பாம் வச்சாலும் அசராத கார்கள்! - இந்தியாவின் மாஸான டாப் 5 புல்லட் ப்ரூஃப் கார்கள் என்ன தெரியுமா ?

ஒலிம்பஸ் ஹேஸ் ஃபாலன் போன்ற ஆக்‌ஷன் திரைப்படங்கள் அல்லது சமீபத்தில் வெளியாகி புகழ்பெற்ற தி ஜெண்டில்மேன் போன்ற இணையத்தொடர்களை நீங்கள் விரும்பிப் பார்ப்பவர் என்றால் கவச வாகனங்கள் பற்றிய கருத்து நிச்சயமாக உங்களுக்கு அறிமுகமாகியிருக்கும். திரைப்படங்களில் இவை மிகவும் பிரமிப்பாகக் காட்டப்பட்டாலும் நிஜ உலகிலும் இத்தகைய வாகனங்கள் புழக்கத்தில் தான் இருக்கின்றன. சாதாரண மக்களுக்கு இவை ஒரு புதுமையான விஷயமாகத் தோன்றலாம். ஆனால் நாட்டின் பொருளாதாரம் அரசின் கொள்கைகள் மற்றும் பொதுமக்களின் வாழ்க்கையில் தாக்கத்தை ஏற்படுத்தும் உயர் பதவிகளில் நீங்கள் இருக்கும்போது, குறிப்பாகப் திறந்தவெளிகளில் பயணிக்கையில் உங்களுக்கான பாதுகாப்பு என்பது மிக மிக அவசியமான ஒன்றாக மாறுகிறது.

இங்குதான் கவச வாகனங்களின் தேவை எழுகிறது. இவை வழக்கமான கார்களை அடிப்படையாகக் கொண்டு உருவாக்கப்பட்டு, அவற்றுடன் விரிவான பாதுகாப்பு அம்சங்களை இணைக்கின்றன. இதன் மூலம் தோட்டாக்கள், வெடிகுண்டு வெடிப்புகள் மற்றும் நச்சு வாயுக்கள் தாக்குதல்களில் இருந்தும் இவை முழு பாதுகாப்பு அளிக்கின்றன. இந்தியாவிலும் இத்தகைய பல கார்கள் பயன்பாட்டில் இருந்திருக்கின்றன; தற்போதும் பயன்பாட்டில் உள்ளன; மேலும் பல மாடல்கள் விரைவில் அறிமுகமாகவுள்ளன. அவற்றில் சில முக்கிய வாகனங்களைப் பற்றி இங்கு விரிவாகப் பார்ப்போம்:

இந்தியாவில் வாங்கக் கிடைக்கும் வாகனங்கள்

BMW 7 சீரிஸ் புரடெக்‌ஷன்

BMW நிறுவனத்தின் செடான் ரக கார்களில் மிகவும் ஆடம்பரமான மற்றும் முதன்மையான மாடலாக 7 சீரிஸ் விளங்குகிறது. சமீபத்தில் இதற்கென ஒரு புதிய ஃபேஸ்லிஃப்ட் பதிப்பும், அதனுடன் சேர்த்து மின்சார பதிப்பும் அறிமுகப்படுத்தப்பட்டது. இருப்பினும் இங்கு நாம் பார்க்கவிருக்கும் 7 சீரிஸ் புரடெக்‌ஷன் கவச வாகனம் இதன் முந்தைய ப்ரீ-ஃபேஸ்லிஃப்ட் மாடலை அடிப்படையாகக் கொண்டு தயாரிக்கப்பட்டதாகும்.

ஒரு கான்வாயில் பயணிக்கும் போது பிற வழக்கமான கார்களுடன் எளிதாகக் கலந்து செல்வதற்காக, சாதாரண 7 சீரிஸ் காரைப் போன்றே தோற்றமளிக்கும் வகையில் இது 2024-ஆம் ஆண்டின் தொடக்கத்தில் இந்தியாவில் விற்பனைக்கு வந்தது. ஆனால் இதனுடைய வெளியரங்கத் தோற்றம் மிகவும் ஏமாற்றக்கூடியது. ஏனெனில் VR9 அளவிலான அதிநவீன பாதுகாப்புக் கொண்ட இந்த கார் சாதாரண 7 சீரிஸ் காரிலிருந்து முற்றிலும் மாறுபட்டது.

