இந்தியாவில் என்ட்ரி கொடுக்கும் BYD-ன் பிரீமியம் பிராண்ட்... டென்ஸா D9 பற்றி கூடுதல் தகவல்கள்

சீன வாகன உற்பத்தி நிறுவனமான BYD -க்கு சொந்தமான 'டென்ஸா' பிராண்ட் தனது சொகுசு எம்பிவி மாடலான 'டென்ஸா D9' மூலம் இந்தியச் சந்தையில் விரைவில் காலடி எடுத்து வைக்கவுள்ளது. நவம்பர் பாதியில் இந்த கார் அறிமுகமாகும் என எதிர்பார்க்கப்படும் நிலையில், டென்ஸா நிறுவனம் தனது அதிகாரப்பூர்வ சமூக வலைதளப் பக்கத்தில் காரின் முக்கிய அம்சங்களை டீசராக வெளியிட்டு, இதன் அறிமுகம் மிக அருகில் இருப்பதை உறுதி செய்துள்ளது.

சர்வதேச சந்தைகளில் 'டென்ஸா D9' கார் ஸ்ட்ராங்-ஹைபிரிட் மற்றும் ஆல்-எலக்ட்ரிக் ஆகிய இரண்டு இன்ஜின் ஆப்ஷன்களில் கிடைக்கிறது. ஆனால் இந்தியாவிற்கு இதன் எலக்ட்ரிக் (EV) மாடல் மட்டுமே கொண்டு வரப்படும் எனத் தெரிகிறது. சர்வதேச அளவில் விற்பனையாகும் டென்ஸா D9 காரின் அடிப்படையில் இந்தியாவில் அறிமுகமாகவுள்ள மாடலில் என்னென்ன வசதிகளை எதிர்பார்க்கலாம் என்பதை விரிவாகப் பார்ப்போம்:

வெளிப்புற டிசைன்

சொகுசு எம்பிவி ரகத்தைச் சேர்ந்த இந்த கார் 5 மீட்டருக்கும் அதிகமான நீளத்தைக் கொண்டுள்ளது. அத்துடன் தாழ்வான தோற்றம் மற்றும் கூர்மையான முன்பகுதி ஆகியவை சாலையில் செல்லும்போது இதன் பிரம்மாண்டத்தைக் கூட்டுகின்றன.

காரின் முன்பக்கத்தில் பெரிய அளவிலான பியானோ பிளாக் கிரில் கொடுக்கப்பட்டு, அதில் செங்குத்தான க்ரோம் பட்டைகள் அதிகளவில் பயன்படுத்தப்பட்டுள்ளன. காரின் அகலத்தைக் காட்டும் வகையில் முகப்பில் தடிமனான பிரஷ்டு அலுமினியம் ஸ்ட்ரிப் சேர்க்கப்பட்டுள்ளது.

ஸ்பிளிட் புரொஜெக்டர் எல்இடி ஹெட்லேம்ப்கள், V-வடிவ எல்இடி DRL-கள், பம்பருக்கு அருகே எல்இடி ஃபாக் லேம்ப்கள் மற்றும் மிகவும் ஸ்லீக்கான பம்பர் டிசைன் என முன்பக்கம் மிகவும் மிரட்டலாக உள்ளது.

பக்கவாட்டு தோற்றம் இந்த எம்பிவியின் நீளத்தை அப்படியே வெளிப்படுத்துகிறது. கூர்மையான முன்பகுதியும் உயரமான பின்புறமும் இதற்கு பாரம்பரிய எம்பிவி தோற்றத்தைத் தருகின்றன. சர்வதேச அளவில் 18-இன்ச் க்ரோம் அலாய் வீல்களுடன் விற்பனையாகும் இந்த கார் இந்தியாவிலும் அதே அலாய் வீல்களுடன் வரும் என எதிர்பார்க்கப்படுகிறது. ஜன்னல் கோடுகள், கதவுகளின் கீழ் பகுதி மற்றும் D-பில்லர் ஆகியவற்றிலும் அலுமினியம் ஃபினிஷிங் செய்யப்பட்டுள்ளது. இதில் உள்ள பின்பக்க கதவுகள் வெளிப்புறமாகத் திறக்காமல் பின்னோக்கிச் சறுக்கிச் செல்லும் என்பதால் பயணிகள் எளிதாக ஏற இறங்க முடியும்.

