புதுசா வந்த பேயானா... இல்ல பழைய வென்யூவா... எதை வாங்கலாம் ? முழு ஒப்பீடு இங்கே
ஹூண்டாய் அதன் சமீபத்திய காம்பாக்ட் SUV, பேயான் -ஐ அறிமுகப்படுத்தியுள்ளது. ஆனால் இது சிறிய இடத்தை விட சிறந்த மதிப்பை வழங்குகிறதா?
- ஒரு கருத்தை எழுதுக
| எங்களது அதிர்ஷ்டசாலி வாசகர்களில் 50 பேருக்குப் பிரத்யேகமான கார் வாங்கும் வழிகாட்டலை நாங்கள் வழங்குகிறோம். இதன் மூலம் நீங்கள் நேரடியாக ஒரு ஆட்டோமொபைல் நிபுணருடன் பேசி உங்கள் சந்தேகங்கள் அனைத்திற்கும் விளக்கம் பெறலாம். இந்த படிவத்தை நிரப்புங்கள். நீங்கள் தேர்ந்தெடுக்கப்பட்டால், எங்கள் குழு விரைவில் உங்களைத் தொடர்பு கொள்ளும். |
இந்திய சந்தையில் 2026 ஹூண்டாய் பேயான் கார் விற்பனைக்கு அறிமுகமாகியுள்ளது. இதன் ஆரம்ப விலை எக்ஸ்-ஷோரூமில் ரூ. 9.99 லட்சமாக நிர்ணயிக்கப்பட்டுள்ளது. ஹூண்டாய் நிறுவனத்தின் வென்யூ மற்றும் கிரெட்டா ஆகிய கார்களுக்கு இடையே இடம்பிடித்துள்ள புதிய பேயான், ஒரே ஒரு பெட்ரோல் எஞ்சின் ஆப்ஷனில் மட்டுமே கிடைக்கிறது. இன்றைய ஒப்பீட்டில் புதிய ஹூண்டாய் பேயானுடன் நாம் ஹூண்டாய் வென்யூவை ஒப்பிட்டுப் பார்க்க உள்ளோம். வென்யூ இரண்டு பெட்ரோல் மற்றும் ஒரு டீசல் எஞ்சின் ஆப்ஷன்களுடன் விற்பனை செய்யப்பட்டு வருகிறது. பேயான் காரின் அளவு பெரிதாக இருந்தாலும் 2019 முதல் சந்தையில் இருக்கும் வென்யூ, தனது நம்பகத்தன்மை மற்றும் இந்த பட்ஜெட்டுக்கு ஏற்ற வசதிகள் மூலம் கடுமையான போட்டியைத் தருகிறது.
இரண்டு கார்களுமே கிட்டத்தட்ட ஒரே விலைப் பிரிவில் இருப்பதுடன் ஏராளமான வசதிகள், சௌகரியம் மற்றும் விசாலமான கேபினுடன் கூடிய குடும்ப காரைத் தேடும் வாடிக்கையாளர்களைக் கவர்கின்றன. அதேசமயம் வடிவமைப்பு, விலை, வசதிகள் மற்றும் ஒட்டுமொத்த பயன்பாட்டில் இவை பல வேறுபாடுகளைக் கொண்டுள்ளன. ஹூண்டாய் பேயான் மற்றும் ஹூண்டாய் வென்யூ கார்களை இப்போது விரிவாக ஒப்பிடலாம்:
விலை
| மாடல் | ஹூண்டாய் பேயான் |
ஹூண்டாய் வென்யூ |
| விலை (பெட்ரோல்) |
ரூ. 9.99 லட்சம் முதல் ரூ. 17.99 லட்சம் |
ரூ. 7.99 லட்சம் முதல் ரூ. 14.99 லட்சம் |
| விலை (டீசல்) |
- |
ரூ. 9.94 லட்சம் முதல் ரூ. 15.82 லட்சம் |
அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டுள்ளன
-
விலை விவரங்களை கவனிக்கும் போது, இந்த இரண்டில் ஹூண்டாய் வென்யூ அதிக சிக்கனமான தேர்வாகத் தெரிகிறது.
