தீபாவளி லக்கேஜ் முதல் டிராஃபிக் வரை... அசால்ட்டா சமாளிக்கும் ஃபேமிலி கார் எது? எர்டிகா, XL6, கேரன்ஸ் - எது பெஸ்ட்?
மூன்று MPV -களும் தங்கள் குடும்பத்திற்கு வசதியான மற்றும் நடைமுறை 7 இருக்கைகளை விரும்பும் ஒருவருக்கு ஏற்றவை ஆகும்.
- ஒரு கருத்தை எழுதுக
| எங்களின் 50 அதிர்ஷ்டசாலி வாசகர்களுக்கு பிரத்யேக கார் வாங்கும் அனுபவ வழிகாட்டலை நாங்கள் வழங்குகிறோம். இதன் மூலம் நீங்கள் நேரடியாக ஒரு ஆட்டோமொபைல் நிபுணரிடம் பேசி உங்கள் சந்தேகங்கள் அனைத்தையும் தீர்த்துக் கொள்ள முடியும். உடனே இந்த படிவத்தைப் பூர்த்தி செய்யுங்கள். நீங்கள் அந்த அதிர்ஷ்டசாலிகளுள் ஒருவராக இருந்தால் விரைவில் உங்களைத் தொடர்பு கொள்வோம். |
தீபாவளி என்றாலே குதூகலம், ஒளி வெள்ளம் மற்றும் சொந்தங்களுடன் கூடி மகிழும் தருணம். ஆனால் அதே சமயம் வீட்டைச் சுத்தம் செய்வது, புத்தாடைகள், இனிப்புகள் மற்றும் பரிசுகள் வாங்குவது, சொந்த ஊர்களுக்குப் பயணம் செய்வது எனப் பண்டிகைக் கொண்டாட்டத்தோடு ஏராளமான வேலைகளும் சேர்ந்து கொள்கின்றன.
இந்த பண்டிகைக் கால அலைச்சல்கள் மற்றும் பயணங்களைச் சமாளிக்க நம்மிடம் இருக்கும் வாகனமே முக்கியப் பங்கு வகிக்கிறது. மொத்தக் குடும்பத்தையும் அவர்களின் சுமைகளையும் இலகுவாக ஏற்றிச் செல்வதற்கு ஒரு MPV காருக்கு ஈடு இணையே கிடையாது. அந்த வகையில் பண்டிகைக் காலத் தேவைகளைச் சிறப்பாகப் பூர்த்தி செய்யக்கூடிய இந்தியாவின் மூன்று முன்னணி குடும்ப MPV கார்களான மாருதி எர்டிகா, கியா கேரன்ஸ் மற்றும் மாருதி XL6 ஆகியவற்றை இங்கே ஒப்பிட்டுப் பார்க்கிறோம். இது வழக்கமான அம்சங்களின் ஒப்பீடு மட்டுமல்லாமல், பண்டிகைக் காலத்திற்கு மிக அவசியமான அம்சங்களின் அடிப்படையில் அலசுகிறது. முதலாவதாக இவற்றின் விலை விவரங்களைப் பார்ப்போம்.
விலை
| கார் |
மாருதி எர்டிகா |
கியா கேரன்ஸ் |
மாருதி XL6 |
||||
|
|
|
|
-
இந்த மூன்று கார்களிலேயே மாருதி எர்டிகாவின் ஆரம்ப விலை மிகவும் குறைவாக உள்ளது. அதே சமயம் இதன் டாப் வேரியண்ட் விலை கேரன்ஸை விட சற்றே அதிகமாக இருக்கிறது.
-
கியா கேரன்ஸின் விலை எர்டிகா மற்றும் XL6 ஆகிய இரண்டுக்கும் நடுவே அமைந்திருக்கிறது. இங்கு குறிப்பிடப்பட்டுள்ளது இன்னும் விற்பனையில் இருக்கும் இதன் பழைய மாடலின் சில வேரியண்ட்கள் மட்டுமே என்பது குறிப்பிடத்தக்கது. கூடுதல் வசதிகள் நிறைந்த நவீன மாடல் வேண்டுமெனில் கேரன்ஸ் கிளாவிஸ் மாடலையும் நீங்கள் தேர்வு செய்யலாம்.
-
இந்த வரிசையில் அதிக விலை கொண்ட காராக மாருதி XL6 விளங்குகிறது, இதன் விலை அதிகபட்சமாக கிட்டத்தட்ட ரூ 15 லட்சத்தைத் தொடுகிறது.
