ரூ.34 லட்சம் விலை குறைஞ்சிருச்சு! இந்தியாவில் தயாராகும் லேண்ட் ரோவர் டிஃபென்டர்... முழு விவரம் இதோ!

டிஃபென்டர் காரை வாங்க வேண்டும் என்ற விருப்பம் உள்ளதா? உங்கள் கனவு நனவாகும் தருணம் இப்போது மிக எளிதாகியுள்ளது. இந்த கரடுமுரடான லக்சரி SUV காரை இந்தியாவிலேயே அசெம்பிள் செய்யவிருப்பதாக நிறுவனம் அறிவித்துள்ளது. இதன் காரணமாக அதன் விலையும் கணிசமாகக் குறைந்துள்ளதால், புதிய SUV காரை வாங்க திட்டமிட்டிருப்பவர்களுக்கு இது ஒரு சிறந்த தேர்வாக மாறியுள்ளது. இந்த அறிவிப்பு குறித்த முழு விவரங்களையும் விரிவாகப் பார்ப்போம்:

இனி இந்தியாவிலேயே அசெம்பிள் செய்யப்படும் டிஃபென்டர்

ஜாகுவார் லேண்ட் ரோவர் நிறுவனத்தில் இருந்து வெளிவந்த மிகவும் புகழ்பெற்ற மாடல்களில் டிஃபென்டரும் ஒன்று. இதுவரை இந்த SUV கார் ஸ்லோவாக்கியா நாட்டிலிருந்து CBU முறையில் முழு காராகவே இறக்குமதி செய்யப்பட்டு வந்தது. ஆனால் தற்போது இது CKD உதிரிபாகங்களாக இறக்குமதி செய்யப்பட்டு, மகாராஷ்டிர மாநிலம் புனேவில் அமைந்துள்ள நிறுவனத்தின் தொழிற்சாலையிலேயே அசெம்பிள் செய்யப்பட உள்ளது.

டிஃபென்டர் தவிர இதே ஆலையில்தான் ரேஞ்ச் ரோவர் மற்றும் ஸ்போர்ட் போன்ற பிற மாடல்களும் அசெம்பிள் செய்யப்படுகின்றன. டிஃபென்டர் இந்தியாவில் அசெம்பிள் செய்யப்படுவது இதுவே முதல் முறை என்பதும் இந்த அசெம்பிளி பிரிவு முழுக்க முழுக்க இந்திய வாடிக்கையாளர்களுக்காக மட்டுமே உருவாக்கப்பட்டுள்ளது என்பதும் குறிப்பிடத்தக்கது.

விலை கணிசமாகக் குறைந்தது

கார்களின் விலைகள் தொடர்ந்து ஏறிவரும் இந்தக் காலகட்டத்தில், டிஃபென்டரின் விலை பெருமளவு குறைக்கப்பட்டுள்ளது. முழு காராக இறக்குமதி செய்வதை விட உதிரிபாகங்களாக இறக்குமதி செய்து அசெம்பிள் செய்யும்போது வரி குறைவாக இருப்பதே இதற்கு முக்கியக் காரணம். வேரியண்ட்டிற்கு ஏற்ப இதன் விலை ரூ.34 லட்சம் வரை குறைந்துள்ளதால், ஏற்கனவே சந்தையில் அமோக வரவேற்பைப் பெற்றுள்ள இந்த சொகுசு SUV மீது வாடிக்கையாளர்களின் ஈர்ப்பு மேலும் அதிகரிக்கும். திருத்தப்பட்ட புதிய விலைப்பட்டியல் விவரம்:

*ரூ. 6.5 லட்சம் மதிப்புள்ள 17 கூடுதல் அம்சங்கள் இப்போது ஸ்டாண்டர்டாக இணைக்கப்பட்டுள்ளன.

^ரூ. 17 லட்சம் மதிப்புள்ள 29 கூடுதல் அம்சங்கள் இப்போது ஸ்டாண்டர்டாக இணைக்கப்பட்டுள்ளன.

