கியா சோரெண்டோ vsடொயோட்டா இன்னோவா: 35 லட்சத்துல எது பெஸ்ட் 7-சீட்டர் ?
பிரீமியம் 7-சீட்டர் SUV / MPV பிரிவில் முற்றிலும் மாறுபட்ட அணுகுமுறைகளுடன் களமிறங்கியுள்ள சோரெண்டோ மற்றும் இன்னோவா ஹைகிராஸ் ஆகிய இரு கார்களின் ஒப்பீடு இதோ
- ஒரு கருத்தை எழுதுக
கியா நிறுவனத்தின் உலகளவில் மிகவும் பிரபலமான 7-சீட்டர் பிரீமியம் SUV காரான 'சோரெண்டோ' இந்தியாவில் அறிமுகமானதை உணர்த்தும் வகையில் கடந்த மாதம் இந்தியச் சந்தையில் களமிறக்கப்பட்டது. சோரெண்டோ கார் டீசல் மற்றும் பெட்ரோல் ஹைபிரிட் ஆகிய இரண்டு இன்ஜின் தேர்வுகளிலுமே கிடைக்கிறது. இன்றைய ஒப்பீட்டில் சமீபத்தில் வெளியான கியா சோரெண்டோவை டொயோட்டா இன்னோவா ஹைகிராஸுடன் ஒப்பிடுகிறோம். இன்னோவா ஹைகிராஸ் காரும் பெட்ரோல் ஸ்ட்ராங் ஹைபிரிட் மற்றும் நேச்சுரலி அஸ்பிரேட்டட் பெட்ரோல் இன்ஜின் தேர்வுகளுடன் விற்பனை செய்யப்பட்டு வருகிறது. சோரெண்டோ ஒரு SUV காராக சந்தைப்படுத்தப்பட்டாலும் இன்னோவா ஹைகிராஸ் ஒரு MPV காராக இருந்தும்கூட இந்த விலைப் பிரிவில் எப்போதும் பிரீமியம் தன்மைக்கும் சௌகரியத்திற்கும் பெயர்போன ஒன்றாக இருப்பதால் புதிய சோரெண்டோவிற்கு மிகக் கடுமையான போட்டியைக் கொடுக்கிறது.
இந்த இரண்டு கார்களும் ஒரே மாதிரியான விலை வரம்பைப் பகிர்ந்துகொள்வதோடு நவீன தொழில்நுட்பம் மற்றும் சக்திவாய்ந்த இன்ஜின் தேர்வுகளுடன் கூடிய பிரீமியம், நடைமுறைக்கேற்ற, வசதிகள் நிறைந்த குடும்ப SUV / MPV காரைத் தேடும் வாடிக்கையாளர்களைக் கவர்கின்றன. இருப்பினும் வடிவமைப்பு, விலை, வசதிகள் மற்றும் ஒட்டுமொத்த மதிப்பு முன்மொழிவு ஆகியவற்றில் இவை வேறுபடுகின்றன. எனவே இந்த அறிக்கையில் கியா சோரெண்டோ மற்றும் டொயோட்டா இன்னோவா ஹைகிராஸ் ஆகிய இரண்டின் விலைகள், அளவுகள், வண்ணத் தேர்வுகள், வசதிகள் மற்றும் பாதுகாப்பு, பவர்டிரெய்ன் தேர்வுகள் மற்றும் விவரக்குறிப்புகளை ஒப்பிட்டு உங்கள் தேவைகளுக்கு எது மிகவும் பொருத்தமானது என்பதைக் கண்டறிவோம்.
விலை
| மாடல் |
கியா சோரெண்டோ |
டொயோட்டா இன்னோவா ஹைகிராஸ் |
| விலை (டீசல்) |
ரூ. 27.99 லட்சம் முதல் ரூ. 38.69 லட்சம் |
- |
| விலை (பெட்ரோல் + ஹைபிரிட் / பெட்ரோல்) |
ரூ. 29.49 லட்சம் முதல் ரூ. 40.39 லட்சம் |
ரூ. 18.70 லட்சம் முதல் ரூ. 31.84 லட்சம் |
(அனைத்தும் எக்ஸ்-ஷோரூம் விலைகள்)
-
அட்டவணையில் குறிப்பிட்டுள்ளபடி இந்த இரண்டு கார்களில் இன்னோவா ஹைகிராஸ் மிகவும் சிக்கனமான தேர்வாக உள்ளது. சோரெண்டோவின் ஆரம்ப விலையே இன்னோவா ஹைகிராஸ் மாடல்களின் உச்சகட்ட விலைக்கு நெருக்கமாகத் தொடங்குகிறது.