உட்புற இடவசதி
தீபாவளி போன்ற விசேஷ காலங்களில் பொதுவாக அனுமதிக்கப்பட்ட எண்ணிக்கையை விட கூடுதல் நபர்களை ஏற்றிச் செல்ல வேண்டிய சூழல் வரும். அத்தகைய தருணங்களில்தான் MPV கார்களின் அருமை புரியும். இந்த மூன்றில் எந்த கார் உங்கள் குடும்பப் பயணத்தை மிகவும் சௌகரியமாக மாற்றுகிறது என்பதைப் பார்ப்போம்.
இரண்டாம் வரிசை இடவசதி
உண்மையைச் சொல்ல வேண்டுமென்றால் மூன்று கார்களிலுமே ஆறு முதல் ஏழு பேர் வரை தாராளமாக அமர்ந்து பயணிக்க முடியும். இதில் XL6 மாடல் நடுவரிசையில் கேப்டன் சீட்கள் கொண்ட 6 சீட்டர் அமைப்பில் மட்டுமே வருகிறது. கிளாவிஸ் மாடலில் 6 சீட்டர் அல்லது 7 சீட்டர் ஆப்ஷனை நாம் தேர்ந்தெடுத்துக் கொள்ளலாம். ஆனால் எர்டிகாவில் 7 சீட்டர் அமைப்பு மட்டுமே உண்டு, இதில் கேப்டன் சீட் வசதி கிடையாது.
இரண்டாம் வரிசையின் ஒட்டுமொத்த இடவசதியைப் பொறுத்தவரை மூன்று கார்களிலுமே சீட்களை முன்னும் பின்னும் நகர்த்தும் ஸ்லைடு மற்றும் பின்னால் சாய்த்துக்கொள்ளும் ரெக்லைன் வசதிகள் உள்ளன. இதன் மூலம் மூன்றாவது வரிசையில் ஆட்கள் இல்லாத போது நடுவரிசையை முழுமையாகப் பின்னோக்கி நகர்த்தி ஆறு அடி உயரமுள்ள ஒருவரைக் கூட மிகவும் தாராளமாக அமர வைக்க முடியும்.
வசதியைப் பொறுத்தமட்டில் XL6 மற்றும் கேரன்ஸின் 6 சீட்டர் மாடல்களில் தனித்தனி ஆர்ம்ரெஸ்ட் வசதி கொடுக்கப்பட்டுள்ளது. ஆனால் கேரன்ஸின் 7 சீட்டர் மாடலில் நடுப்பகுதி ஆர்ம்ரெஸ்ட் வசதி இல்லை, அதே சமயம் எர்டிகாவில் இந்த வசதி இடம்பெற்றுள்ளது. இருப்பினும் கேரன்ஸில் கூரையில் பொருத்தப்பட்ட AC வென்ட்கள் உள்ளன, இது எர்டிகாவின் கீழ் பகுதியில் இருக்கும் AC வென்ட்களை விடப் பயணிகளுக்கு மிகச் சிறந்த குளிர்ச்சியைத் தருகிறது. இதேபோல XL6 காரிலும் கூரையில் பொருத்தப்பட்ட AC வென்ட்கள் வழங்கப்பட்டுள்ளன.
மூன்றாவது வரிசைக்குச் செல்வதிலும், அங்கு அமர்ந்து பயணிக்கும் ஒட்டுமொத்த அனுபவத்திலும் கியா கேரன்ஸ் மற்ற இரண்டையும் விடப் பல மடங்கு முன்னணியில் நிற்கிறது. முக்கியமாக இதில் உள்ள ஒரு பட்டனைத் தொட்டாலே இரண்டாம் வரிசை சீட்கள் தானாக மடிந்து முன்னால் நகர்ந்து கொள்வதால் (டம்பிள் அண்ட் போல்ட்) உள்ளே ஏறுவது மிக எளிதாக இருக்கிறது. ஆனால் எர்டிகா மற்றும் XL6 கார்களில் சீட்கள் முழுமையாக மடியாத காரணத்தால், குறுகலான இடைவெளி வழியாகத்தான் உள்ளே நுழைய வேண்டியுள்ளது.
