ஹூண்டாய் பேயான் SUV: வென்யூவை விட பெருசு, கிரெட்டாவை விட சின்னது… அளவுகள் விவரங்கள் இங்கே!
அளவுகளின் அடிப்படையில் பார்க்கும் போது இந்த புதிய பேயான் கார் ஹூண்டாயின் 'வென்யூ' மற்றும் 'கிரெட்டா' ஆகிய இரண்டு மாடல்களுக்கும் சரியாக இடைப்பட்ட அளவில் அமைக்கப்பட்டிருக்கிறது.
- ஒரு கருத்தை எழுதுக
ஹூண்டாய் தனது இரண்டாவது காம்பாக்ட் SUV மாடலான பேயான்-ஐ இந்தியாவில் அறிமுகப்படுத்தியுள்ளது. இது வென்யூ மற்றும் கிரெட்டா கார்களுக்கு இடையில் நிலைநிறுத்தப்பட்டுள்ளது. இந்த புதிய SUV வென்யூ காரை விட சற்று பெரியதாகவும் கிரெட்டா -வை விட சிறியதாகவும் இருப்பதால் சந்தையில் ஒரு புதிய பிரிவை உருவாக்குகிறது. இதன் அறிமுகம் இந்திய காம்பாக்ட் SUV செக்மென்ட்டில் போட்டியை இன்னும் கடுமையாக்கும் என்று எதிர்பார்க்கப்படுகிறது.
அளவுகள்
| அளவுகள் |
ஹூண்டாய் பேயான் |
| நீளம் |
4245 மிமீ |
| அகலம் |
1810 மிமீ |
| உயரம் |
1570 மிமீ |
| வீல்பேஸ் |
2600 மிமீ |
| பூட் ஸ்பேஸ் |
440 லிட் |
-
காரின் பரிமாணங்களை கவனித்தால், 4245 மி.மீ நீளம் கொண்ட பேயான், வென்யூவை விட சுமார் 230 மி.மீ கூடுதல் நீளமாகவும், தற்போதைய கிரெட்டாவை விட 85 மி.மீ நீளம் குறைவாகவும் இருக்கிறது. (வரும் 2027-ஆம் ஆண்டின் தொடக்கத்தில் அறிமுகமாகவுள்ள புதிய தலைமுறை கிரெட்டா சுமார் 4.5 மீட்டர் நீளம் வரை பெரியதாக மாற்றப்பட உள்ளது என்பது குறிப்பிடத்தக்கது).
-
அதேபோல அகலத்தைப் பொறுத்தவரை தற்போதைய கிரெட்டா காரை விட பேயான் 20 மி.மீ கூடுதல் அகலத்தைக் கொண்டுள்ளது. க்ராஸ்ஓவர் ரக டிசைன் அமைப்பைக் கொண்டிருப்பதால், உயரத்தின் அடிப்படையில் கிரெட்டாவை விட 65 மி.மீ குறைவாக வடிவமைக்கப்பட்டுள்ளது. மேலும், 440 லிட்டர் கொள்ளளவு கொண்ட இதன் பூட் ஸ்பேஸ், போட்டி மாடல்களான ஸ்கோடா குஷாக் மற்றும் மாருதி கிராண்ட் விட்டாராவை விட அதிக இடவசதியை வழங்குகிறது.
| கவனிக்கவும்: மேலே குறிப்பிட்டுள்ள அளவுகள் ஐரோப்பிய மாடலுக்கானவை. இந்தியாவில் அறிமுகமாகும் மாடலில் சிறிய மாற்றங்கள் இருக்கக்கூடும் |
ஹூண்டாய் பேயான் பற்றி ஒரு பார்வை
கடந்த பத்து ஆண்டுகளாகவே காம்பேக்ட் எஸ்யூவி பிரிவில் கிரெட்டா கார் தனது ஆதிக்கத்தைச் செலுத்தி வருகிறது. அந்த இடத்தைத் மேலும் வலுப்படுத்தவே ஹூண்டாய் இந்த புதிய பயோனை களமிறக்குகிறது. க்ராஸ்ஓவர் தோற்றத்துடன் உருவாகியுள்ள இந்த காரின் முன்பக்கத்தில் தலைகீழ் 'L' வடிவ எல்.இ.டி DRL-கள், எல்.இ.டி முகப்பு விளக்குகள் மற்றும் சில்வர் நிற ஸ்கிட் பிளேட் போன்றவை பொருத்தப்பட்டுள்ளன. பக்கவாட்டு மற்றும் பின்புறங்களில் 17-இன்ச் அலாய் வீல்கள், ஷார்க்ஃபின் ஆண்டெனா, எல்.இ.டி டெயில் லைட்டுகள் மற்றும் தடிமனான வீல் ஆர்ச் கிளாடிங் ஆகியவை இதன் தோற்றத்திற்கு கம்பீரத்தை சேர்க்கின்றன.