-
ஹூண்டாய் பேயான் ஒரே பெட்ரோல் எஞ்சினுடன் மேனுவல் மற்றும் ஆட்டோமேட்டிக் டிரான்ஸ்மிஷன் தேர்வுகளில் மொத்தம் 7 வேரியண்ட்களில் விற்பனை செய்யப்படுகிறது.
-
வென்யூ காரின் அடிப்படை பெட்ரோல் வேரியண்ட் ரூ. 7.99 லட்சம் என்ற குறைவான விலையில் தொடங்கி, அதன் டாப்-ஸ்பெக் டீசல் AT வேரியண்ட்டின் விலை ரூ. 15.82 லட்சம் வரை செல்கிறது.
-
மறுபுறம், பேயான் காரின் ஆரம்ப பெட்ரோல் வேரியண்ட் ரூ. 9.99 லட்சம் என்ற அதிக விலையில் ஆரம்பித்து, அதன் டாப்-ஸ்பெக் பெட்ரோல் CVT வேரியண்ட் ரூ. 17.99 லட்சம் வரை விற்பனையாகிறது.
-
பேயான் காரின் டாப்-ஸ்பெக் வேரியண்ட்டின் விலை வென்யூவை விட ரூ. 2.17 லட்சம் அதிகமாகும். பேயான் காரின் முழுமையான விலைப்பட்டியலைத் தெரிந்து கொள்ள இந்த லிங்க்கை கிளிக் செய்யவும்.
-
இரண்டு கார்களும் ஒரே விதமான வாடிக்கையாளர்களை இலக்காகக் கொண்டிருந்தாலும், அவற்றுக்கு இடையே பெரிய விலை வித்தியாசம் உள்ளது. அதேபோல இடவசதி மற்றும் சிறப்பம்சங்களிலும் இவை வேறுபடுகின்றன.
ஒரே பட்ஜெட்டில் இந்த இரண்டு கார்களிலும் என்னென்ன கிடைக்கின்றன என்பதைப் பார்ப்போம்:
அளவுகள்
| அளவுகள் | ஹூண்டாய் பேயான் |
ஹூண்டாய் வென்யூ |
வித்தியாசம் |
| நீளம் |
4245 மிமீ |
3995 மிமீ |
+ 250 மிமீ |
| அகலம் |
1810 மிமீ |
1800 மிமீ |
+ 10 மிமீ |
| உயரம் |
1605 மிமீ |
1665 மிமீ |
(- 60 மிமீ) |
| வீல்பேஸ் | 2600 மிமீ |
2520 மிமீ |
+ 80 மிமீ |
| பூட் ஸ்பேஸ் |
505 லிட் |
375 லிட் |
+ 130 லிட் |
-
ஒப்பீட்டு அட்டவணையில் பார்த்தபடி, ஹூண்டாய் பேயான் ஒட்டுமொத்த அளவிலும் பெரிய SUV காராக விளங்குகிறது. நீளம், அகலம் மற்றும் வீல்பேஸ் என அனைத்திலும் இது வென்யூவை விடப் பெரியதாக இருப்பதால் கேபினில் அதிக இடவசதி கிடைக்கிறது.
-
வென்யூ காரின் உயரம் சற்று அதிகமாக இருந்தாலும் அகலத்தில் பேயானுக்கு இணையாகவே உள்ளது.
-
வென்யூ சப்-4m SUV பிரிவிலும் பேயான் அதற்கு அடுத்த உயர் பிரிவிலும் அமைந்திருப்பதால் இந்த அளவீட்டு வேறுபாடுகள் இயல்பானவை.