-
கியா சோரெண்டோ டர்போ பெட்ரோல் வித் ஸ்ட்ராங் ஹைபிரிட் மற்றும் டீசல் இன்ஜின் தேர்வுகளின் கீழ் மொத்தம் 32 வேரியண்டுகளில் வழங்கப்படுகிறது. மறுபுறம் டொயோட்டா இன்னோவா ஹைகிராஸ் பெட்ரோல் மற்றும் ஹைபிரிட் பவர்டிரெய்ன் தேர்வுகளுடன் 12 வேரியண்டுகளில் தேர்வு செய்யக் கிடைக்கிறது.
-
டொயோட்டா இன்னோவா ஹைகிராஸ் காரின் அடிப்படை பெட்ரோல் வேரியண்ட் ரூ. 18.70 லட்சம் (எக்ஸ்-ஷோரூம்) என்ற குறைந்த விலையில் தொடங்கி அதன் டாப்-ஸ்பெக் பெட்ரோல்+ஹைபிரிட் வேரியண்ட் ரூ. 31.84 லட்சம் (எக்ஸ்-ஷோரூம்) வரை செல்கிறது.
-
கியா சோரெண்டோ காரின் அடிப்படை டீசல் வேரியண்ட் ரூ. 27.99 லட்சம் (எக்ஸ்-ஷோரூம்) என்ற அதிக விலையில் தொடங்கி அதன் டாப்-ஸ்பெக் பெட்ரோல்+ஹைபிரிட் AWD வேரியண்ட் ரூ. 40.39 லட்சம் (எக்ஸ்-ஷோரூம்) வரை செல்கிறது.
-
சோரெண்டோவின் டாப்-ஸ்பெக் வேரியண்டுகள் சுமார் ரூ. 8.55 லட்சம் வரை கூடுதல் விலையைக் கொண்டுள்ளன.
-
இன்னோவா ஹைகிராஸின் ஆரம்ப விலை சோரெண்டோவை விட ரூ. 10.79 லட்சம் குறைவாக உள்ளது.
-
இரண்டு கார்களும் ஒரே மாதிரியான வாடிக்கையாளர்களை இலக்காகக் கொண்டிருந்தாலும் மிகப்பெரிய விலை வித்தியாசத்தைக் கொண்டுள்ளன. மேலும் அவை வழங்கும் இடம் மற்றும் வசதிகளிலும் வேறுபடுகின்றன.
ஒரே மாதிரியான தொகையில் ஒவ்வொரு காரிலும் உங்களுக்கு என்ன கிடைக்கிறது என்பதைப் பார்ப்போம்:
அளவுகள்
|
கியா சோரெண்டோ |
டொயோட்டா இன்னோவா ஹைகிராஸ் |
வித்தியாசம் |
|
|
4815 மிமீ |
4755 மிமீ |
(+60 மிமீ) |
|
| அகலம் |
1900 மிமீ |
1845 மிமீ |
(+55 மிமீ) |
|
| உயரம் |
1785 மிமீ |
1785 மிமீ |
(+0 மிமீ) |
|
| வீல்பேஸ் |
2820 மிமீ |
2850 மிமீ |
(-30 மிமீ) |
-
ஒப்பீட்டு அட்டவணையில் குறிப்பிட்டுள்ளபடி கியா சோரெண்டோ ஒட்டுமொத்தமாக நீளத்திலும் அகலத்திலும் கணிசமான அளவு பெரியதாக இருக்கிறது. இது சாலையில் செல்லும் போது ஒரு கம்பீரமான தோற்றத்தை அளிக்கிறது.
-
டொயோட்டா இன்னோவா ஹைகிராஸ் வீல்பேஸ் அளவில் வெற்றி பெறுகிறது. அதாவது காரின் உட்புறத்தில் கால்களை வைக்க கூடுதல் இடம் கிடைக்கிறது.
-
இன்னோவா ஹைகிராஸ் மற்றும் சோரெண்டோ ஆகிய இரண்டு கார்களும் ஒரே மாதிரியான உயரத்தைக் கொண்டுள்ளன.
-
சோரெண்டோவை 6-சீட்டர் மற்றும் 7-சீட்டர் ஆகிய இரண்டு அமைப்புகளிலும் தேர்வு செய்யலாம். இருப்பினும் இன்னோவா ஹைகிராஸ் காரில் 7-சீட்டர் மற்றும் 8-சீட்டர் ஆகிய இரண்டு அமைப்புகளின் தேர்வும் கிடைக்கிறது.
கலர் ஆப்ஷன்கள்
| கியா சோரெண்டோ |
டொயோட்டா இன்னோவா ஹைகிராஸ் |
| கிளேசியர் வோய்ட் பேர்ல் |
பிளாட்டினம் வோய்ட் பேர்ல் |
| கிராவிட்டி கிரே |
பிளாக்கிஷ் அகீஹா கிளாஸ் ஃபிளேக் |
| அரோரா பிளாக் பேர்ல் |
ஆட்டிட்யூட் பிளாக் மைக்கா |
| பியூட்டர் ஆலிவ் |
அவாந்த் கார்ட் புரோன்ஸ் மெட்டாலிக் |
| இம்பீரியல் ப்ளூ |
சில்வர் மெட்டாலிக் |
| மேக்மா ரெட் |
சூப்பர் வோய்ட் |
| ஐவரி சில்வர் (கிளாஸி) |
- |
-
இரண்டு கார்களுமே எளிமையான மற்றும் அழகான வண்ணங்களைப் பெறுகின்றன. இன்னோவா ஹைகிராஸுடன் ஒப்பிடும்போது சோரெண்டோ கூடுதல் வண்ணத் தேர்வுகளை வழங்குகிறது.
