ரோட்லயும் சரி, ஆஃப்-ரோட்லயும் சரி... எது உண்மையிலேயே பெஸ்ட்? ஸ்கார்பியோ N vs தார் ராக்ஸ் முழு அலசல்!

தீபாவளி பண்டிகை நெருங்கிவிட்ட நிலையில், புத்தம் புதிய காரை வீட்டிற்கு கொண்டு வர பலரும் திட்டமிட்டு வருவார்கள். உங்கள் தேர்வு மஹிந்திரா ஸ்கார்பியோ N அல்லது தார் ராக்ஸ் ஆகிய இரண்டில் ஒன்றாக இருக்கும் பட்சத்தில், விலையை மட்டுமே வைத்து இரண்டில் ஒன்றை முடிவு செய்வது அத்தனை சுலபமல்ல. இரண்டுமே பல ஒற்றுமைகளைக் கொண்டுள்ளன; இரண்டுமே லேடர்-ஃபிரேம் சேஸியில் கட்டமைக்கப்பட்டு, கரடுமுரடான பாதைகளை எதிர்கொள்ளும் ஆஃப்-ரோடு வசதிகளுடனும், ஆற்றல் வாய்ந்த பெட்ரோல் மற்றும் டீசல் எஞ்சின் ஆப்ஷன்களுடனும் வருகின்றன. இருப்பினும், ஒரு முழுமையான SUV என்ற பார்வையில் இவை இரண்டும் முற்றிலும் வேறுபட்ட திசைகளில் பயணிக்கின்றன.

ஸ்கார்பியோ N என்பது மூன்று வரிசை இருக்கைகள், பெரிய பூட் ஸ்பேஸ் மற்றும் சாலையில் கம்பீரமான தோற்றத்துடன் கூடிய ஒரு பாரம்பரிய குடும்ப SUV ஆகும். மறுபுறம், சாகச பயணங்களை விரும்பும் வாடிக்கையாளர்களுக்காக ஐந்து இருக்கை அமைப்பு மற்றும் அதிக கிரவுண்ட் கிளியரன்ஸுடன், தார் ராக்ஸ் தனித்துவமான தேர்வாகக் காட்சியளிக்கிறது.

விலை, கிரவுண்ட் கிளியரன்ஸ், ஃபோர்-வீல் பாகங்கள் மற்றும் அன்றாடப் பயன்பாட்டிற்கான வசதிகள் ஆகியவற்றில் இந்த இரண்டும் எவ்வாறு ஒன்றோடொன்று வேறுபடுகின்றன என்பதை விரிவாகப் பார்ப்போம்.

மஹிந்திரா ஸ்கார்பியோ N vs மஹிந்திரா தார் ராக்ஸ்: விலை மற்றும் வேரியண்ட்கள்

Pricing is where things get interesting. The ஸ்கார்பியோ N’s entry point is higher, while the தார் ராக்ஸ்’s appeal lies in offering an adventure-focused SUV without sacrificing too much on everyday comfort.

*குறிப்பிட்ட மாடல் ஆண்டு மற்றும் வேரியண்ட்டைப் பொறுத்து விலைகள் மாறுபடலாம்.

ஸ்கார்பியோ N மாடலின் தொடக்க விலை ரூ.13.69 லட்சமாகவும், தார் ராக்ஸின் தொடக்க விலை ரூ.12.52 லட்சமாகவும் உள்ளது. எஞ்சின், டிரான்ஸ்மிஷன் மற்றும் டிரைவ்ட்ரெய்ன் அமைப்புகளுக்கு ஏற்ப வேரியண்ட்களின் விலைகள் மாறுபடும் என்பதால், வெறும் ஆரம்ப விலையை மட்டும் பார்க்காமல் ஒரே மாதிரியான வசதிகளைக் கொண்ட வேரியண்ட்களை ஒப்பிட்டுப் பார்ப்பதே சரியான முடிவாக இருக்கும்.

மஹிந்திரா ஸ்கார்பியோ N vs மஹிந்திரா தார் ராக்ஸ்: பவர்டிரெய்ன் மற்றும் எஞ்சின் விவரங்கள்

மஹிந்திரா ஸ்கார்பியோ N மற்றும் தார் ராக்ஸ் ஆகிய இரண்டுமே 2-லிட்டர் டர்போ-பெட்ரோல் மற்றும் 2.2-லிட்டர் டீசல் எஞ்சின் தேர்வுகளுடன் கிடைக்கின்றன. இவற்றுடன் 6-ஸ்பீடு மேனுவல் அல்லது 6-ஸ்பீடு ஆட்டோமேட்டிக் டிரான்ஸ்மிஷன் தேர்வுகள் இணைக்கப்பட்டுள்ளன.