உள்ளே சென்ற பிறகுதான் கேரன்ஸின் கூடுதல் நீளம் எந்தளவுக்குப் பயன்படுகிறது என்பதை உணர முடிகிறது. இதில் உள்ள மூன்றாவது வரிசையில் இரண்டு பெரியவர்கள் சில மணி நேரப் பயணத்தை எந்தச் சிரமமும் இன்றி கழிக்க முடியும். இன்னும் தெளிவாகச் சொல்ல வேண்டுமென்றால், ஆறு அடி உயரமுள்ள நபர்களை கேரன்ஸின் மூன்று வரிசைகளிலுமே சௌகரியமாக அமர வைக்கலாம். அத்துடன் விசாலமான உணர்வைத் தருவதோடு, மூன்றாவது வரிசைக்குத் தனி AC வென்ட்களும் இதில் கொடுக்கப்பட்டுள்ளன.
மறுபுறம் எர்டிகா மற்றும் XL6 கார்களில் மூன்றாவது வரிசைக்குச் செல்வதற்குக் கூடுதல் நேரம் பிடிக்கும், உடல் பருமன் உள்ளவர்களுக்கு இது சற்று நெருக்கடியாக அமையலாம். மேலும் உட்காரும் போது முழங்கால்கள் சற்று மேலெழும்பி மடங்கி இருக்கும் நிலை ஏற்படுவதால், நீண்ட தூரப் பயணங்களின் போது தொடைப் பகுதிக்குத் தேவையான சப்போர்ட் குறைவாக இருப்பதாகப் பெரியவர்கள் உணரக்கூடும்.
நல்லவேளையாக இவற்றில் சீட்களைச் சாய்த்துக்கொள்ளும் ரெக்லைன் வசதி உள்ளதால், பூட் பகுதியில் லக்கேஜ் இல்லாத சமயங்களில் இருக்கையைச் சற்று வசதியாக மாற்றிக்கொள்ளலாம். இந்த இரண்டு கார்களிலுமே மூன்றாவது வரிசைக்கு ஃபேன் ஸ்பீட் கன்ட்ரோல் வசதியுடன் கூடிய AC வென்ட்கள் தரப்பட்டுள்ளன.
இருப்பினும் மூன்றாவது வரிசையைப் பொறுத்தவரை கேரன்ஸ் முழுமையான வெற்றியைப் பெறுகிறது. ஒட்டுமொத்த இடவசதியிலும் கேரன்ஸே முதலிடத்தைப் பிடிக்கிறது.
பூட் ஸ்பேஸ்
மாருதி எர்டிகாவில் மூன்று வரிசை இருக்கைகளும் நிமிர்ந்து இருக்கும் போது 209 லிட்டர் பூட் ஸ்பேஸ் கிடைக்கிறது, இது இரண்டு கேபின் பேக்குகள் மற்றும் லேப்டாப் பேக்குகளை வைக்கப் போதுமானது. பின் இருக்கைகளை மடிக்கும் போது தரைப்பகுதி சற்று மேடாக மாறும் என்பதால், XL6 காரில் கிடைப்பது போன்ற முழுமையான ஃப்ளாட் ஃப்ளோர் இதில் அமையாது. அதே சமயம் எர்டிகாவில் இரண்டாம் வரிசை இருக்கைகளையும் முழுமையாக மடித்து சமதளமாக்க முடியும், இந்த வசதி XL6 காரில் இல்லை.
மூன்றாவது வரிசை பயன்பாட்டில் இருக்கும் போதே அதிகபட்ச பூட் ஸ்பேஸை வழங்குவது கேரன்ஸ் மட்டுமே. இதில் ஒரு பெரிய சூட்கேஸ் மற்றும் ஒரு சிறிய ட்ராலி பேக்கைத் தாராளமாக வைக்க முடியும். இதன் மூன்றாவது வரிசை இருக்கைகள் தரைப்பகுதியோடு நேர்த்தியாக மடிகின்றன.
CNG வேரியண்ட்களைப் பொறுத்தவரை மூன்று கார்களிலுமே கேஸ் சிலிண்டர் பெரும்பாலான இடத்தை அடைத்துக் கொள்வதால் பூட் ஸ்பேஸ் மிகக் குறைவாகவே கிடைக்கிறது.