-
பூட் ஸ்பேஸைப் பொறுத்தவரையில் பேயான் 505 லிட்டர் இடவசதியைத் தருகிறது. இதன் மூலம் பெரிய பெட்டிகளையும் அதிக லக்கேஜ்களையும் சிரமமின்றி ஏற்றிச் செல்ல முடியும்.
கலர் ஆப்ஷன்கள்
| ஹூண்டாய் பேயான் |
ஹூண்டாய் வென்யூ |
| அட்லஸ் ஒயிட்* |
அட்லஸ் ஒயிட்* |
| எக்கோட்ரானிக் கிரே |
டைட்டன் கிரே |
| டைட்டானியம் பிளாக்^ |
அபிஸ் பிளாக் |
| கோல்டன் ப்ரான்ஸ் |
மிஸ்டிக் சபையர்^ |
| கிளாஸி ப்ளூ^ |
ஹேசல் ப்ளூ*^ |
| ஃபியரி ரெட்* |
டிராகன் ரெட் |
*- டூயல்-டோன் பிளாக் ரூஃப் ஆப்ஷனிலும் கிடைக்கும்
^- மேட் ஃபினிஷிலும் கிடைக்கும்
-
இரண்டு கார்களுமே மோனோக்ரோம் மற்றும் பளிச்சென்ற நிறங்கள் அடங்கிய தலா 6 வண்ணத் தேர்வுகளைப் பெற்றுள்ளன.
-
இரண்டு கார்களின் சில குறிப்பிட்ட நிறங்களுக்கு டூயல்-டோன் ரூஃப் அமைப்பும் வழங்கப்படுகிறது.
-
பேயான் மாடலில் டைட்டானியம் பிளாக் மற்றும் கிளாஸி ப்ளூ ஆகிய இரண்டு நிறங்களுக்கு மேட் ஃபினிஷ் தேர்வு உண்டு. அதேபோல் வென்யூவில் மிஸ்டிக் சபையர் மற்றும் ஹேசல் ப்ளூ நிறங்களுக்கு மேட் ஃபினிஷ் ஆப்ஷன் கிடைக்கிறது.
அம்சங்கள் & பாதுகாப்பு
| Feature |
ஹூண்டாய் பேயான் |
ஹூண்டாய் வென்யூ |
| LED Headlamps |
✅ |
✅ |
| LED DRLs |
✅ |
✅ (connected) |
| LED Taillamps |
✅ |
✅ (connected) |
| Wheels |
17-inch alloy wheels |
16-inch alloy wheels |
| Roof Rails |
✅ |
✅ |
| Shark Fin Antenna |
✅ |
✅ |
| Infotainment |
10.25-inch முதல்uchscreen |
12.3-inch முதல்uchscreen |
| Wireless Apple CarPlay / Android Auமுதல் |
✅ |
✅ |
| Instrument Cluster |
12.3-inch fully digital |
12.3-inch fully digital |
| Wireless Phone Charger |
✅ |
✅ |
| Sound System |
8-speaker BOSE |
8-speaker BOSE |
| Push-butமுதல்n start/sமுதல்p |
✅ |
✅ |
| Cabin Theme |
Dual-முதல்ne Black and Olive Grey / all-Black with Red accents^ |
Dual-முதல்ne Dark Navy and Dove Grey |
| Leatherette Upholstery |
✅ |
✅ |
| Leatherette-wrapped Steering Wheel |
✅ |
✅ |
| Steering Adjustment |
✅ (Tilt & Telescopic) |
✅ (only Tilt) |
| Steering-Mounted Audio Controls |
✅ |
✅ |
| Ventilated Front Seats |
✅ |
✅ |
| Driver Seat Adjustment |
✅ (8-way electric) |
✅ (4-way electric) |
| Adjustable headrests |
✅ |
✅ |
| Reclining Rear Seats |
✅ (2-step) |
✅ (2-step) |
