ஆஃப்-ரோடு பிரியர்களுக்கு செம ட்ரீட்! ரூ. 20 லட்சத்திற்குள் கிடைக்கும் 4x4 எஸ்யூவிகள் இதோ.

தசராவை புதிய தொடக்கங்களுக்கான நன்னாளாகக் கருதுவதால், பலர் இந்த சமயத்தில் புதிய காரை வீட்டிற்கு வாங்கத் திட்டமிடுகின்றனர். பெரும்பாலான SUVகள் நகரச் சாலைகளுக்கும் நெடுஞ்சாலைகளுக்கும் மட்டுமே ஏற்ற வகையில் வடிவமைக்கப்பட்டுள்ள நிலையில், உண்மையான 4x4 SUVகள் ஒருபடி மேலே சென்று செயல்படுகின்றன. சேறு நிறைந்த பாதையாக இருந்தாலும் சரி, கரடுமுரடான பாறைச் சரிவுகள் அல்லது ஜல்லிக் கற்கள் நிறைந்த பாதையாக இருந்தாலும் சரி, சரியான ஆஃப்-ரோடு அம்சங்கள் இருந்தால் வழக்கமான வழிகளைத் தாண்டி புதிய பாதைகளை தைரியமாகக் கடக்க முடியும்.

நமது சந்தையில் தற்போது பிரத்யேக 4x4 சிஸ்டம், லோ-ரேஞ்ச் கியரிங் மற்றும் லாக்கிங் டிஃப்ரென்ஷியல் போன்ற அம்சங்களுடன் கூடிய பல தேர்வுகள் கிடைக்கின்றன. நீங்கள் ஆஃப்-ரோடு பயணங்களைத் தொடங்கத் திட்டமிட்டிருந்தால், இந்த தசரா அதற்கு ஏற்ற சரியான தருணமாக இருக்கும். நீங்கள் வாங்கக்கூடிய மிகவும் குறைந்த விலையிலான ஐந்து 4x4 SUVகள், அவற்றின் விலைகள் மற்றும் அவை ஒவ்வொன்றும் எவ்வாறு வெவ்வேறு விதமான பயணங்களுக்கு ஏற்றதாக அமைகின்றன என்பது குறித்த விவரங்கள் இதோ.

மாருதி சுஸூகி ஜிம்னி

வேரியண்ட்கள்: ஜெட்டா, ஆல்ஃபா

குறுகிய காட்டுப் பாதைகளில் ஆஃப்-ரோடு பயணம் மேற்கொள்வதுதான் உங்கள் விருப்பம் என்றால், மாருதி சுஸூகி ஜிம்னியைத் தாராளமாகப் பரிசீலிக்கலாம். பெரிய SUVகள் செல்லக் சிரமப்படும் இடங்களிலும் இதன் சிறிய அளவினால் மிக எளிதாக இயக்கிச் செல்ல முடியும். இதில் உள்ள 1.5 லிட்டர் நேச்சுரலி ஆஸ்பிரேட்டட் பெட்ரோல் என்ஜின் 103 PS பவரையும் 134 Nm டார்க்கையும் வெளிப்படுத்துகிறது. இது 5 ஸ்பீடு மேனுவல் அல்லது 4 ஸ்பீடு டார்க் கன்வெர்ட்டர் ஆட்டோமேட்டிக் டிரான்ஸ்மிஷனுடன் கிடைக்கிறது.

ஜிம்னியில் மாருதியின் ஆல் கிரிப் புரோ 4x4 சிஸ்டத்துடன் லோ-ரேஞ்ச் டிரான்ஸ்ஃபர் கியர் கொடுக்கப்பட்டுள்ளது. இதிலிருக்கும் லேடர்-பிரேம் சேசிஸ், ரிஜிட்-ஆக்ஸில் சஸ்பென்ஷன் மற்றும் 210 mm கிரவுண்ட் கிளியரன்ஸ் ஆகியவை கரடுமுரடான பாதைகளைச் சமாளிக்க உதவுகின்றன. இந்த பட்டியலில் ஜிம்னி அதிக பவர் கொண்ட SUVயாக இல்லாவிட்டாலும், இதன் கச்சிதமான அளவும் பிரத்யேக 4x4 அம்சங்களும் வார இறுதி ஆஃப்-ரோடு பயணங்களுக்கு ஒரு சிறந்த துணையாக மாற்றுகின்றன.

மகேந்திரா தார் OG

வேரியண்ட்கள்: LXT, ZXT

ஒரு ரக்கடான SUVயை விரும்புபவர்களுக்கு மகேந்திரா தார் ஓஜி ஒரு இயல்பான தேர்வாகும். இதன் கம்பீரமான வடிவமைப்பு, தடிமனான தோற்றம் மற்றும் பிரத்யேக 4x4 அம்சங்கள் போன்றவை கரடுமுரடான பாதைகளை எளிதில் கடக்க உதவுகின்றன. இதில் 2 லிட்டர் டர்போ-பெட்ரோல் மற்றும் 2.2 லிட்டர் டீசல் என இரண்டு என்ஜின் ஆப்ஷன்கள் மேனுவல் மற்றும் ஆட்டோமேட்டிக் டிரான்ஸ்மிஷன் தேர்வுகளுடன் வேரியண்ட்களுக்கு ஏற்ப கிடைக்கின்றன.

