2026 Maruti Brezza ఫేస్‌లిఫ్ట్ రేపే విడుదల: మీరు తెలుసుకోవాల్సిన విషయాలు

రెండవ తరం Brezza లాంచ్ అయిన నాలుగు సంవత్సరాల తర్వాత, తన బెస్ట్ సెల్లింగ్ SUVలలో ఒకటైన దీనికి అవసరమైన faceliftను ఇవ్వడానికి మారుతి ఇప్పుడు సిద్ధంగా ఉంది. ఈ అప్‌డేటెడ్ మోడల్ రేపు విడుదల కానుంది. 

ఎలాంటి ఆర్భాటాలు లేని ఒక మంచి ప్యాకేజీని కోరుకునే కొనుగోలుదారులకు బ్రెజ్జా ఎప్పుడూ ఒక ప్రముఖ ఎంపికగా నిలిచింది. ఈ ఫేస్‌లిఫ్ట్ కొన్ని ముఖ్యమైన అప్‌డేట్‌లను తీసుకురావచ్చని అంచనా. ఇప్పటివరకు మనకు తెలిసిన వివరాలు ఇవిగో.

ఎక్స్‌టీరియర్

ఇప్పటివరకు లీక్ అయిన చిత్రాల ప్రకారం, ఈ ఫేస్‌లిఫ్ట్ SUVకి కొన్ని చిన్నపాటి స్టైలింగ్ మార్పులు చేస్తుంది, కానీ దీని డిజైన్ చాలా వరకు ప్రస్తుత వెర్షన్‌లాగే ఉంటుంది. ముందు భాగంలో, సన్నని ప్రపోర్షన్స్, గోల్డ్ ఫినిషింగ్‌తో కొత్త గ్రిల్, సిల్వర్ ఇన్సర్ట్‌తో రీవర్క్ చేసిన బంపర్, సిల్వర్ స్కిడ్ ప్లేట్, మరియు ట్రయాంగులర్ ఫాగ్ ల్యాంప్ సరౌండ్స్ ఉంటాయి.

సైడ్ ప్రొఫైల్‌లో అదే బాక్సీ సిల్హూట్ కొనసాగుతుంది, అయితే కొత్తగా డిజైన్ చేసిన 16-అంగుళాల అల్లాయ్ వీల్స్ దీనికి కొత్తదనాన్ని ఇస్తాయి. దీనితోపాటు, 'ఫ్లోటింగ్-రూఫ్' ఎఫెక్ట్ కోసం మందమైన క్లాడింగ్, ఎత్తైన రూఫ్ రెయిల్స్, బ్లాక్డ్-అవుట్ A-, B-, C-పిల్లర్లను కొనసాగిస్తుంది 

వెనుక భాగంలో కూడా, మార్పులు పునఃరూపకల్పన చేయబడిన బంపర్‌లు మరియు మరింత మందపాటి స్కిడ్ ప్లేట్‌కు మాత్రమే పరిమితమయ్యాయి, అయితే ఫ్లాట్ టెయిల్‌గేట్, షార్క్‌ఫిన్ యాంటెన్నా మరియు రూఫ్ స్పాయిలర్‌తో పరిచితమైన రూపాన్ని అలాగే ఉంచారు.

ఫ్లాట్ టెయిల్‌గేట్, షార్క్‌ఫిన్ యాంటెన్నా, రూఫ్ స్పాయిలర్‌తో అందించబడుతుంది. కొత్త బ్రెజ్జా రివైజ్డ్ కలర్ ప్యాలెట్‌ను కూడా కలిగి ఉండవచ్చు.

ఇంటీరియర్

లోపల కూడా కథ దాదాపు ఇలాగే ఉంది, పెద్ద మార్పుల కన్నా చిన్న మెరుగుదలలే ఎక్కువగా ఉన్నాయి. ప్రస్తుత వెర్షన్ మాదిరిగానే, నిటారుగా ఉండే డాష్‌బోర్డ్, త్రీ-స్పోక్ స్టీరింగ్ వీల్ మరియు బ్లాక్ అండ్ బ్రౌన్ థీమ్ కొనసాగుతుంది.

అయితే, మెరుగుదలల రూపంలో పెద్ద టచ్‌స్క్రీన్ ఇన్ఫోటైన్‌మెంట్ సిస్టమ్, స్టీరింగ్ వీల్‌పై గ్లాస్ బ్లాక్ ఇన్సర్ట్ (ప్రస్తుత కారులో సిల్వర్ ఉంది) మరియు కొత్త క్లైమేట్ కంట్రోల్ ప్యానెల్ వస్తాయి.

