Maruti Brezza బేస్ LXI Vs టాప్ ZXI ప్లస్ వేరియంట్ల పోలిక: మీకు ఏది బెస్ట్?
బేస్ వేరియంట్లోనే బ్రెజ్జా చాలా ఫీచర్లను అందిస్తోంది. అయితే ఫేస్లిఫ్ట్తో వచ్చిన అన్ని అప్డేట్ల ప్రయోజనం పొందాలంటే ZXI ప్లస్ వేరియంట్ను ఎంచుకోవడం మంచిది.
- ఒక వ్యాఖ్యను వ్రాయండి
Maruti Brezza ఇటీవల ఫేస్లిఫ్ట్ను పొందింది. ఇందులో స్వల్ప డిజైన్ మార్పులు, కొత్త ఫీచర్లు, సరికొత్త టర్బో-పెట్రోల్ ఇంజిన్, అలాగే అండర్బాడీ CNG సెటప్ను అందించడం ద్వారా కొత్త ప్రత్యర్థులకు పోటీగా నిలిచేలా కంపెనీ అప్డేట్ చేసింది.
అప్డేటెడ్ బ్రెజ్జా ఇప్పుడు LXI, VXI, ZXI, ZXI ప్లస్ అనే నాలుగు వేరియంట్లలో అందుబాటులో ఉంది. ఈ కథనంలో బేస్ LXI మరియు టాప్-స్పెక్ ZXI ప్లస్ వేరియంట్లను పోల్చి, వాటి మధ్య తేడాలు ఏమిటి? టాప్ వేరియంట్ కోసం అదనపు ధర చెల్లించడం నిజంగా విలువైనదేనా? అనే విషయాలను తెలుసుకుందాం.
ధర
| వేరియంట్ |
పెట్రోల్ |
పెట్రోల్ + CNG |
టర్బో-పెట్రోల్ |
|
| MT |
AT |
MT |
MT |
|
| బ్రెజ్జా LXI |
రూ. 8.30 లక్షలు |
- |
రూ. 9.30 లక్షలు |
రూ. 7.40 లక్షలు |
| బ్రెజ్జా ZXI ప్లస్ |
- |
రూ. 13.55 లక్షలు* |
- |
రూ. 11.16 లక్షలు* |
(అన్ని ధరలు ఎక్స్-షోరూమ్, పాన్-ఇండియా)
*డ్యూయల్-టోన్ పెయింట్ స్కీమ్కు అదనంగా రూ.15,000 చెల్లించాలి.
పైన పేర్కొన్నట్లుగా, బ్రెజ్జా ధరలు రూ.8.30 లక్షల నుంచి రూ.13.55 లక్షల వరకు ఉన్నాయి. అంటే బేస్, టాప్ వేరియంట్ల మధ్య రూ.5.25 లక్షల తేడా ఉంది.
టాప్-స్పెక్ బ్రెజ్జాలో ఐచ్ఛికంగా డ్యూయల్-టోన్ పెయింట్ స్కీమ్ కూడా లభిస్తుంది. దీనికి సంబంధిత సింగిల్-టోన్ రంగుతో పోలిస్తే అదనంగా రూ.15,000 చెల్లించాల్సి ఉంటుంది.
బ్రెజ్జా అన్ని వేరియంట్ల ధరల పూర్తి వివరాల కోసం మా ప్రత్యేక కథనాన్ని చూడండి.
ఎక్స్టీరియర్
ఈ ఫేస్లిఫ్ట్తో కూడా బ్రెజ్జా తన బాక్సీ, సింపుల్ డిజైన్ను కొనసాగించింది. అతిగా ఆకర్షణీయంగా కాకపోయినా, ఆధునికంగా, హుందాగా కనిపించే స్టైలింగ్ను కలిగి ఉంది. అయితే బేస్, టాప్ వేరియంట్ల మధ్య కొన్ని ప్రధాన డిజైన్ తేడాలు ఉన్నాయి.
