ஹூண்டாய் பேயான் வாங்க போறீங்களா? எந்த வேரியண்ட்டுக்கு என்ன கலர் கிடைக்கும்னு தெரிஞ்சுக்கோங்க!
6 வெளிப்புற ஷேடுகளில், நீங்கள் மோனோடோன், டூயல்-டோன் மற்றும் மேட் நிறங்களுக்கு இடையே தேர்வு செய்யலாம்.
- ஒரு கருத்தை எழுதுக
தென் கொரிய கார் உற்பத்தி நிறுவனமான ஹூண்டாய் இந்திய சந்தையில் தனது புதிய தயாரிப்பான பேயான் காரை அதிகாரப்பூர்வமாக களமிறக்கியுள்ளது. இந்தியாவில் வாடிக்கையாளர்கள் மத்தியில் பெரும் வரவேற்பைப் பெற்று வரும் காம்பாக்ட் எஸ்யூவி பிரிவில் இந்த புதிய மாடல் இணைந்துள்ளது. ஹூண்டாய் நிறுவனத்தின் தயாரிப்பு என்பதால், நவீன வசதிகள் அனைத்திலும் பேயான் தாராளமாக நிரப்பப்பட்டுள்ளது. கடுமையான போட்டிகள் நிறைந்த இந்த செக்மென்ட்டில் தனக்கான இடத்தை பிடிக்கும் அனைத்து தகுதிகளும் இதில் உள்ளதால், புதிய கார் வாங்க திட்டமிடும் வாடிக்கையாளர்களை இது வெகுவாகக் கவர்கிறது.
பேயான் எஸ்யூவியின் மற்றொரு முக்கிய சிறப்பம்சம் அதில் கொடுக்கப்பட்டுள்ள கண்கவர் கலர் ஆப்ஷன்கள்தான். நீங்கள் இந்த புதிய காம்பாக்ட் எஸ்யூவியை வாங்க திட்டமிட்டிருந்தால், இதில் என்னென்ன வண்ணங்கள் கிடைக்கின்றன மற்றும் எந்தெந்த வேரியண்ட்டில் எந்த நிறங்கள் வருகின்றன என்பதை இந்த செய்திக் கட்டுரையில் விரிவாகப் பார்க்கலாம்.
கலர் தேர்வுகள்
ஹூண்டாய் பேயான் மாடலில் மோனோ-டோன், டூயல்-டோன் மற்றும் மேட் ஃபினிஷ் உட்பட மொத்தம் 6 வெளிப்புற கலர் தேர்வுகள் வழங்கப்படுகின்றன. அவற்றின் விவரம் இதோ:
-
டைட்டானியம் பிளாக்
-
கிளாஸி ப்ளூ (மேட் ஃபினிஷிலும் கிடைக்கும்)
-
அட்லஸ் ஒயிட் / கருப்பு நிற ரூஃப் உடன் அட்லஸ் ஒயிட்
-
ஃபியரி ரெட் / கருப்பு நிற ரூஃப் உடன் ஃபியரி ரெட்
-
கோல்டன் பிரான்ஸ்
-
எக்கோட்ரானிக் கிரே
இதில் அட்லஸ் ஒயிட் மற்றும் ஃபியரி ரெட் ஆகிய இரண்டு நிறங்களும் கருப்பு நிற ரூஃப் கொண்ட டூயல்-டோன் ஆப்ஷனில் கிடைக்கின்றன. அதேபோல் மேட் ஃபினிஷ் விருப்பமானது டைட்டானியம் பிளாக் மற்றும் கிளாஸி ப்ளூ ஆகிய கலர் தேர்வுகளில் வழங்கப்படுகிறது.
