இந்தியாவில் களமிறங்கியது புதிய மேபெக் S-கிளாஸ்! ரூ. 3.35 கோடியில் என்னவெல்லாம் கிடைக்கும் ?

சொகுசு கார்களின் உச்சகட்டத்தில் இருக்கும் சந்தைப் பிரிவில் இந்த ஆண்டின் மற்றொரு பிரம்மாண்டமான அறிமுகமாக மெர்சிடிஸ்-மேபெக் S-கிளாஸ் கார் களம் புகுந்துள்ளது. மெர்சிடிஸ் இந்தியா நிறுவனம் மேபெக் S-கிளாஸ் காரை ரூ. 3.35 கோடி (எக்ஸ்-ஷோரூம்) ஆரம்ப விலையில் அறிமுகப்படுத்தியுள்ளது. இந்த ஃபேஸ்லிஃப்ட் மாடலுக்கான முன்பதிவுகள் தொடங்கப்பட்டுவிட்டன. நவம்பர் 2026 முதல் வாடிக்கையாளர்களுக்கு டெலிவரி செய்யப்படவுள்ளது. இந்த மேபெக் S-கிளாஸ் ஃபேஸ்லிஃப்ட் மாடல் ஆடம்பரத்தின் மற்றும் கம்பீரத்தின் எல்லையை மேலும் உயர்த்தியுள்ளது. இதில் புதிதாக என்னென்ன அம்சங்கள் இடம்பெற்றுள்ளன என்பதை விரிவாகப் பார்ப்போம்:

விலை

விலை இந்திய அளவிலான எக்ஸ்-ஷோரூம் ஆகும்

• இந்த முறை மேபெக் S-கிளாஸ் 'S580e' என்ற ஒரே ஒரு வேரியண்ட்டில் மட்டுமே கிடைக்கிறது. இதில் பிளக்-இன் ஹைபிரிட் அமைப்பைக் கொண்ட 3-லிட்டர் டர்போ பெட்ரோல் இன்ஜின் வழங்கப்பட்டுள்ளது.

வடிவமைப்பு

• காரின் முன்பக்கத்தில் செய்யப்பட்டுள்ள முக்கிய மாற்றமாக அதன் ஹெட்லேம்ப்கள் உள்ளன. இவற்றில் 'திரீ-ஸ்டார்' LED அம்சங்கள் இடம்பெற்றுள்ளன

• இரவில், காரின் முன்பக்க கிரில் ‘மேபெக்’ லோகோ மற்றும் மூன்று முனைகள் கொண்ட நட்சத்திர லோகோ ஆகியவை ஒளிரும் வசதியைப் பெற்றுள்ளன.
   

• நீண்ட போனட்டின் நடுவில் இயங்கும் குரோம் கோடு காரின் பிரத்யேக ஆடம்பரத் தோற்றத்திற்கு மேலும் மெருகூட்டுகிறது.

• 5.5 மீட்டர் நீளம் கொண்ட இந்த சொகுசு காரின் பக்கவாட்டுத் தோற்றம் சாதாரண லாங்-வீல்பேஸ் S-கிளாஸ் காரை விட 180 மி.மீ கூடுதல் நீளமானது.

• காரின் D-பில்லரில் உள்ள மேபெக் லோகோவிலும் தற்போது ஒளிரும் வசதி கொடுக்கப்பட்டுள்ளது.

• மேபெக்கின் கம்பீரமான தோற்றத்திற்குப் பொருந்துமாறு 20-இன்ச் சில்வர் நிற அலாய் வீல்களுக்கு புதிய டிசைன் கொடுக்கப்பட்டுள்ளது

• மெலிதான பின்-ஸ்ட்ரைப்பிங் வரிகளுடன் கூடிய டூயல்-டோன் பெயிண்ட்வொர்க் இதிலும் தொடர்கிறது.

