ரூஃப்ல டிவி... தியேட்டர் லுக்… புது வெர்ஷனில் அசத்தும் MG விண்ட்ஸர் EV எடிஷன்!
வின்ட்சர் EV இன்டல்ஜ் எடிஷன் மாடலானது முற்றிலும் புதிய வெளிப்புற நிறத்துடன் வருவதுடன் இந்தப் பிரிவிலேயே முதன்முறையாக வழங்கப்படும் பல புதிய வசதிகளையும் தன்னுள் கொண்டுள்ளது!
- ஒரு கருத்தை எழுதுக
JSW MG மோட்டார் இந்தியா அதன் பிரபலமான விண்ட்ஸர் EV-யின் இரண்டு வருட வெற்றிக் கொண்டாட்டமாக ஒரு புதிய இன்டல்ஜ் எடிஷனை ரூ. 17.89 லட்சம் (எக்ஸ்-ஷோரூம்) விலையில் அறிமுகப்படுத்தியுள்ளது. இது ஏற்கனவே உள்ள டாப்-எண்ட் எசென்ஸ் வேரியண்ட்டை விட சுமார் ரூ.73,900 அதிகமாகும். இந்த கூடுதல் விலைக்கு காரின் வெளிப்புறத்திலும் உட்புறத்திலும் சில பிரத்யேக அப்டேட்கள் மற்றும் செக்மெண்ட்டிலேயே முதல் முறையாக ஒரு முக்கிய அம்சங்களும் கொடுக்கப்பட்டுள்ளது. இந்த புதிய எடிஷன் யாருக்குப் பொருத்தமாக இருக்கும் என்பதை விரிவாகப் பார்க்கலாம்.
விலை
MG விண்ட்ஸர் EV இன்டல்ஜ் எடிஷன் அதன் டாப்-ஸ்பெக் எசென்ஸ் ட்ரிம்மை அடிப்படையாகக் கொண்டது. இந்த புதிய எடிஷனின் விலை வழக்கமான டாப் மாடலை விட ரூ.73,900 அதிகமாக நிர்ணயிக்கப்பட்டுள்ளது. இந்த விலை வித்தியாசம் இந்த எடிஷனில் வழங்கப்படும் பிரத்யேக அப்டேட்களுக்காக வசூலிக்கப்படுகிறது.
| வேரியண்ட் | விலை (எக்ஸ்-ஷோரூம்) |
| MG விண்ட்ஸர் EV இண்டல்ஜ் எடிஷன் 38 kWh |
ரூ. 17.89 லட்சம் |
-
வின்ட்சர் EV இன்டல்ஜ் எடிஷன் ரூ.17.89 லட்சம் (எக்ஸ்-ஷோரூம்) விலையில் அறிமுகம் செய்யப்பட்டுள்ளது. இது இதன் அடிப்படையான டாப்-எண்ட் 'எசென்ஸ்' மாடலின் விலையை விட ரூ.73,900 அதிகமாகும்
-
இந்த புதிய எலக்ட்ரிக் காருக்கான முன்பதிவுகள் MG நிறுவனத்தின் அதிகாரப்பூர்வ இணையதளம் வாயிலாகவும், அங்கீகரிக்கப்பட்ட விற்பனையகங்கள் மூலமாகவும் ஏற்கனவே தொடங்கப்பட்டுவிட்டன.
புதிதாக என்ன இருக்கிறது?
இந்த இன்டல்ஜ் எடிஷன் வழக்கமான மாடலில் இருந்து தன்னை வேறுபடுத்திக் காட்ட பல புதிய விஷயங்களைக் கொண்டுள்ளது. இந்த எடிஷனை வாங்கும் வாடிக்கையாளர்களுக்கு ஒரு தனித்துவமான அனுபவத்தைக் கொடுப்பதே இதன் முக்கிய நோக்கம்.
வின்ட்சர் EV இன்டல்ஜ் எடிஷன் வெளிப்புற தோற்றத்தில் சில பிரத்யேக மாற்றங்களைப் பெற்றுள்ளது. கருப்பு நிற கூரையுடன் கூடிய 'ஷேடோ கோல்டு' (Shadow Gold) என்ற புதிய வண்ணத்தில் இது வெளிவந்துள்ளது. இதற்கு மேலும் அழகு சேர்க்கும் விதமாக, டர்ன் இண்டிகேட்டர்களுடன் கூடிய பளபளப்பான கருப்பு நிற வெளிப்புறக் கண்ணாடிகள் (Gloss Black ORVMs), 18-இன்ச் கருப்பு நிற அலாய் வீல்கள் மற்றும் C-பில்லரில் 'Indulge' பேட்ஜ் ஆகியவை கொடுக்கப்பட்டுள்ளன.