-
கியா சோரெண்டோ கிளேசியர் வோய்ட் பேர்ல், கிராவிட்டி கிரே, அரோரா பிளாக் பேர்ல், பியூட்டர் ஆலிவ், இம்பீரியல் ப்ளூ, மேக்மா ரெட் மற்றும் ஐவரி சில்வர் உள்ளிட்ட ஏழு வெவ்வேறு வண்ணங்களில் வழங்கப்படுகிறது.
-
மறுபுறம், டொயோட்டா இன்னோவா ஹைகிராஸ் பிளாட்டினம் வோய்ட் பேர்ல், பிளாக்கிஷ் அகீஹா கிளாஸ் ஃபிளேக், ஆட்டிட்யூட் பிளாக் மைக்கா, அவாந்த் கார்ட் புரோன்ஸ் மெட்டாலிக், சில்வர் மெட்டாலிக் மற்றும் சூப்பர் வோய்ட் ஆகிய ஆறு வண்ணங்களில் கிடைக்கிறது.
-
இரண்டு கார்களிலுமே டூயல்-டோன் கலர் ஆப்ஷன்கள் வழங்கப்படவில்லை.
-
சோரெண்டோ காரின் உயர்நில மாடலான HTX டிரிம்களில் பிரத்யேகமாக 'டார்க் கன் மெட்டல்' மேட் ஃபினிஷ் வண்ணமும் வழங்கப்படுகிறது.
வசதிகள் மற்றும் பாதுகாப்பு
|
கியா சோரெண்டோ |
டொயோட்டா இன்னோவா ஹைகிராஸ் |
|||
| LED ஹெட்லேம்ப்கள் |
✅ |
✅ |
|||
| LED DRLs |
✅ |
✅ |
|||
| ஃபாக் லேம்ப்கள் |
✅(LED) |
✅(LED) |
|||
| LED டெயில்லேம்ப்கள் |
✅ |
✅ |
|||
| வீல்கள் |
19-இன்ச் அலாய் வீல்கள் |
18-இன்ச் அலாய் வீல்கள் |
|||
| இன்போடெயின்மென்ட் |
12.3-இன்ச் டச்ஸ்கிரீன் |
10.1-இன்ச் டச்ஸ்கிரீன் |
|||
|
✅ |
✅ |
|||
|
12.3-இன்ச் டிஜிட்டல் திரைகொண்டது |
7-இன்ச் டிஎஃப்டி டிஸ்ப்ளே |
|||
|
✅ |
✅ |
|||
|
✅ |
✅ |
|||
|
12-ஸ்பீக்கர் போஸ் |
13-ஸ்பீக்கர் JBL வித் சப்வூஃபர் |
|||
|
✅ |
✅ |
|||
|
|
|
|||
|
✅ |
✅ |
|||
|
✅ |
✅ |
|||
|
✅ |
✅ |
|||
|
✅ (6-சீட்டரில் மட்டும்) |
❌ |
|||
|
✅ (10-வே வித் லம்பார் அட்ஜஸ்ட்மென்ட்) |
✅ (8-வே வித் மெமரி) |
|||
| இணை டிரைவர் சீட் அட்ஜஸ்ட்மென்ட் |
✅ (8-வே பவர்டு) |
✅ (4-வே மேனுவல்) |
|||
| பவர்டு 2nd ரோ சீட்கள் |
❌ |
✅ (7-சீட்டரில் மட்டும்) |
|||
| பனோரமிக் சன்ரூஃப் |
✅ |
✅ |
|||
| ஆம்பியன்ட் லைட்டிங் |
✅ (64 கலர்ஸ்) |
✅ |
|||
| பேடில் ஷிஃப்ட்டர்கள் |
✅ |
✅ |
|||
| எலக்ட்ரிக் பவர்டு டெயில்கேட் |
✅ |
✅ |
|||
| வாய்ஸ் அசிஸ்டண்ட் |
✅ |
✅ |
|||
| கனெக்டட் கார் டெக்னாலஜி |
✅ |
✅ |
|||
| ஹெட்ஸ்-அப் டிஸ்ப்ளே (HUD) |
✅ |
❌ |
|||
| க்ரூஸ் கன்ட்ரோல் |
✅ |
✅ |
|||
| ஆட்டோமேட்டிக் கிளைமேட் கன்ட்ரோல் |
✅ (dual-zone) |
✅ (dual-zone) |
|||
| ஆட்டோமேட்டிக் ஹெட்லைட்ஸ் |
✅ |
✅ |
|||
| ரெய்ன் சென்சிங் வைப்பர்கள் |
✅ |
✅ |
|||
| கீலெஸ் என்ட்ரி |
✅ |
✅ |
|||
| பாஸ் மோட் |
✅ (ஒன் டச்) |
❌ |
|||
| இரண்டாம் வரிசை லாங் ஸ்லைடு |
❌ |
✅ |
|||
| டிரைவ் மோடுகள் |
✅ |
✅ |
|||
