மைலேஜில் பட்டையை கிளப்பும் 7-சீட்டர் கார்கள்! ரூ.30 லட்சத்திற்கும் குறைவான விலையில் எது பெஸ்ட் ?
நிசான் கிராவிட் முதல் டொயோட்டா இன்னோவா ஹைகிராஸ் வரை, இவை சிறந்த எரிபொருள் சிக்கனத்தை அளிப்பதாகக் கூறப்படும் சில 7 இருக்கைகள் கொண்ட கார்களாகும்.
- ஒரு கருத்தை எழுதுக
ஒரு பெரிய குடும்பத்திற்கான காரை வாங்கும் போது இடவசதி மற்றும் ஃபீச்சர்ஸ் மட்டும் முக்கியமல்ல அதன் இயக்க செலவும் மிக முக்கியம். குறிப்பாக பெட்ரோல் விலை அதிகரித்து வரும் இந்த காலகட்டத்தில் சிறந்த மைலேஜ் தரும் 7-சீட்டர் காரை தேர்ந்தெடுப்பது ஒரு புத்திசாலித்தனமான முடிவு. ரூ.30 லட்சம் பட்ஜெட்டில், இடவசதி, அம்சங்கள் மற்றும் மைலேஜை சிறப்பாக வழங்கும் சிறந்த கார்களின் பட்டியல் இதோ.
டொயோட்டா இன்னோவா ஹைகிராஸ்
விலை: ரூ. 18.70 லட்சம் முதல் ரூ. 31.84 லட்சம்
மைலேஜ்: 22.16 கிமீ/லி (ஸ்ட்ராங் ஹைபிரிட்)
டொயோட்டா இன்னோவா ஹைகிராஸ் அதன் பிரீமியம் ஃபீல் மற்றும் நம்பகத்தன்மைக்கு பெயர் பெற்றது. இதில் உள்ள ஸ்ட்ராங்-ஹைப்ரிட் பவர்டிரெய்ன் இந்த பெரிய MPV-க்கு மிகச் சிறந்த மைலேஜ் தருகிறது. இதன் காரணமாக நகரப் பயன்பாடு மற்றும் நீண்ட தூரப் பயணங்களுக்கு இது ஒரு சிறந்த தேர்வாக அமைகிறது. இதன் விசாலமான கேபின் மற்றும் வசதியான இருக்கைகள் குடும்பங்களுக்கு மிகவும் ஏற்றது.
ஸ்ட்ராங் ஹைபிரிட் செட்டப் தவிர இன்னோவா ஹைகிராஸ் கார் எந்தவித ஹைபிரிட் தொழில்நுட்பமும் இல்லாத 2-லிட்டர் நேச்சுரலி ஆஸ்பிரேட்டட் பெட்ரோல் இன்ஜின் தேர்விலும் கிடைக்கிறது. இந்த இன்ஜின் சிவிடி (CVT) ஆட்டோமேட்டிக் டிரான்ஸ்மிஷனுடன் இணைக்கப்பட்டுள்ளது. இது 171 PS ஆற்றலையும் 204 Nm டார்க்கையும் வெளிப்படுத்தும் திறன் கொண்டது. மேலும் இந்த இன்ஜின் லிட்டருக்கு 16.13 கிமீ மைலேஜ் தரும் என தெரிவிக்கப்பட்டுள்ளது.
மாருதி இன்விக்டோ
விலை: ரூ. 25.02 லட்சம் முதல் 28.70 லட்சம்
மைலேஜ்: 22.16 கிமீ/லி (ஸ்ட்ராங் ஹைபிரிட்)
மாருதி இன்விக்டோ அடிப்படையில் டொயோட்டா இன்னோவா ஹைகிராஸ் -ன் ரீபேட்ஜ் செய்யப்பட்ட வெர்ஷன் ஆகும். இதுவும் அதே ஸ்ட்ராங்-ஹைப்ரிட் இன்ஜின் மற்றும் டிரான்ஸ்மிஷன் ஆப்ஷனுடன் வருகிறது. எனவே, மைலேஜ் மற்றும் பெர்ஃபார்மென்ஸில் எந்த வித்தியாசமும் இல்லை. மாருதி -யின் பரந்த சர்வீஸ் நெட்வொர்க் மற்றும் சற்று குறைவான ஆரம்ப விலை ஆகியவை இன்விக்டோ-விற்கு சாதகமான அம்சங்கள். டிசைனில் சில சிறிய மாற்றங்கள் மட்டுமே உள்ளன.