இரண்டு கார்களின் விரிவான எஞ்சின் விவரங்கள்:

*MT- மேனுவல் டிரான்ஸ்மிஷன், AT- ஆட்டோமெட்டிக் டிரான்ஸ்மிஷன் (டார்க் கன்வெர்டர்)

The ஸ்கார்பியோ N’s turbo-

ஸ்கார்பியோ N மாடலின் டர்போ-பெட்ரோல் எஞ்சின் அதிகபட்சமாக 203 PS பவரை வெளிப்படுத்துகிறது. இது தார் ராக்ஸின் பெட்ரோல் எஞ்சினை விட கூடுதல் ஆற்றல் கொண்டது என்றாலும் இரண்டுமே ஒரே அளவிலான டார்க்கை வழங்குகின்றன.

டீசல் எஞ்சினைப் பொறுத்தவரை இரண்டுமே ஒரே அளவிலான பவரையே வெளிப்படுத்துகின்றன. எங்கள் சாலைப் பரிசோதனையில், இந்த இரண்டு SUVகளுமே மணிக்கு 100 கிமீ வேகத்தை மிக எளிதாக எட்டியதுடன், சிறப்பான பயண சுகத்தையும் துல்லியமான கையாளுமையையும் அளித்தன. ஒரே மாதிரியான பவர்டிரெய்ன் மற்றும் ஃபோர்-வீல் டிரைவ் வசதியைக் கொண்டிருந்தாலும் இரண்டும் பூர்த்தி செய்யும் தேவைகள் முற்றிலும் மாறுபட்டவை.

குடும்பத்துடன் நீண்ட தூரப் பயணம் மேற்கொள்வதற்கும் எப்போதாவது ஆஃப்-ரோடு செல்வதற்கும், தினசரி பயன்பாட்டிற்கும் ஸ்கார்பியோ N மிகச் சரியான தேர்வாக அமைகிறது. அதேவேளையில் தார் ராக்ஸ் தனது அசல் சாகச குணத்தை வெளிப்படுத்துவதால் தார் சாலைகளைத் தாண்டி புதிய பாதைகளைத் தேடிப் பயணிப்பவர்களுக்கு இதுவே சிறந்த தேர்வாகும்.

மஹிந்திரா ஸ்கார்பியோ N vs மஹிந்திரா தார் ராக்ஸ்: கிரவுண்ட் கிளியரன்ஸ் மற்றும் அளவுகள்

ஆஃப்-ரோடு பயணங்களை விரும்புபவர்களுக்கு கிரவுண்ட் கிளியரன்ஸ் என்பது மிக முக்கியமான ஒன்றாகும். காரின் அடிப்பகுதிக்கும் தரைக்கும் இடையே உள்ள இடைவெளியை இது குறிக்கிறது என்றாலும் ஒரு தடையைத் தாண்டுவது அப்ரோச், டிபார்ச்சர் மற்றும் ரேம்ப்-ஓவர் கோணங்களையும் பொறுத்தது.

இந்த விஷயத்தில் தார் ராக்ஸ் 226 மிமீ கிரவுண்ட் கிளியரன்ஸுடன் முன்னிலை வகிக்கிறது. ஸ்கார்பியோ N மாடலின் 187 மிமீ இதனுடன் ஒப்பிடுகையில் குறைவாகவே உள்ளது. இதன் காரணமாக மேடு பள்ளங்கள், பாறைகள் நிறைந்த பாதைகள் மற்றும் கரடுமுரடான தடங்களில் தார் ராக்ஸ் எளிதாக ஆதிக்கம் செலுத்துகிறது.

*ஸ்கார்பியோ N மாடலில் மூன்றாவது வரிசை இருக்கைகளை மடித்து வைத்து ஐந்து இருக்கைகளைப் பயன்படுத்தும்போது கிடைக்கும் கொள்ளளவு.