| எங்களின் சாய்ஸ்: பேயான் எஸ்யூவியில் பலவிதமான வண்ணங்களும் ஃபினிஷிங் தேர்வுகளும் இருந்தாலும், டைட்டானியம் பிளாக் ரூஃப் உடன் வரும் ஃபியரி ரெட் வண்ணம்தான் எங்களின் விருப்பமான தேர்வாக உள்ளது. இது காருக்கு கூடுதல் கம்பீரத்தையும் முரட்டுத்தனமான தோற்றத்தையும் கொடுக்கிறது. |
இந்த கலர் தேர்வுகள் வேரியண்ட் வாரியாக எவ்வாறு பிரிக்கப்பட்டுள்ளன என்பதை கீழே உள்ள அட்டவணையில் காணலாம்:
| Variant |
Titanium Black |
Classy Blue Pearl |
Atlas White |
Fiery Red |
Golden Bronze Metallic |
Ecotronic Grey Pearl |
| HX2 |
✅ |
✅ |
✅ |
❌ |
❌ |
❌ |
| HX3 |
✅ |
✅ |
✅ |
❌ |
❌ |
❌ |
| HX3 Plus |
✅ |
✅ |
✅ |
❌ |
❌ |
❌ |
| HX5 |
✅* |
✅ |
✅*^ |
✅^ |
✅ |
✅ |
| HX6 |
✅* |
✅ |
✅*^ |
✅^ |
✅ |
✅ |
| HX8 |
✅* |
✅ |
✅*^ |
✅^ |
✅ |
✅ |
| HX10 |
✅* |
✅ |
✅*^ |
✅^ |
✅ |
✅ |
*மேட் ஆப்ஷனிலும் கிடைக்கும், ^டைட்டானியம் பிளாக் ரூஃப் உடன் கிடைக்கும்
-
ஆரம்ப நிலை மாடல்களான HX2, HX3 மற்றும் HX3 Plus வேரியண்ட்களில் டைட்டானியம் பிளாக், கிளாஸி ப்ளூ பேர்ல் மற்றும் அட்லஸ் ஒயிட் ஆகிய மூன்று நிறங்கள் மட்டுமே தேர்வுக்கு கிடைக்கின்றன.
-
நடுத்தர மாடலான HX5 வேரியண்ட்டில் இருந்து இந்த மூன்று வண்ணங்களுடன் கூடுதலாக ஃபியரி ரெட், கோல்டன் பிரான்ஸ் மெட்டாலிக் மற்றும் எக்கோட்ரானிக் கிரே பேர்ல் ஆகிய நிறங்களும் கிடைக்கத் தொடங்குகின்றன.
-
HX5, HX6, HX8 மற்றும் HX10 வேரியண்ட்களில் அட்லஸ் ஒயிட் மற்றும் ஃபியரி ரெட் ஆகிய நிறங்களை டூயல்-டோன் ஆப்ஷனிலும் தேர்வு செய்ய முடியும்.
-
மேட் கலர் ஃபினிஷை விரும்புபவர்கள் டைட்டானியம் பிளாக் மற்றும் அட்லஸ் ஒயிட் ஆகியவற்றை HX5 வேரியண்ட்டில் இருந்து வாங்கிக் கொள்ளலாம்.
சிறப்பம்சங்கள் & பாதுகாப்பு
பேயான் காரில் வயர்லெஸ் Android Auto மற்றும் Apple CarPlay சப்போர்ட் கொண்ட 12.3-இன்ச் டச் ஸ்கிரீன் இன்ஃபோடெயின்மென்ட் சிஸ்டம் இடம்பெற்றுள்ளது. இதற்குத் துணையாக பிரீமியம் BOSE சவுண்ட் சிஸ்டமும் வழங்கப்பட்டுள்ளது. இதுதவிர 12.3-இன்ச் டிஜிட்டல் டிரைவர் டிஸ்பிளே, வயர்லெஸ் போன் சார்ஜர், பனோரமிக் சன்ரூஃப், பவர்டு மற்றும் வென்டிலேட்டட் முன் இருக்கைகள் மற்றும் ஆம்பியன்ட் லைட்டிங் போன்ற வசதிகளும் இதில் உள்ளன. எந்த வேரியண்ட்டில் என்னென்ன வசதிகள் இடம்பெற்றுள்ளன என்பதை அறிய எங்கள் பிரத்யேக வேரியண்ட் வழிகாட்டி கட்டுரையைப் பார்க்கலாம்.