| Rear centre armrest with sமுதல்rage |
✅ |
✅ |
| Rear Window Sunshades |
❌ |
✅ |
| Paddle Shifteரூ. |
✅ |
✅ |
| Connected Car Tech |
✅ |
✅ |
| Cruise Control |
✅(Adaptive) |
✅(Adaptive) |
| Sunroof |
✅(Panoramic) |
✅(Single-pane) |
| Auமுதல்matic Climate Control |
✅ |
✅ |
| Rear AC vents |
✅ |
✅ |
| Auமுதல்matic Headlights |
✅ |
✅ |
| Rain Sensing Wipeரூ. |
✅ |
✅ |
| Ambient Lighting |
✅ |
✅ |
| Cooled Glove Box |
✅ |
✅ |
| Keyless Entry |
✅ |
✅ |
| Dashcam |
✅ |
❌ |
| Airbags |
6 |
6 |
| ADAS (Advanced Driver Assistance Systems) |
✅ (Level-2) |
✅ (Level-2) |
| Drive Modes |
✅ (CVT only) |
✅ (Eco, Normal, Sport) |
| Traction Modes |
❌ |
✅ (Sand, Mud, Snow) |
| Parking Sensoரூ. |
Front and rear |
Front and rear |
| Parking Camera |
✅ (360-Degree) |
✅ (360-Degree) |
| Blind View Moniமுதல்r |
✅ |
✅ |
| Tyre Pressure Moniமுதல்ring System (TPMS) |
✅ |
✅ |
| Electronic Stability Program (ESP) |
✅ |
✅ |
| Traction Control System (TCS) |
✅ |
✅ |
| All-wheel disc brakes |
✅ |
✅ |
| Electronic parking brake with auமுதல்-hold (EPB) |
✅ |
✅ |
| Hill Hold Control (HHC) |
✅ |
✅ |
| Auமுதல்-diமிமீing IRVM |
✅ |
✅ |
| Electrically Adjustable & Foldable ORVMs |
✅ |
✅ |
| Rear Defogger |
✅ |
✅ |
| ISOFIX Child Seat Mount |
✅ |
✅ |
^டூயல்-டோன் வெளிப்புற நிறம் கொண்ட வேரியண்ட்களுக்கு மட்டும்
-
ஒப்பீட்டு அட்டவணையின்படி பாதுகாப்பு, நவீன வசதிகள் மற்றும் பயன்பாடு ஆகியவற்றில் இரு கார்களுமே ஒன்றுக்கொன்று சளைத்தவை அல்ல. வயர்லெஸ் ஆண்ட்ராய்டு ஆட்டோ மற்றும் ஆப்பிள் கார்பிளே கொண்ட டச்ஸ்கிரீன் இன்ஃபோடெயின்மென்ட் சிஸ்டம், எலக்ட்ரிக் முறையில் இயக்கப்படும் டிரைவர் சீட், வென்டிலேட்டட் ஃப்ரண்ட் சீட்கள், க்ரூஸ் கண்ட்ரோல், ஆட்டோமேட்டிக் ஹெட்லைட்கள், ஆட்டோமேட்டிக் கிளைமேட் கண்ட்ரோல், ரியர் AC வென்ட்கள், Level-2 ADAS தொகுப்பு, 360-டிகிரி கேமரா, லெதரெட் அப்ஹோல்ஸ்டரி மற்றும் 6 ஏர்பேக்குகள் ஆகியவை இரண்டிலுமே பொதுவாகக் கிடைக்கின்றன.
-
வெளிப்புற அமைப்பில், வென்யூ காரின் முன் மற்றும் பின்பகுதியில் கனெக்டட் லைட் பார் இடம்பெற்றுள்ளது. அதேசமயம் இது 16-இன்ச் அலாய் வீல்களைக் கொண்டுள்ளது. பேயானில் சற்றே பெரிய 17-இன்ச் அலாய் வீல்கள் தரப்பட்டுள்ளன.
