டாடா மோட்டார்ஸ்  நிறுவனம் தனது புதிய ஏரிஸ் காம்பாக்ட் செடானை இந்தியாவில் அறிமுகம் செய்துள்ளது, இதன் ஆரம்ப விலை ரூ. 5.29 லட்சம் (எக்ஸ்-ஷோரூம்). இந்த புதிய மாடல் தற்போது விற்பனையில் உள்ள டிகோர் செடானுக்கு மாற்றாக நிலைநிறுத்தப்பட்டுள்ளது. புதிய டிசைன் மேம்படுத்தப்பட்ட இன்டீரியர் மற்றும் கூடுதல் அம்சங்களுடன் வரும் இந்த கார் பிரைவேட் வாடிக்கையாளர்களை மட்டுமே குறிவைத்து அறிமுகம் செய்யப்பட்டுள்ளது.

விலை மற்றும் வேரியண்ட்கள்

அனைத்து விலைகளும் அறிமுக விலைகள்; டெல்லி எக்ஸ்-ஷோரூம் விலை.

• டாடா ஏரிஸ் காரின் அறிமுக விலை ரூ. 5.29 லட்சம் (எக்ஸ்-ஷோரூம்) என நிர்ணயிக்கப்பட்டுள்ளது. இந்த கார் மொத்தம் ஐந்து வேரியண்ட்களில் கிடைக்கிறது. அவை: ஸ்மார்ட், பியூர், பியூர் பிளஸ், கிரியேட்டிவ், மற்றும் அக்கம்பிளிஸ்டு. இந்த வேரியண்ட்கள் பெட்ரோல் மற்றும் CNG இன்ஜின் ஆப்ஷன்களுடன் வருகின்றன.

• வேரியண்ட்களைப் பொறுத்து முழுமையான விலை பட்டியல் விரைவில் அறிவிக்கப்படும் என எதிர்பார்க்கப்படுகிறது. அக்டோபர் 11 முதல் டெலிவரிகள் தொடங்கும் நிலையில் காருக்கான புக்கிங்ஸ் ஏற்கனவே திறக்கப்பட்டுவிட்டன.

புதிய டிசைன்

• டிசைனைப் பொறுத்தவரை ஏரிஸ் ஒரு புத்துணர்ச்சியான தோற்றத்தைப் பெறுகிறது. முன்பக்கத்தில் மெல்லிய கிளாஸ்-பிளாக் கிரில் கொடுக்கப்பட்டுள்ளது. இது காருக்கு ஒரு மாடர்ன் லுக்கைத் தருகிறது.
• இதனுடன் இணைக்கப்பட்ட LED ஹெட்லேம்ப்ஸ் இரவு நேரப் பயணங்களில் சிறந்த வெளிச்சத்தை வழங்குவதோடு காரின் அழகையும் கூட்டுகிறது. ஒட்டுமொத்தத்தில் டிகோர்-ஐ விட ஏரிஸ் ஒரு பிரீமியம் மற்றும் ஸ்டைலான செடானாக காட்சியளிக்கிறது.

• காரின் பக்கவாட்டுத் தோற்றத்தில் அந்த 'நாச்பேக்' ரூஃப்லைன் அப்படியே தொடர்வது காரின் ஸ்டைலுக்கு ஒரு தனித்துவமான அழகைச் சேர்க்கிறது. இது தவிர புதிய டிசைனிலான 16-இன்ச் அலாய் வீல்கள், ஷார்க்ஃபின் ஆண்டெனா மற்றும் முன்பக்கக் கதவின் கீழ் பகுதியில் கொடுக்கப்பட்டுள்ள 'Aeris' முத்திரை ஆகியவற்றை நீங்கள் காண முடியும்.

• சுவாரஸ்யமாக டாடா நிறுவனம் இந்த செடான் காரின் வீல் ஆர்ச்களிலும் கிளேடிங்கை வழங்கியுள்ளது.

• காரின் பின்புறத்தில் சற்று உயரமான பூட்லிட், ரூஃப் ஸ்பாய்லர் மற்றும் டாடா கர்வ் காரை நினைவூட்டும் வகையிலான 'கனெக்டட் LED டெயில்லேம்ப்' அமைப்பும் இடம்பெற்றுள்ளது.