ముందు భాగం
ముందు భాగంలో రెండు వేరియంట్లకూ కొత్త శిల్పాకృతి బంపర్, త్రిభుజాకార ఫాగ్ ల్యాంప్ హౌసింగ్లు, దిగువ ఎయిర్ డ్యామ్పై సిల్వర్ ఇన్సర్ట్ వంటి మార్పులు ఉన్నాయి. అయితే LXI వేరియంట్లో బ్లాక్ గ్రిల్, హాలోజన్ హెడ్ల్యాంప్స్, ఫాగ్ ల్యాంప్ల స్థానంలో డమ్మీ ఇన్సర్ట్లు మాత్రమే ఉంటాయి.
ఇక ZXI ప్లస్ వేరియంట్లో క్రోమ్ ఫినిష్ గ్రిల్, LED ఫాగ్ ల్యాంప్స్, DRLsతో కూడిన డ్యూయల్ LED ప్రొజెక్టర్ హెడ్ల్యాంప్స్, సిల్వర్ స్కిడ్ ప్లేట్ లభించడం వల్ల ఇది మరింత ప్రీమియంగా, రోడ్డుపై బలమైన ఉనికిని కలిగి ఉంటుంది.
సైడ్ ప్రొఫైల్
రెండు వేరియంట్లలోనూ ఒకే బాక్సీ సిల్హౌట్, బాడీ కలర్ డోర్ హ్యాండిల్స్, బ్లాక్డ్-అవుట్ B, C, D పిల్లర్స్తో ఫ్లోటింగ్ రూఫ్ ఎఫెక్ట్ ఉంటుంది. అయితే LXI వేరియంట్లో 16 అంగుళాల స్టీల్ వీల్స్, వీల్ కవర్లు, బాడీ కలర్ ORVMలు, గ్రే డోర్ క్లాడింగ్ ఇన్సర్ట్లు ఉండటంతో సాధారణంగా కనిపిస్తుంది. ZXI ప్లస్ వేరియంట్లో మాత్రం బ్లాక్డ్-అవుట్ A-పిల్లర్, గ్లోస్-బ్లాక్ ORVMలు, సిల్వర్ డోర్ క్లాడింగ్ ఇన్సర్ట్లు, ప్రీమియం 16 అంగుళాల మెషిన్డ్ అల్లాయ్ వీల్స్ అందుబాటులో ఉంటాయి.
అంతేకాకుండా షార్క్-ఫిన్ యాంటెన్నా, ORVMలపై LED ఇండికేటర్లు ప్రామాణికంగా లభిస్తాయి. ZXI ప్లస్లో సిల్వర్ రూఫ్ రైల్స్ కూడా ఉండటంతో SUV మరింత ఆకర్షణీయంగా కనిపిస్తుంది.
వెనుక భాగం
రెండు వేరియంట్ల వెనుక భాగంలో LED టెయిల్ల్యాంప్స్, బంపర్ క్లాడింగ్, 'స్మార్ట్ హైబ్రిడ్' బ్యాడ్జ్ స్టాండర్డ్గా ఉంటాయి. టర్బో-పెట్రోల్ వేరియంట్లలో టెయిల్గేట్ దిగువ భాగంలో 'టర్బో' బ్యాడ్జ్, రియర్ డీఫాగర్ కూడా లభిస్తాయి. వీటికి అదనంగా ZXI ప్లస్ వేరియంట్లో సిల్వర్ స్కిడ్ ప్లేట్, రేర్ వైపర్ తో వాషర్ కూడా అందుబాటులో ఉంటాయి. గమనించాల్సిన విషయం ఏమిటంటే, బ్రెజ్జాలో ఎలాంటి వేరియంట్ బ్యాడ్జింగ్ ఇవ్వలేదు.
ఇంటీరియర్
క్యాబిన్లోకి అడుగుపెడితే రెండు వేరియంట్ల మధ్య తేడాలు మరింత స్పష్టంగా కనిపిస్తాయి. ముఖ్యంగా ZXI ప్లస్ మరింత ప్రీమియం అనుభూతిని అందిస్తుంది. బేస్ LXI వేరియంట్లో బ్రౌన్-బ్లాక్ క్యాబిన్ థీమ్తో పాటు ఫ్యాబ్రిక్ సీటు అప్హోల్స్టరీ ఉంటుంది. టాప్ వేరియంట్లో దీనిని లెదరెట్ అప్హోల్స్టరీతో అప్గ్రేడ్ చేశారు.