ఫీచర్లు & సేఫ్టీ

మారుతున్న కాలానికి అనుగుణంగా, కొత్త బ్రెజ్జాకు 10.1-అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్, వెంటిలేటెడ్ ఫ్రంట్ సీట్లు, మరియు యాంబియంట్ లైటింగ్ వంటి అదనపు టెక్ ఫీచర్లు లభిస్తాయి. వైర్‌లెస్ ఆండ్రాయిడ్ ఆటో మరియు ఆపిల్ కార్ ప్లే, ఆటోమేటిక్ క్లైమేట్ కంట్రోల్, సింగిల్-పేన్ సన్‌రూఫ్, కనెక్టెడ్ కార్ టెక్, వైర్‌లెస్ ఫోన్ ఛార్జర్ మరియు హెడ్స్-అప్ డిస్‌ప్లే వంటి సౌకర్యాలు కొనసాగుతాయని అంచనా. 

సేఫ్టీ పరంగా, అప్‌డేట్ చేసిన SUVకి ఫ్రంట్ పార్కింగ్ సెన్సర్లు కొత్తగా అమర్చారు. వీటితో పాటు 6 ఎయిర్‌బ్యాగ్‌లు, ఎలక్ట్రానిక్ స్టెబిలిటీ కంట్రోల్ (ESC), హిల్ హోల్డ్ అసిస్ట్ (HHA), 360-డిగ్రీ కెమెరా, రేర్ పార్కింగ్ సెన్సార్లు, రేర్ డిఫోగ్గర్, వైపర్ అండ్ వాషర్ మరియు ఐసోఫిక్స్ చైల్డ్ సీట్ యాంకర్స్ వంటి ఫీచర్లు కూడా ఉంటాయని భావిస్తున్నారు.

పవర్‌ట్రెయిన్ ఆప్షన్లు

బానెట్ కింద, బ్రెజ్జా ఫేస్‌లిఫ్ట్ అదే 1.5-లీటర్ నాచురల్లీ ఆస్పిరేటెడ్ పెట్రోల్ ఇంజిన్‌తో వస్తుంది. దీనికి మాన్యువల్, ఆటోమేటిక్ గేర్‌బాక్స్ ఆప్షన్లతో పాటు ఫ్యాక్టరీ-ఫిట్టెడ్ CNG కిట్ కూడా అందిస్తారు. ఇటీవలి లీక్‌ల ప్రకారం, Fronxలో చూసినట్టుగానే టర్బో-పెట్రోల్ ఇంజిన్‌ను కూడా అందించే అవకాశం ఉంది. దీనికి కొత్త 6-స్పీడ్ MT కూడా లభిస్తుంది, అయితే ఇది ఏ ఇంజిన్‌తో జతచేయబడుతుందో ఇంకా స్పష్టత లేదు.

బూట్ స్పేస్‌ను పెంచడానికి, Victoris మాదిరిగానే అండర్‌బాడీ CNG ట్యాంక్ అమరికను చేర్చడం మరో పెద్ద మార్పు కావచ్చు. కొత్త బ్రెజ్జా యొక్క అంచనా స్పెసిఫికేషన్లు ఇక్కడ ఉన్నాయి:

MT- మాన్యువల్ ట్రాన్స్‌మిషన్, AT- ఆటోమేటిక్ ట్రాన్స్‌మిషన్ (టార్క్ కన్వర్టర్)

లాంచ్ తేదీ, అంచనా ధర & ప్రత్యర్థులు

మారుతి, ఫేస్‌లిఫ్ట్ బ్రెజ్జాను రేపు విడుదల చేయనుంది. దీని ధర రూ. 8.49 లక్షల నుండి రూ. 13.40 లక్షల వరకు (ఎక్స్-షోరూమ్) ఉంటుందని అంచనా వేస్తున్నాం. దీని అంచనా ధర వివరాలను తెలుసుకోవాలంటే, మీరు ఈ కథనాన్ని చూడవచ్చు.

విడుదల తర్వాత, బ్రెజ్జా- Tata Nexon, Hyundai Venue, Mahindra XUV 3XO, Skoda Kylaq, Kia Syros, Maruti Fronx, Toyota Taisor, Kia Sonet, Nissan Magnite, Renault Kiger వంటి సబ్‌కాంపాక్ట్ SUVలతో పోటీ పడుతుంది. 

ఇమేజ్ మూలం