2026 ஃபேஸ்லிப்டட் கிளான்ஸா வாங்குற பிளானா? எந்த வேரியன்டில் என்ன கலர் வருதுன்னு முதல்ல பாருங்க!

இந்தியாவில் தனது பிரீமியம் ஹேட்ச்பேக் மாடலான '2026 டொயோட்டா கிளான்ஸா ஃபேஸ்லிஃப்ட்' காரை டொயோட்டா இந்தியா நிறுவனம் அறிமுகப்படுத்தியுள்ளது. பெரிய முன்பக்க கிரில்லுடன் கூடிய புதிய முகப்பு தோற்றம் மற்றும் புதிய எஞ்சின் தேர்வுடன் இந்த கார் களம் இறங்கியுள்ளது. இந்த அப்டேட்டின் மூலம் பல்வேறு புதிய வசதிகளும் மேம்படுத்தப்பட்ட பாதுகாப்பு உபகரணங்களும் காரில் சேர்க்கப்பட்டுள்ளன.

புதிய டொயோட்டா கிளான்ஸா E, S, G, V மற்றும் V ஆப்ஷனல் என மொத்தம் 5 வேரியன்ட்களில் விற்பனைக்குக் கிடைக்கிறது. இந்த கட்டுரையில், கிளான்ஸா காரில் என்னென்ன வண்ணத் தேர்வுகள் வழங்கப்படுகின்றன மற்றும் எந்தெந்த வேரியன்ட்டில் என்னென்ன நிறங்கள் கிடைக்கின்றன என்பதை விரிவாகப் பார்ப்போம்.

கலர் ஆப்ஷன்கள்

கிளான்ஸா மாடல் மொத்தம் 7 தனித்துவமான மோனோடோன் நிறங்களில் கிடைக்கிறது:

• இன்ஸ்டா ப்ளூ

• கேமிங் கிரே

• என்டைசிங் சில்வர்

• ஸ்போர்ட்டின் ரெட்

• கஃபே ஒயிட்

• ப்ளூயிஷ் பிளாக் (புதியது)

• டிஜிட்டல் டீல் கிரீன் (புதியது)

எந்த வேரியன்டில் என்ன நிறம் கிடைக்கிறது என்பதைப் பார்ப்போம்:

• கிளான்ஸாவின் அடிப்படை E வேரியன்டில் இன்ஸ்டா ப்ளூ, கேமிங் கிரே, என்டைசிங் சில்வர் மற்றும் கஃபே ஒயிட் ஆகிய 4 நிறங்களை மட்டுமே தேர்வு செய்ய முடியும்.

• S வேரியன்டில் இருந்து, அடிப்படை நிறங்களுடன் கூடுதலாக ப்ளூயிஷ் பிளாக் மற்றும் ஸ்போர்ட்டின் ரெட் ஆகிய வண்ணங்களும் கிடைக்கின்றன.

•  

  புதிய அப்டேட்டாக சேர்க்கப்பட்டுள்ள டிஜிட்டல் டீல் கிரீன் நிறமானது, G வேரியன்டில் இருந்து மட்டுமே வழங்கப்படுகிறத

• G, V மற்றும் V (O) ஆகிய உயர் வேரியன்ட்களில் அனைத்து 7 வண்ணத் தேர்வுகளும் கிடைக்கின்றன.

• ஒட்டுமொத்தமாகப் பார்க்கும்போது, ஸ்போர்ட்டின் ரெட் மற்றும் டிஜிட்டல் டீல் கிரீன் வண்ணங்களில் கிளான்ஸா மிகவும் வித்தியாசமாகவும் ஸ்போர்ட்டியாகவும் தோற்றமளிக்கிறது.

வசதிகள் மற்றும் பாதுகாப்பு அம்சங்கள்

புதுப்பிக்கப்பட்ட கிளான்ஸா காரில் வயர்லெஸ் ஆண்ட்ராய்டு ஆட்டோ மற்றும் ஆப்பிள் கார்ப்ளே ஆதரவுடன் கூடிய 9-இன்ச் டச்ஸ்கிரீன் இன்ஃபோடைன்மென்ட் சிஸ்டம், வயர்லெஸ் போன் சார்ஜர், டைப்-சி சார்ஜிங் போர்ட்கள், ஆட்டோமேட்டிக் கிளைமேட் கன்ட்ரோல், பின்புற ஏசி வென்ட்கள் மற்றும் பின்புற டைப்-சி சார்ஜிங் போர்ட்கள் கொடுக்கப்பட்டுள்ளன. மேலும் புதிதாக அறிமுகப்படுத்தப்பட்ட காற்றோட்ட வசதி கொண்ட முன் இருக்கைகளும் இதில் அடங்கும்.

