டாவின்சி சஸ்பென்ஷன் செட்டப் உடன் களமிறங்கும் மஹிந்திரா தார் ராக்ஸ்! லான்ச் எப்போ தெரியுமா?
சிஎன்ஜி (CNG) தொழில்நுட்பத்தின் வருகைக்குப் பிறகு, மஹிந்திரா XUV 3XO மாடல் இனி 4 வகையான இன்ஜின் விருப்பங்களில் கிடைக்கவுள்ளது!
- ஒரு கருத்தை எழுதுக
மஹிந்திரா நிறுவனம் சமீபத்தில் அறிமுகப்படுத்திய தார் OG மாடலில் மேம்படுத்தப்பட்ட தளம், கூடுதல் அம்சங்கள் மற்றும் முக்கியமாக பின்புற ஆக்ஸிலுக்கான மேம்படுத்தப்பட்ட சஸ்பென்ஷன் அமைப்பு உள்ளிட்ட குறிப்பிடத்தக்க மெக்கானிக்கல் மாற்றங்களைக் கொண்டு வந்தது. தார் OG மாடலில் இடம்பெற்றுள்ள இந்த புதிய ரியர் சஸ்பென்ஷன் 'வாட்ஸ் லிங்கேஜ் உடன் கூடிய டாவின்சி சஸ்பென்ஷன்' என்று அழைக்கப்படுகிறது. இதில் ஃபெர்குவென்சி டிபென்டென்ட் டேம்பிங் தொழில்நுட்பமும் சேர்க்கப்பட்டுள்ளது. இந்த புதிய தொழில்நுட்பங்களில் பெரும்பாலானவை முதன்முதலில் XUV 7XO மாடலில் அறிமுகப்படுத்தப்பட்டு, தற்போது தார் OG காரிலும் கொண்டு வரப்பட்டுள்ளன.
புதிய தார் OG மற்றும் தார் ராக்ஸ் ஆகிய இரண்டு கார்களும் உட்புற கட்டமைப்பில் ஒரே மாதிரியானவை என்பதால், தார் ராக்ஸ் காரிலும் இந்த புதிய சஸ்பென்ஷன் சிஸ்டம் அப்கிரேடாக வழங்கப்படும் என்று எதிர்பார்ப்பது இயல்பானதுதான். அதற்கு ஏற்றாற்போல், தற்போது சோதனையில் இருக்கும் தார் ராக்ஸ் கார் யார்டு (yard) ஒன்றில் தென்பட்டுள்ளது. அதில் என்னென்ன மாற்றங்களைக் காண முடிகிறது என்பதை விரிவாகப் பார்ப்போம்:
2026 மஹிந்திரா தார் ராக்ஸ் Spy Shots: என்னென்ன மாற்றங்கள்?
சமீபத்தில் வெளியாகியுள்ள ஸ்பை படங்களில், பகுதி அளவு மறைக்கப்பட்டுள்ள (camouflaged) தார் ராக்ஸ் காரில் புதிய தார் OG மாடலின் 19-இன்ச் அலாய் வீல் டிசைன் இடம்பெற்றிருப்பதைப் பார்க்க முடிகிறது. ஆனால் காரின் உட்பகுதியில் மறைந்திருக்கும் மிகப்பெரிய மாற்றம் என்னவென்றால், இதன் புதிய பெண்டா லிங்க் (pentalink) சஸ்பென்ஷன் அமைப்புதான். தார் OG மாடலில் இது அறிமுகப்படுத்தப்பட்டதால், விரைவில் அப்டேட் ஆகவுள்ள தார் ராக்ஸ் காரிலும் இது வழங்கப்படும் என்பது உறுதியாகியுள்ளது. இந்த காரில் ஏற்கனவே FDD தொழில்நுட்பம் உள்ளது குறிப்பிடத்தகக்து.
லேடர் ஃபிரேம் கட்டமைப்பு கொண்ட எஸ்யுவி மாடல்களில் ஏற்கனவே தார் ராக்ஸ் கார் தனது சிறந்த ரைடிங் குவாலிட்டிக்காகப் பெயர்பெற்றது. தற்போது வந்துள்ள இந்த புதிய அப்கிரேட் மூலம், மெதுவாகச் செல்லும்போது ஏற்படும் குலுக்கல்களைச் சீராக்கி, நெடுஞ்சாலைப் பயணங்களின் போதும் காரின் சௌகரியத்தை மேலும் உயர்த்தும் எனக் எதிர்பார்க்கப்படுகிறது.