• விண்டோ லைன்கள் B மற்றும் D பில்லர்கள் மற்றும் காரின் கீழ் பாதியில் உள்ள குரோம் ஸ்ட்ரிப்கள் என தாராளமான குரோம் அலங்காரங்கள் இதில் வழங்கப்பட்டுள்ளன.

• மூன்று முனைகள் கொண்ட நட்சத்திர வடிவம் மேபெக் S-கிளாஸ் ஃபேஸ்லிஃப்ட்டின் டெயில் லைட்களிலும் கொண்டு வரப்பட்டுள்ளது

• டெயில் லைட்களுக்கு மேலேயும் பம்பரின் கீழ் பாதியிலும் தாராளமான குரோம் அலங்காரங்கள் தொடர்கின்றன

• பூட்லிட்டின் இடதுபுறத்தில் ‘மேபெக்’ பிராண்டிங்கும் நடுவில் மூன்று முனைகள் கொண்ட நட்சத்திர லோகோவும் வலதுபுறத்தில் பவர்டிரெய்ன் பேட்ஜிங்கும் இடம்பெற்றுள்ளன

உட்புறம்

• மேபெக் காரின் உட்புறத்தில் அடியெடுத்து வைத்தால் பிரம்மாண்டமான இடவசதி, ஆடம்பரம் மற்றும் உயர்தர மெட்டீரியல்கள் உங்களை வரவேற்கும்

• பிரம்மாண்டமான மூன்று திரைகள் கொண்ட டேஷ்போர்டு அமைப்பு இதிலும் தொடர்கிறது

• கிடைமட்டமான சில்வர் நிற அலங்காரக் கோடுகள் கேபின் முழுவதும் டேஷ்போர்டில் உள்ள ஏசி வென்ட்களை அழகாக இணைக்கின்றன

• அதே வேளையில் மேபெக் காரின் உண்மையான சிறப்பம்சமே இதன் பின்வரிசை இருக்கைகள்தான். பின்னாடி அமரும் பயணிக்காக பல அட்ஜஸ்ட்மென்ட்களுடன் கூடிய 'பாஸ் மோட்' கொடுக்கப்பட்டுள்ளது

• கழுத்து, முதுகு மற்றும் முழங்கால்களுக்கான கூடுதல் தலையணைகள் உள்ளன.

• பின்புற என்டர்டெயின்மென்ட் அமைப்பில் இரு பின்வரிசை பயணிகளுக்கான தனித்தனி திரைகளும், இருக்கை சௌகரியம், பொழுதுபோக்கு மற்றும் கிளைமேட் கன்ட்ரோலை இயக்கும் வகையில் ஆர்ம்ரெஸ்ட்டில் இரு ஸ்மார்ட்போன் போன்ற சாதனங்களும் அடங்கும்.

வசதிகள் மற்றும் பாதுகாப்பு

• மெர்சிடிஸ் நிறுவனத்தின் மிகவும் ஆடம்பரமான காரைப் பற்றிப் பேசுகிறோம் என்பதை நினைவில் கொள்வோம்.

• இதில் 14.4-இன்ச் மைய டச்ஸ்கிரீன் இன்போடெயின்மென்ட் சிஸ்டம், 12.3-இன்ச் ஃபிரண்ட் பேசஞ்சர் டிஸ்ப்ளே மற்றும் 12.3-இன்ச் டிஜிட்டல் டிரைவர் டிஸ்ப்ளே ஆகியவை உள்ளன.

• 31-ஸ்பீக்கர்கள் கொண்ட பர்மெஸ்டர் பிரீமியம் ஆடியோ சிஸ்டம் இடம்பெற்றுள்ளது

• பிற முக்கிய வசதிகளில் டூயல் சன்ரூஃப்கள், பவர்டு, வென்டிலேட்டட் மற்றும் மசாஜ் வசதி கொண்ட இருக்கைகள், குரல் வழி கட்டுப்பாட்டுடன் கதவுகளை மூடும் வசதி மற்றும் மல்டி-ஜோன் கிளைமேட் கன்ட்ரோல் ஆகியவை அடங்கும்