| டிராக்ஷன் மோடுகள் | ✅ |
❌ |
|||
| ஏர்பேக்குகள் |
10 |
6 |
|||
| பார்க்கிங் சென்சார்கள் |
முன், பக்கம் மற்றும் பின் (12) |
முன், பக்கம் மற்றும் பின் |
|||
| பார்க்கிங் கேமரா |
✅ (360-டிகிரி) |
✅ (360-டிகிரி) |
|||
| ஆட்டோ பார்க் அசிஸ்ட் |
✅ |
❌ |
|||
| ADAS |
✅ (Level-2) |
✅ (Level-2) |
|||
| ரிமோட் பார்க் அசிஸ்ட் |
✅ |
❌ |
|||
| எலக்ட்ரானிக் பார்க்கிங் பிரேக் வித் ஆட்டோ ஹோல்டு |
✅ |
✅ |
|||
| TPMS (tyre pressure monitoring system) |
✅ |
✅ |
|||
| ஆல்-வீல் டிஸ்க் பிரேக்குகள் |
✅ |
✅ |
|||
| எலக்ட்ரானிக் ஸ்டெபிலிட்டி புரோகிராம் (ESP) |
✅ |
✅ |
|||
| டிராக்ஷன் கன்ட்ரோல் சிஸ்டம் (TCS) |
✅ |
✅ |
|||
| ஆட்டோ-டிம்மிங் IRVM |
✅ |
✅ |
|||
| டிஜிட்டல் IRVM |
✅ |
❌ |
|||
| ரியர் டிஃபாக்கர் |
✅ |
✅ |
|||
| ISOFIX சைல்டு சீட் மவுண்ட் |
✅ |
✅ |
-
மேலே உள்ள ஒப்பீட்டு அட்டவணையில் பார்த்தபடி இரண்டு கார்களுமே பிரீமியம், சௌகரியம் மற்றும் பாதுகாப்பு அம்சங்களின் நீண்ட பட்டியலுடன் மிகச் சிறப்பாக பொருத்தப்பட்டுள்ளன. வயர்லெஸ் ஆண்ட்ராய்டு ஆட்டோ மற்றும் ஆப்பிள் கார்பிளே கொண்ட பெரிய டச்ஸ்கிரீன் இன்போடெயின்மென்ட் சிஸ்டம், பிரீமியம் ஸ்பீக்கர்கள், டிஜிட்டல் இன்ஸ்ட்ரூமென்ட் கிளஸ்டர், ADAS, கனெக்டட் கார் தொழில்நுட்பம், பல பார்க்கிங் சென்சார்கள் மற்றும் கேமராக்கள், பனோரமிக் சன்ரூஃப், பவர்டு மற்றும் வென்டிலேட்டட் முன் இருக்கைகள், வயர்லெஸ் சார்ஜிங் மற்றும் ஆல்-LED வெளிப்புற விளக்குகள் ஆகியவை இதில் அடங்கும்.
-
கியா சோரெண்டோ இன்னோவா ஹைகிராஸை விட அதிக விலை கொண்டதாக இருந்தாலும் ஏராளமான வசதிகளை வழங்குகிறது. 10-வே பவர் அட்ஜஸ்டபிள் டிரைவர் சீட், பின்பக்க வென்டிலேட்டட் சீட்கள், ஹெட்ஸ்-அப் டிஸ்ப்ளே, ஆட்டோ பார்க் அசிஸ்ட், ரிமோட் பார்க் அசிஸ்ட் மற்றும் டிஜிட்டல் IRVM போன்ற அம்சங்கள் இந்த ஒப்பீட்டில் சோரெண்டோவிற்கு மட்டுமே உரித்தானவை.
-
சோரெண்டோவின் ஹையர் வேரியண்டுகளில் AWD மற்றும் டெரைன் மோடுகளும் வழங்கப்படுகின்றன.
-
சோரெண்டோவில் வழங்கப்படும் நீண்ட வசதிகள் பட்டியலுக்கு ஈடுகொடுப்பது டொயோட்டா இன்னோவா கிரிஸ்டாவிற்கு/ஹைகிராஸிற்கு சற்று கடினம் என்றாலும் அதற்கு சொந்தமாக சில பிளஸ் புள்ளிகள் உள்ளன. இன்னோவா ஹைகிராஸ் 13-ஸ்பீக்கர் பிரீமியம் சவுண்ட் சிஸ்டம், பவர்டு இரண்டாம் வரிசை இருக்கைகள் மற்றும் லவுஞ்ச் போன்ற அனுபவத்திற்கான லாங் ஸ்லைடிங் வசதியை வழங்குகிறது. இவை சோரெண்டோவில் இல்லை.