தினசரி பயன்பாட்டிற்குத் தேவையான ரியர் AC வென்ட்ஸ் உடன் கூடிய ஆட்டோமேட்டிக் கிளைமேட் கன்ட்ரோல், Type-C USB சார்ஜர்கள், புஷ்-பட்டன் ஸ்டார்ட்/ஸ்டாப், எலக்ட்ரிக்கலி அட்ஜஸ்டபிள் மற்றும் ஆட்டோ ஃபோல்டிங் ORVMs மற்றும் க்ரூஸ் கன்ட்ரோல் ஆகியவையும் இதில் உண்டு.
பயணிகள் பாதுகாப்பிற்கு மிக முக்கியத்துவம் தந்து 6 ஏர்பேக்குகள் ஸ்டாண்டர்டாகக் கொடுக்கப்பட்டுள்ளன. இவற்றுடன் EBD உடன் கூடிய ABS, ESC, TPMS, ஹில் ஹோல்டு அசிஸ்ட், முன் மற்றும் பின் பார்க்கிங் சென்சார்கள் மற்றும் ISOFIX சைல்டு சீட் மவுண்ட்கள் ஆகியவை இணைக்கப்பட்டுள்ளன.
மேலும் பிளைண்ட் வியூ மானிட்டர் கொண்ட 360-டிகிரி கேமரா மற்றும் அடாப்டிவ் க்ரூஸ் கன்ட்ரோல், லேன் கீப் அசிஸ்ட், ஹை பீம் அசிஸ்ட், ரியர் கிராஸ்-ட்ராஃபிக் அலர்ட் மற்றும் அட்டானமஸ் எமர்ஜென்சி பிரேக்கிங் போன்ற மேம்பட்ட Level-2 ADAS பாதுகாப்பு அம்சங்களும் இதில் நிறைந்துள்ளன.
என்ஜின் மற்றும் பவர்டிரெய்ன் விவரங்கள்
கிரெட்டாவில் பல்வேறு என்ஜின் தேர்வுகள் கொடுக்கப்பட்டிருப்பதைப் போல இல்லாமல், பேயான் மாடலில் ஒரே ஒரு நேச்சுரலி அஸ்பிரேட்டட் பெட்ரோல் என்ஜின் ஆப்ஷன் மட்டுமே வழங்கப்பட்டுள்ளது.
| என்ஜின் | 1.5-லிட்டர் நேச்சுரலி அஸ்பிரேட்டட் பெட்ரோல் |
| பவர் |
115 PS |
| டார்க் |
144 Nm |
| டிரான்ஸ்மிஷன்* |
6-ஸ்பீடு MT, CVT |
* MT = மேனுவல் டிரான்ஸ்மிஷன், CVT = கண்டினியூஸ்ல்டி வேரியபிள் ஆட்டோமெட்டிக் டிரான்ஸ்மிஷன்
தற்போதைய நிலவரப்படி பேயான் மாடல் இந்த ஒற்றை பெட்ரோல் என்ஜினுடன் மட்டுமே விற்பனைக்குக் கிடைக்கிறது. எனினும் இதில் ஃபேக்டரி ஃபிட்டட் CNG என்ஜின் தேர்வை வரும் 2027 ஜனவரியில் அறிமுகப்படுத்த உள்ளதாக ஹூண்டாய் நிர்வாகம் உறுதி செய்துள்ளது.
விலை & போட்டியாளர்கள்
ஹூண்டாய் பேயான் காரின் ஆரம்ப பேஸ் வேரியண்ட் விலை ரூ. 10 லட்சத்தில் தொடங்கி டாப் வேரியண்ட்டிற்கு ரூ. 18 லட்சம் வரை எக்ஸ்-ஷோரூம் விலையாக நிர்ணயிக்கப்பட்டுள்ளது. இந்த காம்பாக்ட் எஸ்யூவி செக்மென்ட்டில் கியா செல்டோஸ், ஹூண்டாய் கிரெட்டா, ரெனால்ட் டஸ்டர், டாடா சியரா, நிஸான் டெக்டான், ஸ்கோடா குஷாக், ஃபோக்ஸ்வேகன் டைகுன், சிட்ரோன் ஏர்கிராஸ் எக்ஸ், மாருதி விக்டோரிஸ், ஹோண்டா எலிவேட், எம்ஜி ஆஸ்டர், மாருதி கிராண்ட் விட்டாரா மற்றும் டொயோட்டா ஹைரைடர் ஆகிய முன்னணி மாடல்களுடன் இது நேருக்கு நேர் மோதுகிறது.