• காரின் பின்புற பம்பரில் நம்பர் பிளேட் அமைப்பதற்கான இடமும், அதன் கீழ் பகுதியில் ரிவர்ஸ் லைட்டும் இடம்பெற்றுள்ளன.

கலர் ஆப்ஷன்கள்

போட்டி நிறுவனங்களின் கார்களுடன் ஒப்பிடும்போது, ஏரிஸ் கார் 6 விதமான கவர்ச்சிகரமான நிறங்களில் அட்டகாசமாக அறிமுகமாகியுள்ளது:

• டான்டெலி டிரிஸ்சில் / பர்ப்பிள்

• டேடோனா கிரே

• நைட்ரோ கிரிம்சன் (ரெட்)

• டியூன் க்ளோ (கோல்ட்)

• பியூர் கிரே

• பிரிஸ்டைன் வொயிட்

இந்த அனைத்து கலர் ஆப்ஷன்களும் டூயல்-டோன் (Dual-tone) ஆப்ஷனிலும் கிடைக்கின்றன. இதில் காரின் கூரை பகுதி மட்டும் கருப்பு நிறத்தில் கொடுக்கப்பட்டுள்ளது இது கூடுதல் அழகைச் சேர்க்கிறது.

இன்டீரியர்

• காரின் உள்ளே சென்றால், முற்றிலும் புதிய இன்டீரியர் உங்களை வரவேற்கிறது. இது சமீபத்தில் அப்டேட் செய்யப்பட்ட டியாகோ காரிலிருந்து பெறப்பட்டுள்ளது. லைட் பீஜ் மற்றும் கிரீம் கலர் தீம் பயன்படுத்தப்பட்டிருப்பதால் கேபின் மிகவும் பிரகாசமாகவும் விசாலமாகவும் தெரிகிறது. டேஷ்போர்டு லேஅவுட் மற்றும் பயன்படுத்தப்பட்டுள்ள மெட்டீரியல்கள் இந்த செக்மென்ட்டிற்கு ஒரு நல்ல பிரீமியம் உணர்வைத் தருகின்றன.

• டாஷ்போர்டு (Dashboard) தனது கூர்மையான டிசைன் எலமென்ட்கள், துணி போன்ற மென்மையான இன்சர்ட்டுகள் மற்றும் மேட் பிளாக் ஃபினிஷ் கொண்ட 'டூ-ஸ்போக்' eஸ்டீயரிங் வீலுடன் தொடர்ந்து கம்பீரமாக காட்சியளிக்கிறது.

• ஏஎம்டி (AMT) மாடல்களில், கியர் மாற்றங்களை உங்கள் கட்டுப்பாட்டில் வைத்துக்கொள்ள ஏதுவாக 'பேடில் ஷிஃப்ட்டர்களும்' வழங்கப்பட்டுள்ளன.

• சென்டர் கன்சோல் பகுதி டாடா டியாகோவைப்போலவே, கிளைமேட் கன்ட்ரோலுக்கான ரோட்டரி நாப்கள், வயர்லெஸ் சார்ஜர், போன் டாக், ரோட்டரி கியர் ஷிஃப்ட் டயல் மற்றும் நடுவில் ஆர்ம்ரெஸ்ட் ஆகியவற்றுடன் அமைக்கப்பட்டுள்ளது.

• பின்புற சீட்கள் இந்த காரின் அளவிற்கு ஏற்றவாறு விசாலமான இடவசதியை வழங்குகின்றன. மேலும், தனித்துவமான ஏசி வென்ட்கள்  மற்றும் கப் ஹோல்டர்களுடன் கூடிய சென்டர் ஆர்ம்ரெஸ்ட் ஆகியவை பயணத்தை இன்னும் சௌகரியமாக்குகின்றன.

பூட் ஸ்பேஸ்

டிகோர்-க்கு மாற்றாக வருவதால் புதிய ஏரிஸ் காரின் பூட் ஸ்பேஸ் 419 லிட்டர் பூட் ஸ்பேஸை ஒத்த அல்லது அதைவிட சற்று மேம்பட்ட இடவசதியை இதில் எதிர்பார்க்கலாம். குறிப்பாக இதன் டூயல்-சிலிண்டர் CNG வேரியண்டிலும் கணிசமான பூட் ஸ்பேஸ் கிடைக்கும் என்பது குறிப்பிடத்தக்கது.

