2026 டோயோட்டா கிளான்ஸா: இமேஜ் கேலரி மூலமாக காரின் விவரங்களை பாருங்கள்

டொயோட்டா இந்தியா நிறுவனம் தனது புகழ்பெற்ற பிரீமியம் ஹேட்ச்பேக் மாடலான கிளான்ஸாவின் ஃபேஸ்லிஃப்ட் பதிப்பை இந்தியச் சந்தையில் முறைப்படி விற்பனைக்குக் கொண்டு வந்துள்ளது. இதன் ஆரம்ப விலை ₹6.99 லட்சம் (எக்ஸ்-ஷோரூம்) என நிர்ணயிக்கப்பட்டுள்ளது. சமீபத்தில் அப்டேட் செய்யப்பட்ட மாருதி சுசுகி பலேனோவின் ரீ-பேட்ஜ் பதிப்பான இந்த கிளான்ஸா, வழக்கம்போலவே தனது தாராளமான இடவசதி, நடைமுறைப் பயன்பாடு மற்றும் நவீன அம்சங்களுடன் மீண்டும் கலக்க வந்துள்ளது.

இந்த புதிய ஃபேஸ்லிஃப்ட் பதிப்பில் செய்யப்பட்டுள்ள மாற்றங்கள் மற்றும் புதிய வசதிகள் என்னென்ன என்பதைப் பற்றிய ஒரு விரிவான பார்வை இதோ:

வடிவமைப்பு

முன்பக்கம்

• இந்த புதிய காரின் முதன்மை மாற்றமே இதன் முன்பகுதியில் தான் செய்யப்பட்டுள்ளது. பெரிய அளவிலான ஃபிரண்ட் கிரில், அதைச் சுற்றி கிளாஸ் பிளாக் ஃபினிஷிங்குடன் மிக எடுப்பாக வடிவமைக்கப்பட்டுள்ளது.

• இதன் மூலம் முன்பை விட காரின் லுக் மிகவும் அட்டகாசமாகவும், ஸ்போர்ட்டியாகவும் மாறியுள்ளது.

• எல்.இ.டி புரொஜெக்டர் ஹெட்லேம்ப்கள் மற்றும் டி.ஆர்.எல் (DRL) வெளிச்ச அமைப்புகள் முந்தைய மாடலில் இருந்தபடியே தொடர்கின்றன.

• முன் பக்க பம்பரில் க்ரோம் மற்றும் சில்வர் எலிமென்ட்கள் சேர்க்கப்பட்டு, காருக்கு ஒரு கம்பீரமான தோற்றத்தைத் தருகின்றன.

• மேலும், பாதுகாப்பிற்காக முன் பக்க பார்க்கிங் சென்சார்கள் மற்றும் 360-டிகிரி கேமராவின் லென்ஸ் பகுதியும் முன்பகுதியில் புதிதாகச் சேர்க்கப்பட்டுள்ளன.

பக்கவாட்டு பக்கம்

• பக்கவாட்டு அமைப்பைப் பொறுத்தவரை முந்தைய மாடலின் வடிவமைப்பே பெரும்பாலும் தக்கவைக்கப்பட்டுள்ளது.

• ஜன்னல் கோடுகளில் க்ரோம் பட்டை, க்ரோம் கதவு பிடிகள் மற்றும் இண்டிகேட்டர் வசதி கொண்ட வெளிப்புறக் கண்ணாடிகள் (ORVMs) இடம்பெற்றுள்ளன.

• பிரீமியம் தோற்றத்தை கூட்டும் வகையில் 16-இன்ச் டூயல்-டோன் அலாய் வீல்கள் இதில் மாற்றமின்றி வழங்கப்பட்டுள்ளன.

பின்பக்கம்

• காரின் பின்புற டிசைன் முந்தைய மாடலை அப்படியே ஒத்துள்ளது. பூட் லிட் வரை நீளும் பூம்ராங் வடிவ C-ஷேப் எல்.இ.டி டெயில் லைட்கள் மற்றும் ஸ்பாய்லர் ஆகியவை இடம்பெற்றுள்ளன.

• மழை மற்றும் பனி நேரப் பயன்பாட்டிற்கு ஏற்ப வைப்பர், வாஷர் மற்றும் டிஃபாகர் வசதிகள் பின்பக்கக் கண்ணாடியில் வழங்கப்பட்டுள்ளன.