மைலேஜ் திறன்
தீபாவளி சமயத்தில் மக்கள் அனைவரும் சாலைகளில் இறங்குவதால் போக்குவரத்து நெரிசல் வழக்கத்தை விட மிக மோசமாக இருக்கும். இத்தகைய கடும் டிராஃபிக்கில் ஊர்ந்து செல்லும் போதோ அல்லது நெடுஞ்சாலையில் பயணிக்கும் போதோ குடும்பத்துடன் செல்லும்போது காரின் இன்ஜின் பவரை விட மைலேஜ் அளவே மிக முக்கியமானதாகக் கருதப்படுகிறது. இந்த மூன்று MPVகளில் எது சிறந்த மைலேஜ் தருகிறது என்பதைப் பார்ப்போம்:
| விவரங்கள் | மாருதி எர்டிகா |
மாருதி XL6 |
கியா கேரன்ஸ் |
||||
| எஞ்சின் |
1.5 லிட்டர் பெட்ரோல் |
1.5 லிட்டர் பெட்ரோல் CNG |
1.5 லிட்டர் பெட்ரோல் |
1.5 லிட்டர் பெட்ரோல் CNG |
1.5 லிட்டர் பெட்ரோல் |
1.5 லிட்டர் பெட்ரோல் CNG |
1.5 லிட்டர் டீசல் |
| டிரான்ஸ்மிஷன் |
5MT, 6AT |
5MT |
5MT, 6AT |
5MT |
6MT |
6MT |
6MT |
| கிளைம்டு மைலேஜ் |
20.கிமீ/லி (MT), 20.30kmpl (AT) |
26.11 km/kg |
20.97kmpl (MT), 20.27kmpl (AT) |
26.32km/kg |
15.7kmpl |
NA |
21.3kmpl |
மாருதி எர்டிகா மற்றும் XL6 ஆகிய இரண்டுமே ஒரே மாதிரியான நேச்சுரலி அஸ்பிரேட்டட் பெட்ரோல் மற்றும் CNG இன்ஜின் தேர்வுகளைக் கொண்டுள்ளன; இவை சிறந்த மைலேஜ் புள்ளிவிவரங்களை வெளிப்படுத்துகின்றன. கியா கேரன்ஸ் காரில் தொடக்கம் முதலே பெட்ரோல் மற்றும் டீசல் இன்ஜின் தேர்வுகள் வழங்கப்பட்டு வருகின்றன, இதில் உள்ள டீசல் ஆப்ஷன் இந்த ஒப்பீட்டிலேயே ஒரு தனித்துவமான அம்சமாகும். இதுதவிர சமீபத்தில் நேச்சுரலி அஸ்பிரேட்டட் பெட்ரோல் இன்ஜினுடன் இணைக்கப்பட்ட புதிய CNG வேரியண்ட்டையும் கியா அறிமுகப்படுத்தியுள்ளது.
ஆனால் கேரன்ஸ் CNG மாடலின் அதிகாரப்பூர்வ மைலேஜ் விவரங்களைக் கியா இன்னும் வெளியிடவில்லை என்பதால், அதை மாருதி மாடல்களுடன் இப்போதைக்கு ஒப்பிட முடியாது. அதே நேரத்தில் இதன் வழக்கமான பெட்ரோல் இன்ஜினின் மைலேஜ், இரண்டு மாருதி கார்களை விடக் குறிப்பிடத்தக்க அளவில் குறைவாகவே உள்ளது.
இருப்பினும் கேரன்ஸின் டீசல் இன்ஜின், எர்டிகா மற்றும் XL6 பெட்ரோல் மாடல்களை விட அதிக மைலேஜ் தருவது மட்டுமின்றி, எரிபொருள் விலையும் குறைவு என்பதால் பயணச் செலவை வெகுவாகக் குறைக்கிறது. அதோடு சிறந்த டேங்க் ரேஞ்ச் மற்றும் பிக்கப் திறனையும் டீசல் இன்ஜின் வழங்குகிறது.
மைலேஜ் ஒருபுறமிருக்க, கேரன்ஸின் அனைத்து வேரியண்ட்களிலும் மேனுவல் கியர்பாக்ஸ் மட்டுமே கிடைக்கிறது என்பது ஒரு குறைபாடே. மாறாக இரண்டு மாருதி மாடல்களிலுமே பெட்ரோல் இன்ஜினுடன் 6 ஸ்பீடு டார்க் கன்வெர்ட்டர் ஆட்டோமேட்டிக் தேர்வு வழங்கப்படுகிறது. பண்டிகைக் கால டிராஃபிக் நெரிசலில் பயணிக்கும் போது இந்த ஆட்டோமேட்டிக் வசதி ஓட்டுநருக்கு மிகப்பெரிய நிம்மதியைத் தரும்.