படங்களில் பார்க்கும்போது, இது தார் OG மாடலில் உள்ள வாட்ஸ் லிங்க் (Watts link) அமைப்பை அச்சுபிசகாமல் ஒத்திருக்கிறது. பின்புற டிஃப்பரென்ஷியலின் நடுவில் இணைக்கப்பட்டுள்ள இரண்டு ராடுகள் இதைத் தெளிவாகக் காட்டுகின்றன. எனவே, டாவின்சி சஸ்பென்ஷன் அமைப்பும் தார் ராக்ஸில் இடம்பெறும் என நாம் எதிர்பார்க்கலாம்.
மஹிந்திரா தார் ராக்ஸ் பற்றிய ஒரு பார்வை
கடந்த 2024-ஆம் ஆண்டு அறிமுகப்படுத்தப்பட்ட தார் ராக்ஸ் கார், லைஃப்ஸ்டைல் வாகன விரும்பிகள் மத்தியில் உடனடி வரவேற்பைப் பெற்றது. இன்றைய காலகட்டத்தில் விற்பனையாகும் வழக்கமான க்ராஸ்ஓவர் எஸ்யுவிக்களுடன் ஒப்பிடும்போது, இதன் கம்பீரமான மற்றும் பாக்ஸி (boxy) டிசைன் சாலைகளில் தனித்துவமான தோற்றத்தை வழங்கி வருகிறது.
The rugged design with the round headlamps and the 6-slatted grille gives it its distinct presence. Over to the side, the boxy shape, chunky wheel arch cladding, roof rails and the footsteps scream SUV. The rear carries over the theme with the iconic spare wheel mounted on the split-side hinged tailgate
வட்ட வடிவ முகப்பு விளக்குகள் மற்றும் 6 ஸ்லேட்டுகளைக் கொண்ட கிரில் ஆகியவை இதற்கு கரடுமுரடான மற்றும் கம்பீரமான தோற்றத்தை அளிக்கின்றன. பக்கவாட்டில் பாக்ஸி வடிவம், தடிமனான வீல் ஆர்ச் கிளட்டிங், ரூஃப் ரெயில்கள் மற்றும் ஃபுட் ஸ்டெப்கள் ஆகியவை இதன் எஸ்யுவி அடையாளத்தை உறுதிப்படுத்துகின்றன. பின்புறத்திலும், ஸ்பிளிட்-சைடு ஹிஞ்டு டெயில்கேட்டில் பொருத்தப்பட்டுள்ள ஸ்பேர் வீல் தார்-ன் பாரம்பரிய டிசைனைத் தொடர்கிறது.
தார் ராக்ஸ் காரின் முக்கிய வசதிகளாக 6-வே பவர் அட்ஜஸ்டபிள் டிரைவர் சீட், வென்டிலேட்டட் ஃபிரண்ட் சீட்கள், வயர்லெஸ் ஆண்ட்ராய்டு ஆட்டோ மற்றும் ஆப்பிள் கார்பிளே வசதியுடன் கூடிய 10.25-இன்ச் டச் ஸ்கிரீன் இன்ஃபோடெயின்மென்ட் சிஸ்டம் மற்றும் 10.25-இன்ச் டிஜிட்டல் இன்ஸ்ட்ரூமென்ட் கிளஸ்டர் ஆகியவை உள்ளன. மேலும், 9-ஸ்பீக்கர் கொண்ட ஹார்மன்-கார்டன் சவுண்ட் சிஸ்டம், ஆட்டோமேட்டிக் கிளைமேட் கன்ட்ரோல் மற்றும் வயர்லெஸ் போன் சார்ஜர் ஆகியவையும் இடம்பெற்றுள்ளன. பாதுகாப்பைப் பொறுத்தவரை, 360-டிகிரி கேமரா, லெவல்-2 ADAS, 6 ஏர்பேக்குகள், ABS உடன் கூடிய EBD, டயர் பிரஷர் மானிட்டரிங் சிஸ்டம் (TPMS), ISOFIX சைல்டு சீட் மவுண்ட்கள், ஹில்-ஹோல்ட் கன்ட்ரோல் (HHC), ஹில்-டிசென்ட் கன்ட்ரோல் (HDC), ஃபிரண்ட் மற்றும் ரியர் பார்க்கிங் சென்சார்கள் மற்றும் எலக்ட்ரானிக் ஸ்டெபிலிட்டி கன்ட்ரோல் (ESC) எனப் பல்வேறு அட்வான்ஸ்டு வசதிகள் இதில் வழங்கப்பட்டுள்ளன.
