புது லுக்... புது எஞ்சின்! ரூ.6.99 லட்சத்தில் களமிறங்கிய 2026 டொயோட்டா கிளான்ஸா!

மாருதி பலேனோவைத் தொடர்ந்து அதன் ரீபேட்ஜ் மாடலான டொயோட்டா கிளான்ஸாவும் தற்போது புதிய ஃபேஸ்லிஃப்ட் மாற்றங்களுடன் இந்திய சந்தையில் அறிமுகமாகியுள்ளது. பலேனோவில் செய்யப்பட்ட மாற்றங்களை அடிப்படையாகக் கொண்டு வந்திருந்தாலும் தனது டொயோட்டா பிராண்டிற்கான தனித்துவமான அடையாளத்தைத் தக்கவைத்துக் கொள்ளும் வகையில் இந்த 2026 கிளான்ஸா ஃபேஸ்லிஃப்ட் வடிவமைக்கப்பட்டுள்ளது. இந்த புதிய காரைப் பற்றிய முழுமையான தகவல்கள் இதோ:

விலை & வேரியண்ட்கள்

புதிய டொயோட்டா கிளான்ஸா E, S, G, V மற்றும் V(O) என மொத்தம் 5 வேரியண்ட்களில் விற்பனைக்கு வந்துள்ளது. இதன் வேரியண்ட் வாரியான எக்ஸ்-ஷோரூம் விலை விவரங்கள்:

அனைத்தும் அறிமுக விலை, எக்ஸ்-ஷோரூம்

• புதிய கிளான்ஸாவின் ஆரம்ப விலை ₹ 6.99 லட்சத்தில் தொடங்கி, உயர்மடலான V(O) ஆட்டோமேட்டிக் வரை ₹ 10.98 லட்சம் வரை செல்கிறது.

• சிஎன்ஜி (CNG) ஆப்ஷன் S மற்றும் G ஆகிய இரண்டு வேரியண்ட்களில் மட்டுமே கிடைக்கிறது. இருப்பினும், இதில் மேனுவல் மற்றும் ஏஎம்டி (AMT) ஆகிய இரண்டு கியர்பாக்ஸ் வசதிகளுமே வழங்கப்பட்டுள்ளது குறிப்பிடத்தக்கது.

• முன்பதிவுத் தொகையாக ₹ 11,000 செலுத்தி வாடிக்கையாளர்கள் இக்காரைப் பதிவு செய்யலாம். அடுத்த வாரமே வாடிக்கையாளர்களுக்கு டெலிவரி செய்யும் பணிகள் தொடங்கவுள்ளன.

வெளிப்புற வடிவமைப்பு

• பழைய மாடலுடன் ஒப்பிடும்போது வெளிப்புறத்தில் முக்கிய மாற்றங்கள் அனைத்தும் காரின் முன்பகுதியில் மட்டுமே செய்யப்பட்டுள்ளன.

• முன்பக்கத்தில் பெரிய ஹனிகோம்ப் மெஷ் கிரில் சேர்க்கப்பட்டு புதுப்பிக்கப்பட்டுள்ளது. அதோடு டொயோட்டா லோகோவானது மேல் பகுதிக்கு மாற்றப்பட்டு, இரண்டு பக்கமும் குரோம் பட்டையுடன் அழகாக இணைக்கப்பட்டுள்ளது.

• முன்பக்க பம்பர் கூர்மையாக்கப்பட்டு காரின் தோற்றத்தை மேம்படுத்தும் வகையில் சில்வர் நிற வேலைப்பாடுகள் கொடுக்கப்பட்டுள்ளன.

• பக்கவாட்டுப் பகுதியில் பலேனோவின் அதே கூர்மையான வளைவுகள் தொடர்ந்தாலும் புதிய குரோம் கார்னிஷ் வசதி மற்றும் ஷார்க்ஃபின் ஆண்டெனா ஆகியவை இதில் புதிதாகச் சேர்க்கப்பட்டுள்ளன.

• காரின் சக்கரங்களைப் பொறுத்தவரை முந்தைய மாடலில் இருந்த அதே கவர்ச்சிகரமான 16-இன்ச் அலாய் வீல்களே இதிலும் தொடர்கின்றன.

