Mahindra BE 6 SPORTEQ ఫీచర్లు ఇప్పటికే ఉన్న BE 6, XEV 9e మరియు XEV 9S యజమానులకు OTA అప్‌డేట్ ద్వారా రానున్నాయి!

మహీంద్రా ఇటీవల అప్‌డేట్ చేసిన BE 6 SPORTEQ ఎడిషన్‌తో పాటు Formula E ఎడిషన్‌లను కూడా విడుదల చేసింది. వీటిలో కొత్త ఇంటీరియర్ లేఅవుట్, కొత్త ప్యాసింజర్ స్క్రీన్‌తో కూడిన ట్రిపుల్-స్క్రీన్ సెటప్, BE 6 కోసం Ruby Velvet వంటి కొత్త కలర్ ఆప్షన్లు సహా అనేక కొత్త ఫీచర్లు, పరికరాలను తీసుకొచ్చింది.

ఇప్పటికే ఉన్న BE 6 యజమానులకు కూడా సాఫ్ట్‌వేర్ ద్వారా కొత్త ఫీచర్లను అందిస్తామని మహీంద్రా ప్రకటించింది. అయితే, వాస్తవంగా వారికి ఎలాంటి ఫీచర్లు అందుబాటులోకి రానున్నాయి?

BE 6: ఏ ఫీచర్లు అందుబాటులోకి రానున్నాయి?

మహీంద్రా BE 6 SPORTEQ ఎడిషన్‌లో ట్రిపుల్-స్క్రీన్ సెటప్, కొత్త 70 kWh బ్యాటరీ ప్యాక్, కొత్త టాప్-స్పెక్ వేరియంట్ వంటి హార్డ్‌వేర్, సాఫ్ట్‌వేర్ పరంగా అనేక కొత్త అంశాలను తీసుకొచ్చింది.

సాఫ్ట్‌వేర్ పరంగా BE 6 SPORTEQలో ప్రవేశపెట్టిన కొన్ని ఫీచర్లు ప్రస్తుతం ఉన్న BE 6 యజమానులతో పాటు XEV 9S, XEV 9e యజమానులకు కూడా అందుబాటులోకి రానున్నాయి. ఆ కొత్త ఫీచర్లు ఏమిటో ఇప్పుడు చూద్దాం:

TEQ Drive:

• Custom Drive Mode
• Drift Mode
• Tribe Drive
• Revive & Revive SOS

ఈ డ్రైవ్ మోడ్‌లు XEV 9S, XEV 9e, ప్రస్తుతం ఉన్న BE 6 యజమానులకు డ్రైవింగ్ అనుభవాన్ని మరింత సరదాగా మార్చనున్నాయి. ముఖ్యంగా Drift Mode ఈ ఎలక్ట్రిక్ SUVలను నడపడంలో మరింత ఉత్సాహాన్ని అందించనుంది.

TEQ Me: 

• ఆటో డిటెక్షన్ తో యూజర్ ప్రొఫైల్

ఈ ఫీచర్ ద్వారా ఒకటి కంటే ఎక్కువ మంది కారును నడిపే సందర్భంలో, ప్రతి ఒక్కరి కోసం ప్రత్యేక యూజర్ ప్రొఫైళ్లను క్రియేట్ చేసుకోవచ్చు. డ్రైవర్ కారులోకి వచ్చినప్పుడు అతని యూజర్ ప్రొఫైల్‌ను ఆటోమేటిక్‌గా గుర్తించి ఎంచుకునేలా ఇది పనిచేస్తుంది.

TEQ Secure: 

• Secure360 Pro – ఆడియో రిలే మరియు చొరబాటు హెచ్చరికతో ప్రత్యక్ష వీక్షణ
• NFC & డిజిటల్ కార్ కీ – iPhone, Apple Watch, Android, Samsung స్మార్ట్‌ఫోన్‌లు, అలాగే NFC కీ కార్డ్‌లు వంటి వివిధ డివైజ్ ఎకోసిస్టమ్‌లలో మరింత విస్తృతమైన, సులభమైన డిజిటల్ కార్ కీ సదుపాయాన్ని అందిస్తుంది. వివిధ డివైజ్ ఎకోసిస్టమ్‌లలో కార్ కనెక్టివిటీ కన్సార్టియం (CCC) కంప్లైంట్ డిజిటల్ కార్ కే ఫంక్షనాలిటీని అందించే తొలి భారతీయ ఆటోమోటివ్ OEMగా మహీంద్రా నిలవనుంది.
• 3rd Screen Parental Lock
• ఈ ఫీచర్ ద్వారా మీ ఎలక్ట్రిక్ వాహనాన్ని మానిటర్ చేయడంతో పాటు, స్మార్ట్‌ఫోన్ ద్వారా సులభంగా యాక్సెస్ చేసుకోవచ్చు.

TEQ xting:  

• వ్యక్తిగతీకరించిన టెయిల్‌గేట్ మెసేజింగ్
• ఈ ఫీచర్ ద్వారా LED టెయిల్‌ల్యాంప్‌పై కస్టమ్ మెసేజ్‌ను ప్రదర్శించుకునే అవకాశం ఉంటుంది. తద్వారా వినియోగదారులు తమ కారుకు మరింత వ్యక్తిగత టచ్‌ను అందించుకోవచ్చు.
• ప్రస్తుతం ఉన్న BE 6, XEV 9e, XEV 9S యజమానులకు కొత్త SPORTEQ సాఫ్ట్‌వేర్ ఫీచర్లు జనవరి 2027 నుంచి OTA అప్‌డేట్ల ద్వారా అందుబాటులోకి వస్తాయి. అయితే, ఏ మోడల్‌కు, ఏ వేరియంట్‌కు ఎలాంటి ఫీచర్లు అందుతాయనేది మారుతూ ఉంటుంది.