கார்தேக்கோவின் கருத்து...
பொதுவாக இந்த பிரிவில் உள்ள பெரும்பாலான எஸ்யூவிகள் வழக்கமான வெள்ளை, கிரே மற்றும் கருப்பு நிறங்களையே அதிகம் நம்பியிருக்கும் வேளையில், ஹூண்டாய் நிறுவனம் பேயானில் மிகவும் சுவாரஸ்யமான கலர் தேர்வுகளை வழங்கி அசத்தியுள்ளது. இதில் மேட் ஃபினிஷில் வரும் கிளாஸி ப்ளூ எங்களின் முதல் தேர்வாகும். பளபளப்பான கிளாஸி நிறங்களை விட, காரின் பாடி லைன்கள் மற்றும் ஷார்ப்பான டிசைன் அமைப்புகளை இந்த மேட் ஃபினிஷ் மிக அழகாக வெளிப்படுத்துவதுடன் சாலையில் தனித்துவமான தோற்றத்தையும் தருகிறது. ஒருவேளை மேட் பெயிண்ட்டை முறையாகப் பராமரிப்பதில் உங்களுக்கு சிரமம் இருந்தால் (ஆட்டோமேட்டிக் வாட்டர் வாஷ் செய்ய முடியாது மற்றும் கீறல்களை பாலிஷ் செய்ய முடியாது), கோல்டன் பிரான்ஸ் அடுத்த சிறந்த தேர்வாக இருக்கும். வெள்ளை நிற எஸ்யூவிகள் நிரம்பிய பார்க்கிங்கில் உங்கள் காரை எளிதில் அடையாளம் காட்டும் அளவுக்கு இது கம்பீரமாக இருக்கும். அதேபோல் ஸ்போர்ட்டியான லுக்கை விரும்புபவர்களுக்கு பிளாக் ரூஃப் கொண்ட ஃபியரி ரெட் கச்சிதமாகப் பொருந்தும். ஆனால் பெரிய அலாய் வீல்கள் கொண்ட டாப் வேரியண்ட்களிலேயே இந்த டூயல்-டோன் அமைப்பு அதிக எடுப்பாகத் தெரியும்.
நடைமுறைப் பயன்பாட்டையும் நாம் ஒதுக்கிவிட முடியாது. அட்லஸ் ஒயிட் மற்றும் எக்கோட்ரானிக் கிரே நிறங்கள் தூசிகளையும் சிறிய அளவிலான கீறல்களையும் எளிதில் மறைத்துவிடும். மேலும் மறுவிற்பனையின்போதும் நல்ல மதிப்பைப் பெற்றுத் தரும் என்பதால் காரை பல ஆண்டுகள் வைத்திருக்க நினைப்பவர்களுக்கு இவை புத்திசாலித்தனமான தேர்வுகள். எனவே ஒரு குறிப்பிட்ட நிறத்தை முடிவு செய்வதற்கு முன் மேலே உள்ள வேரியண்ட் அட்டவணையைச் சரிபார்த்துக் கொள்ளுங்கள். ஏனெனில் உங்கள் பட்ஜெட்டே உங்களுக்கான நிறத்தைத் தீர்மானிக்கக்கூடும்.
பேயான் மாடலில் எந்த நிறத்தை நீங்கள் தேர்வு செய்வீர்கள்? உங்கள் விருப்பத்தை கீழே உள்ள கமெண்ட் பகுதியில் மறக்காமல் பதிவிடுங்கள்.