தார் OG காரின் போர்-வீல்-டிரைவ் சிஸ்டத்தில் லோ-ரேஞ்ச் கியரிங் வசதி உள்ளது. இது பாறைகளில் மெதுவாக ஊர்ந்து செல்லவும், செங்குத்தான ஏற்றங்களில் ஏறவும், சேறு நிறைந்த பாதைகளில் நகரவும் மிகவும் பயனுள்ளதாக இருக்கும். இதன் 232 mm கிரவுண்ட் கிளியரன்ஸ் சீரற்ற பாதைகளைக் கையாள போதுமான இடவசதியைத் தருகிறது. ஜிம்னியுடன் ஒப்பிடும்போது, தார் அதிக பவர் கொண்ட என்ஜின் ஆப்ஷன்களை வழங்குகிறது. இதன் 2 லிட்டர் டர்போ-பெட்ரோல் என்ஜின் 162 PS பவரையும், டீசல் என்ஜின் 152 PS பவரையும் வெளிப்படுத்துகிறது.

இருப்பினும் இதன் மூன்று கதவுகள் கொண்ட வடிவமைப்பு காரணமாக, குறிப்பாக குடும்பத்துடன் பயணிக்கும் போது பின்பக்க சீட்களுக்குச் செல்வது சற்று சிரமமாக இருக்கலாம்.

ஃபோர்ஸ் கூர்க்கா 3-டோர் / 5-டோர்

வேரியண்ட்கள்: 3-door, 5-door 

முழுக்க முழுக்க ஆஃப்-ரோடு பயன்பாட்டிற்கான காரை எதிர்பார்க்கும் வாடிக்கையாளர்களை இலக்காகக் கொண்டு ஃபோர்ஸ் கூர்க்கா உருவாக்கப்பட்டுள்ளது. கேபின் தொழில்நுட்பம் அல்லது நீளமான சொகுசு வசதிகளுக்கு அதிக முக்கியத்துவம் தராமல், தன் உறுதியான மெக்கானிக்கல் அம்சங்களையே இது முதன்மையாகக் கொண்டுள்ளது. 3-டோர் மற்றும் 5-டோர் ஆகிய இரண்டு மாடல்களிலுமே 140 PS பவரையும் 320 Nm டார்க்கையும் வழங்கும் 2.6 லிட்டர் டீசல் என்ஜின் பயன்படுத்தப்பட்டுள்ளது. இது 5 ஸ்பீடு மேனுவல் டிரான்ஸ்மிஷனுடன் மட்டுமே இணைக்கப்பட்டுள்ளது.

லோ-ரேஞ்ச் டிரான்ஸ்ஃபர் கேஸ் மற்றும் மேனுவலாக லாக் செய்யக்கூடிய பிரண்ட் மற்றும் ரியர் டிஃப்ரென்ஷியல்கள் இதன் மிகப்பெரிய பிளஸ் பாயிண்ட் ஆகும். மேலும் கூர்க்காவில் 233 mm கிரவுண்ட் கிளியரன்ஸ், ஃபேக்டரி-ஃபிட்டட் ஸ்நார்கெல் மற்றும் 700 mm வரை நீரைக் கடக்கும் வசதி உள்ளது. சவாலான பாதைகளைக் கடக்க இந்த அம்சங்கள் பெரிதும் உதவுகின்றன. இருந்தாலும், நீரைக் கடக்கும் முன் எப்போதும் அதன் ஆழத்தையும் சூழலையும் சோதித்த பிறகே பயணிக்க வேண்டும்.

மூன்று கதவுகள் கொண்ட மாடல் குறுகிய வீல்பேஸ் கொண்டிருப்பதால் குறுகலான பாதைகளுக்கு ஏற்றது, அதே நேரத்தில் ஐந்து கதவுகள் கொண்ட மாடல் பயணிகள் அமர்வதற்கும் லக்கேஜ்களை வைப்பதற்கும் அதிக இடவசதியை அளிக்கிறது.

மகேந்திரா ஸ்கார்பியோ N

வேரியண்ட்கள்: Z4

4x4 SUVயை விரும்பும் அனைவருமே சிறிய அளவிலான, மூன்று கதவுகள் கொண்ட ஆஃப்-ரோடரை விரும்புவதில்லை. அவர்களுக்கு மகேந்திரா ஸ்கார்பியோ என் ஒரு சிறந்த குடும்ப வாகனமாக அமைகிறது. இது விசாலமான கேபின், சக்திவாய்ந்த டீசல் என்ஜின் மற்றும் போர்-வீல்-டிரைவ் திறன்களை ஒன்றாக வழங்குகிறது. இதன் 2.2 லிட்டர் டீசல் என்ஜின் 175 PS பவரையும் 400 Nm டார்க்கையும் வெளிப்படுத்துகிறது. இது 6 ஸ்பீடு மேனுவல் அல்லது 6 ஸ்பீடு ஆட்டோமேட்டிக் கியர்பாக்ஸ் ஆப்ஷன்களில் (உயர் வேரியண்ட்களில்) கிடைக்கிறது.