-
சுருக்கமாகச் சொன்னால் கியா சோரெண்டோ பல தொழில்நுட்பங்களையும் வசதிகளையும் வழங்குகிறது. ஆனால் இன்னோவா ஹைகிராஸும் அதிலிருந்து வெகு தொலைவில் இல்லை. சோரெண்டோவில் உள்ள சில உயர் தொழில்நுட்ப அம்சங்களைப் புறக்கணித்தால் இன்னோவா ஹைகிராஸில் இதேபோன்ற அம்சத் தொகுப்பை சிறந்த மதிப்பீட்டில் பெற முடியும்.
பவர்டிரெய்ன் தேர்வுகள்
பவர்டிரெய்ன் தேர்வுகளைப் பொறுத்தவரையில் கியா நிறுவனம் சோரெண்டோவை டீசல் மற்றும் டர்போ பெட்ரோல் வித் ஸ்ட்ராங் ஹைபிரிட் என இரண்டு இன்ஜின் தேர்வுகளில் வழங்குகிறது. அதே நேரத்தில் டொயோட்டா இன்னோவா ஹைகிராஸ் பெட்ரோல் மற்றும் ஹைபிரிட் இன்ஜின் தேர்வுகளில் வழங்கப்படுகிறது. சோரெண்டோ தனது உயர் வேரியண்டுகளில் கூடுதல் AWD வசதியையும் வழங்குகிறது. ஆனால் இன்னோவா ஹைகிராஸ் அனைத்து வேரியண்டுகளிலும் FWD வசதியுடன் மட்டுமே தொடர்கிறது. ஆனால் ஒட்டுமொத்தமாக பல இன்ஜின் தேர்வுகளை வழங்குவதால், வெவ்வேறு தேவைகள் மற்றும் டிரைவிங் ஸ்டைல் கொண்ட மக்களுக்கு சோரெண்டோ மிகவும் ஏற்றதாகத் தெரிகிறது.
அனைத்து பவர்டிரெய்ன் தேர்வுகளின் விரிவான பார்வை இதோ:
| மாடல் |
கியா சோரெண்டோ |
டொயோட்டா இன்னோவா ஹைகிராஸ் |
||
| இன்ஜின் |
2.2-லிட்டர் டீசல் |
1.6-லிட்டர் டர்போ-பெட்ரோல் ஹைபிரிட் |
2-லிட்டர் நேச்சுரலி அஸ்பிரேட்டட் பெட்ரோல் |
2-லிட்டர் நேச்சுரலி அஸ்பிரேட்டட் பெட்ரோல் ஹைபிரிட் |
| பவர் (PS) |
202 PS |
180 PS (பெட்ரோல்), 65 PS (எலக்ட்ரிக்) |
171 PS |
189 PS |
| டார்க் (Nm) |
441 Nm |
265 Nm (பெட்ரோல்), 264 Nm (எலக்ட்ரிக்) |
204 Nm |
191 Nm (பெட்ரோல்), 206 Nm (எலக்ட்ரிக்) |
| டிரான்ஸ்மிஷன் |
8-ஸ்பீடு DCT |
6-ஸ்பீடு AT |
CVT |
e-CVT |
| டிரைவ்டிரெயின் |
FWD / AWD |
FWD / AWD |
FWD |
FWD |
WD: ஃபிரண்ட்-வீல் டிரைவ்; AWD: ஆல்-வீல் டிரைவ்; DCT: டூயல்-கிளட்ச் டிரான்ஸ்மிஷன்; AT: ஆட்டோமேட்டிக் டிரான்ஸ்மிஷன்; CVT: கண்டினியூஅஸ்லி வேரியபிள் டிரான்ஸ்மிஷன்
-
இரண்டு கார்களும் வலுவான இன்ஜின் தேர்வுகளை வழங்குகின்றன. ஆனால் சோரெண்டோ டீசல் இன்ஜின் மற்றும் பெட்ரோலில் ஹைபிரிட் அமைப்பு என இரண்டையும் வழங்கி முன்னிலை வகிக்கிறது.
-
இரண்டு கார்களின் பெட்ரோல் ஹைபிரிட் பவர்டிரெய்ன்களை ஒப்பிடும்போது சோரெண்டோ இன்ஜின் அளவில் குறைவாக இருந்தாலும், காகித அளவில் அதிக ஆற்றலையும் டார்க்கையும் வழங்குகிறது. இருப்பினும் டொயோட்டா இன்னோவா ஹைகிராஸ் தனது அதிக நம்பகத்தன்மை மற்றும் சிறந்த மைலேஜால் ஏற்கனவே தன்னை நிரூபித்துள்ளது. இரண்டு கார்களுமே நகரத்திற்குள் முழுமையாக மின்சாரத்தில் இயங்கும் டிரைவிங் ரேஞ்சை வழங்கும் திறன் கொண்டவை.