பின்பகுதியில், எம்பிவிக்களுக்கே உரித்தான பாக்ஸ் போன்ற வடிவமைப்பு உள்ளது. காரின் இருமுனைகளையும் இணைக்கும் கனெக்டெட் எல்இடி டெயில் லேம்ப் அமைப்பு தான் இதன் முக்கிய ஈர்ப்பு. மேலும் ஷார்க்-ஃபின் ஆண்டெனா, ரூஃப் ஸ்பாய்லர், மெல்லிய பம்பர் மற்றும் 'Denza' எழுத்துக்களுக்கு கீழே அலுமினியம் ஸ்ட்ரிப் ஆகியவை வழங்கப்பட்டுள்ளன. வண்ணங்களைப் பொறுத்தவரை, பிளாக், ஒயிட் மற்றும் கிரே போன்ற வழக்கமான நிறங்களிலேயே இந்த கார் கிடைக்கும் எனத் தெரிகிறது.

கேபின் அனுபவம்

சர்வதேச சந்தைகளில் பல வண்ண தீம்களில் இன்டீரியர் கிடைத்தாலும் இந்தியாவில் டீசரில் காட்டப்பட்ட 'பிரவுன்' வண்ண தீம் மட்டுமே வழங்கப்படும் என எதிர்பார்க்கப்படுகிறது. டேஷ்போர்டு வளைந்த எளிய அமைப்பைக் கொண்டிருந்தாலும் பிரஷ்டு அலுமினியம், ஆம்பியன்ட் லைட்டிங் மற்றும் டார்க் வுட்டன் ஃபினிஷ் என பல அடுக்குகளைக் கொண்டதாக உருவாக்கப்பட்டுள்ளது.

இந்த வுட்டன் ஃபினிஷிங் கதவுகளுக்கும் நீட்டிக்கப்பட்டுள்ளது. காரின் உள்பகுதி முழுக்க மென்மையான லெதரெட் பேடிங் மற்றும் சீட்களுக்கு லெதரெட் உறை பயன்படுத்தப்பட்டிருப்பதால், பிளாஸ்டிக் பாகங்களின் பயன்பாடு மிகக் குறைவாகவே உள்ளது. இது கேபினுக்குள் அதிநவீன சொகுசு உணர்வைத் தருகிறது.

இந்த எம்பிவி 7-சீட்டர் அமைப்பில் வரவுள்ளது. இதன் இரண்டாவது வரிசையில் லவுஞ்ச் போன்ற தனித்தனி கேப்டன் சீட்கள் கொடுக்கப்பட்டுள்ளன. இதில் சாய்ந்து அமரும் வசதி மற்றும் கால்களை நீட்டி ஓய்வெடுக்க பவர்டு ஒட்டோமான் வசதியும் உள்ளது.

மூன்றாவது வரிசையில் 3 பேர் அமரக்கூடிய வகையில் ஹெட்ரெஸ்ட்கள் இருந்தாலும் இரண்டு பயணிகள் அமர்வதே சௌகரியமாக இருக்கும். இதற்காக மூன்றாவது வரிசையிலும் சென்டர் ஆர்ம்ரெஸ்ட் கொடுக்கப்பட்டிருப்பது ஒரு சிறப்பம்சமாகும்.

வசதிகள் மற்றும் பாதுகாப்பு

சர்வதேச மாடலில் உள்ள பெரும்பாலான அம்சங்கள் இந்திய பதிப்பிலும் இடம்பெறும்.

• 15.6-இன்ச் மிதக்கும் தொடுதிரை இன்ஃபோடெயின்மென்ட் சிஸ்டம்

• வயர்லெஸ் ஆண்ட்ராய்டு ஆட்டோ & ஆப்பிள் கார்பிளே

• 10.25-இன்ச் டிஜிட்டல் டிரைவர் டிஸ்பிளே

• 12-இன்ச் AR-ஹெட்ஸ்-அப் டிஸ்பிளே

• 14-ஸ்பீக்கர் Dynaudio சரவுண்ட் சவுண்ட் சிஸ்டம்

• த்ரீ-ஜோன் கிளைமேட் கன்ட்ரோல், 3 வயர்லெஸ் சார்ஜர்கள் & பானரோமிக் கிளாஸ் ரூஃப்

• 128-வண்ண ஆம்பியன்ட் லைட்டிங் & எலக்ட்ரிக்கலி அட்ஜஸ்டபிள் மிரர்கள்

• முன் மற்றும் இரண்டாம் வரிசை சீட்களுக்கு பவர், ஹீட்டிங், வென்டிலேஷன் மற்றும் மசாஜ் வசதிகள்

• இரண்டாம் வரிசை பயணிகளுக்கு ஜீரோ-கிராவிட்டி மோட் மற்றும் வசதிகளைக் கட்டுப்படுத்த ஆர்ம்ரெஸ்ட்டில் பிரத்யேக தொடுதிரைகள்

