Mitsubishi Pajero 2026లో తిరిగి వచ్చేసింది!
మిత్సుబిషి ఫ్లాగ్షిప్ SUV తిరిగి వచ్చింది.. దీనిపై ఆసక్తి కలిగించే విషయాలు ఎన్నో ఉన్నాయి!
- ఒక వ్యాఖ్యను వ్రాయండి
మీరు డీజిల్, లాడర్-ఫ్రేమ్, ఓల్డ్-స్కూల్ SUVలకు అభిమాని అయితే.. ఈ రోజు మీకు ఎంతో ఆసక్తికరమైన విషయం ఉంది. మిత్సుబిషి ప్రపంచవ్యాప్తంగా సరికొత్త పజీరోను ఆవిష్కరించింది. ఎన్నో ఏళ్ల తర్వాత ఈ ఐకానిక్ నేమ్ప్లేట్ తిరిగి వచ్చింది. తన వారసత్వానికి తగినట్లుగా టార్కీ డీజిల్ ఇంజిన్, రగ్డ్ ఆఫ్-రోడ్ టెక్నాలజీ, ఓల్డ్-స్కూల్ ఆకర్షణతో ఈ SUVను మిత్సుబిషి రూపొందించింది. మరిన్ని వివరాలు తెలుసుకోవాలంటే చదవండి.
A post shared by CarDekho India (@cardekhoindia)
డిజైన్
పాతదానికి, కొత్తదానికి మధ్య వారధిగా నిలిచేలా కొత్త పజీరో డిజైన్లో ఆధునిక అంశాలతో పాటు రెట్రో టచ్లను కూడా అందించారు. దీంతో నాస్టాల్జియా, ఆధునికత రెండింటినీ సమతుల్యం చేశారు. ముందు భాగంలో హారిజాంటల్ స్లాట్లతో కూడిన భారీ క్రోమ్ గ్రిల్, సెక్షనైజ్డ్ DRLsతో కనెక్టెడ్ LED లైటింగ్ సెటప్, స్కిడ్ ప్లేట్తో కూడిన బలమైన బంపర్ ఉన్నాయి.
సైడ్ ప్రొఫైల్లో బ్లాక్డ్-అవుట్ పిల్లర్లు, రూఫ్తో కూడిన సంప్రదాయ బాక్సీ సిల్హౌట్ను పొందింది. పెద్ద స్క్వేర్డ్-ఆఫ్ వీల్ ఆర్చ్లు, భారీ క్లాడింగ్, డ్యూయల్-టోన్ అల్లాయ్ వీల్స్, C-పిల్లర్పై ల్యాడర్ తరహా ఇన్సర్ట్ కూడా ఉన్నాయి.
వెనుక భాగం కూడా బాక్సీ డిజైన్తో ఉంటుంది. ముందు భాగాన్ని పోలిన కనెక్టెడ్ LED టెయిల్ల్యాంప్ డిజైన్, శిల్పాకృతిలో రూపొందించిన టెయిల్గేట్, బ్లాక్ స్కిడ్ ప్లేట్ ఉన్నాయి.
మొత్తంగా కొత్త పజీరో రెట్రో డిజైన్ థీమ్, ఆధునిక అంశాలను చక్కగా బ్యాలెన్స్ చేస్తుందని మేము భావిస్తున్నాం. ఇందులో కొన్ని ఆసక్తికరమైన కలర్ ఆప్షన్లు కూడా ఉన్నాయి. అందులో ఇక్కడ కనిపిస్తున్న ఆర్మర్ కాపర్ మెటాలిక్ షేడ్ కూడా ఒకటి.
ఇంటీరియర్
సరికొత్త పజీరో రెట్రో-కూల్ లుక్ను కలిగి ఉన్నప్పటికీ, ఇంటీరియర్ కూడా అంతే ప్రాక్టికల్గా, సౌకర్యవంతంగా ఉంటుంది. ఇందులో 7-సీటర్ లేఅవుట్ కూడా ఉంది. ముందు భాగంలో లేయర్డ్ డ్యాష్బోర్డ్, సాఫ్ట్-టచ్ మెటీరియల్స్, నాలుగు-స్పోక్ స్టీరింగ్ వీల్, డిజిటల్ ఇన్స్ట్రుమెంట్ క్లస్టర్ మరియు టచ్స్క్రీన్ ఇన్ఫోటైన్మెంట్ సిస్టమ్ కోసం డ్యూయల్-స్క్రీన్ సెటప్ ఉన్నాయి.
క్యాబిన్ అంతటా అనేక స్టోరేజ్ స్పేస్లు ఉండటంతో పాటు, ప్యాసింజర్ వైపు డ్యాష్బోర్డ్పై గ్రాబ్ హ్యాండిల్ కూడా ఉంది. ఇది ఇంటీరియర్కు ప్రత్యేకమైన క్యారెక్టర్ను అందిస్తుంది. పలు కలర్ స్కీమ్లు అందుబాటులో ఉన్నాయి. వీటిలో టాన్ మరియు బ్లాక్ కలర్ ఆప్షన్ లగ్జరీగా కనిపించడంతో పాటు క్యాబిన్ను మరింత ప్రీమియంగా అనిపించేలా చేస్తుందని మేము భావిస్తున్నాం.