அம்சங்கள்

• அம்சங்கள் விஷயத்தில் டாடா ஏரிஸ் அசத்துகிறது. இதன் டாப் வேரியண்ட்களில் 10.25-இன்ச் டச்ஸ்கிரீன் இன்ஃபோடெயின்மென்ட் சிஸ்டம் கொடுக்கப்பட்டுள்ளது. இது ஆப்பிள் கார்பிளே மற்றும் ஆண்ட்ராய்டு ஆட்டோ கனெக்டிவிட்டியை சப்போர்ட் செய்யும். மேலும் ஆட்டோமேட்டிக் கிளைமேட் கண்ட்ரோல், டிஜிட்டல் இன்ஸ்ட்ரூமென்ட் கிளஸ்டர், மற்றும் கனெக்டட் கார் டெக்னாலஜி போன்ற பல நவீன வசதிகள் இதில் உள்ளன.

• வாடிக்கையாளர்களின் வசதிக்காக ஆட்டோமேட்டிக் கிளைமேட் கன்ட்ரோல், க்ரூஸ் கன்ட்ரோல், வயர்லெஸ் போன் சார்ஜர், காற்றோட்ட வசதி கொண்ட முன்பக்க சீட்கள், எலக்ட்ரிக்கலி அட்ஜஸ்ட் மற்றும் மடித்துக்கொள்ளக்கூடிய பக்கவாட்டு கண்ணாடிகள் ஆகியவை டாடா ஏரிஸ் காரில் வழங்கப்பட்டுள்ளன.

• இது தவிர, டிரைவர் சீட் உயரத்தை அட்ஜஸ்ட் செய்யும் வசதி, ஆட்டோ-டிம்மிங் IRVM, புஷ்-பட்டன் ஸ்டார்ட்/ஸ்டாப் வசதியுடன் கூடிய கீலெஸ் என்ட்ரி மற்றும் பல்வேறு டிரைவ் மோடுகளும் இதில் இடம்பெற்றுள்ளன.

பாதுகாப்பு அம்சங்கள்

• பாதுகாப்பிற்கு டாடா எப்போதுமே முன்னுரிமை அளிக்கும். அந்த வகையில் புதிய ஏரிஸ் காரில் 6 ஏர்பேக்குகள் ஒரு முக்கிய பாதுகாப்பு அம்சமாக வழங்கப்பட்டுள்ளது. இது தவிர ABS உடன் EBD, கார்னரிங் ஸ்டெபிலிட்டி கண்ட்ரோல் மற்றும் ISOFIX சைல்டு சீட் மவுண்ட்ஸ் போன்ற அடிப்படை பாதுகாப்பு அம்சங்களும் அனைத்து வேரியண்ட்களிலும் இடம்பெறும் என எதிர்பார்க்கப்படுகிறது.

• டாடா ஏரிஸ் காரின் உயர் ரக மாடல்களில், எலக்ட்ரானிக் ஸ்டெபிலிட்டி கன்ட்ரோல் (ESC), மழைக்கு ஏற்ப இயங்கும் வைப்பர்கள், ஹில் ஹோல்ட் அசிஸ்ட் (HHA), டயர் பிரஷர் மானிட்டரிங் சிஸ்டம் (TPMS), டேஷ்கேம், ரோல்ஓவர் மிட்டிகேஷன் மற்றும் பிளைண்ட் வியூ மானிட்டருடன் கூடிய 360-டிகிரி கேமரா போன்ற நவீன பாதுகாப்பு அம்சங்களும் கூடுதலாக இடம்பெற்றுள்ளன.

பவர்டிரெயின்

ஏரிஸ் காரில் டிகோர்-ல் இருந்த அதே இன்ஜின் ஆப்ஷன்கள் தொடர்கின்றன. இதில் 1.2-லிட்டர், 3-சிலிண்டர் ரெவெட்ரான் பெட்ரோல் இன்ஜின் மற்றும் டூயல்-சிலிண்டர் டெக்னாலஜியுடன் கூடிய CNG கிட் ஆப்ஷன் ஆகியவை அடங்கும். டிரான்ஸ்மிஷனைப் பொறுத்தவரை, 5-ஸ்பீடு மேனுவல் மற்றும் 5-ஸ்பீடு AMT ஆட்டோமேட்டிக் கியர்பாக்ஸ் தேர்வுகள் வழங்கப்பட்டுள்ளன.

