కొత్త Volkswagen Taigun: ఎలాంటి రాజీ లేకుండా అందించే పనితీరు

చాలా సంవత్సరాలుగా భారతదేశంలో కారు కొనుగోలు విషయానికి వస్తే దాదాపు పూర్తిగా ఒకే నంబర్ చుట్టూ చర్చ జరిగేది: మైలేజీ. అయితే ఇప్పుడు ఆ పరిస్థితి మారుతోంది. నేటి కొనుగోలుదారులు మరింత సమతుల్యమైన ప్రశ్నలు అడుగుతున్నారు.

కొనుగోలుదారులు కేవలం “ఫ్యూయల్ ఎఫిషియెన్సీ ఎలా ఉంది?” అని మాత్రమే అడగడం లేదు. స్టీరింగ్ వెనుక కూర్చున్నప్పుడు కారు ఎంత నమ్మకంగా, సౌకర్యవంతంగా అనిపిస్తుంది అనే విషయాన్ని కూడా పరిశీలిస్తున్నారు. అంటే ఇప్పుడు చర్చ మైలేజీ లేదా పనితీరు అనే దానిపై కాకుండా, మైలేజీ మరియు పనితీరు రెండింటి గురించీ జరుగుతోంది.

ఇదే విభాగంలో Volkswagen Taigun తన ప్రత్యేక గుర్తింపును ఏర్పరచుకుంది. పనితీరు, ఇంధన సామర్థ్యం రెండింటినీ పరస్పరం రాజీపడాల్సిన అంశాలుగా చూడకుండా, రెండింటి మధ్య నిజమైన సమతుల్యతను అందించడమే టైగన్ ప్రత్యేకత.

ఆకట్టుకునే పనితీరు 

టైగూన్ ప్రత్యేకతకు దాని ఇంజిన్లే గుండెకాయ. ఇందులో రెండు టర్బోచార్జ్డ్ స్ట్రాటిఫైడ్ ఇంజెక్షన్ (TSI) పెట్రోల్ ఇంజిన్ ఆప్షన్లు ఉన్నాయి. 1-లీటర్ TSI ఇంజిన్ 115 PS పవర్, 178 Nm టార్క్‌ను అందిస్తుంది. ఇక మరింత శక్తివంతమైన 1.5-లీటర్ TSI EVO ఇంజిన్, యాక్టివ్ సిలిండర్ టెక్నాలజీ (ACT)తో 150 PS పవర్, 250 Nm టార్క్‌ను ఉత్పత్తి చేస్తుంది.

ఈ రెండు ఇంజిన్లు కూడా టర్బోచార్జ్డ్ యూనిట్లు కావడం చాలా ముఖ్యం. అంటే, అధిక RPM అవసరం లేకుండానే తక్కువ వేగాల నుంచే బలమైన టార్క్‌ను అందిస్తాయి. ఈ ఫ్లెక్సిబిలిటీ సాధారణంగా నేచురల్లీ ఆస్పిరేటెడ్ ఇంజిన్లలో కనిపించే ఒక సమస్యను అధిగమిస్తుంది. ఆ ఇంజిన్లలో ఇంధన సామర్థ్యం కోసం ట్యూన్ చేస్తే పనితీరు తగ్గుతుంది, పనితీరు కోసం ట్యూన్ చేస్తే మైలేజ్ దెబ్బతింటుంది. 

టైగూన్ ఈ రెండింటినీ బ్యాలెన్స్ చేస్తుంది. 1-లీటర్ ఇంజిన్ వేగంగా స్పందిస్తే, 1.5-లీటర్ ఇంజిన్ డ్రైవింగ్‌లో మరింత ఉత్సాహాన్ని అందిస్తుంది. 