• பூட் லிட்டின் மையப்பகுதியில் கம்பீரமான டொயோட்டா லோகோவும், அதன் கீழ் கிளான்ஸா பேட்ஜும் பொருத்தப்பட்டுள்ளது.

கலர் ஆப்ஷன்கள்

புதிய கிளான்ஸா ஃபேஸ்லிஃப்ட் மொத்தம் 7 கவாச்சிகரமான நிறங்களில் கிடைக்கிறது:

1. கேஃபே வைட்

2. எண்டிசிங் சில்வர்

3. கேமிங் கிரே

4. இன்ஸ்டா ப்ளூ

5. ஸ்போர்ட்டின் ரெட்

6. ப்ளூயிஷ் பிளாக்

7. டிஜிட்டல் டீல் கிரீன் ( புதிய நிறம்)

இதில் புதிதாக அறிமுகப்படுத்தப்பட்டுள்ள 'டிஜிட்டல் டீல் கிரீன்' ஷேட் காரை மிகவும் பிரத்யேகமாகவும் அழகாகவும் காட்டுகிறது.

இண்டீ

• காரின் உள்ளே நுழைந்ததும் வழக்கமான கருப்பு மற்றும் பீஜ் கலந்த டூயல்-டோன் தீம் நம்மையும் வரவேற்கிறது. டேஷ்போர்டு அமைப்பும் அதே நேர்த்தியுடன் தொடர்கிறது.

• டேஷ்போர்டின் நடுவே பெரிய மிதக்கும் தொடுதிரை இன்ஃபோடெயின்மென்ட் சிஸ்டமும், அதற்கு கீழே கிடையான ஏசி வென்ட்களும் அமைக்கப்பட்டுள்ளன.

• ஏசி இயங்குதளத்திற்கு பட்டன்கள் கொடுக்கப்பட்டிருப்பது காரை ஓட்டும்போது பயன்படுத்த மிகவும் வசதியாக உள்ளது.

• ஸ்டீயரிங் வீல் அமைப்பில் சுஸூகி லோகோவிற்குப் பதிலாக டொயோட்டா லோகோ மாற்றப்பட்டுள்ளது.

• ஸ்டீயரிங் வீலுக்கு பின்புறம் கிளாசிக் அனலாக் டயல்களுக்கு இடையே வண்ணமயமான மல்டி-இன்ஃபோ டிஸ்ப்ளே (MID) கொடுக்கப்பட்டுள்ளது. டிஜிட்டல் மீட்டரை விட இது பார்ப்பதற்கு மிகவும் கிளாஸிக் லுக் தருகிறது.

• முன் பக்க இருக்கைகளில் லெதரெட் உறை மற்றும் காற்றோட்ட வசதி சேர்க்கப்பட்டுள்ளது. சீட்களின் குஷனிங் மிகவும் வசதியாக உள்ளது.

• பின்புற இருக்கைகளில் 6 அடி உயரமுள்ள நபர்கள் கூட தாராளமாக அமர முடியும். அதேநேரம் காரின் அகலத்தைக் கருத்தில் கொண்டு பின்னால இருவர் அமர்வதே அதிக சௌகரியத்தைத் தரும்.

• பின்னிருக்கை பயணிகளின் வசதிக்காக பிரத்யேக ஏசி வென்ட்கள் மற்றும் சார்ஜிங் போர்ட்கள் வழங்கப்பட்டுள்ளன.

அம்சங்கள் & பாதுகாப்பு

• இந்தியாவின் வெப்பமான காலநிலைக்கு மிகவும் தேவையான வென்டிலேட்டட் ஃபிரண்ட் சீட்கள் இந்த ஃபேஸ்லிஃப்ட்டில் சேர்க்கப்பட்டுள்ளது ஒரு மிகப்பெரிய பிளஸ் பாயிண்ட் ஆகும்.