பாதுகாப்பைப் பொறுத்தவரை புதிய கிளான்ஸா ஃபேஸ்லிஃப்ட்டில் லெவல் 2 ADAS தொழில்நுட்பம் சேர்க்கப்பட்டுள்ளது. இதில் லேன்-கீப் அசிஸ்ட் (LKA), அடாப்டிவ் க்ரூஸ் கன்ட்ரோல் (ACC), பிளைண்ட்-ஸ்பாட் மானிட்டரிங், ஆட்டோமேட்டிக் எமர்ஜென்சி பிரேக்கிங் (AEB) மற்றும் ஃபார்வர்டு கொலிஷன் வார்னிங் (FCW) ஆகிய அதிநவீன வசதிகள் இடம்பெற்றுள்ளன.

இதுதவிர, 360-டிகிரி கேமரா, முன் மற்றும் பின் பார்க்கிங் சென்சார்கள், TPMS, ESC, HHA, அனைத்து பயணிகளுக்குமான 3-பாயிண்ட் சீட் பெல்ட்கள் மற்றும் சீட்பெல்ட் ரிமைண்டர்கள், ISOFIX குழந்தைகளுக்கான இருக்கை மவுண்ட்கள் ஆகிய பாதுகாப்பு அம்சங்களும் இதில் நிறைந்துள்ளன.

பவர்டிரெயின் ஆப்ஷன்கள்

புதிய கிளான்ஸா காரில் 1.2-லிட்டர் நேச்சுரலி ஆஸ்பிரேட்டட் பெட்ரோல் மற்றும் 1.2-லிட்டர் பெட்ரோல்-CNG ஆகிய எஞ்சின் தேர்வுகள் கொடுக்கப்பட்டுள்ளன. இவை மேனுவல் மற்றும் AMT கியர்பாக்ஸ் வசதியுடன் கிடைக்கின்றன.

எஞ்சின் விவரக்குறிப்புகள்:

*MT- மேனுவல் டிரான்ஸ்மிஷன், AMT- ஆட்டோமேட்டட் மேனுவல் டிரான்ஸ்மிஷன்

விலை மற்றும் போட்டியாளர்கள்

புதிய கிளான்ஸா ஃபேஸ்லிஃப்ட் மாடலின் ஆரம்ப விலை ரூ. 6.99 லட்சம் (எக்ஸ்-ஷோரூம்) என நிர்ணயிக்கப்பட்டுள்ளது. இதன் உயர்மட்ட பெட்ரோல் ஆட்டோமேட்டிக் வேரியன்ட்டின் விலை ரூ. 10.98 லட்சம் (எக்ஸ்-ஷோரூம்) வரை செல்கிறது.

இந்திய சந்தையில் இந்த கார் டாடா அல்ட்ராஸ், ஹூண்டாய் i20 மற்றும் இதன் கூட்டணி மாடலான மாருதி பலேனோ ஆகியவற்றிற்குப் போட்டியாக அமைகிறது.

கார்தேக்கோவின் பார்வை...

ஃபேஸ்லிஃப்ட் அப்டேட்டுடன் வந்துள்ள கிளான்ஸா ஹேட்ச்பேக் புதிய ஆக்ரோஷமான முன்பக்கத் தோற்றத்தையும், கூடுதல் வசதிகளையும் பெற்றுள்ளது. இவற்றுடன் ப்ளூயிஷ் பிளாக் மற்றும் டிஜிட்டல் டீல் கிரீன் ஆகிய இரண்டு புதிய வண்ணங்களையும் டொயோட்டா இந்தியா அறிமுகப்படுத்தியுள்ளது.

மொத்தம் 7 வண்ணத் தேர்வுகளுடன் பிரம்மாண்டமான புதிய முன் கிரில் அமைப்பைக் கொண்டுள்ள இந்த புதிய கிளான்ஸா சாலையில் தனியான கம்பீரத் தோற்றத்தைத் தருகிறது.

இதில் உங்கள் விருப்பமான வண்ணம் எது என்பதை கமெண்ட்டில் தெரியப்படுத்துங்கள்!