LXIలో ఇన్ఫోటైన్మెంట్ సిస్టమ్ లేకపోవడం వల్ల డ్యాష్బోర్డ్ చాలా సాదాసీదాగా కనిపిస్తుంది. అలాగే ZXI ప్లస్లో ఉండే కలర్ TFT డిస్ప్లేకు బదులుగా ఇందులో సాధారణ మోనోక్రోమ్ MID ఉంటుంది. అయితే రియర్ AC వెంట్స్, టాగుల్-స్టైల్ క్లైమేట్ కంట్రోల్స్, త్రీ-స్పోక్ స్టీరింగ్ వీల్ వంటి అంశాలు ప్రామాణికంగా లభిస్తాయి. LXI వేరియంట్ పూర్తి వివరాలను మేము ఇప్పటికే ప్రత్యేక కథనంలో వివరించాం.
బేస్ వేరియంట్తో పోలిస్తే ZXI ప్లస్ లో డ్యాష్బోర్డ్పై కాపర్ కలర్ ఇన్సర్ట్, స్టోరేజ్తో కూడిన ఫ్రంట్ సెంటర్ ఆర్మ్రెస్ట్, మెరుగైన క్లైమేట్ కంట్రోల్ ప్యానెల్, టచ్స్క్రీన్ ఇన్ఫోటైన్మెంట్ సిస్టమ్, స్టీరింగ్పై గ్లోస్-బ్లాక్ ఇన్సర్ట్లు, ఆడియో కంట్రోల్స్ వంటి అదనపు ఫీచర్లు ఉంటాయి. వెనుక ప్రయాణికులకు వింగ్డ్ హెడ్రెస్టులు కూడా అందుబాటులో ఉంటాయి. కాగా LXI టర్బో వేరియంట్లో సాధారణ హెడ్రెస్టులు మాత్రమే ఉంటాయి. ఇతర వెర్షన్లలో వెనుక హెడ్రెస్టులు కూడా ఉండవు.
రంగుల ఎంపికలు
| బ్రెజ్జా LXI |
బ్రెజ్జా ZXI ప్లస్ |
| స్ప్లెండిడ్ సిల్వర్ |
స్ప్లెండిడ్ సిల్వర్ |
| పెర్ల్ ఆర్కిటిక్ వైట్ |
పెర్ల్ ఆర్కిటిక్ వైట్* |
| మాగ్మా గ్రే |
మాగ్మా గ్రే |
| సిజ్లింగ్ రెడ్ |
సిజ్లింగ్ రెడ్* |
| - |
వివేషియస్ ఆరెంజ్ |
| - |
బ్లూయిష్ బ్లాక్ |
| - |
లష్ట్రష్ బీజ్* |
*బ్లాక్ రూఫ్తో కూడిన డ్యూయల్-టోన్ స్కీమ్లో కూడా అందుబాటులో ఉంది.
LXI వేరియంట్లో కేవలం నాలుగు రంగులే అందుబాటులో ఉండగా, ZXI ప్లస్లో ఫేస్లిఫ్ట్తో పరిచయమైన వివాసియస్ ఆరెంజ్, లస్ట్రస్ బీజ్ సహా అన్ని రంగుల ఎంపికలు లభిస్తాయి. అయితే రెడ్ కలర్ LXIలో సింగిల్-టోన్గా మాత్రమే లభిస్తుంది. ZXI ప్లస్లో మాత్రం అది బ్లాక్ రూఫ్తో కూడిన డ్యూయల్-టోన్ రూపంలో మాత్రమే అందుబాటులో ఉంటుంది.
ఈ రంగులు ఎలా కనిపిస్తాయి? ఏ వేరియంట్కు ఏ రంగులు లభిస్తాయి? అనే వివరాల కోసం మా ప్రత్యేక కథనాన్ని చూడండి.
ఫీచర్లు
ధరకు తగ్గట్టుగా బేస్ LXI వేరియంట్లో అవసరమైన అన్ని ముఖ్యమైన ఫీచర్లతో పాటు కొన్ని అదనపు సౌకర్యాలు కూడా ఉన్నాయి. వీటిలో (టర్బో వేరియంట్కు మాత్రమే) ఎత్తు సర్దుబాటు చేసుకునే డ్రైవర్ సీటు, నాలుగు పవర్ విండోలు, కీ లెస్ ఎంట్రీ, టిల్ట్ అడ్జస్టబుల్ స్టీరింగ్, ఆటోమేటిక్ క్లైమేట్ కంట్రోల్, పవర్ అడ్జస్టబుల్ ORVMలు ఉన్నాయి.