-
டீசல் காரை விரும்பிகளுக்கு, சோரெண்டோவின் அதிக டார்க் கொண்ட டீசல் இன்ஜின் மற்றும் 8-ஸ்பீட் ஆட்டோமேட்டிக் கியர்பாக்ஸ் கலவை ஒரு மகிழ்ச்சியான டிரைவிங் அனுபவத்தை அளிக்கிறது. டீசல் மற்றும் பெட்ரோல் பவர்டிரெய்ன்களின் உயர் வேரியண்டுகளை AWD டிரைவ்ட்ரெய்னுடனும் தேர்வு செய்ய முடியும்.
-
ஹைபிரிட் இல்லாத இன்னோவா ஹைகிராஸின் பெட்ரோல் இன்ஜினும் நல்ல அளவிலான ஆற்றலை வழங்குகிறது. ஆனால் இது பெரும்பாலும் வணிகப் பயன்பாட்டாளர்கள் அல்லது பட்ஜெட் கட்டுப்பாடு உள்ள வாடிக்கையாளர்களை மட்டுமே கவர்கிறது.
-
இங்கே இரண்டு கார்களுக்கும் இடையே உள்ள விலை இடைவெளியைக் கருத்தில் கொள்ளும்போது சோரெண்டோவில் உள்ள இன்ஜின் தேர்வுகள் ஒட்டுமொத்தமாக சிறந்த ஒப்பந்தமாகத் தெரிகின்றன. ஆனால் இன்னோவா ஹைகிராஸும் பின்தங்கவில்லை. இது பல ஆண்டுகளாக சந்தையில் உள்ளது மற்றும் நம்பகமான பிம்பத்தைக் கொண்டுள்ளது.
போட்டியாளர்கள்
கியா சோரெண்டோ மற்றும் டொயோட்டா இன்னோவா ஹைகிராஸ் ஆகியவை ஒன்றுக்கொன்று நெருக்கமான விலை வரம்பில் அமைந்திருந்தாலும் சோரெண்டோவின் சில போட்டியாளர்கள் விலையில் மிகவும் உயர்ந்து நிற்கிறார்கள். எனவே போட்டியாளர்களின் பட்டியல் மிக நீளமானது.
டொயோட்டா இன்னோவா ஹைகிராஸ் மற்றும் சோரெண்டோவின் ஆரம்ப நிலை வேரியண்டுகள் மஹிந்திரா XUV 7XO, டாடா சஃபாரி, டொயோட்டா இன்னோவா ஹைகிராஸ், மாருதி இன்விக்டோ, ஜீப் மெரிடியன் மற்றும் எம்ஜி ஹெக்டர் டோமாஹாக் PHEV போன்ற கார்களுடன் போட்டியிடுகின்றன. சோரெண்டோவின் உயர்நிலை வேரியண்டுகள் பிரீமியம் விலை வரம்பிற்குள் நுழைகின்றன. இது டொயோட்டா பார்ச்சூனர் மற்றும் லெஜண்டர், ஸ்கோடா கோடியாக், வோக்ஸ்வேகன் டைரன் மற்றும் எம்ஜி மெஜஸ்டர் போன்ற கார்களுடன் போட்டியிடுகிறது.
கார்தேக்கோ சொல்வது...
கியா சோரெண்டோ மற்றும் டொயோட்டா இன்னோவா ஹைகிராஸ் ஆகியவை ஒரே மாதிரியான இடவசதி பிரீமியம் வசதிகள் மற்றும் மூன்று வரிசை பயன்பாட்டை வழங்குகின்றன. ஆனால் அளவு விலை மற்றும் வேரியண்ட் தேர்வுகளில் கணிசமாக வேறுபடுகின்றன. சோரெண்டோ நீளத்திலும் அகலத்திலும் பெரியதாக இருக்கும் வேளையில் இன்னோவா ஹைகிராஸ் நீண்ட வீல்பேஸைக் கொண்டுள்ளது. இரு SUVகளும் ஒரே மாதிரியான உயரத்தைக் கொண்டுள்ளன. சோரெண்டோ ரூ. 27.99 லட்சம் முதல் ரூ. 40.39 லட்சம் வரையிலான (எக்ஸ்-ஷோரூம்) விலையில் 32 வேரியண்டுகளில் வழங்கப்படுகிறது. அதே நேரத்தில் இன்னோவா ஹைகிராஸ் ரூ. 18.70 லட்சம் முதல் ரூ. 31.84 லட்சம் வரை (எக்ஸ்-ஷோரூம்) 12 வேரியண்டுகளில் கிடைக்கிறது. எனவே இன்னோவா ஹைகிராஸ் கணிசமாகக் குறைந்த ஆரம்ப விலையைக் கொண்டுள்ளது. இருப்பினும் இதன் குறைந்தபட்ச வேரியண்டுகள் பெட்ரோல் இன்ஜினுடன் மட்டுமே வழங்கப்படுகின்றன மற்றும் முக்கியமாக சிக்கனமான மூன்று வரிசை வாகனத்தைத் தேடும் வாடிக்கையாளர்களைக் கவர்கின்றன.