ఓవర్‌వ్యూ

మహీంద్రా BE 6 SPORTEQ ఇప్పటికీ కాన్సెప్ట్‌ను తలపించే డిజైన్‌తో, బోల్డ్ కట్స్, క్రీజ్‌లు, అగ్రెసివ్‌గా కనిపించే ఫ్రంట్‌తో కొనసాగుతోంది. మీరు రోడ్డుపై డ్రైవ్ చేస్తూ వెళ్లినప్పుడు ఇది ప్రత్యేకంగా ఆకట్టుకుంటుంది. కొత్త Formula E Freedom Editionలో ఫ్రంట్, రియర్ బంపర్లపై త్రివర్ణ పతాకం, ప్రత్యేక బ్యాడ్జింగ్ వంటి సూక్ష్మ మార్పులతో పాటు స్టాండర్డ్ కారుకు దగ్గరగా ఉండే స్టైలింగ్‌ను అందించారు. 

BE 6 SPORTEQలో అనేక ఫీచర్లు ఉన్నాయి. ఇందులో 12.3-అంగుళాల ట్రిపుల్ డిస్‌ప్లే సెటప్, వైర్‌లెస్ ఆండ్రాయిడ్ ఆటో, ఆపిల్ కార్ ప్లే, అలాగే ఇన్‌బిల్ట్ గూగుల్ జెమినితో కూడిన కనెక్టెడ్ కార్ టెక్నాలజీ ఉన్నాయి. వీటితో పాటు డ్యూయల్-జోన్ క్లైమేట్ కంట్రోల్, పనోరమిక్ గ్లాస్ రూఫ్, మల్టీ-కలర్ యాంబియంట్ లైటింగ్, డాల్బీ అట్మోస్ తో కూడిన 16-స్పీకర్ హార్మాన్ కార్డన్ సౌండ్ సిస్టమ్, పవర్డ్ టెయిల్‌గేట్, హెడ్-అప్ డిస్‌ప్లే, డ్యూయల్ వైర్‌లెస్ ఫోన్ ఛార్జర్లు, వెంటిలేటెడ్ ఫ్రంట్ సీట్లు కూడా ఉన్నాయి. 

సేఫ్టీ పరంగా BE 6 SPORTEQలో 7 ఎయిర్‌బ్యాగులు, 540-డిగ్రీ కెమెరా, Level-2 ADAS, ఫ్రంట్ మరియు రియర్ పార్కింగ్ సెన్సర్లు, ఎలక్ట్రానిక్ స్టెబిలిటీ ప్రోగ్రామ్ (ESP), టైర్ ప్రెజర్ మానిటరింగ్ సిస్టమ్ (TPMS) ఉన్నాయి. BE 6 SPORTEQలో Revive SOS Mode అనే కొత్త సేఫ్టీ ఫీచర్ కూడా ఉంది. బ్యాటరీ శాతం 0కి పడిపోయిన తర్వాత కూడా SUVకి అదనంగా 13 కిలోమీటర్ల వరకు డ్రైవింగ్ రేంజ్ అందించేలా ఈ ఫీచర్ పనిచేస్తుంది. అయితే, వాహనం మొత్తం జీవితకాలంలో ఈ ఫంక్షన్‌ను గరిష్ఠంగా 5 సార్లు మాత్రమే ఉపయోగించుకోవచ్చు. 

డ్రైవ్‌ట్రెయిన్ ఆప్షన్లు

మహీంద్రా BE 6 SPORTEQ మూడు బ్యాటరీ ప్యాక్ ఆప్షన్లతో అందుబాటులో ఉంది. అవి 59 kWh, 79 kWh, అలాగే కొత్తగా పరిచయం చేసిన 70 kWh బ్యాటరీ ప్యాక్. ప్రతి బ్యాటరీ ప్యాక్‌కు సంబంధించిన వివరాలు ఇవి:

RWD - రేర్ వీల్ డ్రైవ్

ధర & ప్రత్యర్థులు

మహీంద్రా BE 6 SPORTEQ ప్రారంభ ధర రూ.19.45 లక్షలు (ఎక్స్-షోరూమ్) కాగా, టాప్-స్పెక్ Formula E ఫ్రీడమ్ ఎడిషన్ ధర రూ.29.95 లక్షల (ఎక్స్-షోరూమ్) వరకు ఉంది. ఇది మార్కెట్లో Tata Sierra EV, VinFast VF7, MG ZS EV, Hyundai Creta Electric, Maruti e Vitara, Tata Curvv EV, Toyota Ebella వంటి మోడళ్లతో పోటీపడుతుంది. 

కార్దెకో అభిప్రాయం….

మహీంద్రా BE 6 SPORTEQలో అనేక కొత్త ఫీచర్లు, పరికరాలను అందించింది. వీటిలో Custom Drive Modes, Digital Smartphone Key, అలాగే ఎక్కువగా చర్చనీయాంశమైన Drift Mode వంటి సాఫ్ట్‌వేర్ ఆధారిత ఫీచర్లు ఉన్నాయి. ఇవి ఎలక్ట్రిక్ కార్లను నడపడాన్ని మరింత సరదాగా మార్చనున్నాయి. 

ఇప్పటికే BE 6తో పాటు XEV 9S, XEV 9e ఎలక్ట్రిక్ SUVలను కలిగి ఉన్న యజమానులకు కూడా OTA అప్‌డేట్ ద్వారా ఈ ఫీచర్లు అందుబాటులోకి రావడం వల్ల వారి డ్రైవింగ్ అనుభవం మరింత మెరుగుపడనుంది. దీంతో ప్రస్తుతం ఉన్న యజమానులు కూడా సంతోషించే అవకాశం ఉంది.