |
| TPMS (Tyre Pressure Monitoring System) |
✅ |
✅ |
- வசதிகளைப் பொறுத்தவரை, i20 காரில் ஏராளமான நவீன அம்சங்கள் நிரம்பியுள்ளன. அதேசமயம், பேயான் மாடலின் அடிப்படை வேரியண்ட்டாக இருந்தாலும் அன்றாட பயன்பாட்டிற்குத் தேவையான முக்கிய வசதிகள் சரியாகவே வழங்கப்பட்டுள்ளன.
- டாப்-ஸ்பெக் i20 காரோடு ஒப்பிடும்போது பேயான் HX2 மாடலில் பல வசதிகள் குறைவாக இருந்தாலும், இருக்கும் அடிப்படை வசதிகளே அன்றாடப் பயன்பாட்டிற்கு மிகவும் பயனுள்ளதாகவும் போதுமானதாகவும் இருக்கின்றன.
- ஆனால் i20 ஆஸ்டா ஆப்ஷனல் மாடலில் இந்த பட்ஜெட்டில் எதிர்பார்க்கக்கூடிய அனைத்து ஆடம்பர அம்சங்களும் இடம்பெற்றுள்ளன. பிரீமியம் சவுண்ட் சிஸ்டம், சன்ரூஃப், டூயல்-டோன் அலாய் வீல்கள் மற்றும் லெதரெட் சீட் அப்ஹோல்ஸ்டரி போன்ற அம்சங்கள் காரின் கவர்ச்சியை அதிகரிப்பதுடன், பயணத்தின் போது பிரீமியம் உணர்வையும் தருகின்றன.
சுருக்கமாகச் சொன்னால், ஆரம்ப நிலை வேரியண்ட்டாக இருந்தாலும் பேயானில் தேவையான தரமான வசதிகள் உள்ளன; அதேநேரம் i20 கார் இந்த விலையில் அதிகபட்ச நவீன வசதிகளை வாரி வழங்குகிறது.
பவர்டிரெயின்
| மாடல் |
ஹூண்டாய் பேயான் |
ஹூண்டாய் i20 |
||
| இன்ஜின் |
|
|
||
| பவர் |
115 PS |
83 PS (MT)88 PS (CVT) |
||
| டார்க் |
144 Nm |
115 Nm |
||
| டிரான்ஸ்மிஷன் | 6-ஸ்பீடு MT |
5-ஸ்பீடு MT/CVT |
MT- மேனுவல் டிரான்ஸ்மிஷன், CVT- கண்டினியூஸ்லி வேரியபிள் டிரான்ஸ்மிஷன் (ஆட்டோமெட்டிக்)
-
பேயான் மாடலில் 1.5-லிட்டர் நேச்சுரலி ஆஸ்பிரேட்டட் பெட்ரோல் இன்ஜின் கொடுக்கப்பட்டுள்ளது. இது 115 PS பவரையும் 144 Nm டார்க்கையும் வெளிப்படுத்தும் திறன் கொண்டது. இந்த காரின் முதல் மூன்று அடிப்படை வேரியண்ட்களில் மேனுவல் கியர்பாக்ஸ் மட்டுமே கிடைக்கிறது.
-
மறுபுறம், i20 காரில் சற்று சிறிய அளவிலான 1.2-லிட்டர் நேச்சுரலி ஆஸ்பிரேட்டட் பெட்ரோல் இன்ஜின் பொருத்தப்பட்டுள்ளது. இது அதிகபட்சமாக 88 PS பவரையும் 115 Nm டார்க்கையும் வெளிப்படுத்துகிறது. இதில் மேனுவல் மற்றும் CVT ஆட்டோமேட்டிக் ஆகிய இரண்டு கியர்பாக்ஸ் தேர்வுகளும் கிடைக்கின்றன.
-
செயல்திறன் புள்ளிவிவரங்களில் பேயான் முந்துகிறது. i20 இன்ஜினை விட இது 27 PS கூடுதல் பவரையும் 29 Nm கூடுதல் டார்க்கையும் உருவாக்குகிறது. நெடுஞ்சாலைகளில் வேகமாகப் பயணிக்கும் போது இந்த கூடுதல் ஆற்றல் மிகச் சிறந்த பலனைத் தரும்.
-
அதேசமயம் நகர்ப்புற நெரிசலில் காரை அதிகமாக ஓட்டுபவர்களுக்கு ஆட்டோமேட்டிக் கியர்பாக்ஸ் கூடுதல் சவுகரியத்தைத் தரும். இந்த ஆட்டோமேட்டிக் ஆப்ஷன் i20 காரில் மட்டுமே கிடைக்கிறது.
கார்தேக்கோவின் கருத்து...
ஹூண்டாய் பேயான் ஒரு காம்பேக்ட் எஸ்யூவி மாடலாகும். இதில் உயரமான இருக்கை அமைப்பு, அதிக கிரவுண்ட் கிளியரன்ஸ், தாராளமான கேபின் இடம் மற்றும் முன்-பின் LED விளக்குகள், பெரிய 16-இன்ச் வீல்கள் மற்றும் அதிக ஆற்றல் கொண்ட 1.5-லிட்டர் பெட்ரோல் இன்ஜின் ஆகியவை கிடைக்கின்றன. எனவே நெடுஞ்சாலைகளில் அடிக்கடி பயணம் செய்பவர்களுக்கும், நீண்ட தூரப் பயணங்களை மேற்கொள்பவர்களுக்கும் பேயான் மிகச் சிறந்த தேர்வாக இருக்கும்.
அதே நேரத்தில் ஹூண்டாய் i20 கார் இந்த பட்ஜெட்டிற்குள் 10.25-இன்ச் இன்ஃபோடெயின்மென்ட் சிஸ்டம், சிங்கிள்-பேன் சன்ரூஃப், லெதரெட் சீட் அப்ஹோல்ஸ்டரி மற்றும் ரிவர்ஸ் பார்க்கிங் கேமரா என பல உயர் ரக வசதிகளை அள்ளித் தருகிறது. இவை பயண அனுபவத்தை மேலும் மேம்படுத்தும். இதே விலையில் ஒரு பிரீமியம் காம்பேக்ட் காரை எதிர்பார்ப்பவர்களுக்கு i20 அதிக மதிப்பைத் தரும்.
எனவே சிறிய காரில் இருந்து பெரிய காருக்கு மாற நினைப்பவர்களுக்கு பேயான் எஸ்யூவி கம்பீரமான ரோட் பிரசன்ஸ் அதிக இடவசதி மற்றும் சக்திவாய்ந்த இன்ஜின் ஆகியவற்றை வழங்கும்; அதேசமயம், காரில் நிறைய ஆடம்பர மற்றும் தொழில்நுட்ப வசதிகள் வேண்டும் என்று நினைப்பவர்களுக்கு i20 சரியான தேர்வாக அமையும்.