இரண்டு கார்களுமே வயர்லெஸ் ஆண்ட்ராய்டு ஆட்டோ மற்றும் ஆப்பிள் கார்பிளே கொண்ட பெரிய டச்ஸ்கிரீன் இன்போடெயின்மென்ட் சிஸ்டம்கள், பிரீமியம் ஆடியோ சிஸ்டம்கள், ADAS, கனெக்டட் கார் தொழில்நுட்பம், பனோரமிக் சன்ரூஃப்கள், பவர்டு மற்றும் வென்டிலேட்டட் முன் இருக்கைகள், வயர்லெஸ் சார்ஜிங் மற்றும் ஆல்-எல்இடி வெளிப்புற விளக்குகள் போன்ற வசதிகளுடன் சிறப்பாக பொருத்தப்பட்டுள்ளன. சோரெண்டோ 2.2-லிட்டர் டீசல் மற்றும் பெட்ரோல் ஸ்ட்ராங்-ஹைபிரிட் பவர்டிரெய்னைப் பெறுகிறது, இரண்டிலும் AWD கிடைக்கிறது, அதே நேரத்தில் இன்னோவா ஹைகிராஸ் ஃபிரண்ட்-வீல் டிரைவ் வசதியுடன் மட்டுமே பெட்ரோல் மற்றும் பெட்ரோல்-ஹைபிரிட் தேர்வுகளைப் பெறுகிறது. சோரெண்டோ காரில் டிஜிட்டல் இன்ஸ்ட்ரூமென்ட் கிளஸ்டர், 10-வே பவர்-அட்ஜஸ்டபிள் டிரைவர் சீட், வென்டிலேட்டட் பின் இருக்கைகள், ஹெட்-அப் டிஸ்ப்ளே, ஆட்டோ பார்க் அசிஸ்ட், ரிமோட் பார்க் அசிஸ்ட் மற்றும் டிஜிட்டல் IRVM போன்ற பிரத்யேக அம்சங்களும் உள்ளன. இருப்பினும், இன்னோவா ஹைகிராஸ் காரில் லவுஞ்ச் போன்ற அனுபவத்திற்காக நீண்ட ஸ்லைடிங் வரம்பைக் கொண்ட பவர்டு இரண்டாம் வரிசை இருக்கைகள் மற்றும் 13-ஸ்பீக்கர் பிரீமியம் சவுண்ட் சிஸ்டம் ஆகியவற்றை வழங்குகிறது. இவை சோரெண்டோவில் கிடைக்காது.
குறைந்த விலையில் விசாலமான மற்றும் வசதிகள் நிறைந்த மூன்று வரிசை SUV காரைத் தேடும் வாடிக்கையாளர்களுக்கு இன்னோவா ஹைகிராஸ் மிகவும் எளிதான தொடக்கப் புள்ளியையும் நடைமுறைக்கேற்ற பெட்ரோல் மற்றும் ஹைபிரிட் பவர்டிரெய்ன்களையும் வழங்குகிறது. இதற்கிடையில் சோரெண்டோ ஒரு பிரீமியம் மாற்று காராக நிலைநிறுத்தப்பட்டுள்ளது. இது பரந்த அளவிலான வேரியண்டுகள், டீசல் தேர்வு, AWD வசதி மற்றும் கூடுதல் அம்சங்களை வழங்குகிறது. இதன் உயர் வேரியண்டுகள் டெரைன் மோடுகளையும் பெறுகின்றன. இன்னோவா ஹைகிராஸ் ஒரு பிரீமியம் மூன்று வரிசை SUV-யின் அடிப்படைத் தேவைகளை மிகக் குறைந்த விலையில் பூர்த்தி செய்யும் வேளையில் சோரெண்டோ தனது பரந்த பவர்டிரெய்ன் மற்றும் உபகரணத் தேர்வுகளுடன் தனது அதிக விலையை நியாயப்படுத்துகிறது. மேலும் அம்சம் நிறைந்த மற்றும் பன்முகத்தன்மை கொண்ட தயாரிப்புக்காக கூடுதல் செலவு செய்யத் தயாராக இருக்கும் வாடிக்கையாளர்களுக்கு ஏற்றதாக அமைகிறது.
இந்த இரண்டு கார்களில் உங்களுக்கு எது மிகவும் பிடிக்கும்? உங்கள் கருத்துக்களை கீழே தெரிவிக்கவும்!