காரின் உட்புறத்திற்குள் நுழையும் போது புதிய டான் மற்றும் பிளாக் (Tan and Black) வண்ண தீம் கொண்ட கேபின் வரவேற்கிறது. ஏற்கனவே விசாலமாகவும் நடைமுறைக்கு ஏதுவாகவும் இருக்கும் வின்ட்சர் EV-யின் கேபினுக்கு இது மேலும் ஒரு பிரீமியம் அனுபவத்தைத் தருகிறது. காரின் முன் இருக்கைகளின் ஹெட்ரெஸ்ட்களில் 'Indulge' முத்திரை பொறிக்கப்பட்டுள்ளதுடன் சிறப்புத் தொடுதலாக 'இண்டல்ஜ்' பேட்ஜ் கொண்ட தலையணைகள் மற்றும் கழுத்துக்கான குஷன்களும் வழங்கப்பட்டுள்ளன.
இருப்பினும் இந்த எடிஷனின் மிக முக்கிய சிறப்பம்சமே இதன் பின்பக்க பயணிகளுக்காக கூரையில் பொருத்தப்பட்டுள்ள என்டர்டெயின்மென்ட் ஸ்கிரீன் ஆகும். இந்த பிரிவிலேயே முதன்முறையாக வழங்கப்பட்டுள்ள இந்த அம்சம் டிரைவர் மூலம் இயக்கப்படும் கார்களை விரும்புபவர்களுக்கும் குடும்பங்களுக்கும் மிகவும் பயனுள்ளதாக இருக்கும். பனோரமிக் கிளாஸ் ரூஃபின் நடுவில் இந்த ஸ்கிரீன் பொருத்தப்பட்டிருந்தாலும், காரின் உட்புற வெளிச்சத்திற்கும் காற்றோட்டமான உணர்விற்கும் எந்தப் பாதிப்பும் இல்லை.
இந்த சிறப்புப் பதிப்புடன் 'இன்டல்ஜ் எடிஷன்' அக்சஸரி பேக்கையும் MG நிறுவனம் ஸ்டாண்டர்டாக வழங்குகிறது. இதில் பின்பக்க சன்ஷேட், தீம் செய்யப்பட்ட 3D மேட்டுகள், முன்பக்க குரோம் டீடெய்லிங், பம்பர் கார்னர் புரோட்டெக்டர்கள், பாடி-சைடு மோல்டிங் மற்றும் பிரீமியம் லெதரெட் சாவி கவர் ஆகியவை அடங்கும்.
பாதுகாப்பு & அம்சங்கள்
இந்த மாற்றங்களைத் தவிர, வழக்கமான வின்ட்சர் EV-யில் உள்ள அனைத்து முக்கிய வசதிகளும் இன்டல்ஜ் எடிஷனிலும் தொடர்கின்றன. வயர்லெஸ் ஆண்ட்ராய்டு ஆட்டோ மற்றும் ஆப்பிள் கார்பிளே வசதியுடன் கூடிய 15.6-இன்ச் பெரிய தொடுதிரை இன்ஃபோடைன்மென்ட் சிஸ்டம் மற்றும் 9-ஸ்பீக்கர் 'இன்ஃபினிட்டி' சவுண்ட் சிஸ்டம் இதில் உள்ளன. மேலும் 8.8-இன்ச் டிஜிட்டல் டிரைவர் டிஸ்ப்ளே, ஆட்டோமேட்டிக் கிளைமேட் கன்ட்ரோல், 135 டிகிரி வரை சாய்க்கக்கூடிய பின்பக்க இருக்கைகள் (Reclining Seats), வயர்லெஸ் போன் சார்ஜர் மற்றும் பனோரமிக் கிளாஸ் ரூஃப் ஆகியவை இடம்பெற்றுள்ளன.