பவர்டிரெயின்கள்
ஹூட்டிற்கு அடியில், தார் ராக்ஸ் கார் 2-லிட்டர் டர்போ-பெட்ரோல் மற்றும் 2.2-லிட்டர் டீசல் இன்ஜின் ஆப்ஷன்களைப் பெற்றுள்ளது. இவை இரண்டுமே 6-ஸ்பீடு மேனுவல் அல்லது 6-ஸ்பீடு டார்க் கன்வெர்ட்டர் ஆட்டோமேட்டிக் கியர்பாக்ஸ் தேர்வுகளுடன் வருகின்றன.
| Specifications |
2-litre turbo-petrol engine |
2.2-litre diesel engine |
| Power |
Up to 177 PS |
Up to 175 PS |
| Torque |
330 Nm (MT), 380 Nm (AT) |
Up to 400 Nm |
| Transmission |
6-speed MT/ 6-speed AT* |
6-speed MT/ 6-speed AT* |
| Drivetrain^ |
RWD |
RWD/ 4WD |
*AT - torque converter automatic transmission, RWD - rear-wheel-drive, 4WD - 4-wheel-drive
விலை மற்றும் போட்டி மாடல்கள்
மஹிந்திரா தார் ராக்ஸ் காரின் ஆரம்ப விலை ₹12.52 லட்சத்தில் (எக்ஸ்-ஷோரூம்) தொடங்குகிறது.
இந்தியச் சந்தையில் தார் ராக்ஸ் தனக்கென ஒரு தனி இடத்தைப் பிடித்திருந்தாலும், மாருதி ஜிம்னி, ஃபோர்ஸ் கூர்க்கா மற்றும் தார் OG ஆகியவை இதற்கு மிக நெருக்கமான போட்டி மாடல்களாகக் கருதப்படுகின்றன.
கார் தேகோ பார்வையில்…
சமீபகாலமாக மஹிந்திரா நிறுவனம் தனது நவீன எஸ்யுவிக்களில் சிறப்பான பொறியியல் தொழில்நுட்பங்களை புகுத்தி வருகிறது. ஃபெர்குவென்சி டிபென்டென்ட் டேம்பிங், வாட்ஸ் லிங்க், பெண்டா லிங்க் சஸ்பென்ஷன் மற்றும் டாவின்சி சஸ்பென்ஷன் போன்றவற்றின் சேர்ப்பு, இந்திய சாலைகளின் பல்வேறு சவாலான நிலைகளையும் எளிதாக எதிர்கொள்ளும் வகையில் இந்த கார்களை உருவாக்கியுள்ளது. மேலும், இத்தகைய புதிய தொழில்நுட்பங்களை ஏற்கனவே சந்தையில் உள்ள மாடல்களிலோ அல்லது விரைவில் வரவிருக்கும் அப்டேட்களிலோ உடனுக்குடன் வழங்குவது பாராட்டுக்குரியது.
அறிமுகமாகி இரண்டு ஆண்டுகள் நிறைவடைந்துள்ள நிலையில் தார் ராக்ஸ் காரில் கொண்டுவரப்படும் இந்த சஸ்பென்ஷன் அப்கிரேட் மிகச் சரியான நேரத்தில் செய்யப்பட்டுள்ளது. இதனுடன் தார் OG மாடலில் பார்த்தது போல சில சிறிய வசதிகள் மற்றும் பெட்ரோல் இன்ஜினிலும் 4WD ஆப்ஷனையும் நாம் இதில் எதிர்பார்க்கலாம்.