இதில் 10 mm தடிமன் கொண்ட பாலிஸ்டிக் ஸ்டீல் பாதுகாப்பு கூடு கூடுதல் தடிமனான கண்ணாடிகள் மற்றும் காரின் அடிப்பகுதியில் வலுவான கவசப் பாதுகாப்பு போன்றவை வழங்கப்பட்டுள்ளன. மேலும், இதில் தானாகவே துளைகளை அடைத்துக்கொள்ளும் ஃபியூயல் டேங்க் மற்றும் முழுமையாகக் காற்று வெளியேறினாலும் மணிக்கு 80 கிமீ வேகத்தில் சுமார் 30 கிமீ தூரம் வரை செல்லக்கூடிய ரன்-ஃப்ளாட் டயர்களும் பொருத்தப்பட்டுள்ளன. இதனால் தோட்டாக்கள், ஸ்னைப்பர் தாக்குதல்கள் அல்லது பாம் வெடிப்புகள் என எதுவாக இருந்தாலும், அனைத்தையும் சமாளிக்கும் திறன் இதற்கு உண்டு.

இத்தகைய வலுவான பாதுகாப்பு அமைப்புகளால் காரின் எடை அதிகரித்து, கிட்டத்தட்ட 4,000 kg வரை உயர்ந்துள்ளது. ஆனால் இதைப் பற்றி கவலைப்படத் தேவையில்லை. ஏனெனில் இதன் ஹூடின் கீழ் இருக்கும் 4.4-litre V8 பெட்ரோல் என்ஜின், இந்த சக்திவாய்ந்த கவச வாகனத்தை வெறும் 6.6 விநாடிகளில் 0-விலிருந்து 100 கிமீ/h வேகத்தை எட்ட வைத்துவிடும்.

தனியார் கஸ்டமைசேஷன் வாய்ப்புகள்

இந்தியாவில் தொழிற்சாலையிலேயே தயாரிக்கப்படும் கவச வாகனங்களின் தேர்வுகள் குறைவாகவே உள்ளன. ஆனால் உங்களுக்கு விருப்பமான காரை வாங்கி, கூடுதல் பாதுகாப்பிற்காக அதை தனியாரிடம் கொடுத்து மாற்றிமைத்துக் கொள்ள முடியும். கனடாவைச் சேர்ந்த INKAS ஆர்மர்டு வெஹிகிள் மேனுஃபேக்சரிங் நிறுவனம் இத்தகைய கவச வாகனத் தயாரிப்பில் சிறப்புப் பெற்று விளங்குகிறது. சிறப்பு பயன்பாட்டு வாகனங்கள், வணிக வாகனங்கள், லிமோசின், டிரக், செடான் மற்றும் SUV என அனைத்து வகையான மாடல்களிலும் இவர்கள் பாதுகாப்பு மாற்றங்களைச் செய்கிறார்கள். உங்களிடம் போதுமான பணமும் காரும் இருந்தால் டொயோட்டா லேண்ட் க்ரூஸர் முதல் பென்ட்லே பெண்டாய்கா வரை எந்த காரையும் இவர்களால் கவச வாகனமாக மாற்ற முடியும். பின்னர் அவற்றை இந்தியாவிற்கு இறக்குமதி செய்துகொள்ளலாம்.

உண்மையில் மஹிந்திரா ஸ்கார்பியோ மற்றும் டொயோட்டா ஃபார்ச்சூனர் போன்ற அதிக அளவில் விற்பனையாகும் சாதாரண கார்களைக் கூட கவச வாகனங்களாக மாற்றக்கூடிய நிறுவனங்கள் இந்தியாவிலேயே இயங்கி வருகின்றன. எதிர்பாராத அச்சுறுத்தல்களில் இருந்து குடும்பத்தைப் பாதுகாக்க இத்தகைய கவச காரை வாங்குவது சிறப்பான யோசனையாகத் தோன்றினாலும், இதன் அதிகப்படியான செலவு காரணமாகப் பொதுமக்கள் இதை வாங்குவது சாத்தியமில்லாத ஒன்று. இதனால் இத்தகைய கவச வாகனங்கள் பெரும்பாலும் அரசு நிறுவனங்கள், ராணுவம், தொழிலதிபர்கள் மற்றும் உயர் அரசு அதிகாரிகளால் மட்டுமே பயன்படுத்தப்படுகின்றன.

