2026 பேயானை விட கிரெட்டால அப்படி என்ன இருக்கு… இரண்டுக்கும் இடையே உள்ள ஒற்றுமை என்ன?
பேயான் மற்றும் கிரெட்டா இரண்டும் ஒரே பேட்ஜைப் பகிர்ந்து கொள்கின்றன. ஆனால் எது உங்களுக்கு சிறந்த தேர்வு?
- ஒரு கருத்தை எழுதுக
ஹூண்டாய் நிறுவனம் தனது எஸ்யூவி வரிசையை மேலும் வலுப்படுத்தும் வகையில் பேயான் எனும் புதிய காம்பாக்ட் எஸ்யூவி மாடலை அறிமுகப்படுத்தியுள்ளது. இது விற்பனையில் கிரெட்டா மாடலுக்குக் கீழே நிலைநிறுத்தப்பட உள்ளது. இவ்விரு மாடல்களும் பல வசதிகளையும், ஒரே மாதிரியான நேச்சுரலி அஸ்பிரேட்டட் பெட்ரோல் என்ஜினையும் பகிர்ந்து கொண்டாலும் வாடிக்கையாளர்களின் வாங்கும் முடிவை மாற்றக்கூடிய சில முக்கியமான வித்தியாசங்களைக் கொண்டுள்ளன.
வித்தியாசமான தோற்றம் மற்றும் புத்தம் புதிய கேபின் அமைப்புடன் பேயான் முற்றிலும் மாறுபட்ட அணுகுமுறையைக் காட்டுகிறது. அதேவேளையில் கிரெட்டா மாடல் வழக்கம்போல டர்போ-பெட்ரோல், டீசல் என கூடுதல் என்ஜின் தேர்வுகளுடனும் கூடுதல் சொகுசு வசதிகளுடனும் தொடர்ந்து களத்தில் முன்னிலை வகிக்கிறது.
கிரெட்டாவை விட குறைந்த விலைப் பிரிவில் பேயான் வருவதால் இதில் எது சிறந்த தேர்வு என்பதைத் தீர்மானிப்பதில் விலை முக்கியப் பங்கு வகிக்கும். எனவே இந்த இரண்டு ஹூண்டாய் எஸ்யூவி மாடல்களின் விலை, அளவுகள், கலர் தேர்வுகள், வசதிகள் மற்றும் என்ஜின் விவரங்களை முழுமையாக ஒப்பிட்டுப் பார்ப்போம்.
விலை ஒப்பீடு
| மாடல் |
ஹூண்டாய் பேயான் |
ஹூண்டாய் கிரெட்டா |
| விலை (எக்ஸ்-ஷோரூம்) |
ரூ/ 10 லட்சம் முதல் 18 லட்சம் |
Rs 10.91 முதல் ரூ. 20.46 லட்சம் |
-
பேயான் மாடலின் ஆரம்ப விலை சுமார் ரூ. 10 லட்சத்தில் இருந்து தொடங்குகிறது. இது கிரெட்டாவின் பேஸ் வேரியண்ட்டை விட ரூ. 91,000 வரை குறைவு. கிரெட்டாவின் செல்லாமல் நல்ல வசதிகள் நிறைந்த ஹூண்டாய் எஸ்யூவியை வாங்க நினைப்பவர்களுக்கு இது சிறந்த வாய்ப்பாக அமையும்.
-
டாப்-எண்ட் வேரியண்ட்டை ஒப்பிடுகையில், பேயான் மாடலானது கிரெட்டாவை விட ரூ. 2.46 லட்சம் வரை விலை குறைவாகக் கிடைக்கிறது. எனினும் கிரெட்டாவின் கூடுதல் விலை என்பது அதில் வழங்கப்படும் டர்போ-பெட்ரோல் மற்றும் டீசல் என்ஜின் தேர்வுகளுக்கானது என்பதையும் கவனிக்க வேண்டும்.
-
பேயானில் நீங்கள் எந்த வேரியண்ட்டைத் தேர்வு செய்கிறீர்கள் என்பதைப் பொறுத்தே இறுதி ஒப்பீட்டு முடிவு அமையும். அதேசமயம் இறுதி முடிவை எடுப்பதற்கு முன் கிரெட்டாவுக்கு வழங்கப்படும் சலுகைகள் மற்றும் தள்ளுபடிகளையும் ஒருமுறை சரிபார்த்துக் கொள்வது நல்லது.