కొత్త 8-స్పీడ్ AT ప్రాక్టికాలిటీ విషయంలో ముందంజ

ఇంజిన్ పనితీరును రోడ్డుపైకి సమర్థవంతంగా చేరవేయడంలో ట్రాన్స్‌మిషన్ కీలక పాత్ర పోషిస్తుంది. టైగూన్ ఫేస్‌లిఫ్ట్‌లో, వోక్స్వాగన్ 1-లీటర్ TSI ఇంజిన్‌తో వచ్చే పాత 6-స్పీడ్ టార్క్ కన్వర్టర్ ఆటోమేటిక్ స్థానంలో కొత్త 8-స్పీడ్ ఆటోమేటిక్ ట్రాన్స్‌మిషన్‌ను పరిచయం చేసింది. ఎక్కువ గేర్లు ఉండటం వల్ల ఇది పార్ట్-థ్రాటిల్ రెస్పాన్స్‌ను మెరుగుపరుస్తుంది. స్థిరమైన వేగంతో ప్రయాణిస్తున్నప్పుడు ఇంజిన్‌ను మరింత సమర్థవంతమైన RPM పరిధిలో ఉంచుతుంది. అదే సమయంలో వేగంగా యాక్సిలరేషన్ అవసరమైనప్పుడు త్వరగా డౌన్‌షిఫ్ట్‌లు చేయగలదు. దీనివల్ల ఫ్యూయల్ ఎఫిషియెన్సీ కూడా 5 శాతం మెరుగుపడింది.

చాలా పోటీదారులు ఇప్పటికీ 6-స్పీడ్ ఆటోమేటిక్‌ను అందిస్తున్న సమయంలో, వోక్స్వాగన్ ఒక అడుగు ముందుకేసి 8-స్పీడ్ యూనిట్‌ను అందించడం గమనార్హం. 

1.5-లీటర్ TSI EVOతో లభించే 7-స్పీడ్ DSG వేగంగా గేర్లు మార్చడం, సులభమైన డ్రైవింగ్‌కు పేరుగాంచింది. ఈ రెండు గేర్‌బాక్స్‌లు కలిసి TSI ఇంజిన్లకు రిఫైన్‌మెంట్, వేగవంతమైన స్పందన రెండింటినీ అందిస్తాయి. డ్రైవర్ వీటిలో ఏదో ఒకదాన్ని ఎంచుకోవాల్సిన అవసరం ఉండదు.

డ్రైవింగ్‌ను ఇష్టపడే వారి కోసం రూపొందించబడింది

ఓపెన్ రోడ్డుపై టైగూన్ సమతుల్యత స్పష్టంగా కనిపిస్తుంది. దాని టర్బోచార్జ్డ్ ఇంజిన్లు మూడు అంకెల వేగంతో క్రూజ్ చేయడానికి పెద్దగా శ్రమపడాల్సిన అవసరం లేదు. దీనివల్ల క్యాబిన్‌లో ఇంజిన్ శబ్దం తక్కువగా ఉండి, సుదూర ప్రయాణాలు ప్రశాంతంగా అనిపిస్తాయి. అంతకంటే ముఖ్యంగా, అవసరమైనప్పుడు ఉపయోగించడానికి ఎల్లప్పుడూ అదనపు పవర్ అందుబాటులో ఉంటుంది.

యాక్సిలరేటర్‌ను కొద్దిగా నొక్కిన వెంటనే పవర్ డెలివరీలో ఎలాంటి జాప్యం లేకుండా వేగవంతమైన స్పందన లభిస్తుంది. రద్దీగా ఉన్న హైవేపైకి వెళ్తున్నప్పుడు లేదా ఓవర్‌టేక్ చేస్తున్నప్పుడు ఈ తక్షణ స్పందన డ్రైవర్‌కు అవసరమైన విశ్వాసాన్ని ఇస్తుంది.

సిటీలో కూడా స్మూత్‌గా డ్రైవ్ చేయగలిగే సామర్థ్యం

టర్బోచార్జ్డ్ ఇంజిన్లు అంటే సిటీ డ్రైవింగ్‌లో ఇబ్బందిగా ఉంటుందని ఒక అపోహ ఉంది. కానీ టైగూన్ ఇంజిన్లు ఈ సమస్యను అధిగమించేలా ట్యూన్ చేయబడ్డాయి. తక్కువ RPM వద్ద లభించే బలమైన టార్క్ కారణంగా, ట్రాఫిక్‌లో ఆగి ముందుకు వెళ్లడానికి ఎక్కువగా యాక్సిలరేటర్ నొక్కాల్సిన అవసరం ఉండదు. ఆటోమేటిక్ ట్రాన్స్‌మిషన్లు, ముఖ్యంగా కొత్త 8-స్పీడ్ యూనిట్, బంపర్-టు-బంపర్ ట్రాఫిక్‌లో డ్రైవింగ్‌ను మరింత సులభతరం చేస్తాయి. 

దీని ఫలితంగా భారీ ట్రాఫిక్‌లో కూడా కారును సులభంగా నడపవచ్చు, అదే సమయంలో రోడ్డు ఖాళీగా ఉన్నప్పుడు డ్రైవింగ్‌ను ఆస్వాదించడానికి కావాల్సిన పనితీరును కూడా ఇది అందిస్తుంది.