உள்பகுதியை பொறுத்தவரை சர்வதேச அளவிலான i20 காரின் டேஷ்போர்டு டிசைனை இது பகிர்ந்து கொள்கிறது. வென்டிலேட்டட் முன்புற சீட்கள், டிஜிட்டல் இன்ஸ்ட்ரூமென்ட் கிளஸ்டர் மற்றும் டச்ஸ்கிரீன் சிஸ்டத்திற்கான 12.3-இன்ச் வளைந்த டிஸ்பிளே, வயர்லெஸ் ஆண்ட்ராய்டு ஆட்டோ மற்றும் ஆப்பிள் கார்பிளே, வயர்லெஸ் சார்ஜர், போஸ் சவுண்ட் சிஸ்டம் மற்றும் ஆட்டோமேட்டிக் கிளைமேட் கன்ட்ரோல் என ஏராளமான வசதிகள் இடம்பெற்றுள்ளன.
பாதுகாப்பு அம்சங்களிலும் இந்த கார் சளைத்தது அல்ல. பல ஏர்பேக்குகள், லெவல்-2 ஏடிஏஎஸ் (ADAS) தொழில்நுட்பம், 360 டிகிரி கேமரா, முன்பின் பார்க்கிங் சென்சார்கள் மற்றும் ஆட்டோ-ஹோல்டு வசதியுடன் கூடிய எலக்ட்ரானிக் பார்க்கிங் பிரேக் என விரிவான பாதுகாப்பு அமைப்புகள் வழங்கப்பட்டுள்ளன.
பவர்டிரெயின்கள்
ஹூண்டாய் பேயான் காரில் 1.5-லிட்டர் நேச்சுரலி அஸ்பிரேட்டட் பெட்ரோல் இன்ஜின் மட்டுமே வழங்கப்படவுள்ளது. இதன் தொழில்நுட்ப விவரங்கள்:
| இன்ஜின் |
1.5-litre naturally aspirated petrol |
| பவர் |
115 PS |
| டார்க் |
144 Nm |
| டிரான்ஸ்மிஷன் |
6-ஸ்பீடு MT/CVT |
MT- மேனுவல் டிரான்ஸ்மிஷன், CVT- கன்டினியூஸ்லி வேரியபிள் டிரான்ஸ்மிஷன் (ஆட்டோமெட்டிக்)
அறிமுக தேதி, எதிர்பார்க்கப்படும் விலை மற்றும் போட்டியாளர்கள்
ஹூண்டாய் பேயான் வரும் அக்டோபர் 26 அன்று அதிகாரப்பூர்வமாக விற்பனைக்கு வரும். இதன் எக்ஸ்-ஷோரூம் விலை ரூ 10 லட்சம் முதல் ரூ 17.5 லட்சம் வரை இருக்கும் என எதிர்பார்க்கப்படுகிறது. இந்த விலையில், இது இந்திய சந்தையில் மிகவும் போட்டி நிறைந்த காம்பாக்ட் SUV செக்மென்ட்டில் களமிறங்குகிறது. இதன் முக்கிய போட்டியாளர்களாக கியா செல்டோஸ், ஸ்கோடா குஷாக், மாருதி கிராண்ட் விட்டாரா மற்றும் வரவிருக்கும் டாடா சியாரா ஆகியவை இருக்கும்.
கார்தேக்கோவின் கருத்து...
அடுத்த தலைமுறை கிரெட்டா கார் இன்னும் பெரியதாகவும், அதிக வசதிகள் கொண்ட சொகுசு காராகவும் மாறவுள்ள நிலையில், காம்பேக்ட் எஸ்யூவி சந்தையில் ஹூண்டாய் நிறுவனத்தின் பிடியை மேலும் வலுவாக்கும் முக்கிய பொறுப்பு இந்த பயோனுக்கு உள்ளது. சரியான அளவுகளுடன் வரவிருக்கும் இந்த கார் சரியான விலையில் அறிமுகம் செய்யப்பட்டால், இதற்குக் கீழ் உள்ள பிரிவு கார்களை வாங்க நினைப்பவர்களையும் கூட நிச்சயம் ஈர்க்கும். இருப்பினும் பல தகவல்கள் இன்னும் அதிகாரப்பூர்வமாக உறுதி செய்யப்படாததால், இந்த மாத இறுதியில் நடக்கவிருக்கும் இதன் விற்பனை அறிமுகத்தை எதிர்நோக்கலாம்.
அளவுகளின் அடிப்படையில் பேயான் கார் உங்கள் எதிர்பார்ப்பைப் பூர்த்தி செய்கிறதா? உங்கள் கருத்துக்களை கீழே பகிர்ந்து கொள்ளுங்கள்!