அளவுகள்
| மாடல் |
ஹூண்டாய் பேயான் |
ஹூண்டாய் கிரெட்டா |
வித்தியாசம் |
| நீளம் | 4245 மிமீ |
4330 மிமீ |
(- 85 மிமீ) |
| அகலம் |
1810 மிமீ |
1790 மிமீ |
+ 20 மிமீ |
| உயரம் |
1570 மிமீ |
1635 மிமீ |
(- 65 மிமீ) |
| வீல்பேஸ் |
2600 மிமீ |
2610 மிமீ |
(- 10 மிமீ) |
-
கிரெட்டா மாடலானது பேயானை விட அதிக நீளமும் உயரமும் கொண்டிருப்பதுடன், சற்றே கூடுதல் வீல்பேஸையும் கொண்டுள்ளது. இதனால் சாலையிலும் பார்க்கவும் இது ஒரு பெரிய எஸ்யூவி போன்ற தோற்றத்தைத் தருகிறது.
-
அதேநேரம் பேயான் நீளத்திலும் உயரத்திலும் குறைவாக இருந்தாலும் கிரெட்டாவை விட 20 mm கூடுதல் அகலத்தைக் கொண்டுள்ளது. மேலும் இதன் 2,600 mm வீல்பேஸ் என்பது கிரெட்டாவை விட வெறும் 10 mm மட்டுமே குறைவு.
-
ஒட்டுமொத்த அளவில் கிரெட்டா பெரிய காராகத் தெரிந்தாலும், அதற்கு அடுத்த இடத்தில் வரும் பேயானின் அளவுகளும் போதுமான இடவசதியைத் தரக்கூடிய வகையில் சிறப்பாகவே உள்ளன. காரின் உண்மையான கேபின் இடவசதி மற்றும் பின் இருக்கை சௌகரியம் ஆகியவற்றை காரை நேரில் ஓட்டிப் பார்த்தே துல்லியமாக கணிக்க முடியும் என்பதால், பேயான் மாடலின் விரிவான ரிவ்யூவுக்காக காத்திருங்கள்.
கலர் ஆப்ஷன்கள்
| ஹூண்டாய் பேயான் |
ஹூண்டாய் கிரெட்டா |
| டைட்டானியம் பிளாக்^ |
ரோபஸ்ட் எமரால்டு பேர்ல் |
| கிளாஸி ப்ளூ^ |
ஸ்டாரி நைட் |
| அட்லஸ் ஒயிட்* |
டைட்டன் கிரே |
| ஃபியரி ரெட்* |
டைட்டன் கிரே மேட் |
| கோல்டன் பிரான்ஸ் |
அட்லஸ் ஒயிட்* |
| எக்கோட்ரானிக் கிரே |
டைட்டானியம் பிளாக் |
| - |
டைட்டானியம் பிளாக் மேட் |
*டூயல்-டோன் பெயிண்ட் ஆப்ஷனிலும் கிடைக்கும்
^ மேட் ஃபினிஷ் ஆப்ஷனிலும் கிடைக்கும்
-
பேயான் மாடலில் டார்க் ஷேடுகள், வழக்கமான நியூட்ரல் நிறங்கள் மற்றும் பளிச்சென்ற வண்ணங்கள் என கலவையான தேர்வுகள் உள்ளன. கிளாஸி ப்ளூ மற்றும் ஃபியரி ரெட் ஆகியவை இளைய தலைமுறையைக் கவரும் வகையிலும், அட்லஸ் ஒயிட் மற்றும் எக்கோட்ரானிக் கிரே ஆகியவை எளிமையான தோற்றத்தை விரும்புவோருக்கும் ஏற்றதாக இருக்கும். அத்துடன் டைட்டானியம் பிளாக் கூடுதல் கம்பீரத்தைத் தருகிறது
-
கிரெட்டாவில் ரோபஸ்ட் எமரால்டு பேர்ல் மற்றும் ஸ்டாரி நைட் போன்ற பிரத்யேக வண்ணங்கள் வழக்கமான வெள்ளை, கிரே மற்றும் பிளாக் நிறங்களைத் தாண்டி புதுமையான தேர்வாக உள்ளன. மேலும் டைட்டன் கிரே மேட் மற்றும் டைட்டானியம் பிளாக் மேட் போன்ற மேட் ஃபினிஷ் ஆப்ஷன்களும், அட்லஸ் ஒயிட் நிறத்திற்கு டூயல்-டோன் ஆப்ஷனும் இதில் வழங்கப்படுகின்றன
-
இரண்டு எஸ்யூவிகளிலுமே சிறப்பான கலர் ஆப்ஷன்கள் உள்ளதால், வாங்குபவர்களின் தனிப்பட்ட விருப்பமே முதன்மையானது. வித்தியாசமான நிறங்களை விரும்புபவர்கள் பேயானில் உள்ள கோல்டன் பிரான்ஸ் அல்லது கிரெட்டாவில் உள்ள ரோபஸ்ட் எமரால்டு பேர்ல் ஆகியவற்றைத் தாராளமாகப் பரிசீலிக்கலாம்
அம்சங்கள்
| Feature |
