నిస్సాన్ EM 2 2020 లో లాంచ్ అవ్వనున్నది; మారుతి విటారా బ్రెజ్జా, హ్యుందాయ్ వెన్యూ కి పోటీ కానున్నది

•  నిస్సాన్ తన మొదటి సబ్ -4m SUV సమర్పణను జూన్ 2020 నాటికి EM2 అనే కోడ్‌నేం తో భారతదేశంలో విడుదల చేయనుంది. 
•  ఇది ప్లాట్‌ఫాం మరియు పవర్‌ట్రెయిన్‌లను రెనాల్ట్ HBC సబ్ -4m SUV తో పంచుకునే అవకాశం ఉంది.
•  CVT ఆటోమేటిక్ ఆప్షన్‌ తో 1.0 లీటర్ టర్బో-పెట్రోల్ ఇంజన్ లభిస్తుందని భావిస్తున్నారు.
•  నిస్సాన్ EM2 తో ప్రారంభించి ప్రతి సంవత్సరం భారతదేశంలో ఒక కొత్త కారును ప్రారంభిస్తుంది.  

భారతదేశంలో నిస్సాన్ యొక్క ప్రొడక్ట్ పోర్ట్‌ఫోలియో కార్ల తయారీసంస్థ ఆశించినంత ప్రజాదరణ పొందలేదు. దీనిని మార్చడానికి, నిస్సాన్ భారతదేశంలో సబ్ -4m SUV సమర్పణను(ప్రస్తుతం EM 2 అనే కోడ్‌నేం) తీసుకురావడానికి కృషి చేస్తోంది.    

 నిస్సాన్ యొక్క గ్లోబల్ అలయన్స్ భాగస్వామి రెనాల్ట్ కూడా కొత్త సబ్-4m SUV సమర్పణలో పనిచేస్తోంది, ఇది HBC అనే కోడ్‌నేం తో  ఆటో ఎక్స్‌పో 2020 లో ప్రవేశిస్తుంది. జపాన్ కార్ల తయారీదారుల బడ్జెట్ బ్రాండ్ డాట్సన్ కూడా సబ్-కాంపాక్ట్ SUV లో పనిచేస్తున్నట్లు సమాచారం. దీనిని మాగ్నైట్ అని పిలుస్తారు.     

కాబట్టి, నిస్సాన్ సమర్పణ ఇంజన్స్ ని (ఈ కార్లన్నీ రెనాల్ట్ ట్రైబర్ ఆధారంగా ఉన్నాయని పుకార్లు ఉన్నాయి) దాని తోబుట్టువులతో పంచుకుంటుంది, దానికి తోడు ఒక విభిన్నమైన టాప్ రూఫ్ ని పొందుతుందని భావిస్తున్నాము.   టీజర్ స్కెచ్ ప్రొఫైల్‌ లో దాని సెగ్మెంట్ ప్రత్యర్థుల కంటే తక్కువ బాక్సీ డిజైన్‌ను సూచిస్తుంది, అలాగే కిక్స్ SUV ని పోలి ఉన్నట్టుగా కనిపిస్తుంది.

లక్షణాల విషయానికొస్తే, కనెక్ట్ చేయబడిన కారు లక్షణాలతో సహా అన్ని తాజా సాంకేతిక పరిజ్ఞానాలతో EM2 అమర్చబడి ఉంటుంది మరియు లోపలి నుండి 360-డిగ్రీల దృష్టి కోసం నిస్సాన్ ‘అరౌండ్ వ్యూ మానిటర్’ని కలిగి ఉంటుంది. రెనాల్ట్ మాదిరిగానే, నిస్సాన్ 2020 ఏప్రిల్ నుండి BS 6 ఉద్గార నిబంధనలు అమల్లోకి వచ్చిన తర్వాత భారతదేశంలో దాని కాంపాక్ట్ ఆఫర్‌ల కోసం పెట్రోల్ ఇంజిన్‌లపై దృష్టి సారించనుంది. కొత్త సబ్ -4m SUV రెనాల్ట్ HBC వలే 1.0 లీటర్ టర్బో-పెట్రోల్ ఇంజన్ ద్వారా పవర్ ని అందుకొనే అవకాశం ఉంది. అయితే , ఆటోమేటిక్ వేరియంట్ CVT ఎంపికగా ఉంటుంది. 

నిస్సాన్ సబ్ కాంపాక్ట్ SUV  మారుతి సుజుకి విటారా బ్రెజ్జా, హ్యుందాయ్ వెన్యూ, టాటా, నెక్సాన్, మహీంద్రా XUV 300, ఫోర్డ్ ఎకోస్పోర్ట్ మరియు రాబోయే కియా QYI వంటి వాటితో పోటీ పడుతుంది. 2020 రెండవ భాగంలో ప్రారంభించబోయే రెనాల్ట్ HBC వంటి దాని సోదరి సమర్పణలకు వ్యతిరేకంగా ఇది పోటీ పడనుంది. 2020 రెండవ త్రైమాసికంలో EM2 ప్రారంభించబోతోంది, దీనిని అనుసరిస్తూ నిస్సాన్ ప్రతి  సంవత్సరం ఒక కొత్త కారుని విడుదల చేయడానికి సిద్ధంగా ఉంది.