மாருதி எர்டிகா / டொயோட்டா ரூமியான்
விலை(எர்டிகா): ரூ. 8.90 லட்சம் முதல் ரூ. 13.14 லட்சம்; மைலேஜ் (எர்டிகா): 20.51 கிமீ/லி (MT), 20.3 கிமீ/லி (AT)
விலை(ரூமியான்): ரூ. 9.79 லட்சம் முதல் ரூ. 14.21 லட்சம்; மைலேஜ் (ரூமியான்): 20.51 கிமீ/லி (MT), 20.11 கிமீ/லி (AT)
இந்தியாவின் மிகவும் பிரபலமான MPV-க்களில் ஒன்றான மாருதி எர்டிகா மற்றும் அதன் உடன்பிறப்பான டொயோட்டா ரூமியான் பட்ஜெட் வாடிக்கையாளர்களுக்கு சிறந்த தேர்வாகும். இவற்றில் மைல்டு-ஹைப்ரிட் டெக்னாலஜியுடன் கூடிய 1.5-லிட்டர் பெட்ரோல் இன்ஜின் உள்ளது. மேலும் மிகக் குறைந்த ரன்னிங் காஸ்ட்டை விரும்புவோருக்கு CNG ஆப்ஷனும் கிடைக்கிறது. இது இந்த செக்மென்டில் மிகவும் சிக்கனமான தேர்வுகளில் ஒன்றாக அமைகிறது
பயணச் செலவைக் குறைக்க விரும்பும் வாடிக்கையாளர்களுக்காக மாருதி எர்டிகா மற்றும் டொயோட்டா ரூமியான் ஆகிய கார்களில் ஃபேக்டரி-ஃபிட்டட் சிஎன்ஜி (CNG) தேர்வும் வழங்கப்படுகிறது. பெரிய அளவிலான வடிவமைப்பு விசாலமான உட்புறக் கேபின் மற்றும் சிக்கனமான மைலேஜ் தரும் இன்ஜின் ஆகியவை பலதரப்பட்ட பயன்பாடுகளுக்கு ஏற்ற சிறந்த எம்பிவி (MPV) காராக இதை மாற்றுகின்றன.
நிசான் கிராவிட்
விலை: ரூ. 5.73 லட்சம் முதல் ரூ. 9.08 லட்சம்
மைலேஜ்: 19.3 கிமீ/லி (MT), 19.6 கிமீ/லி (AMT)
நிசான் கிராவிட் பட்ஜெட் 7-சீட்டர் செக்மென்டில் ஒரு மலிவு விலை ஆப்ஷனாக நிலைநிறுத்தப்பட்டுள்ளது. இது ஒரு காம்பாக்ட் MPV ஆக இருந்தாலும் மூன்று வரிசை இருக்கை அமைப்பைக் கொண்டுள்ளது. இதன் சிறிய இன்ஜின் நகரப் பயன்பாட்டிற்கு போதுமான பெர்ஃபார்மென்ஸையும் டீசண்டான மைலேஜையும் வழங்குகிறது. குறைவான பட்ஜெட்டில் 7-சீட்டர் காரை எதிர்பார்க்கும் வாடிக்கையாளர்களுக்கு இது ஒரு நல்ல தேர்வாக இருக்கலாம்.
சிட்ரோன் ஏர்கிராஸ் X
விலை: ரூ. 8.89 லட்சம் முதல் ரூ. 13.34 லட்சம்
மைலேஜ்: 18.5 கிமீ/லி (டர்போ MT), 17.6 கிமீ/லி (1.2 டர்போ AT), 17.5 கிமீ/லி (1.2 NA பெட்ரோல் MT)
சிட்ரோன் -ன் C3 ஏர்கிராஸ் (ஏர்கிராஸ் X என குறிப்பிடப்படுகிறது) ஒரு தனித்துவமான ஸ்டைல் மற்றும் சௌகரியமான பயண அனுபவத்தை வழங்குகிறது. இது ஒரு SUV-யின் தோற்றத்தையும் MPV-யின் 5+2 இருக்கை வசதியையும் இணைக்கிறது. இதன் டர்போ-பெட்ரோல் இன்ஜின் நல்ல பெர்ஃபார்மென்ஸை வழங்குகிறது. இதன் முக்கிய பலம் சஸ்பென்ஷன் மற்றும் ஓட்டுதல் தரம். மைலேஜ் மற்ற போட்டியாளர்களை விட சற்றுக் குறைவாக இருந்தாலும் இதன் டிசைன் மற்றும் பிராக்டிக்காலிட்டி பலரை ஈர்க்கும்.
கார்தேக்கோ சொல்வது...
ரூ.30 லட்சம் பட்ஜெட்டில் சிறந்த மைலேஜ் தரும் 7-சீட்டர் காரைத் தேர்ந்தெடுப்பது உங்கள் தேவைகளைப் பொறுத்தது.
அதிகபட்ச மைலேஜ் மற்றும் பிரீமியம் ஃபீல்: உங்களுக்கு பட்ஜெட் ஒரு பிரச்சனை இல்லை என்றால் டொயோட்டா இன்னோவா ஹைகிராஸ் அல்லது மாருதி இன்விக்டோ ஆகியவை சிறந்த தேர்வுகள். இவற்றின் ஸ்ட்ராங்-ஹைப்ரிட் சிஸ்டம் 22.16 கிமீ/லி என்ற மிகச் சிறந்த மைலேஜை வழங்குகிறது.
பட்ஜெட் மற்றும் குறைந்த ரன்னிங் காஸ்ட்: உங்கள் பட்ஜெட் குறைவாக இருந்து, ரன்னிங் காஸ்ட்டை மேலும் குறைக்க விரும்பினால் மாருதி எர்டிகா அல்லது டொயோட்டா ரூமியான் -ன் CNG வேரியண்ட்கள் மிகச் சரியானவை.
ஸ்டைல் மற்றும் தனித்துவம்: மற்ற கார்களில் இருந்து வித்தியாசமான ஸ்டைலான மற்றும் சௌகரியமான ஒரு காரை நீங்கள் தேடுகிறீர்கள் என்றால் சிட்ரோன் ஏர்கிராஸ் X ஒரு நல்ல ஆப்ஷன்.
இந்த கார்கள் பற்றிய உங்கள் கருத்துக்களை கீழே கமென்ட்ஸில் எங்களுக்குத் தெரியப்படுத்துங்கள்
விலை விவரங்கள் அனைத்தும் எக்ஸ்-ஷோரூம் , அனைத்து மைலேஜ் விவரங்களும் ARAI-கிளைம்டு