అయితే ZXI ప్లస్ లో లభించే అదనపు ఫీచర్లను విస్మరించడం కష్టం. ఇందులో వైర్లెస్ ఆండ్రాయిడ్ ఆటో, ఆపిల్ కార్ ప్లేతో కూడిన 10.1 అంగుళాల టచ్స్క్రీన్ ఇన్ఫోటైన్మెంట్ సిస్టమ్, వెంటిలేటెడ్ ఫ్రంట్ సీట్లు, ఆటో డిమ్మింగ్ IRVM, 6-స్పీకర్ ARKAMYS సరౌండ్ సౌండ్ సిస్టమ్, ఆటో ఫోల్డింగ్ ORVMలు, వైర్లెస్ ఫోన్ ఛార్జర్, కనెక్టెడ్ కార్ టెక్నాలజీ, 64 రంగుల అంబియంట్ లైటింగ్, క్రూయిజ్ కంట్రోల్, సింగిల్-పేన్ సన్రూఫ్, ఆటో హెడ్ల్యాంప్స్, AQI డిస్ప్లేతో కూడిన PM 2.5 క్యాబిన్ ఫిల్టర్ వంటి ఫీచర్లు లభిస్తాయి. ఈ వేరియంట్ పూర్తి వివరాలను మా ప్రత్యేక కథనంలో చూడవచ్చు.
సేఫ్టీ
సేఫ్టీ విషయంలో మారుతి బేస్ LXI వేరియంట్లో కూడా ఎలాంటి రాజీ పడలేదు. ఇందులో 6 ఎయిర్బ్యాగ్స్, ఎలక్ట్రానిక్ స్టెబిలిటీ కంట్రోల్ (ESC), హిల్ హోల్డ్ అసిస్ట్ (HHA), రియర్ పార్కింగ్ సెన్సర్లు, అన్ని సీట్లకు త్రీ-పాయింట్ సీట్బెల్ట్స్, సీట్బెల్ట్ రిమైండర్లు, ISOFIX చైల్డ్ సీట్ యాంకర్లు ప్రామాణికంగా ఉన్నాయి.
ఇక ZXI ప్లస్లో 360-డిగ్రీ పార్కింగ్ కెమెరా, ఫ్రంట్ పార్కింగ్ సెన్సర్లు, టైర్ ప్రెజర్ మానిటరింగ్ సిస్టమ్ (TPMS), ఎత్తు సర్దుబాటు చేసుకునే ఫ్రంట్ సీట్బెల్ట్స్, రియర్ వైపర్ విత్ వాషర్, అలాగే బ్లైండ్ స్పాట్ వార్నింగ్ (BSW), రియర్ క్రాస్ ట్రాఫిక్ అలర్ట్ (RCTA), సేఫ్ ఎగ్జిట్ వార్నింగ్ (SEW) వంటి ఎంపిక చేసిన లెవల్-1 ADAS ఫీచర్లు కూడా లభిస్తాయి.