ప్రీమియం పొజిషనింగ్‌కు తగ్గ రిఫైన్‌మెంట్

టైగూన్‌లోని జర్మన్ ఇంజినీరింగ్ స్పష్టంగా కనిపించే అంశాలలో రిఫైన్‌మెంట్ ఒకటి. సాధారణంగా చిన్న ఇంజిన్లు, ముఖ్యంగా 1-లీటర్ యూనిట్లు, వాటిని ఎక్కువగా ఉపయోగించినప్పుడు ఇంజిన్ చాలా శ్రమపడుతున్నట్లు శబ్దం వస్తుంది. కానీ టైగూన్‌లో అలా ఉండదు. రెండు TSI ఇంజిన్లు కూడా చాలా స్మూత్‌గా పనిచేస్తాయి. క్యాబిన్‌లోకి ఇంజిన్ శబ్దం, వైబ్రేషన్లు కూడా చాలా తక్కువగా వస్తాయి. ఐడిల్‌లో ఉన్నప్పుడు లేదా క్రూజింగ్ వేగంతో ప్రయాణిస్తున్నప్పుడు కూడా పెడల్స్ లేదా స్టీరింగ్ వీల్ ద్వారా వైబ్రేషన్లు దాదాపుగా అనిపించవు.

ఇది ఎందుకు ముఖ్యమంటే, నిజంగా రిఫైన్డ్ పవర్‌ట్రెయిన్ కారు రోజువారీ వినియోగంలో ఎలా అనిపిస్తుందో పూర్తిగా మార్చేస్తుంది. మీ లాంగ్ కమ్యూట్లు తక్కువ అలసటగా అనిపిస్తాయి. హైవే డ్రైవ్‌లు మరింత ప్రశాంతంగా ఉంటాయి. ఎన్నో సంవత్సరాల ఓనర్‌షిప్ తర్వాత కూడా కారు మొత్తం క్వాలిటీ అనుభూతి నిలిచే అవకాశం ఉంటుంది. నేటి కొనుగోలుదారులు దీర్ఘకాలిక వినియోగంలో ఇలాంటి అంశాలకు కూడా ప్రాధాన్యత ఇస్తున్నారు.

పూర్తి లోడ్‌లోనూ పనితీరు తగ్గదు

టైగూన్ టర్బో ఇంజిన్ల ప్రయోజనం స్పష్టంగా కనిపించే మరో సందర్భం కారులో ప్రయాణికులు, లగేజీ పూర్తిగా ఉన్నప్పుడు. సాధారణంగా చిన్న సామర్థ్యం ఉన్న నేచురల్లీ ఆస్పిరేటెడ్ ఇంజిన్లు కారులో ఐదుగురు ప్రయాణికులు, పూర్తి బూట్‌తో లగేజీ ఉన్నప్పుడు గణనీయంగా పవర్ కోల్పోయినట్లు అనిపిస్తాయి.

కానీ టైగూన్ టర్బోచార్జ్డ్ ఇంజిన్లు గరిష్ఠ హార్స్‌పవర్ కంటే టార్క్ డెలివరీపై ఎక్కువ దృష్టి పెట్టి రూపొందించబడ్డాయి. అందువల్ల కారు పూర్తిగా లోడ్ అయినప్పుడు పనితీరు తగ్గడం చాలా తక్కువగా ఉంటుంది. కుటుంబంతో కలిసి తరచుగా ప్రయాణించే వారికి ఇది చాలా ముఖ్యమైన ప్రయోజనం.

ఈ పనితీరు కోసం ఇంధన సామర్థ్యంతో రాజీపడాల్సిన అవసరం లేదు

ఇంతటి పనితీరు ఉన్నప్పటికీ, టైగూన్ ఇంధన సామర్థ్యంలో ఏమాత్రం వెనుకబడలేదు. ARAI-సర్టిఫైడ్ గణాంకాల ప్రకారం, 1-లీటర్ TSI మాన్యువల్ 19.98 kmpl వరకు, కొత్త 8-స్పీడ్ ఆటోమేటిక్ 19.54 kmpl వరకు మైలేజీని అందిస్తాయి. ఇక శక్తివంతమైన 1.5-లీటర్ TSI EVO DSGతో 18.85 kmpl మైలేజీని అందిస్తుంది. 