ஸ்கார்பியோ என் காரின் 4x4 சிஸ்டம் டிரைவ் மோட்களைத் தேர்ந்தெடுக்கும் வசதியை வழங்குகிறது, மேலும் கூடுதல் டிராக்ஷன் தேவைப்படும்போது நான்கு சக்கரங்களுக்கும் சக்தியைச் சமமாகப் பிரித்து அனுப்ப உதவுகிறது. மிகவும் குறுகலான பாதைகளை விட, அகலமான திறந்தவெளி பாதைகளுக்கும் கரடுமுரடான வழிகளுக்கும் இது மிகவும் ஏற்றது. ஏனெனில் இதன் பெரிய பரிமாணம் குறுகிய இடங்களில் ஒரு வரம்பாக அமையலாம். இசட்4 டீசல் 4WD எம்டி என்பது ஸ்கார்பியோ என் மாடலின் போர்-வீல்-டிரைவ் வரிசையில் ஆரம்பநிலை வேரியண்ட்டாக உள்ளது, இதன் உயர் வேரியண்ட்களின் விலை கணிசமாக அதிகமாக இருக்கும்.

மகேந்திரா தார் ராக்ஸ்

வேரியண்ட்கள்: MX5

தார் காரின் ரக்கடான தோற்றத்தை விரும்பும் அதே வேளையில், குடும்பத்திற்கும் லக்கேஜ்களுக்கும் கூடுதல் இடம் தேவைப்படும் வாடிக்கையாளர்களுக்காக தார் ராக்ஸ் உருவாக்கப்பட்டுள்ளது. இதன் ஐந்து கதவுகள் கொண்ட வடிவமைப்பு தினசரி பயன்பாட்டிற்கு எளிதாக இருக்கும் வேளையில், இதன் டீசல் 4x4 பதிப்புகள் ஆஃப்-ரோடு பயணங்களுக்குத் தேவையான அம்சங்களைத் தக்க வைத்துக் கொண்டுள்ளன. சக்கரங்கள் வீணாகச் சுழல்வதைக் கட்டுப்படுத்த ராக்ஸ் மாடலில் டெரெய்ன் மோட்கள் மற்றும் பிரேக்-லாக்கிங் டிஃப்ரென்ஷியல் கொடுக்கப்பட்டுள்ளன. இதன் உயர் வேரியண்ட்களில் எலக்ட்ரானிக் லாக்கிங் ரியர் டிஃப்ரென்ஷியல் அம்சமும் உள்ளது.

MX5 டீசல் 4WD எம்டி என்பது ராக்ஸ் மாடலின் போர்-வீல்-டிரைவ் வரிசையில் ஆரம்பநிலை பதிப்பாகும். பெரிய அளவிலான இந்த தார் ராக்ஸ் நடைமுறைப் பயன்பாட்டிற்கு ஏற்றதாக இருந்தாலும், சிறிய ஆஃப்-ரோடர்கள் எளிதாகச் செல்லும் குறுகிய பாதைகளில் இதன் பெரிய பரிமாணங்கள் சற்று சவாலாக இருக்கலாம்.

கார்தேக்கோ சொல்வது..

4x4 SUV சந்தைப் பிரிவில் ஆஃப்-ரோடு திறன்களுக்கு ஏற்பப் பல்வேறு மாடல்கள் கிடைக்கின்றன. மாருதி சுஸூகி ஜிம்னி தன் கச்சிதமான அளவினால் தனித்து நிற்கிறது; மகேந்திரா தார் மற்றும் ஃபோர்ஸ் கூர்க்கா பாரம்பரிய ஆஃப்-ரோடு அம்சங்களில் கவனம் செலுத்துகின்றன. அதே நேரத்தில் ஸ்கார்பியோ என் மற்றும் தார் ராக்ஸ் பயணிகள் அமர்வதற்கும் லக்கேஜ்களுக்கும் அதிக இடவசதியை அளிக்கின்றன.

வெவ்வேறு விலைகளிலும் திறன்களிலும் இந்த மாடல்கள் கிடைப்பதால் உங்கள் பயன்பாட்டிற்கும் விருப்பத்திற்கும் ஏற்ற சிறந்த SUVயை நீங்கள் தேர்வு செய்யலாம். நீங்கள் ஒரு 4x4 SUVயை வீட்டிற்கு வாங்க நினைத்தால் இதில் எந்த காரைத் தேர்ந்தெடுப்பீர்கள்? உங்கள் கருத்துக்களை கீழே உள்ள கமெண்ட் பகுதியில் எங்களோடு பகிர்ந்து கொள்ளுங்கள்.