ఫీచర్లు & సేఫ్టీ
ఫీచర్ల విషయానికి వస్తే, వేరియంట్ లేదా కాన్ఫిగరేషన్ను బట్టి డ్యూయల్ 14.3-అంగుళాల స్క్రీన్లు, వైర్లెస్ ఆండ్రాయిడ్ ఆటో, యాపిల్ కార్ప్లే, త్రీ-జోన్ క్లైమేట్ కంట్రోల్, 12-స్పీకర్ యమహా సౌండ్ సిస్టమ్, 7 డ్రైవ్ మోడ్లు, ముందు మరియు వెనుక వెంటిలేటెడ్ సీట్లు, కనెక్టెడ్ కార్ టెక్నాలజీ, అకౌస్టిక్ విండోస్ వంటి ఫీచర్లు ఉన్నాయి.
| ఓ ఆసక్తికరమైన అంశం: మునుపటి తరం పజీరోలోని ఆఫ్-రోడ్ ఫోకస్ను గుర్తుచేసేలా ఈ తరంలో కూడా మూడు-గేజ్ మల్టీమీటర్ను మిత్సుబిషి కొనసాగించింది. అయితే ఇప్పుడు దీనిని సెంట్రల్ స్క్రీన్లో డిస్ప్లే చేస్తున్నారు. |
సేఫ్టీ విషయానికి వస్తే, 8 ఎయిర్బ్యాగ్స్, సమగ్ర లెవల్-2 ADAS (అడ్వాన్స్డ్ డ్రైవర్ అసిస్టెన్స్ సిస్టమ్), 360-డిగ్రీ కెమెరా, ముందు మరియు వెనుక పార్కింగ్ సెన్సార్లు, ఎలక్ట్రానిక్ పార్కింగ్ బ్రేక్ (EPB), ఎలక్ట్రానిక్ స్టెబిలిటీ కంట్రోల్ (ESC), హిల్-హోల్డ్ అసిస్ట్ (HHA) వంటి ఫీచర్లు ఉన్నాయి.
పవర్ట్రెయిన్లు
కొత్త పజీరో హుడ్ కింద 2.4-లీటర్ డీజిల్ ఇంజిన్తో పాటు ఫోర్-వీల్ డ్రైవ్ సిస్టమ్ను పొందుతుంది. దీని స్పెసిఫికేషన్లు ఇలా ఉన్నాయి:
| ఇంజిన్ |
2.4-లీటర్ డీజిల్ |
| పవర్ |
TBA |
| టార్క్ |
480 Nm |
| ట్రాన్స్మిషన్ |
8-స్పీడ్ AT |
| డ్రైవ్ట్రెయిన్ |
4WD |
4WD- ఫోర్-వీల్ డ్రైవ్, AT- ఆటోమేటిక్ ట్రాన్స్మిషన్
TBA- ప్రకటించాల్సి ఉంది
ఇందులో 230 మి.మీ. గ్రౌండ్ క్లియరెన్స్తో పాటు 30.4 డిగ్రీలు, 22.6 డిగ్రీలు, 25.8 డిగ్రీల అప్రోచ్, ర్యాంప్ బ్రేక్ఓవర్, డిపార్చర్ యాంగిల్స్ ఉన్నాయి. అలాగే 52:48 ఫ్రంట్:రీయర్ వెయిట్ డిస్ట్రిబ్యూషన్ ఉండటంతో తీవ్రమైన ఆఫ్-రోడ్ సామర్థ్యాలను అందించగలదు.
ఇది భారత్కు వస్తుందా?
మిత్సుబిషి ప్రకటించిన వివరాల ప్రకారం, ఈ ఆర్థిక సంవత్సరం ముగిసేలోపు థాయ్లాండ్, జపాన్, ఆస్ట్రేలియా వంటి మార్కెట్లలో ఈ SUV విక్రయాలు ప్రారంభమవుతాయి. వచ్చే ఏడాది థాయ్లాండ్లోని తయారీ కేంద్రం నుంచి లాటిన్ అమెరికా, మిడిల్ ఈస్ట్, ASEAN దేశాలతో పాటు 100కు పైగా మార్కెట్లకు పజీరోను ఎగుమతి చేయనుంది.
అయితే మిత్సుబిషి ఆరేళ్ల క్రితమే భారత్ నుంచి నిష్క్రమించిన నేపథ్యంలో, పజీరో మళ్లీ భారత మార్కెట్లోకి వచ్చే అవకాశాలు ప్రస్తుతానికి తక్కువగానే కనిపిస్తున్నాయి. ఒకవేళ ఇది భారత్కు వస్తే, ఇప్పటికే మార్కెట్లో ఉన్న Toyota Fortuner, MG Majestor వంటి ప్రత్యర్థులను ఎదుర్కోవాల్సి ఉంటుంది.
కార్దెకో ఏమి చెబుతోంది…
భారత్లో మిత్సుబిషి బ్రాండ్కు ఫ్లాగ్షిప్గా నిలిచిన పజీరోను కార్ ప్రియులు, మేము కూడా, ఎంతో మిస్ అవుతున్నాం. భారత్లో ప్రీమియం SUV సెగ్మెంట్కు శ్రీకారం చుట్టిన మోడళ్లలో ఒకటైన ఈ బ్రాండ్కు ఇప్పటికీ దేశంలో ఎంతో గౌరవం ఉంది. అయితే మిత్సుబిషి ప్రపంచవ్యాప్తంగా ఎదుర్కొంటున్న సవాళ్లను పరిగణనలోకి తీసుకుంటే, భారత్ ఆ సంస్థ ప్రాధాన్యతా జాబితాలో ఉండకపోవచ్చు. ప్రస్తుతానికి లాడర్-ఫ్రేమ్ SUVల విభాగంలో ఉన్న ప్రత్యర్థులతోనే మనం సరిపెట్టుకోవాల్సి ఉంటుంది.
కొత్త పజీరో పాత వెర్షన్లకు తగిన న్యాయం చేసిందని మీరు భావిస్తున్నారా? దిగువ కామెంట్లలో మీ అభిప్రాయాలను మాకు తెలియజేయండి!