ఈ పనితీరు స్థాయిలో ఉన్న టర్బోచార్జ్డ్ పెట్రోల్ ఇంజిన్లకు ఇవి నిజంగా పోటీగా ఉండే గణాంకాలు.

1.5-లీటర్ TSIలోని యాక్టివ్ సిలిండర్ టెక్నాలజీ, తక్కువ లోడ్‌తో క్రూజింగ్ చేస్తున్నప్పుడు రెండు సిలిండర్లను ఆఫ్ చేస్తుంది. దీని కారణంగా, ఈ పెద్ద ఇంజిన్ హైవేలపై చిన్న ఇంజిన్‌కు సమానంగా లేదా కొన్నిసార్లు దానికంటే మెరుగైన ఇంధన సామర్థ్యాన్ని అందించగలదు.

మైలేజీ కోసం మాత్రమే వెతకడం వల్ల వచ్చే నష్టం

ఇక్కడే టైగూన్ విధానం, కేవలం గరిష్ఠ ఇంధన సామర్థ్యాన్ని లక్ష్యంగా చేసుకుని రూపొందించిన SUVలతో భిన్నంగా ఉంటుంది. మైలేజీకి అధిక ప్రాధాన్యత ఇవ్వడం సాధారణంగా చిన్న, తక్కువ శక్తి కలిగిన ఇంజిన్లకు దారితీస్తుంది. ఇవి సిటీ డ్రైవింగ్‌లో బాగానే పనిచేసినా,

హైవేపై ఓవర్‌టేక్ చేయడం కావచ్చు, పూర్తిగా లోడ్ అయిన కారుతో కుటుంబ ప్రయాణం కావచ్చు లేదా వేగంగా వెళ్తున్న ట్రాఫిక్‌లోకి కాన్ఫిడెంట్‌గా మెర్జ్ కావడం కావచ్చు.. ఇలాంటి సందర్భాల్లో స్టీరింగ్ వెనుక ఉన్నప్పుడు మీకు పూర్తి నమ్మకం ఉండకపోవచ్చు.. అత్యుత్తమ kmpl కోసం మాత్రమే చూసే కొనుగోలుదారులు, స్టాప్-అండ్-గో సిటీ డ్రైవింగ్‌లో అద్భుతంగా పనిచేసే కానీ వాస్తవ జీవితంలో అవసరాలు పెరిగినప్పుడు నిరాశపరిచే కారును ఎంచుకునే అవకాశం ఉంది.

టైగూన్‌లోని టర్బోచార్జ్డ్ విధానం ఇంధన సామర్థ్యం, పనితీరు రెండూ పరస్పరం విరుద్ధమైనవి కావాల్సిన అవసరం లేదని చూపిస్తుంది. సరైన ఇంజిన్, ట్రాన్స్‌మిషన్ కలయికతో రెండింటినీ అందించవచ్చని ఇది నిరూపిస్తుంది.

కార్దెకో ఏమి చెబుతోంది…

కుటుంబ SUVను కేవలం ఎక్కువ మైలేజీ అనే హామీ ఆధారంగా ఎంచుకునే రోజులు క్రమంగా తగ్గిపోతున్నాయి. అది సరైన పరిణామమే. వాస్తవ ప్రపంచ వినియోగంలో కారు పూర్తిగా లోడ్ అయిన హైవే ప్రయాణాన్ని ఎలా నిర్వహిస్తుంది, ఓవర్‌టేక్ చేయాల్సినప్పుడు ఎలా స్పందిస్తుంది, ఎన్నో సంవత్సరాల రోజువారీ వినియోగం తర్వాత ఎంత రిఫైన్డ్‌గా అనిపిస్తుంది వంటి అంశాలు కూడా ఫ్యూయల్ ఎఫిషియెన్సీ సర్టిఫికెట్‌లో కనిపించే నంబర్‌తో సమానంగా ముఖ్యమైనవే.

వోక్స్వాగన్ టైగూన్‌లోని టర్బోచార్జ్డ్ TSI ఇంజిన్లు, కొత్త 8-స్పీడ్ ఆటోమేటిక్ మంచి ఇంజినీరింగ్‌తో రూపొందించిన పవర్‌ట్రెయిన్ పనితీరు, కాన్ఫిడెన్స్, ఇంధన సామర్థ్యం అన్నింటినీ అందించగలదని నిరూపిస్తున్నాయి. అంటే కొనుగోలుదారులు ఒకదాని కోసం మరొకదాన్ని త్యాగం చేయాల్సిన అవసరం లేదు.