ஹூண்டாய் பேயான் |
ஹூண்டாய் கிரெட்டா |
| Auto LED Headlamps |
✅ |
✅ |
| LED foglamps |
✅ |
✅ |
| LED Taillamps |
✅ |
✅ |
| Wheels |
17-inch alloy wheels |
18-inch alloy wheels |
| Roof Rails |
✅ |
✅ |
| Height-adjustable Driver Seat |
✅ |
✅ |
| Ambient Lighting |
✅ |
✅ |
| Infotainment Setup |
12.3-inch touchscreen |
10.25-inch touchscreen |
| Wireless Apple CarPlay/Android Auto |
✅ |
✅(Through adapter) |
| Digital Driver’s Display |
12.3-inch display |
10.25-inch display |
| Wireless Phone Charger |
✅ |
✅ |
| Sound system |
8-speaker BOSE audio system |
8-speaker BOSE audio system |
| Auto-diமிமீing IRVM |
✅ |
✅ |
| Cruise Control |
✅(Adaptive) |
✅(Adaptive) |
| Climate Control |
Single-zone climate control |
Dual-zone climate control |
| Powered front seats |
✅ |
✅ |
| Keyless entry with push-button start/stop |
✅ |
✅ |
| Ventilated front seats |
✅ |
✅ |
| Sunroof |
Panoramic |
Panoramic |
| Multi-drive Modes |
✅ |
✅ |
| Cooled Glovebox |
✅ |
✅ |
| Connected Car Tech |
✅ |
✅ |
| Airbags |
6 |
6 |
| 360-degree Camera |
✅ |
✅ |
| Parking Sensors |
✅(Front and rear) |
✅(Front and rear) |
| ESC (electronic stability control) |
✅ |
✅ |
| Rain Sensing Wipers |
✅ |
✅ |
| Rear defogger |
✅ |
✅ |
| TPMS (Tyre Pressure Monitoring System) |
✅ |
✅ |
| ADAS (Advanced Driver Assistance System) |
✅Level-2 |
✅Level-2 |
-
வசதிகளைப் பொறுத்தவரை பெரிய டிஸ்பிளேக்களுடன் பேயான் மாடல் கவனத்தை ஈர்க்கிறது. கிரெட்டாவில் இருக்கும் 10.25-இன்ச் திரைகளுக்குப் பதிலாக இதில் 12.3-இன்ச் டச் ஸ்கிரீன் இன்ஃபோடெயின்மென்ட் சிஸ்டம் மற்றும் 12.3-இன்ச் டிஜிட்டல் டிரைவர் டிஸ்பிளே ஆகியவை வழங்கப்பட்டுள்ளன. மேலும் பேயானில் உள்ள வயர்லெஸ் Apple CarPlay மற்றும் Android Auto வசதியை நேரடியாகப் பயன்படுத்த முடியும். ஆனால் கிரெட்டாவில் இதற்கு தனி அடாப்டர் தேவைப்படுகிறது.
-
அதேநேரம் கிரெட்டா மாடலும் தனக்கான சில சிறப்பம்சங்களைக் கொண்டுள்ளது. பேயானின் 17-இன்ச் வீல்களுடன் ஒப்பிடும்போது கிரெட்டாவில் பெரிய 18-இன்ச் அலாய் வீல்கள் உள்ளன. அத்துடன் இதில் உள்ள டூயல்-ஜோன் கிளைமேட் கன்ட்ரோல் மூலம் டிரைவரும் முன் பயணியும் தங்களுக்கு ஏற்றவாறு தனித்தனி வெப்பநிலையை செட் செய்துகொள்ள முடியும்.
-
மற்றபடி பெரும்பாலான முக்கிய உபகரணங்கள் இரு கார்களிலுமே சமமாகவே இடம்பெற்றுள்ளன. பனோரமிக் சன்ரூஃப், வென்டிலேட்டட் முன் இருக்கைகள், எட்டு ஸ்பீக்கர்கள் கொண்ட BOSE சவுண்ட் சிஸ்டம், வயர்லெஸ் போன் சார்ஜர், கனெக்டட் கார் டெக்னாலஜி மற்றும் அடாப்டிவ் க்ரூஸ் கன்ட்ரோல் ஆகியவை இரண்டு எஸ்யூவிகளிலும் கிடைக்கின்றன.