பரிசீலிக்க வேண்டிய பிற கார்கள்
கியா சோரெண்டோ மற்றும் டொயோட்டா இன்னோவா ஹைகிராஸ் ஆகிய இரண்டுமே அவற்றின் பிரிவில் சிறந்த தயாரிப்புகளாகும். இன்னோவா ஹைகிராஸ் நாட்டின் அனைத்து தலைமுறைகளிலும் ஏற்கனவே விசுவாசமான ரசிகர்களைக் கொண்டிருக்கும் நிலையில் புதிய சோரெண்டோவும் அதற்குச் சமமான திறன் கொண்டதாகத் தெரிகிறது. ஆனால் இந்தப் பிரிவில் உள்ள இந்த கார்களுக்கான சில மாற்றுகளையும் அவை என்ன வழங்குகின்றன என்பதையும் நீங்கள் பார்க்கலாம்:
-
மஹிந்திரா XUV 7XO: இதன் பணத்திற்கேற்ற மதிப்பு, சக்திவாய்ந்த பெட்ரோல் மற்றும் டீசல் இன்ஜின்கள், மேம்பட்ட தொழில்நுட்பத்துடன் கூடிய வசதிகள் நிறைந்த கேபின் மற்றும் விருப்பத்தேர்வு AWD ஆகியவற்றிற்காக.
-
டாடா சஃபாரி: இதன் வலுவான சாலை தோற்றம், விசாலமான மற்றும் வசதியான கேபின், அம்சம் நிறைந்த உட்புறம் மற்றும் பாதுகாப்பில் அதிக கவனம் செலுத்துதல், டீசல் மற்றும் டர்போ பெட்ரோல் இன்ஜின் தேர்வுகளுக்காக.
-
மாருதி இன்விக்டோ: ஹைகிராஸிற்கான காத்திருப்பு காலத்தைத் தவிர்த்து, அதே சௌகரியம், நடைமுறைப் பயன்பாடு மற்றும் எரிபொருள் சிக்கனத்துடன் மாருதியின் நம்பகத்தன்மையைப் பெற விரும்பும் வாடிக்கையாளர்களுக்காக.
-
எம்ஜி ஹெக்டர் டோமாஹாக் PHEV: இதன் வசதிகள் நிறைந்த கேபின், விசாலமான உட்புறம் மற்றும் பிளக்-இன் ஹைபிரிட் பவர்டிரெய்ன் ஆகியவற்றிற்காக, இது குறுகிய பயணங்களுக்கு EV சௌகரியத்தையும், நீண்ட பயணங்களுக்கு பெட்ரோல் இன்ஜினின் வசதியையும் ஒருங்கிணைக்கிறது.
-
டொயோட்டா ஃபார்ச்சூனர் / ஃபார்ச்சூனர் லெஜண்டர்: அவற்றின் கம்பீரமான சாலை தோற்றம், வலுவான டீசல் செயல்பாடு, நிரூபிக்கப்பட்ட நம்பகத்தன்மை மற்றும் திறமையான 4x4 அமைப்பு ஆகியவற்றிற்காக, கரடுமுரடான தன்மை மற்றும் நீண்டகால உரிமையாளருக்கு முன்னுரிமை அளிக்கும் வாடிக்கையாளர்களுக்கு ஏற்றது.
-
ஸ்கோடா கோடியாக்: இதன் பிரீமியம் கேபின், சக்திவாய்ந்த 2-லிட்டர் TSI இன்ஜின், ஸ்டாண்டர்டான 4x4 டிரைவ்ட்ரெய்ன், மூன்று வரிசை பயன்பாடு மற்றும் சௌகரியமான வசதிகளின் நீண்ட பட்டியலுக்காக.
-
வோக்ஸ்வேகன் டெய்ரான்: இதன் பிரீமியம் கேபின், சிறந்த டிரைவிங் டைனமிக்ஸ், சுத்திகரிக்கப்பட்ட டர்போ-பெட்ரோல் இன்ஜின் மற்றும் ஐரோப்பியத் தன்மைக்காக, கூடவே மூன்று வரிசை பயன்பாட்டையும் வழங்குகிறது.
-
எம்ஜி மெஜஸ்டர்: இதன் பிரம்மாண்டமான சாலை தோற்றம், விசாலமான மற்றும் பிரீமியம் கேபின், சக்திவாய்ந்த டீசல் இன்ஜின், அம்சங்கள் நிறைந்த பேக்கேஜ் மற்றும் திறமையான 4x4 அமைப்பிற்காக.
-
ஜீப் மெரிடியன்: இதன் திறமையான 4x4 சிஸ்டம், தன்னம்பிக்கையான டிரைவிங் டைனமிக்ஸ், பிரீமியம் கேபின் மற்றும் தனித்துவமான ஜீப் ஸ்டைலிங் ஆகியவற்றிற்காக, கூடவே மூன்று வரிசை பயன்பாட்டையும் வழங்குகிறது.