இந்த புள்ளிவிவரங்கள் காரின் தன்மையை தெளிவாக உணர்த்துகின்றன. ஸ்கார்பியோ N அதிக நீளமும் அகலமும் கொண்டிருப்பதால், சாலையில் கம்பீரமான தோற்றத்தையும் அதிக லக்கேஜ் வைக்கும் இடவசதியையும் தருகிறது. தார் ராக்ஸ் அதிக உயரமும், நீண்ட வீல்பேஸும் கொண்டிருப்பதுடன், அதிக கிரவுண்ட் கிளியரன்ஸ் மற்றும் தண்ணீரில் தடையின்றி பயணிக்கும் திறனையும் பெற்றுள்ளது. ஆனால் இதற்காக தார் ராக்ஸ் மட்டுமே அனைவருக்கும் சிறந்தது என்று சொல்லிவிட முடியாது. அதிக நீளம் கொண்ட வாகனம் குறுகிய ஆஃப்-ரோடு பாதைகளில் திருப்புவதற்குச் சற்றே சிரமமாக இருந்தாலும், பெரிய குடும்பங்களுக்கு இது தாராளமான இடவசதியைத் தரும். பெரிய குடும்பங்களுக்கு ஸ்கார்பியோ N காரின் மூன்றாவது வரிசை இருக்கை மிக அவசியமான ஒன்றாகும்.

மஹிந்திரா ஸ்கார்பியோ N vs மஹிந்திரா தார் ராக்ஸ்: ஆஃப்-ரோடு வசதிகள்

ஆஃப்-ரோடு திறனில் தார் ராக்ஸ் தன் பலத்தை முழுமையாக நிரூபிக்கிறது. இதன் வடிவமைப்பு மற்றும் தோற்றமே சாகசப் பயணங்களுக்காக உருவானது என்பதை உறுதிப்படுத்தும் வகையில் உள்ளதுடன் இதிலுள்ள பாகங்களும் அதற்குத் துணை நிற்கின்றன. ஆனால் அதற்காக ஸ்கார்பியோ N மாடலை சாதாரணமாக எடைபோட்டுவிட முடியாது. இதன் டீசல்-4WD வேரியண்ட்டிலும் சக்திவாய்ந்த ஆஃப்-ரோடு அம்சங்கள் உள்ளன.

இரண்டு SUVகளுமே லேடர்-ஃபிரேம் கட்டுமானத்தில் உருவாக்கப்பட்டு, குறிப்பிட்ட டீசல் வேரியண்ட்களில் ஃபோர்-வீல் டிரைவ் ஆப்ஷனைப் பெற்றுள்ளன. இந்த 4WD அமைப்புகள் 4XPLOR என்ற பெயரில் அழைக்கப்படுகின்றன; இரண்டுமே எலக்ட்ரானிக் லாக்கிங் டிஃப்ரென்ஷியல் வசதியைக் கொண்டுள்ளன. வழுக்கும் தன்மையுடைய பாதைகளில் டயர்கள் பிடிப்பை இழக்கும்போது கிரிப்பைத் தக்கவைக்க இந்த தொழில்நுட்பம் உதவுகிறது. மேலும், இரண்டு வாகனங்களிலுமே லோ-ரேஞ்ச் மோட்கள் மற்றும் ஷிப்ட்-ஆன்-தி-ஃபிளை 4WD வசதிகள் உள்ளன. டிரைவிங் மோட்களைப் பொறுத்தவரை ஸ்கார்பியோ N மாடலில் நார்மல், ஸ்நோ, சாண்ட் மற்றும் மட் & ரட்ஸ் ஆகிய தேர்வுகள் உள்ளன; தார் ராக்ஸ் மாடலில் ஸ்நோ, சாண்ட் மற்றும் மட் போன்ற அடிப்படை மோட்கள் இடம்பெற்றுள்ளன.

தார் ராக்ஸ் காரின் அதிகப்படியான கிளியரன்ஸ் மற்றும் தண்ணீரில் பயணிக்கும் திறன் ஆகியவை கடுமையான ஆஃப்-ரோடு தடங்களில் கூடுதல் அனுகூலத்தைத் தருகின்றன. சவாலான மேடு பள்ளங்களைச் சமாளிக்கும் வகையில் இதன் அப்ரோச் மற்றும் டிபார்ச்சர் கோணங்கள் வடிவமைக்கப்பட்டுள்ளன. அதேநேரம், ஸ்கார்பியோ N மாடலும் வழுக்கும் சாலைகளை சமாளிப்பதற்கான சிறப்பான டிரைவிங் மோட்கள் மற்றும் வன்பொருள் அம்சங்களைக் கொண்டுள்ளதால், குண்டும் குழியுமான சாலைகளையும் தாண்டி பல கரடுமுரடான பாதைகளையும் இது எளிதில் கையாளும்.