-
டூயல்-டோன் தீம் மற்றும் லெதரெட் அப்ஹோல்ஸ்டரியுடன் இரு கார்களின் கேபினும் மிகவும் பிரிமியமாக காட்சியளிக்கிறது. வென்யூவில் கூடுதலாகப் பின் பக்க ஜன்னல்களுக்கு சன்ஷேடுகள் வழங்கப்பட்டுள்ளன.
-
டிரைவிங் அம்சங்களைப் பொருத்தவரைவென்யூவில் டிரைவ் மோடுகளும் டிராக்ஷன் மோடுகளும் ஒருங்கே இடம்பெற்றுள்ளன.
-
அதேசமயம் பேயான் தனக்கே உரிய தனித்துவமான பலன்களைக் கொண்டுள்ளது. வென்யூவில் இல்லாத பெரிய பனோரமிக் சன்ரூஃப், 8-வே எலக்ட்ரிக் டிரைவர் சீட் அட்ஜஸ்ட்மென்ட், டில்ட் மற்றும் டெலஸ்கோபிக் ஸ்டீயரிங் வீல் வசதி, மற்றும் இன்பில்ட் டேஷ்கேம் போன்றவற்றை பேயான் வழங்குகிறது
-
சுருக்கமாகச் சொன்னால் இரண்டு கார்களுமே ஒரே மாதிரியான வசதிகளைக் கொண்டிருந்தாலும், விலையை ஒப்பிடும்போது வென்யூ முன்னிலை பெறுகிறது. கூடுதல் விலைக்கு ஏற்றவாறு சில கூடுதல் சிறப்பம்சங்களை பேயானும் தவறவிடாமல் தருகிறது.
பவர்டிரெயின் ஆப்ஷன்கள்
பவர்டிரெயின் தேர்வுகளில், ஹூண்டாய் பேயான் ஒரே ஒரு எஞ்சின் ஆப்ஷனில் மட்டுமே கிடைக்கிறது. இதில் உள்ள 1.5-லிட்டர் நேச்சுரலி அஸ்பிரேட்டட் பெட்ரோல் எஞ்சின், மேனுவல் மற்றும் CVT ஆட்டோமேட்டிக் டிரான்ஸ்மிஷன்களுடன் இணைக்கப்பட்டுள்ளது.
மாறாக, ஹூண்டாய் வென்யூ மூன்று விதமான எஞ்சின் ஆப்ஷன்களில் கிடைக்கிறது. இதில் 1.2-லிட்டர் நேச்சுரலி அஸ்பிரேட்டட் பெட்ரோல், 1-லிட்டர் டர்போ-பெட்ரோல் மற்றும் 1.5-லிட்டர் டீசல் எஞ்சின்கள் அடங்கும். இதனால் வாடிக்கையாளர்கள் தங்கள் விருப்பத்திற்கு ஏற்ப பவர்டிரெயினைத் தேர்வு செய்ய வென்யூவில் அதிக வாய்ப்புகள் உள்ளன.
இரண்டு கார்களின் பவர்டிரெயின் விவரங்கள் இதோ:
| மாடல் |
ஹூண்டாய் பேயான் |
ஹூண்டாய் வென்யூ |
|||
| இன்ஜின் |
|
1.2-லிட்டர் நேச்சுரலி அஸ்பிரேட்டட் பெட்ரோல் |
1-லிட்டர் டர்போ-பெட்ரோல் |
1.5-லிட்டர் டீசல் |
|
| பவர் |
115 PS |
83 PS |
120 PS |
116 PS |
|
| டார்க் |
144 Nm |
115 Nm |
172 Nm |
250 Nm |
|
| டிரான்ஸ்மிஷன் |
6-ஸ்பீடு MT / CVT |
5-ஸ்பீடு MT |
6-ஸ்பீடு MT / 7-ஸ்பீடு DCT |
6-ஸ்பீடு MT / 6-ஸ்பீடு AT |
|
MT - மேனுவல் டிரான்ஸ்மிஷன், CVT - கன்டினியூவஸ்லி வேரியபிள் டிரான்ஸ்மிஷன், DCT - டூயல்-கிளட்ச் டிரான்ஸ்மிஷன், AT - டார்க் கன்வெர்ட்டர் ஆட்டோமேட்டிக் டிரான்ஸ்மிஷன்
-
ஹூண்டாய் பேயான் ஒரே பெட்ரோல் எஞ்சினுடன் வரும் நிலையில் மூன்று எஞ்சின் ஆப்ஷன்களைக் கொண்டிருப்பது வென்யூவின் முக்கியப் பலமாக அமைகிறது.