• பின்புறத்தின் வடிவமைப்பில் எந்த மாற்றமும் செய்யப்படவில்லை. அதே 'C' வடிவ எல்இடி டெயில்லேம்ப்கள், தடிமனான பம்பர் மற்றும் பின்புறக் கதவில் அமைந்த குரோம் பட்டை ஆகிய அம்சங்கள் அப்படியே தக்கவைக்கப்பட்டுள்ளன.

கலர் ஆப்ஷன்கள்

புதிய கிளான்ஸா ஃபேஸ்லிஃப்ட் மாடல் மொத்தம் 7 கவர்ச்சிகரமான வண்ணங்களில் விற்பனைக்குக் கிடைக்கிறது:

• ஸ்போர்ட்டின் ரெட்

• கஃபே வொயிட் 

• என்டைசிங் சில்வர்

• கேமிங் கிரே

• இன்ஸ்டா ப்ளூ

• புளூயிஷ் பிளாக்

• டிஜிட்டல் டீல் கிரீன்

இண்டீரியர்

• கிளான்ஸா ஃபேஸ்லிஃப்ட்டின் கேபினுக்குள் நுழையும்போது பெரிய அளவிலான மாற்றங்களை உணர முடியாது. பலேனோவின் கருப்பு மற்றும் நீல நிற தீம் -க்கு மாற்றாக இதில் வழக்கம்போல பெய்ஜ் மற்றும் கருப்பு சேர்ந்த டூயல்-டோன் கேபின் அமைப்பே கொடுக்கப்பட்டுள்ளது. 

• டேஷ்போர்டில் பிரத்யேக தொடுதிரை, 3-ஸ்போக் ஸ்டீயரிங் வீல் மற்றும் கிளாஸ் பிளாக் (Gloss black) அலங்கார அம்சங்கள் இடம் பெற்றுள்ளன.

• பின்புறப் பயணிகளுக்கு வசதியாக, நடுப்பகுதி இருக்கையில் சரிசெய்யக்கூடிய ஹெட்ரெஸ்ட் புதிதாகச் சேர்க்கப்பட்டுள்ளது.

• மேலும் பின்புற ஏசி வென்ட்கள் மற்றும் செல்போன் சார்ஜ் செய்வதற்கான யுஎஸ்பி போர்ட்களும் இதில் தொடர்கின்றன.

பூட் ஸ்பேஸ்

பெட்ரோல் மாடலில் 318 லிட்டர் கொள்ளளவு கொண்ட பெரிய பூட் ஸ்பேஸ் கிடைக்கிறது.

சிஎன்ஜி மாடலின் பூட் ஸ்பேஸ் அளவை டொயோட்டா இன்னும் அதிகாரப்பூர்வமாக அறிவிக்கவில்லை. எனினும், பூட் பகுதியில் சிஎன்ஜி சிலிண்டர் பொருத்தப்படுவதால் இரண்டு சிறிய சாஃப்ட் பேக்குகளை மட்டுமே வைக்கும் அளவிற்கே இடம் இருக்கும்.

வசதிகள் மற்றும் பாதுகாப்பு

• அண்மையில் வெளியான பலேனோவைப்போலவே கிளான்ஸாவிலும் வயர்லெஸ் போன் சார்ஜர், காற்றோட்ட வசதி கொண்ட முன் இருக்கைகள் மற்றும் கிளாரியன் சவுண்ட் சிஸ்டம் போன்ற பல புதிய அம்சங்கள் சேர்க்கப்பட்டுள்ளன.

• இதுதவிர 9-இன்ச் தொடுதிரை தகவமைப்பு சாதனம், ஹெட்ஸ்-அப் டிஸ்ப்ளே (HUD), ஆட்டோமேட்டிக் கிளைமேட் கண்ட்ரோல், வயர்லெஸ் ஆண்ட்ராய்டு ஆட்டோ மற்றும் ஆப்பிள் கார்பிளே, டிரைவர் இருக்கை உயரத்தை உயர்த்தும் வசதி மற்றும் ஆட்டோ ஹெட்லேம்ப்கள் போன்ற உயர் ரக தொழில்நுட்ப வசதிகளும் இதில் நிறைந்துள்ளன.

