வந்தாச்சு புது XUV 3XO CNG! மாஸான டீசருடன் 2 அசத்தல் வசதிகளை உறுதி செய்த மஹிந்திரா!
சிஎன்ஜி தொழில்நுட்பத்தின் வருகைக்குப் பிறகு மஹிந்திரா XUV 3XO மாடல் இனி 4 வகையான இன்ஜின் விருப்பங்களில் கிடைக்கவுள்ளது!
- ஒரு கருத்தை எழுதுக
இந்திய வாகனச் சந்தையில், வழக்கமான பெட்ரோல், டீசல் (ICE) இன்ஜின்களுக்கு மாற்றாக எலக்ட்ரிக், ஸ்ட்ராங் ஹைபிரிட் மற்றும் CNG கார்கள் அதிக அளவில் அறிமுகப்படுத்தப்பட்டு வருகின்றன. நாளுக்கு நாள் உயர்ந்து வரும் எரிபொருள் விலை காரணமாக, வாடிக்கையாளர்களும் அதிக மைலேஜ் தரும் கார்களை நோக்கித் திரும்பத் தொடங்கியுள்ளனர். இதனாலேயே, சமீபகால விற்பனையில் பெட்ரோல் கார்களை விட சிஎன்ஜி மற்றும் ஹைபிரிட் மாடல்கள் கணிசமான வரவேற்பைப் பெற்று வருகின்றன.
அந்த வகையில் சந்தையில் நிலவும் பலத்த சிஎன்ஜி தேவையைப் பூர்த்தி செய்ய, மஹிந்திரா நிறுவனம் தனது பிரபல XUV 3XO (XUV 3XO) காரை 'CNG' மாடலில் களமிறக்கத் தயாராகிவிட்டது. இந்த காரைப் பற்றிய முதல் தகவல்கள் மற்றும் அறிமுகத் தேதியை டீசர் மூலம் நிறுவனம் தற்போது அதிகாரப்பூர்வமாக வெளியிட்டுள்ளது.
டீசரில் வெளியாகியுள்ள தகவல்கள் என்னென்ன?
சமீபத்தில் சாலைச் சோதனைகளின் போது தென்பட்ட இந்த காம்பேக்ட் சிஎன்ஜி எஸ்டபிள்யூவி காரை, சிவப்பு நிற 'REVX' அவதாரத்தில் மஹிந்திரா டீசராக வெளியிட்டுள்ளது. இந்த புதிய மாடலில் எல்.இ.டி முகப்பு விளக்குகள், எல்.இ.டி DRL-கள் மற்றும் பனோரமிக் சன்ரூஃப் ஆகியவை இடம்பெற்றிருப்பது உறுதி செய்யப்பட்டுள்ளது.
மஹிந்திரா நிறுவனத்திலிருந்து தொழிற்சாலையிலேயே பொருத்தப்பட்ட சிஎன்ஜி கிட் வசதியுடன் வரும் இரண்டாவது கார் இதுவாகும். இருப்பினும், பொருட்கள் வைக்கும் பூட் ஸ்பேஸ் குறையாமல் இருக்க மற்ற நிறுவனங்களைப்போல இரட்டை சிலிண்டர் தொழில்நுட்பத்தை மஹிந்திரா இதில் பயன்படுத்துமா என்பது இன்னும் அதிகாரப்பூர்வமாகத் தெரியவில்லை.
எதிர்பார்க்கப்படும் வசதிகள் மற்றும் பாதுகாப்பு அம்சங்கள்
XUV 3XO CNG மாடலில் பின்வரும் முக்கிய வசதிகள் இடம்பெறும் என எதிர்பார்க்கப்படுகிறது:
- 10.25-இன்ச் டச் ஸ்கிரீன் இன்ஃபோடெயின்மென்ட் சிஸ்டம் (வயர்லெஸ் இணைப்புடன்)
- 10.25-இன்ச் டிஜிட்டல் டிரைவர் டிஸ்பிளே
- டூயல் ஜோன் கிளைமேட் கன்ட்ரோல்
- பவர் அட்ஜஸ்டபிள் டிரைவர் சீட்
பாதுகாப்பைப் பொறுத்தவரை 6 ஏர்பேக்குகள், எலக்ட்ரானிக் ஸ்டெபிலிட்டி கன்ட்ரோல் (ESC), ஹில் ஹோல்ட் அசிஸ்ட் (HHA), ISOFIX சைல்டு சீட் மவுண்ட்கள், ரியர் பார்க்கிங் சென்சார்கள், 360-டிகிரி கேமரா மற்றும் டயர் பிரஷர் மானிட்டரிங் சிஸ்டம் (TPMS) ஆகிய அம்சங்கள் கொடுக்கப்படவுள்ளன. ஏற்கனவே BNCAP மோதல் சோதனையில் இந்த கார் முழுமையாக 5-ஸ்டார் பாதுகாப்பு மதிப்பீட்டைப் பெற்றுள்ளது என்பது குறிப்பிடத்தக்கது.