எனவே பயணச் செலவைக் குறைத்து சிக்கனமாகப் பயணிக்க நினைப்பவர்கள் கேரன்ஸ் டீசலைத் தேர்ந்தெடுக்கலாம். அதே சமயம் பண்டிகைக் கால டிராஃபிக்கில் அலைச்சலின்றி எளிதாக ஓட்டிச் செல்ல விரும்பினால், எர்டிகா அல்லது XL6 ஆட்டோமேட்டிக் மாடல்களைத் தேர்ந்தெடுப்பதே புத்திசாலித்தனமான முடிவாக இருக்கும்.
கார்தேக்கோவின் கருத்து...
காகித அளவில் இந்த மூன்று கார்களும் ஒரே மாதிரியாகத் தெரிந்தாலும், நடைமுறையில் நமக்கான சரியான காரைத் தேர்ந்தெடுப்பது மிகவும் சுலபம். இவை ஒரே தேவையை நோக்கமாகக் கொண்டிருந்தாலும், செயல்படும் விதத்தில் முற்றிலும் வேறுபடுகின்றன.
எர்டிகாவை எப்போது தேர்வு செய்ய வேண்டும்:
குறைந்த பட்ஜெட்டில் அதிக வசதிகள் கொண்ட விசாலமான 7 சீட்டர் குடும்ப MPV வேண்டும் என நினைப்பவர்களுக்கு எர்டிகாவைத் தவிரச் சிறந்த தேர்வு எதுவும் இருக்க முடியாது. ஆடம்பர அலங்காரங்கள் இன்றி ஒரு குடும்ப காருக்குத் தேவையான அத்தனை அடிப்படை அம்சங்களையும் இது சரியாகக் கொடுக்கிறது. மாருதியின் குறைந்த பராமரிப்புச் செலவு மற்றும் நம்பகத்தன்மையுடன், இந்த வரிசையிலேயே மிகவும் விவேகமான காராக எர்டிகா திகழ்கிறது.
XL6 காரை எப்போது தேர்வு செய்ய வேண்டும்:
மாருதியின் நம்பகத்தன்மை மற்றும் குறைந்த பராமரிப்புச் செலவோடு, சற்றே மாடர்ன் மற்றும் பிரீமியம் தோற்றம் கொண்ட கார் விரும்புபவர்கள் XL6 மாடலைத் தேர்ந்தெடுக்கலாம். இதில் முன்வரிசை வென்டிலேட்டட் சீட்கள், இரண்டாம் வரிசை கேப்டன் சீட்கள் போன்ற ஆடம்பர வசதிகள் மட்டுமின்றி, மூன்றாவது வரிசையிலும் சற்று கூடுதலான இடவசதி கிடைக்கிறது. மேலும் எர்டிகா பொதுவாக வாடகை மற்றும் கமர்ஷியல் பயன்பாட்டிற்கு அதிகம் பயன்படுத்தப்படும் காராக அறியப்படுகிறது. XL6 காரும் கமர்ஷியல் பிரிவில் இருந்தாலும் அது அந்தளவுக்கு பரவலாக இல்லை என்பதால், இது சாலையில் கூடுதல் பிரீமியம் தோற்றத்தை வெளிப்படுத்துகிறது.
கேரன்ஸை எப்போது தேர்வு செய்ய வேண்டும்? உயர்தரமான பிரீமியம் உணர்வும், மிகச் சிறந்த உட்புற இடவசதியும் வேண்டும் என விரும்புபவர்கள் கேரன்ஸைத் தேர்ந்தெடுக்கலாம். வெளிப்புற மற்றும் உட்புற வடிவமைப்பு முதல் கேபினின் தரம் வரை கேரன்ஸ் மிக நேர்த்தியாக மிளிர்கிறது. மூன்றாவது வரிசைக்கு எளிதாக ஏறி இறங்குவதற்கான வசதியும், பெரியவர்கள் அமர்ந்து செல்லக்கூடிய நடைமுறை இடவசதியும் இதில் கிடைக்கிறது. இதோடு சிறந்த பவர் மற்றும் மைலேஜ் கொண்ட தனித்துவமான டீசல் இன்ஜின் தேர்வும் இதில் உள்ளது. மாருதி வழங்கும் ஆட்டோமேட்டிக் டிரைவிங் சௌகரியமும், மாருதி பிராண்டு தரும் மன அமைதியும் தேவைப்படாத பட்சத்தில், கேரன்ஸ் ஒரு மிகச் சிறந்த தேர்வாக இருக்கும்.