-
பாதுகாப்பு அம்சங்களும் இரு மாடல்களிலும் ஒரே மாதிரியாகவே உள்ளன. 6 ஏர்பேக்குகள், 360-டிகிரி கேமரா, முன்பக்க மற்றும் பின்பக்க பார்க்கிங் சென்சார்கள், TPMS, ரெயின் சென்சிங் வைப்பர்ஸ் மற்றும் Level 2 ADAS ஆகியவை இரு கார்களிலும் பயணிகளின் பாதுகாப்பை உறுதி செய்கின்றன.
பவர்டிரெயின்
| மாடல் |
ஹூண்டாய் பேயான் |
ஹூண்டாய் கிரெட்டா |
||
| இன்ஜின் |
1.5-litre naturally aspirated petrol |
1.5-litre naturally aspirated petrol |
1.5-litre turbo-petrol |
1.5-litre diesel |
| டிரான்ஸ்மிஷன் |
6-speed MT/CVT |
6-speed MT/CVT |
7-speed DCT |
6-speed MT/6-speed AT |
| பவர் | 115 PS |
115 PS |
160 PS |
116 PS |
| டார்க் |
144 Nm |
144 Nm |
253 Nm |
250 Nm |
MT- மேனுவல் டிரான்ஸ்மிஷன், CVT- கன்டினியூஸ்லி வேரியபிள் டிரான்ஸ்மிஷன் (ஆட்டோமெட்டிக்), DCT- டூயல் கிளட்ச் டிரான்ஸ்மிஷன் (ஆட்டோமெட்டிக்), AT- ஆட்டோமெட்டிக் டிரான்ஸ்மிஷன் (டார்க் கன்வெர்டர்)
-
பேயான் எஸ்யூவியில் ஒரே ஒரு 1.5-லிட்டர் நேச்சுரலி அஸ்பிரேட்டட் பெட்ரோல் என்ஜின் மட்டுமே வழங்கப்படுகிறது. இது 115 PS பவரையும் 144 Nm டார்க்கையும் வெளிப்படுத்தும் திறன் கொண்டது. இதே என்ஜின் தான் கிரெட்டாவின் நேச்சுரலி அஸ்பிரேட்டட் பெட்ரோல் வேரியண்ட்டிலும் பயன்படுத்தப்பட்டுள்ளது. இரண்டு கார்களிலுமே 6-ஸ்பீட் மேனுவல் மற்றும் CVT ஆட்டோமேட்டிக் கியர்பாக்ஸ் தேர்வுகள் கிடைக்கின்றன.
-
அதிக செயல்திறன் அல்லது பல்வேறு என்ஜின் ஆப்ஷன்களை எதிர்பார்ப்பவர்களுக்கு கிரெட்டா மிகச் சிறந்த தேர்வாக இருக்கும். இதன் 1.5-லிட்டர் டர்போ-பெட்ரோல் என்ஜின் அதிகபட்சமாக 160 PS பவரையும் 253 Nm டார்க்கையும் வழங்கும் ஆற்றல் கொண்டதுடன், 7-ஸ்பீட் DCT ஆட்டோமேட்டிக் கியர்பாக்ஸுடன் வருகிறது.
-
போட்டி நிறுவனங்களின் மாருதி சுசூகி கிராண்ட் விட்டாரா போன்ற மாடல்களுடன் ஒப்பிடுகையில் இந்த இரண்டு ஹூண்டாய் எஸ்யூவிகளிலும் ஃபேக்டரி ஃபிட்டட் CNG ஆப்ஷன் வழங்கப்படவில்லை என்பது குறிப்பிடத்தக்கது.
கார்தேக்கோவின் கருத்து...
ஹூண்டாய் பேயான் மற்றும் கிரெட்டா ஆகிய இரண்டும் பல வசதிகளையும் ஒரே மாதிரியான நேச்சுரலி அஸ்பிரேட்டட் பெட்ரோல் என்ஜினையும் பகிர்ந்து கொண்டாலும் வெவ்வேறு வகையான வாடிக்கையாளர்களைக் குறிவைத்தே களமிறக்கப்பட்டுள்ளன. புதிய தோற்றம் மற்றும் நவீன கேபின் வசதிகள் கொண்ட எஸ்யூவியை கிரெட்டாவை விட குறைந்த பட்ஜெட்டில் வாங்க நினைப்பவர்களுக்கு பேயான் ஒரு மிகச் சிறந்த தேர்வாக இருக்கும்.