| క్రాష్ టెస్ట్: కొత్త బ్రెజ్జా భారత్ NCAP క్రాష్ టెస్టులలో 5-స్టార్ స్కోర్ను సాధించింది, దీని వివరాలను మీరు ఇక్కడ చూడవచ్చు. ఈ రేటింగ్ బేస్ మరియు టాప్-స్పెక్ పెట్రోల్ మరియు టర్బో-పెట్రోల్ వేరియంట్లు రెండింటికీ వర్తిస్తుంది. |
పవర్ట్రెయిన్ ఎంపికలు
పవర్ట్రెయిన్ పరంగా చూస్తే LXI వేరియంట్లో మాన్యువల్ గేర్బాక్స్తో మాత్రమే నేచురల్లీ ఆస్పిరేటెడ్ పెట్రోల్, టర్బో-పెట్రోల్, బయ్-ఫ్యూయల్ CNG ఎంపికలు లభిస్తాయి. అయితే ZXI ప్లస్లో టర్బో-పెట్రోల్ మాన్యువల్ మరియు నేచురల్లీ ఆస్పిరేటెడ్ పెట్రోల్ ఆటోమేటిక్ పవర్ట్రెయిన్లను మాత్రమే అందిస్తున్నారు. ఈ పవర్ట్రెయిన్ల యొక్క వివరణాత్మక స్పెసిఫికేషన్లు ఇక్కడ ఉన్నాయి:
| ఇంజిన్ |
1.5-లీటర్ నాచురల్లీ ఆస్పిరేటెడ్ పెట్రోల్ ఇంజన్, మైల్డ్-హైబ్రిడ్తో |
1.5-లీటర్ నాచురల్లీ ఆస్పిరేటెడ్ పెట్రోల్ ఇంజన్, CNGతో |
1-లీటర్ టర్బో-పెట్రోల్ మైల్డ్-హైబ్రిడ్తో (కొత్తది) |
| పవర్ |
103 PS |
88 PS |
110 PS |
| టార్క్ |
139 Nm |
121.5 Nm |
170 Nm |
| ట్రాన్స్మిషన్ |
6-స్పీడ్ MT/6-స్పీడ్ AT |
6-స్పీడ్ MT |
6-స్పీడ్ MT |
| ఇంధన సామర్థ్యం (ARAI-నిర్ధారిత) |
21.09 kmpl (LXI MT)/ 20.17 kmpl (AT) |
26.90 km/kg |
20.47 kmpl (LXI)/19.96 kmpl (ZXI ప్లస్) |
MT - మాన్యువల్ ట్రాన్స్మిషన్, AT - టార్క్ కన్వర్టర్ ఆటోమేటిక్ ట్రాన్స్మిషన్
పవర్ట్రెయిన్లు, వాటి వేరియంట్ వారీ లభ్యతపై మరింత సమాచారం కోసం మా ప్రత్యేక కథనాన్ని చూడండి.
ప్రత్యర్థులు
మారుతి బ్రెజ్జా భారత మార్కెట్లో Tata Nexon, Hyundai Venue, Mahindra XUV 3XO, Skoda Kylaq, Kia Syros, Maruti Fronx, Toyota Taisor, Kia Sonet, Nissan Magnite, Renault Kiger వంటి సబ్కాంపాక్ట్ SUVలతో పోటీపడుతోంది.
కార్దెకో అభిప్రాయం…
బ్రెజ్జా బేస్, టాప్ వేరియంట్లలో ఏది ఎంచుకోవాలనే నిర్ణయం తీసుకోవడం పెద్దగా కష్టమేమీ కాదు. ఎందుకంటే ధర, ఫీచర్ల మధ్య స్పష్టమైన తేడా ఉంది. బేస్ వేరియంట్ అయినప్పటికీ LXI, ఎలాంటి ఆర్భాటం లేకుండా నమ్మకమైన SUV కోరుకునే వారికి మంచి విలువను అందించే ప్యాకేజీ. టర్బో-పెట్రోల్ ఇంజిన్ రావడంతో ఇది గతంతో పోలిస్తే మరింత సరసమైన ధరలో, ఎక్కువ పనితీరుతో అందుబాటులోకి వచ్చింది.
మరోవైపు ZXI ప్లస్ కూడా అదనపు ఫీచర్లు, మెరుగైన డిజైన్తో ఎక్కడా రాజీ పడిన భావన కలిగించదు. అదే సమయంలో కొన్ని ప్రత్యర్థి SUVల టాప్ వేరియంట్లతో పోలిస్తే ఇది ఇంకా తక్కువ ధరకే లభించడం మరో ప్లస్ పాయింట్.
మొత్తానికి మీ బ్రెజ్జా నుంచి మీరు ఏమి ఆశిస్తున్నారనే దానిపైనే ఎంపిక ఆధారపడి ఉంటుంది. తక్కువ ధర, ప్రాక్టికాలిటీ ముఖ్యమైతే LXI, స్టైల్, ప్రీమియం ఫీల్, అధునాతన ఫీచర్లు కావాలంటే ZXI ప్లస్ ఉత్తమ ఎంపిక.