• 9-இன்ச் டச்ஸ்கிரீன் இன்ஃபோடெயின்மென்ட் (வயர்லெஸ் ஆண்ட்ராய்டு ஆட்டோ & ஆப்பிள் கார்ப்ளே)

• இன்-பில்ட் நேவிகேஷன் மற்றும் கணெக்டெட் கார் அம்சங்கள்

• தெளிவான இசை அனுபவத்திற்கு 6-ஸ்பீக்கர் கிளாரியன் (Clarion) சவுண்ட் சிஸ்டம்

• ஹெட்ஸ்-அப் டிஸ்ப்ளே (HUD), ஆட்டோ ஹெட்லேம்ப்கள், ரெய்ன்-சென்சிங் வைப்பர்கள், க்ரூஸ் கண்ட்ரோல், கீ-லெஸ் என்ட்ரி மற்றும் புஷ்-பட்டன் ஸ்டார்ட்.

• புதிய கிளான்ஸா ஃபேஸ்லிஃப்ட்டில் லெவல்-2 ADAS தொழில் நுட்பம் அறிமுகம் செய்யப்பட்டுள்ளது. இதில் அடாப்டிவ் க்ரூஸ் கண்ட்ரோல், லேன் கீப் அசிஸ்ட் மற்றும் ஆட்டோமேட்டிக் எமர்ஜென்சி பிரேக்கிங் ஆகியவை அடங்கும்.

• 360-டிகிரி கேமரா & முன்/பின் பக்க பார்க்கிங் சென்சார்கள்  6 ஏர்பேக்குகள், எலக்ட்ரானிக் ஸ்டெபிலிட்டி புரோகிராம் (ESP)  ஹில் ஹோல்ட் அசிஸ்ட் (HHA) மற்றும் ISOFIX சைல்டு சீட் ஆங்கர்கள்.

பவர்டிரெயின் ஆப்ஷன்கள்

புதிய 1.2-லிட்டர் நேச்சுரலி ஆஸ்பிரேட்டட் 3-சிலிண்டர் பெட்ரோல் எஞ்சினுடன் இந்த கார் அறிமுகமாகியுள்ளது. இதில் நிறுவனத்தின் தொழிற்சாலையிலேயே பொருத்தப்பட்ட சிஎன்ஜி (CNG) தேர்வும் உண்டு.

கூடுதல் விவரங்கள்

MT- மேனுவல் டிரான்ஸ்மிஷன், AMT- ஆட்டோமேட்டட் மேனுவல் டிரான்ஸ்மிஷன்

விலை & போட்டியாளர்கள்

புதிய டொயோட்டா கிளான்ஸா ஃபேஸ்லிஃப்ட் ₹6.99 லட்சம் முதல் ₹10.49 லட்சம் வரை (எக்ஸ்-ஷோரூம்) விற்பனைக்குக் கிடைக்கிறது. இது முந்தைய மாடலை விட சற்று கூடுதல் விலையாகும். இப்பிரிவில் இது நேரடியாக ஹூண்டாய் i20, டாடா அல்ட்ராஸ் மற்றும் தனது பிளாட்ஃபார்ம் சகோதரனான மாருதி பலேனோ ஆகிய கார்களுக்குக் கடும் போட்டியைக் கொடுக்கும்.

கார்தேக்கோ சொல்வது...

டொயோட்டா கார்கள் பொதுவாக மிகவும் மிதமான டிசைனைக் கொண்டிருக்கும். ஆனால் இந்த புதிய கிளான்ஸாவில் பெரிய க்ரில் மற்றும் அக்ரசிவ் முகப்புத் தோற்றத்தைக் கொடுத்து டொயோட்டா அசத்தியுள்ளது. இந்த தோற்றம் சிலருக்கு மிகவும் பிடிக்கலாம், சிலருக்கு மாறுபட்ட கருத்தும் இருக்கலாம்.

தோற்றத்தைத் தாண்டி, வென்டிலேட்டட் சீட்கள், 360-டிகிரி கேமரா மற்றும் லெவல்-2 ADAS போன்ற உயர் பாதுகாப்பு அம்சங்கள் சேர்க்கப்பட்டிருப்பது காரை மேலும் முழுமையாக்குகிறது. மேலும் மைலேஜ் மற்றும் பயன்பாட்டிற்கு முக்கியத்துவம் தரும் எஞ்சின் இதில் உள்ளது. அனைத்து அம்சங்களையும் ஒப்பிடும்போது டொயோட்டா பிராண்டிற்கான கூடுதல் தொகையைக் கொடுத்து இந்த காரை வாங்குவது ஒரு சிறந்த தேர்வாகவே இருக்கும்!