அனைத்து விலைகளும் எக்ஸ்-ஷோரூம் விலைகள் ஆகும்.

இந்த மாற்றத்தின் மூலம் வாடிக்கையாளர்களுக்குக் கார்கள் தடையின்றி கிடைப்பதுடன் காத்திருப்பு காலமும் குறைய வாய்ப்புள்ளது. தற்போது வரை டிஃபென்டர் 110 மாடலின் எக்ஸ்-டைனமிக் HSE வேரியண்ட் மட்டுமே உள்நாட்டில் அசெம்பிள் செய்யப்படுகிறது. விற்பனை எண்ணிக்கை குறைவாக இருக்கும் காரணத்தால் டிஃபென்டர் 130, டிஃபென்டர் 90 மற்றும் டிஃபென்டர் ஆக்டா போன்ற பிற மாடல்கள் தொடர்ந்து CBU முறையிலேயே இறக்குமதி செய்யப்பட்டு விற்பனை செய்யப்படும்.

டிஃபென்டர் பற்றி ஒரு பார்வை

தற்போதைய காலகட்டத்தில் மிகவும் வலிமையான லக்சரி கார் பிராண்டுகளில் ஒன்றாகத் திகழும் டிஃபென்டர், தனது ரெட்ரோ டிசைன், பல்வேறு வேரியண்ட்கள் மற்றும் சொகுசுடன் கலந்த கரடுமுரடான தோற்றம் ஆகியவற்றால் இந்தியாவில் அசுர வளர்ச்சி அடைந்து வரும் ஃபுல்-சைஸ் லக்சரி SUV பிரிவில் தனக்கென பெரும் வரவேற்பைப் பெற்றுள்ளது.

தொழில்நுட்ப ரீதியாகவும் டிஃபென்டர் பல நவீன வசதிகளைத் தன்னுள் கொண்டுள்ளது. இதில் 700W 15-ஸ்பீக்கர் கொண்ட மெரிடியன் சரவுண்ட் சவுண்ட் சிஸ்டம், 13.1-இன்ச் பிவி ப்ரோ டச்ஸ்கிரீன் இன்ஃபோடெயின்மென்ட் சிஸ்டம், அடாப்டிவ் ஏர் சஸ்பென்ஷன், 12.3-இன்ச் டிஜிட்டல் டிரைவர் டிஸ்பிளே, ஹெட்-அப் டிஸ்பிளே, மெமரி வசதியுடன் கூடிய 14-வே பவர்டு, கூல்டு மற்றும் ஹீட்டட் முன் இருக்கைகள், பனோரமிக் சன்ரூஃப், த்ரீ-ஸோன் கிளைமேட் கண்ட்ரோல், வயர்லெஸ் போன் சார்ஜர், ஆம்பியன்ட் லைட்டிங், டிஜிட்டல் IRVM மற்றும் பவர்-அட்ஜஸ்டபிள் ஸ்டீயரிங் காலம் ஆகியவை இடம்பெற்றுள்ளன.

பாதுகாப்பிலும் இது தலைசிறந்து விளங்குகிறது. யூரோ NCAP கிராஷ் டெஸ்டில் 5-ஸ்டார் மதிப்பீட்டைப் பெற்றுள்ளது. லெவல்-2 ADAS, பல ஏர்பேக்குகள், ESC, 360-டிகிரி கேமரா, முன்புற மற்றும் பின்புற பார்க்கிங் சென்சார்கள், HDC போன்ற பல நவீன பாதுகாப்பு அம்சங்கள் இதில் கொடுக்கப்பட்டுள்ளன.