-
சிக்கனமான விலையும் டீசல் எஞ்சின் வசதியும் ஹூண்டாய் வென்யூவிற்குச் சாதகமான அம்சங்களாக விளங்குகின்றன.
-
டர்போ பெட்ரோல் மற்றும் டீசல் எஞ்சின் ஆப்ஷன்கள் ஹூண்டாய் பேயானில் இடம்பெறவில்லை.
-
இரண்டின் நேச்சுரலி அஸ்பிரேட்டட் பெட்ரோல் எஞ்சின்களை ஒப்பிட்டுப் பார்த்தால், பேயான் பெரிய எஞ்சின் கொள்ளளவைக் கொண்டிருப்பதால் அதிக பவர் மற்றும் டார்க்கை உற்பத்தி செய்கிறது.
-
இந்த விலை வரம்பைக் கருத்தில் கொள்ளும்போது, வென்யூவின் எஞ்சின் தேர்வுகள் சிறந்த டீலாகத் தோன்றினாலும் பேயானும் குறைந்துவிடவில்லை. பேயானில் உள்ள 1.5-லிட்டர் எஞ்சின் ஏற்கனவே கிரெட்டா, செல்டோஸ் மற்றும் வெர்னா போன்ற கார்களில் பயன்படுத்தப்பட்டு மிகவும் நம்பகமான பெயரைப் பெற்றுள்ளது. மேலும் 2027 ஜனவரியில் பேயானில் CNG பவர்டிரெயினும் வரவிருப்பதை ஹூண்டாய் உறுதிப்படுத்தியுள்ளது.
கார்தேக்கோவின் கருத்து...
அளவு, பூட் ஸ்பேஸ் மற்றும் கேபின் சௌகரியம் ஆகியவற்றில் ஹூண்டாய் வென்யூவை விட ஹூண்டாய் பேயான் தெளிவான முன்னிலையைக் கொண்டுள்ளது. இது வென்யூவை விட 250 mm கூடுதல் நீளமும் 80 mm கூடுதல் வீல்பேஸும் பெற்றுள்ளது. இதன் 505 லிட்டர் பூட் ஸ்பேஸ் வென்யூவை விட 130 லிட்டர் பெரியது. மேலும் வென்யூவின் ஸ்டாண்டர்ட் பெட்ரோல் மாடலை விடப் பேயான் அதிக ஆற்றல் கொண்ட நேச்சுரலி அஸ்பிரேட்டட் பெட்ரோல் எஞ்சினையும் CVT ஆட்டோமேட்டிக் தேர்வையும் கொண்டுள்ளது. எனினும், டர்போ-பெட்ரோல் மற்றும் டீசல் எஞ்சின் தேர்வுகள் வென்யூவில் கிடைப்பதால், கூடுதல் பெர்ஃபார்மன்ஸ் அல்லது நீண்ட தூரப் பயணங்களுக்கான டீசல் மைலேஜை விரும்புவோருக்கு வென்யூவே ஏற்ற தேர்வாக இருக்கும்.