• இம்முறை பாதுகாப்பிற்கு டொயோட்டா அதிக முக்கியத்துவம் அளித்துள்ளது. லெவல்-2 அடாஸ் (Level 2 ADAS) தொழில்நுட்பம் மற்றும் டயர் பிரஷர் மானிட்டரிங் சிஸ்டம் (TPMS) ஆகியவை இதில் புதிதாகக் சேர்க்கப்பட்டுள்ளன.

• மேலும் 360-டிகிரி கேமரா, ரியர் பார்க்கிங் சென்சார்கள், 6 ஏர்பேக்குகள், எலக்ட்ரானிக் ஸ்டெபிலிட்டி கண்ட்ரோல் (ESC), ஹில்-ஹோல்ட் அசிஸ்ட் (HHA) மற்றும் குழந்தைகளுக்கான ISOFIX சீட் ஆங்கர்கள் போன்ற வழக்கமான பாதுகாப்பு அம்சங்களும் தொடர்ந்து வழங்கப்படுகின்றன.

• இந்த புதிய கிளான்ஸா இதுவரை பாரத் என்சிஏபி (Bharat NCAP) விபத்து பரிசோதனைக்கு உட்படுத்தப்படவில்லை என்றாலும், 4-ஸ்டார் பாதுகாப்பு சான்றிதழ் பெற்ற பலேனோவின் அதே பிளாட்ஃபார்மில் உருவாக்கப்பட்டுள்ளதால் இதன் பாதுகாப்பில் சந்தேகமில்லை.

பவர்டிரெயின்கள்

எஞ்சின் அமைப்பில்தான் இந்த ஃபேஸ்லிஃப்ட் மாடல் மிகப்பெரிய மாற்றத்தைக் கண்டுள்ளது. பழைய K-சீரிஸ் எஞ்சினுக்குப் பதிலாக, புதிய Z-சீரிஸ் 1.2-லிட்டர் பெட்ரோல் எஞ்சின் இதில் பொருத்தப்பட்டுள்ளது.

இதன் தொழில்நுட்ப விவரங்கள்:

MT- மேனுவல் டிரான்ஸ்மிஷன், AMT- ஆட்டோமேட்டட் மேனுவல் டிரான்ஸ்மிஷன்

கார்தேக்கோ சொல்வது...

டொயோட்டா கிளான்ஸா எப்போதும் நடைமுறை பயன்பாட்டிற்கும், நவீன வசதிகளுக்கும் பெயர் பெற்ற ஒரு காராகும். இந்த ஃபேஸ்லிஃப்ட் அப்டேட் அந்த காரை மேலும் ஒரு படி உயர்த்தியுள்ளது. தோற்றத்தில் பலேனோவை விட சற்று கூடுதல் வித்தியாசம் காட்டியிருக்கலாம் என்றாலும், இதன் புதிய கூர்மையான வடிவமைப்பு வாடிக்கையாளர்களை நிச்சயம் கவரும்.

ஹேட்ச்பேக் பிரிவில் புதிய கார் வாங்க திட்டமிடுபவர்கள், கிளான்ஸா தவிர்த்து பரிசீலிக்க வேண்டிய சில மாற்றுக் கார்கள்:

• மாருதி பலேனோ: கிளான்ஸாவின் தாய் மாடலான இது பரவலான விற்பனை மற்றும் சேவை மையங்களின் பிணையத்துடன் கிட்டத்தட்ட இதே அம்சங்களை வழங்குகிறது.

• டாடா ஆல்ட்ரோஸ்: அருமையான டிசைன் சிறந்த பாதுகாப்புச் சான்றிதழ் மற்றும் நவீன தொழில்நுட்பங்களுடன் களமிறங்கும் மாடல். மேலும் இந்த பிரிவில் டீசல் எஞ்சின் ஆப்ஷனுடன் கிடைக்கும் ஒரே கார் இதுவே ஆகும்.

• ஹூண்டாய் i20: மென்மையான எஞ்சின், சிவிடி (CVT) கியர்பாக்ஸ் வசதி, பிரீமியமான உள்அமைப்பு மற்றும் ஹூண்டாய் பிராண்டின் நம்பகத்தன்மையோடு காரை எதிர்பார்ப்பவர்களுக்கு இது ஒரு நல்ல தேர்வு.