அதேசமயம் என்ஜின் தேர்வுகளில் கிரெட்டா தொடர்ந்து பல்துறை பயன்பாட்டுக்கு ஏற்ற காராகத் திகழ்கிறது. இதன் டர்போ-பெட்ரோல் என்ஜின் அதிக ஆற்றலை அள்ளித் தருகிறது. அதேபோல நீண்ட தூர நெடுஞ்சாலைப் பயணங்களை மேற்கொள்பவர்களுக்கு இதன் டீசல் என்ஜின் சரியான தீர்வாக இருக்கும். மேலும் பெரிய தோற்றமும் டூயல்-ஜோன் கிளைமேட் கன்ட்ரோல் போன்ற கூடுதல் சொகுசு அம்சங்களும் கிரெட்டாவை கூடுதல் மதிப்பிற்குரியதாக மாற்றுகின்றன.
நவீன தொழில்நுட்ப வசதிகள் தனித்துவமான ஸ்டைல் மற்றும் வழக்கமான பெட்ரோல் என்ஜின் மட்டுமே போதும் என நினைப்பவர்களுக்கு பேயான் மிகச் சிறந்த மாற்றாக அமையலாம்; ஆனால் இதன் இறுதி விலை நியாயமானதாக இருக்க வேண்டும். மாறாக, அதிக என்ஜின் தேர்வுகள், சிறப்பான பவர் டெலிவரி அல்லது டீசல் என்ஜின் தேவைப்படுபவர்களுக்கு கிரெட்டாவே தொடர்ந்து பொருத்தமான முடிவாக இருக்கும்.
ஹூண்டாய் பேயான் மற்றும் கிரெட்டாவை வாங்க திட்டமிடுபவர்கள், இதே காம்பாக்ட் எஸ்யூவி பிரிவில் உள்ள மற்ற சில மாடல்களையும் கவனத்தில் கொள்ளலாம்:
- கியா செல்டோஸ்: கம்பீரமான தோற்றம், பல்வேறு நவீன வசதிகள் கொண்ட கேபின் மற்றும் பெட்ரோல், டீசல் என்ஜின் தேர்வுகளுடன் ஹூண்டாய் கார்களுக்கு இணையான வலுவான மாடலாக விளங்குகிறது.
- ஸ்கோடா குஷாக்: டர்போ-பெட்ரோல் என்ஜின், தரமான கேபின் கட்டமைப்பு மற்றும் சிறந்த டிரைவிங் கையாளுமையைத் தரும் இந்த கார், டிரைவிங்கை விரும்பி ஓட்டுபவர்களுக்கு ஏற்றது.
- ஃபோக்ஸ்வேகன் டைகுன்: நிலைத்தன்மையான சவாரி, அருமையான கண்ட்ரோல் மற்றும் பவர்புல் டர்போ-பெட்ரோல் என்ஜின்களுக்காக இதைப் பரிசீலிக்கலாம்.
- ஹோண்டா எலிவேட்: விசாலமான உள்பகுதி, சிறந்த டிரைவர் பார்வை மற்றும் நம்பகமான நேச்சுரலி அஸ்பிரேட்டட் பெட்ரோல் என்ஜினுடன் அன்றாடப் பயன்பாட்டுக்கு ஏற்ற நடைமுறை மாடலாக உள்ளது.
- மாருதி கிராண்ட் விட்டாரா / டொயோட்டா அர்பன் க்ரூஸர் ஹைரைடர்: அதிக மைலேஜை விரும்புவோருக்கு ஸ்ட்ராங்-ஹைப்ரிட் தொழில்நுட்பத்துடன் வரும் இந்த மாடல்கள் சிறந்த தேர்வுகளாகும்.
- டாடா சியரா: வித்தியாசமான ரெட்ரோ டிசைன், தாராளமான கேபின் இடவசதி மற்றும் ஏராளமான சொகுசு வசதிகளுடன் தனித்துவத்தை விரும்புவோருக்கான மாடலாக வரவுள்ளது.
- ரெனால்ட் டஸ்டர்: முரட்டுத்தனமான எஸ்யூவி ஸ்டைலிங், சிறப்பான சஸ்பென்ஷன் சவாரி மற்றும் தினசரி பயன்பாட்டுக்கு உகந்த வடிவமைப்புடன் மீண்டும் சந்தையில் களமிறங்குகிறது.
- நிஸான் டெக்டான்: நவீன வடிவமைப்புடன் வாடிக்கையாளர்களுக்கு ஒரு புதிய தேர்வாக இந்த பிரிவில் கவனிக்க வைக்கக்கூடிய மற்றொரு எஸ்யூவியாகும்.