இரண்டு SUV மாடல்களுமே டச்ஸ்கிரீன் இன்ஃபோடெயின்மென்ட், டிஜிட்டல் இன்ஸ்ட்ரூமென்ட் கிளஸ்டர், வென்டிலேட்டட் ஃப்ரண்ட் சீட்கள், 8-ஸ்பீக்கர் போஸ் சவுண்ட் சிஸ்டம், 360-டிகிரி கேமரா மற்றும் Level-2 ADAS போன்ற சிறப்பான கேபின் வசதிகளைத் தருகின்றன. இருப்பினும், பேயானில் பெரிய பனோரமிக் சன்ரூஃப், 8-வே எலக்ட்ரிக் டிரைவர் சீட், டில்ட்-அண்ட்-டெலஸ்கோபிக் ஸ்டீயரிங் மற்றும் டேஷ்கேம் ஆகியவை உள்ளன. இதற்குப் போட்டியாக வென்யூவில் பெரிய 12.3-இன்ச் இன்ஃபோடெயின்மென்ட் திரை, ரியர் விண்டோ சன்ஷேடுகள், டிரைவ் மற்றும் டிராக்ஷன் மோடுகள் மற்றும் வெளிப்புற கனெக்டட் லைட் பார்கள் வழங்கப்பட்டுள்ளன.
ரூ. 9.99 லட்சம் ஆரம்ப விலையுடன் வரும் ஹூண்டாய் பேயான் வென்யூவின் ஆரம்ப பெட்ரோல் மாடலை விட ரூ. 2 லட்சம் கூடுதல் விலையைக் கொண்டுள்ளது. டாப்-எண்டிலும் இதன் பெட்ரோல் விலை ரூ. 17.99 லட்சத்தை எட்டுகிறது. ஆனால் வென்யூவின் பெட்ரோல் டாப் மாடல் ரூ. 14.99 லட்சத்தில் முடிகிறது. அதிக சௌகரியம் மற்றும் பிரிமியம் வசதிகளுடன் பெரிய, இடவசதி கொண்ட பெட்ரோல் SUV-யை எதிர்பார்ப்பவர்களுக்குப் பேயான் ஒரு சிறந்த தேர்வாகும். அதேசமயம் குறைவான ஆரம்ப விலை அதிக பவர்டிரெயின் தேர்வுகள் மற்றும் பயனுள்ள வசதிகள் காரணமாக ஹூண்டாய் வென்யூவே பெரும்பாலானோருக்குப் பொருத்தமான ஆல்-ரவுண்டர் தேர்வாகத் திகழ்கிறது. பலருக்கும் வென்யூ சிறந்த தேர்வாக அமைந்தாலும் இடவசதிக்கும் சொகுசான பயணத்திற்கும் முன்னுரிமை அளிப்பவர்கள் பேயானை தாராளமாகப் பரிசீலிக்கலாம்.
ஹூண்டாயின் இந்த இரண்டு தயாரிப்புகளில் உங்களுக்கு எது மிகவும் பிடித்திருக்கிறது? கமெண்ட் பகுதியில் உங்கள் கருத்துக்களைப் பகிர்ந்துகொள்ளுங்கள்!
பரிசீலிக்க வேண்டிய பிற கார்கள்
ஹூண்டாய் பேயான் மற்றும் ஹூண்டாய் வென்யூ ஆகிய இரண்டுமே அவற்றின் பிரிவில் சிறப்பான தயாரிப்புகளாகும். வென்யூ 2019 முதல் இந்தியச் சந்தையில் நீடித்து வாடிக்கையாளர்களின் நம்பிக்கையைப் பெற்றுள்ள நிலையில், பேயான் தனக்கான இடத்தை உருவாக்க இன்னும் பயணிக்க வேண்டியுள்ளது. இருப்பினும் சந்தையில் இந்த கார்களுக்கு மாற்றாக உள்ள பிற மாடல்களையும் நீங்கள் பரிசீலிக்கலாம்:
-
ஹூண்டாய் கிரெட்டா: இந்தியாவின் முன்னணி மிட்-சைஸ் SUV. அடுத்த ஆண்டின் தொடக்கத்தில் புதிய தலைமுறை மாடலாக வரவுள்ளது. நீண்ட வசதிகள் பட்டியல், சௌகரியமான பயணம் மற்றும் பல்வேறு பவர்டிரெயின் ஆப்ஷன்களுடன் ஒரு முழுமையான காராகத் திகழ்கிறது.