மஹிந்திரா ஸ்கார்பியோ N vs மஹிந்திரா தார் ராக்ஸ்: நவீன வசதிகள் மற்றும் பயன்பாட்டு நடைமுறை

ஆஃப்-ரோடு திறன் கொண்ட ஒரு SUV தினசரி அலுவலகப் பயணங்களுக்கு சௌகரியமாக அமையவில்லை என்றால் அதன் மீதான ஆர்வம் குறைந்துவிடும். நல்லவேளையாக, இந்த இரண்டு மஹிந்திரா மாடல்களிலுமே ரக்கடான தன்மைக்காக நவீன சொகுசு வசதிகளை நிறுவனம் சமரசம் செய்யவில்லை.

புதிய ஸ்கார்பியோ N டாப்-எண்ட் Z8L வேரியண்ட்டில் 12.3 இன்ச் டச்ஸ்கிரீன் இன்ஃபோடெயின்மென்ட் சிஸ்டம், 10.25 இன்ச் டிஜிட்டல் டிரைவர் டிஸ்பிளே, 12 ஸ்பீக்கர்கள் கொண்ட சோனி ஆடியோ சிஸ்டம் மற்றும் டூயல்-ஜோன் கிளைமேட் கண்ட்ரோல் ஆகியவை இடம்பெற்றுள்ளன. தார் ராக்ஸ் AX7L வேரியண்ட்டில் 10.25 இன்ச் இன்ஃபோடெயின்மென்ட் ஸ்கிரீன், 10.25 இன்ச் டிரைவர் டிஸ்பிளே மற்றும் 9 ஸ்பீக்கர்கள் கொண்ட ஹார்மன் கார்டன் ஆடியோ சிஸ்டம் ஆகியவை உள்ளன. மேலும் இரண்டு கார்களிலுமே பனோரமிக் சன்ரூஃப், வென்டிலேட்டட் முன்பக்க இருக்கைகள் மற்றும் வயர்லெஸ் ஸ்மார்ட்போன் கனெக்டிவிட்டி போன்ற வசதிகள் கொடுக்கப்பட்டுள்ளன.

கார்தேக்கோ சொல்வது...

மஹிந்திரா ஸ்கார்பியோ N மற்றும் தார் ராக்ஸ் ஆகிய இரண்டுமே ஒரே லேடர்-ஃபிரேம் கட்டமைப்பு மற்றும் 4x4 தொழில்நுட்பத்தைப் பகிர்ந்துகொண்டாலும் இவை இரண்டும் முற்றிலும் வேறுபட்ட வாடிக்கையாளர் தேவைகளைப் பூர்த்தி செய்கின்றன. தாராளமான இடவசதி, மூன்றாவது வரிசை இருக்கை மற்றும் குடும்பப் பயணங்களுக்கான சொகுசுடன், தேவையான போது கரடுமுரடான பாதைகளையும் 4WD மூலம் கடக்கும் ஒரு ஆல்-ரவுண்டராக ஸ்கார்பியோ N முன்னணியில் நிற்கிறது.

அதிக கிரவுண்ட் கிளியரன்ஸ் மற்றும் தண்ணீரில் பாயும் திறன் கொண்ட தார் ராக்ஸ் வழக்கமான பாதைகளைத் தாண்டி அதிக சாகசங்களை விரும்பும் பயணிகளுக்கு மிகவும் ஏற்றதாகும். வார நாட்களில் தினசரி பயணம், குடும்பத் தேவைகள் மற்றும் எப்போதாவது சாகசப் பயணங்கள் என அனைத்தையும் சமமாகப் பார்க்க நினைத்தால் ஸ்கார்பியோ N சிறந்த தேர்வு. ஆனால் ஆஃப்-ரோடு சாகசங்களே உங்களது முதல் முன்னுரிமை என்றால், தார் ராக்ஸ் காரை நீங்கள் தாராளமாகத் தேர்ந்தெடுக்கலாம்.

இந்த இரண்டு மஹிந்திரா SUVகளில் உங்கள் வாழ்க்கை முறைக்கு எது பொருத்தமாக இருக்கும்? உங்கள் கருத்துக்களை கமென்ட்டில் பதிவிடுங்கள்!