மற்ற அம்சங்களில் மூன்று-மண்டல காலநிலை கட்டுப்பாடு, மூன்று வயர்லெஸ் ஃபோன் சார்ஜர்கள், ஒரு பெரிய பனோரமிக் கண்ணாடிக் கூரை, 128-வண்ண சுற்றுப்புற விளக்குகள், மற்றும் மின்சாரத்தால் சரிசெய்யக்கூடிய மற்றும் தானாக மடக்கக்கூடிய ORVM-கள் ஆகியவை அடங்கும். முன் மற்றும் இரண்டாம் வரிசை இருக்கைகள் இரண்டும் மின்சார வசதி, வெப்பமூட்டும் வசதி, காற்றோட்ட வசதி மற்றும் பல மசாஜ் செயல்பாடுகளைக் கொண்டிருப்பதால் இருக்கைகளும் பல செயல்பாடுகளைப் பெறுகின்றன.

பாதுகாப்பு வசதிகளாக 8 ஏர்பேக்குகள், ABS வித் EBD, எலக்ட்ரானிக் ஸ்டெபிளிட்டி கன்ட்ரோல் (ESC), டயர் பிரஷர் மானிட்டரிங் சிஸ்டம் (TPMS), ஹில் ஹோல்ட் அசிஸ்ட், ஹில் டிசென்ட் கன்ட்ரோல், முன்-பின் பார்க்கிங் சென்சார்கள் மற்றும் ISOFIX சைல்டு சீட் ஆங்கர்கள் ஆகியவை கொடுக்கப்பட்டுள்ளன.

மேலும் 2D மற்றும் 3D வியூ கொண்ட 360-டிகிரி கேமரா மற்றும் லேன் கீப் அசிஸ்ட், அடாப்டிவ் க்ரூஸ் கன்ட்ரோல், ஆட்டோனமஸ் எமர்ஜென்சி பிரேக்கிங் உள்ளிட்ட லெவல் 2 ADAS பாதுகாப்பு அமைப்பும் இதில் அடங்கும்.

பவர்டிரெயின் ஆப்ஷன்கள்

டென்ஸா D9 எலக்ட்ரிக் காரில் 103 kWh பேட்டரி பேக் பயன்படுத்தப்படுகிறது. இது ஃபிரண்ட்-வீல்-டிரைவ் (FWD) மற்றும் ஆல்-வீல்-டிரைவ் (AWD) ஆகிய இரண்டு ஆப்ஷன்களில் சர்வதேச அளவில் கிடைக்கிறது. இந்தியாவில் எந்த டிரைவ்ட்ரெய்ன் அறிமுகமாகும் என்பது லான்ச்சின் போது தெரியவரும். சர்வதேச மாடலின் விவரங்கள்:

எதிர்பார்க்கப்படும் விலை மற்றும் போட்டிகள்

டென்ஸா D9 கார் ரூ. 80 லட்சம் முதல் ரூ. 85 லட்சம் வரை (எக்ஸ்-ஷோரூம்) விலையில் அறிமுகமாகலாம் என எதிர்பார்க்கப்படுகிறது. விற்பனைக்கு வந்த பிறகு, இது எலக்ட்ரிக் எம்பிவியான 'எம்ஜி M9' மற்றும் பெட்ரோல்/டீசல் எம்பிவியான 'டொயோட்டா வெல்ஃபயர்' ஆகிய கார்களுக்கு நேரடி போட்டியாக இருக்கும்

கார்தேக்கோ சொல்வது...

இந்தியாவில் சொகுசு எம்பிவி பிரிவு என்பது மிகவும் சிறிய சந்தையாகும்; அதிலும் எலக்ட்ரிக் சொகுசு எம்பிவி விருப்பங்கள் மிக மிகக் குறைவு. சந்தையில் உள்ள இந்த இடைவெளி டென்ஸா D9 கார் மிகவும் பிரபலமடைவதற்கான நல்ல வாய்ப்பை வழங்கும்.

கவர்ச்சிகரமான டிசைன், சொகுசான இன்டீரியர், டிரைவர் வைத்து பயணிப்போருக்கான அதிநவீன வசதிகள் மற்றும் ஸ்மூத்தான எலக்ட்ரிக் எஞ்சின் என அனைத்து சிறப்பம்சங்களையும் கொண்டுள்ளதால் டென்ஸா D9 சொகுசு வாகனச் சந்தையில் மிக விரைவிலேயே முன்னணி இடத்தை பிடிக்கும் என்பதில் சந்தேகமில்லை.