-
கியா செல்டோஸ்: பிரிமியமான கேபின், நம்பகமான பிராண்ட் மதிப்பு, ஏராளமான நவீன வசதிகள் மற்றும் பல்வேறு எஞ்சின்-கியர்பாக்ஸ் தேர்வுகளை விரும்புவோருக்குச் சிறந்த மாற்று.
-
ரெனால்ட் டஸ்டர் / நிஸான் டெக்டான்: சிறந்த ரைடு, ஹேண்ட்லிங் மற்றும் பெர்ஃபார்மன்ஸ் கலவையுடன் அட்டகாசமான ரோடு பிரசன்ஸ் தரும் மாடல்கள்.
-
ஹோண்டா எலிவேட்: புதிய வடிவமைப்பு, பின் இருக்கை வென்டிலேஷன் உள்ளிட்ட மேம்பட்ட வசதிகள், மிருதுவான பெட்ரோல் எஞ்சின், உறுதியான ரைடு குவாலிட்டி மற்றும் விசாலமான கேபினைக் கொண்டுள்ளது.
-
டாடா சியரா: ரெட்ரோ பாணி வடிவமைப்பு, அதிக இடவசதி கொண்ட உள்பகுதி, பல எஞ்சின் ஆப்ஷன்கள் மற்றும் பிரிவுக்கே முன்னோடியான நவீன வசதிகளுடன் வருகிறது.
-
மாருதி விக்டோரிஸ்: தனித்துவமான தோற்றம், குறைவான பராமரிப்புச் செலவு, ஹைப்ரிட் தொழில்நுட்பம் மூலம் அதிக மைலேஜ், விசாலமான கேபின் மற்றும் விருப்பத் தேர்வாக AWD அமைப்பைக் கொண்ட நம்பகமான கார்.
-
மாருதி கிராண்ட் விட்டாரா / டொயோட்டா அர்பன் க்ரூஸர் ஹைரைடர்: விக்டோரிஸ் தரும் அனைத்து நன்மைகளையும் வழங்கி, அதேசமயம் கம்பீரமான பாரம்பரிய SUV வடிவமைப்பைக் கொண்டுள்ளன.
-
ஃபோக்ஸ்வேகன் டைகுன் / ஸ்கோடா குஷாக்: துடிப்பான டர்போ-பெட்ரோல் எஞ்சின்கள் மற்றும் அதிவேக DSG கியர்பாக்ஸ் மூலம் சிறந்த டிரைவிங் அனுபவத்தைத் தருகின்றன. ஸ்போர்ட்டியான தோற்றமும் பிரிமியம் கேபினும் இவற்றின் சிறப்பம்சம்.
-
டாடா கர்வ்: பிரத்யேகமான கூபே-SUV வடிவமைப்புடன் கம்பீரமான ரோடு பிரசன்ஸ், அதிக சிறப்பம்சங்கள் மற்றும் பெரிய பூட் ஸ்பேஸை வழங்குகிறது.
-
எம்ஜி ஆஸ்டர்: சற்று பழைய மாடலாக இருந்தாலும், பெர்ஃபார்மன்ஸை விடவும் பட்ஜெட்டுக்கு ஏற்ற மதிப்பு, அதிக வசதிகள் மற்றும் விசாலமான கேபினை விரும்புவோருக்கு ஏற்ற SUV.