பவர்டிரெயின் ஆப்ஷன்கள்:
தற்போது XUV 3XO காரில் 3 வகையான இன்ஜின் ஆப்ஷன்கள் விற்பனை செய்யப்படுகின்றன:
| Model |
Mahindra XUV 3XO |
||
| Engine |
1.2-litre turbo-petrol |
1.2-litre T-GDi turbo-petrol |
1.5-litre diesel |
| Power (PS) |
112 PS |
130 PS |
117 PS |
| Torque (Nm) |
200 Nm |
230 Nm |
300 Nm |
| Transmission |
6-speed MT, 6-speed AT |
6-speed MT, 6-speed AT |
6-speed MT, 6-speed AMT |
| Drivetrain |
FWD |
FWD |
FWD |
*MT- Manual Transmission, AT- Torque Converter Automatic, FWD- Front-wheel Drive
புதிய CNG மாடலானது, இதன் அடிப்படை 1.2-லிட்டர் டர்போ-பெட்ரோல் இன்ஜினை அடிப்படையாகக் கொண்டு உருவாக்கப்படும் என எதிர்பார்க்கப்படுகிறது. பூட் ஸ்பேஸை மிச்சப்படுத்த காரின் அடிப்பகுதியில் (Underbody) சிலிண்டர் டேங்க் அமைப்பை மஹிந்திரா டீசரில் உறுதிசெய்திருந்தாலும், அது சிங்கிள் சிலிண்டரா அல்லது டூயல் சிலிண்டரா என்பது அறிமுகத்தின் போதே தெளிவாகத் தெரியும்.
அறிமுகத் தேதி, எதிர்பார்க்கப்படும் விலை மற்றும் போட்டிகள்
புதிய XUV 3XO சிஎன்ஜி கார், தசரா பண்டிகையை முன்னிட்டு இந்த மாதம் அக்டோபர் 15 அன்று சந்தையில் அறிமுகமாகவுள்ளது. இதன் பெட்ரோல் வேரியண்ட்களை விட சிஎன்ஜி மாடலின் விலை சுமார் ₹50,000 முதல் ₹1 லட்சம் வரை அதிகமாக இருக்கும் எனக் கணிசமாக எதிர்பார்க்கப்படுகிறது.
இந்த கார் டாடா நெக்ஸான், மாருதி பிரெஸ்ஸா, மாருதி ஃப்ரான்க்ஸ், டாடா பஞ்ச், கியா சோனெட், ரெனால்ட் கைக்கர், ஹூண்டாய் வென்யூ, நிஸான் மேக்னைட், டொயோட்டா டைஸர் மற்றும் கியா சைரோஸ் ஆகிய கார்களுக்கு நேரடியாகப் போட்டியாக அமையும்.
கார்தேக்கோ -வின் பார்வையில்…
மஹிந்திரா நிறுவனமும் சிஎன்ஜி சந்தையில் காலடி எடுத்து வைப்பதுடன் சப்-காம்ப்பாக்ட் எஸ்டபிள்யூவி பிரிவில் விற்பனைக்கு வரும் 5-வது சிஎன்ஜி மாடலாக இது இருக்கும். ஏற்கனவே சிறந்த டிரைவிங் குவாலிட்டி, பாதுகாப்பு மற்றும் அதிகப்படியான வசதிகளுடன் கலக்கி வரும் XUV 3XO மாடலில் தற்போது CNG விருப்பமும் சேர்வதால் வாடிக்கையாளர்களுக்கு மொத்தம் 4 இன்ஜின் ஆப்ஷன்கள் கிடைக்கவுள்ளன.
குறைந்த பராமரிப்புச் செலவில் பயணிக்க நினைக்கும் வாடிக்கையாளர்களுக்கு இந்த சிஎன்ஜி பதிப்பு ஒரு மிகச்சிறந்த தேர்வாக இருக்கும். பொதுவாக சிஎன்ஜி கார்களில் இருக்கும் பூட் ஸ்பேஸ் பிரச்சனைக்கு தீர்வாக, மஹிந்திரா இதில் காரின் அடிப்பகுதியில் டேங்க் அமைப்பைக் கொண்டுவரத் திட்டமிட்டுள்ளது. எனினும் XUV 3XO-வின் பெரிய பலவீனமாக இருக்கும் குறைந்த பூட் ஸ்பேஸ் சிக்கலை இந்த சிஎன்ஜி மாடல் எப்படிச் சமாளிக்கப் போகிறது என்பதைப் பொறுத்திருந்துதான் பார்க்க வேண்டும்.