MT- மேனுவல் டிரான்ஸ்மிஷன், AMT- ஆட்டோமேட்டட் மேனுவல் டிரான்ஸ்மிஷன்

கார்தேக்கோ சொல்வது...

ரூ. 5.29 லட்சம் ஆரம்ப விலையில் டாடா ஏரிஸ் காம்பாக்ட் செடான் பிரிவில் ஒரு வலுவான போட்டியாளராக களமிறங்கியுள்ளது. இதன் ஸ்டைலான புதிய டிசைன், பிரீமியம் இன்டீரியர், மற்றும் 10.25-இன்ச் டச்ஸ்கிரீன், 6 ஏர்பேக்குகள் போன்ற நவீன அம்சங்கள் ஆகியவை பிரைவேட் கார் வாங்குபவர்களைக் கவரும். டிகோர்-ஐ விட ஒரு படி மேலே சென்று, ஒரு முழுமையான பேக்கேஜை வழங்க டாடா முயற்சித்துள்ளது தெளிவாகத் தெரிகிறது. ப்ளீட் மார்க்கெட்டிற்கு எக்ஸ்பிரஸ் மாடல் தொடரும் என்பதால் ஏரிஸ் முழுக்க முழுக்க குடும்பங்களுக்கான ஒரு சிறந்த தேர்வாக இருக்கும். மாருதி டிசையர், ஹூண்டாய் ஆரா, மற்றும் ஹோண்டா அமேஸ் போன்ற கார்களுக்கு இது ஒரு சரியான போட்டியாக அமையும்.
புதிய டாடா ஏரிஸ் பற்றி உங்கள் கருத்து என்ன? கமென்ட்ஸில் எங்களுக்குத் தெரியப்படுத்துங்கள்.

நீங்கள் 4 மீட்டருக்கும் குறைவான நீளம் கொண்ட செடான் காரை வாங்கத் திட்டமிடுகிறீர்கள் என்றால் நீங்கள் பரிசீலிக்கக்கூடிய சில மாற்று ஆப்ஷன்கள் இதோ:

• மாருதி சுஸூகி டிசையர்: இந்த பிரிவில் அதிக அளவில் விற்பனையாகும் மிகவும் பிரபலமான கார் இதுவே. நவீன அம்சங்கள் கொண்ட அம்சங்கள், கவர்ச்சிகரமான டிசைன், சிறந்த மைலேஜ் தரும் இன்ஜின் மற்றும் மாருதியின் பரவலான விற்பனை மற்றும் சர்வீஸ் நெட்வொர்க் வழங்கும் மனநிறைவு ஆகியவற்றுடன் ஒரு சிறந்த 'ஆல்-ரவுண்டர்' காராக இது விளங்குகிறது.

• ஹோண்டா அமேஸ்: போட்டியாளர்களுக்கு இணையாக ஒரு 'பிரிமியம்' மாற்றாகக் களமிறங்கியுள்ள அமேஸ் உயர்தர உட்புற கேபின், இந்த பிரிவிலேயே முதன்முறையாக வழங்கப்படும் ADAS பாதுகாப்பு தொழில்நுட்பம் மற்றும் அமைதியான, சக்திவாய்ந்த பெட்ரோல் இன்ஜின் ஆகியவற்றைக் கொண்டுள்ளது.

• ஹூண்டாய் ஆரா: சந்தைக்கு வந்து சில காலம் ஆன மாடலாக இருந்தாலும் சத்தமில்லாத இன்ஜின் மென்மையான ஏஎம்டி (AMT) கியர்பாக்ஸ் மற்றும் சொகுசான பயண அனுபவம் ஆகியவற்றால், தனிநபர் பயன்பாடு மற்றும் டாக்சி/டிராவல்ஸ் பயன்பாட்டாளர்கள் மத்தியில் இன்றளவும் மக்களிடையே விருப்பமான காராகவே நீடிக்கிறது.