டிஃபென்டர் வரிசையில் சூப்பர்சார்ஜ்டு V8 பெட்ரோல், ட்வின்-டர்போ V8 பெட்ரோல், டீசல் மைல்டு-ஹைப்ரிட் மற்றும் இரண்டு ஸ்டாண்டர்ட் டர்போ-பெட்ரோல் என்ஜின்கள் என மொத்தம் 5 என்ஜின் தேர்வுகள் வழங்கப்படுகின்றன. அவற்றின் தொழில்நுட்ப விவரங்கள்:

AT - ஆட்டோமேட்டிக் டிரான்ஸ்மிஷன், AWD - ஆல்-வீல் டிரைவ்.

அதேபோல் டிஃபென்டரின் கரடுமுரடான அடையாளத்திற்கு மேலும் வலு சேர்க்கும் வகையில் பல்வேறு ஆஃப்-ரோடு அம்சங்களும் உள்ளன. அடாப்டிவ் ஆஃப்-ரோடு க்ரூஸ் கண்ட்ரோல், ஹில் லாஞ்ச் அசிஸ்ட், ட்வின்-ரேஞ்ச் டிரான்ஸ்ஃபர் கேஸ், டெரைன் ரெஸ்பான்ஸ் சிஸ்டம் மற்றும் டார்க் வெக்டரிங் வசதியுடன் கூடிய EDL ஆகியவை இதில் அடங்கும்.

போட்டியாளர்கள்

டிஃபென்டருக்கு இணையான நேரடிப் போட்டியாளர்கள் என்று சந்தையில் பெரிதாக யாருமில்லை. தொடக்க நிலை வேரியண்ட்கள் மெர்சிடிஸ்-பென்ஸ் GLE, GLS, BMW X5, X7 மற்றும் ஆடி Q7 ஆகியவற்றுக்குப் போட்டியாக அமைகின்றன. அதேசமயம் இதன் அதிரடி செயல்திறன் கொண்ட ஆக்டா மாடல், மெர்சிடிஸ்-பென்ஸ் G-கிளாஸ் மற்றும் போர்ஷே கேயென் GTS ஆகியவற்றுக்கே சவால் விடும் வகையில் உள்ளது.

கார்தேக்கோவின் கருத்து...

சொகுசு கார் பிரிவில் அனைத்து எதிர்பார்ப்புகளையும் கடந்து மாபெரும் வெற்றி பெற்ற ஒரு மாடல் என்றால் அது நிச்சயம் டிஃபென்டர்தான். ஆடம்பரத்தை மட்டுமே பிரதானமாகக் கருதாமல் கரடுமுரடான தோற்றத்திற்கும் கடினமான பாதைகளை எதிர்கொள்ளும் திறனுக்கும் முக்கியத்துவம் கொடுத்ததால் அனைத்து தரப்பு வாடிக்கையாளர்களையும் இது வெகுவாக ஈர்த்துள்ளது. இந்தியாவில் அறிமுகமாகி கிட்டத்தட்ட 6 ஆண்டுகளில் 9,000 கார்களுக்கு மேல் விற்பனையாகி சாதனை படைத்துள்ளது.

தற்போது விலை குறைக்கப்பட்டு கூடுதல் நவீன அம்சங்கள் சேர்க்கப்பட்டு காத்திருப்பு நேரமும் குறையவுள்ளதால் இந்த மாடல் புதிய விற்பனை உச்சத்தை எட்டி பிராண்டிற்கு மிகப் பெரிய மைல்கல்லைப் பெற்றுத் தரும் என்பதில் சந்தேகமில்லை. அத்துடன் மேலும் பல டிஃபென்டர் வேரியண்ட்களும் இந்தியாவில் உள்நாட்டிலேயே அசெம்பிள் செய்யப்பட வேண்டும் என்பதே எங்களின் விருப்பம்.

இந்தியாவிலேயே அசெம்பிள் செய்யப்படும் இந்த டிஃபென்டர் குறித்து நீங்கள் என்ன நினைக்கிறீர்கள்? கீழே உள்ள கமெண்ட் பகுதியில் உங்கள் கருத்துக்களைப் பகிர்ந்து கொள்ளுங்கள்!