• பாதுகாப்புப் பட்டியலில் 15 ஏர்பேக்குகள், 360-டிகிரி கேமரா, லெவல்-2 அடாஸ் (Level-2 ADAS), EBD உடன் கூடிய ABS, எலக்ட்ரானிக் ஸ்டெபிலிட்டி கன்ட்ரோல் (ESC) மற்றும் ரியர்-வீல் ஸ்டீயரிங் ஆகியவை இடம்பெற்றுள்ளன

பவர்டிரெய்ன்

மேபெக் S-கிளாஸ் கார் இந்தியாவில் ஒரே ஒரு பவர்டிரெய்ன் தேர்வுடன் மட்டுமே வருகிறது. இது பிளக்-இன் ஹைபிரிட் அமைப்பைக் கொண்ட 3-லிட்டர் டர்போ பெட்ரோல் இன்ஜின் ஆகும். பவர்டிரெய்ன் விவரக்குறிப்புகள் பின்வருமாறு:

AT - டார்க் கன்வெர்டர் (ஆட்டோமெட்டிக்)

மேபெக் S-கிளாஸ் கார் இனிமேல் அதன் மென்மையான இயக்கம் சிரமமில்லாத ஆற்றல் மற்றும் கௌரவத்திற்குப் பெயர்போன வரலாற்று சிறப்புமிக்க V12 இன்ஜினுடன் கிடைக்காது. இருப்பினும் இந்த புதிய பவர்டிரெய்ன் இந்த பெரிய சொகுசு செடான் காரைச் சுமந்து செல்ல போதுமான அளவு சக்தி வாய்ந்ததாக உள்ளது.

போட்டியாளர்கள்

மேபெக் S-கிளாஸ் காரிற்கு நேரடி போட்டியாளர்கள் என்று எதுவும் இல்லை. இருப்பினும் இது உயர் பிரிவில் ரேஞ்ச் ரோவர் மற்றும் பென்ட்லி ஃபிலையிங் ஸ்பர் போன்ற கார்களுக்குப் போட்டியாக இருக்கும். மேலும் இது மேபெக் GLS மற்றும் மேபெக் EQS SUV போன்ற மெர்சிடிஸின் சொந்த மேபெக் குடும்பக் கார்களுக்கே போட்டியாக அமைகிறது.

கார்தேக்கோ சொல்வது..

அல்ட்ரா-லக்ஸுரி கார் சந்தையானது மேபெக் போன்ற சொகுசு கார்களுக்கு அதிக வாடிக்கையாளர்களைக் கண்டு வருகிறது. BMW மற்றும் லெக்ஸஸ் Lexus நிறுவனங்களின் கார்கள் உட்பட சமீபத்தில் பல புதிய சொகுசு கார்கள் சந்தையில் நுழைந்துள்ளதும், விரைவில் புதிய சொகுசு பிராண்டுகள் இந்தியாவிற்கு வரவுள்ளதும், சொகுசு காரை விரும்புபவர்களின் எண்ணிக்கை அதிகரித்து வருவதற்கான அறிகுறியாகும்.

மேபெக் எஸ்-கிளாஸில் செய்யப்பட்டுள்ள இந்த புதிய அப்டேட் கிரில், லோகோ மற்றும் பிராண்டிங்கில் சேர்க்கப்பட்டுள்ள LED அம்சங்களின் மூலம் அதன் கவர்ச்சியை இன்னும் உயர்த்தியுள்ளது. பழைய மாடலுடன் ஒப்பிடும்போது இது பெரிய அளவிலான அப்டேட் இல்லை என்றாலும் நாட்டில் இனிமேல் கிடைக்காத மிகவும் சிறப்பான V12 இன்ஜினை மக்கள் இழக்க நேரிடலாம்.

மெர்சிடிஸ்-மேபெக் S-கிளாஸ் பற்றி நீங்கள் என்ன நினைக்கிறீர்கள்? கீழே உள்ள கமெண்ட் பகுதியில் எங்களுக்குத் தெரியப்படுத்துங்கள்!