பாதுகாப்பைப் பொறுத்தவரை 6 ஏர்பேக்குகள், 360-டிகிரி கேமரா, டயர் பிரஷர் மானிட்டரிங் சிஸ்டம் (TPMS), எலக்ட்ரானிக் ஸ்டெபிலிட்டி கன்ட்ரோல் (ESC), ஹில் ஹோல்டு அசிஸ்ட் (HHA), பின் பக்க பார்க்கிங் சென்சார்கள், எலக்ட்ரானிக் பார்க்கிங் பிரேக் (EPB), அனைத்து சக்கரங்களுக்கும் டிஸ்க் பிரேக்குகள், ரெயின்-சென்சிங் வைப்பர்கள் மற்றும் ISOFIX சைல்ட் சீட் மவுண்ட்கள் ஆகியவை கொடுக்கப்பட்டுள்ளன.
பேட்டரி ஆப்ஷன்கள்
MG விண்ட்ஸர் EV இன்டல்ஜ் எடிஷன் ஒரே ஒரு பேட்டரி மற்றும் பவர்டிரெய்ன் ஆப்ஷனில் மட்டுமே கிடைக்கிறது. இது 38 kWh பேட்டரி பேக் உடன் வருகிறது. இந்த எலக்ட்ரிக் மோட்டார் 136 PS பவரையும், ஒருமுறை முழுமையாக சார்ஜ் செய்தால் 332 கிமீ ரேஞ்சையும் (ARAI சான்று பெற்றது) வழங்கும் என MG நிறுவனம் தெரிவித்துள்ளது. நகரப் பயன்பாட்டிற்கும், அவ்வப்போது மேற்கொள்ளும் நெடுஞ்சாலைப் பயணங்களுக்கும் இந்த ரேஞ்ச் போதுமானதாக இருக்கும்.
| பேட்டரி பேக் |
38 kWh |
| எலக்ட்ரிக் மோட்டார்களின் எண்ணிக்கை |
1 |
| கிளைம்டு ரேஞ்ச் (MIDC Part 1 + Part 2) |
332 km |
| பவர் |
136 PS |
| டார்க் |
200 Nm |
இதன் 38kWh பேட்டரி 45 kW DC ஃபாஸ்ட் சார்ஜிங் ஆதரவைக் கொண்டுள்ளது. இதன் மூலம் வெறும் 45 நிமிடங்களில் பேட்டரியை 20 சதவீதத்திலிருந்து 80 சதவீதம் வரை சார்ஜ் செய்துவிட முடியும்.
போட்டியாளர்கள்
சந்தையில் டாடா கர்வ் EV, மஹிந்திரா BE 6, மாருதி e விட்டாரா, டொயோட்டா எபெல்லா, ஹூண்டாய் கிரெட்டா எலக்ட்ரிக் மற்றும் MG ZS EV ஆகிய கார்களுக்கு MG வின்ட்சர் EV காரானது நேரடிப் போட்டியாக இருக்கும்.
கார்தேக்கோவின் கருத்து...
தனித்துவமான டிசைன் மற்றும் நவீன வசதிகளுடன் எலக்ட்ரிக் SUV பிரிவில் MG வின்ட்சர் EV ஏற்கனவே ஒரு சிறந்த தேர்வாக இருந்தது. தற்போது அறிமுகமாகியுள்ள 'இன்டல்ஜ் எடிஷன்' மூலம், 135 டிகிரி சாய்க்கக்கூடிய இருக்கைகள், சோஃபா போன்ற குஷனிங் மற்றும் கூரையில் பொருத்தப்பட்ட பின்புற என்டர்டெயின்மென்ட் ஸ்கிரீன் ஆகியவை பின்பக்க பயணிகளின் அனுபவத்தில் புதிய உச்சத்தைத் தொட்டு, இந்தப் பிரிவிலேயே சிறந்த பேக்கேஜாக உருவெடுத்துள்ளது.
20 லட்சம் ரூபாய்க்குள் டிரைவர் மூலம் இயக்கப்படும் கார் தேவைப்படுபவர்களுக்கும் பின்பக்க இருக்கை சவாரிக்கே அதிக முக்கியத்துவம் கொடுப்பவர்களுக்கும் வின்ட்சர் EV ஒரு தனித்துவமான தேர்வாகும். அதில் கூடுதல் ஆடம்பரத்தையும் சொகுசையும் விரும்புபவர்கள் கண்டிப்பாக இந்த இன்டல்ஜ் எடிஷனைத் பரிசீலிக்கலாம்.