முன்பு விற்பனையான மாடல்கள்

ஆடி A8 L Security 

ஜெர்மன் கார் உற்பத்தியாளரான ஆடி நிறுவனத்தின் முதன்மை செடான் மாடல் A8L ஆகும். இதன் செக்யூரிட்டி பதிப்பு 2023-ஆம் ஆண்டில் இந்தியாவில் நடத்தப்பட்ட G20 உச்சிமாநாட்டின் போது அறிமுகப்படுத்தப்பட்டது. இந்திய அரசும் தனது கான்வாய் பயன்பாட்டிற்காக இந்த கார்களை வாடகைக்கு எடுத்திருந்தது. காரின் தோற்றம் சாதாரண மாடலைப் போலவே இருந்தாலும் இதில் 7.62 mm தோட்டாக்கள் கொண்ட நூற்றுக்கணக்கான தாக்குதல்களைத் தாங்கும் VR9-சான்றிதழ் பெற்ற பாடிவொர்க் வழங்கப்பட்டிருந்தது. மேலும் ஸ்னைப்பர் தாக்குதல்களில் இருந்து தப்பிக்க VR10 தரநிலைக் கண்ணாடிகளும், எரிபொருள் கசிவைத் தவிர்க்க தானாகவே அடைத்துக் கொள்ளும் ஃபியூயல் டேங்க்கும் இதில் அமைக்கப்பட்டிருந்தன.

கிரானேட் வெடிப்புகளைத் தாங்குவதற்காக இதன் அ அடிப்பகுதி வலுப்படுத்தப்பட்டிருந்தது. அத்துடன் காந்தப் வெடிகுண்டுகள் காரில் ஒட்டாமல் இருக்க ஆன்டிமேக்னடைஸ் வசதியும் செய்யப்பட்டிருந்தது. மேலும், ஆபத்தான வாயுக்களில் இருந்து காக்க கேபின் ஃபில்டரும், தீப்பற்றினாலும் தடையின்றிப் பயணிக்க வெளிப்பகுதியில் ஃபயர் எக்ஸ்டிங்குவிஷரும் பொருத்தப்பட்டிருந்தன. வெடிப்புகளில் இருந்து பயணிகளைப் பாதுகாப்பது மட்டுமின்றி, அவசர காலத்தில் பயணிகள் விரைவாக வெளியேற ஏதுவாக, காரின் டோர் ஹிஞ்சுகளில் வெடிபொருட்கள் வைக்கப்பட்டு கதவுகளை உடனடியாகத் தூக்கி எறியும் வசதியும் இதில் உள்ளது.

எடை அதிகரிப்பைக் ஈடுசெய்யவும், அதிவேகத் துரத்தலின் போது ஆற்றல் குறையாமல் இருக்கவும், ஆடி நிறுவனம் இதன் 3-லி 6-சிலிண்டர் என்ஜினுக்குப் பதிலாக 4-litre டர்போ-பெட்ரோல் V8 என்ஜினைப் பொருத்தியுள்ளது. சாதாரண A8L மாடலைக் காட்டிலும் இத்தனை கூடுதல் பாதுகாப்பு வசதிகள் கொண்ட இந்த பதிப்பின் விலை ரூ. 13 கோடி -க்கும் அதிகமாகும்

லேண்ட் ரோவர் ரேஞ்ச் ரோவர் சென்டினல் 

கவச பாதுகாப்பு வாகனங்களில் ரேஞ்ச் ரோவர் சென்டினல் மாடல் மிகவும் பிரபலமான ஒன்றாகும். இந்தியாவின் பிரதமர் நரேந்திர மோடி மற்றும் சர்வதேச தலைவர்களான ரிஷி சுனாக் போன்றோரின் கான்வாய்களில் இது தனது சேவையை வழங்கியுள்ளது. லேண்ட் ரோவர் நிறுவனத்தின் SVO பிரிவால் உருவாக்கப்பட்ட இது ரேஞ்ச் ரோவர்-ன் முந்தைய தலைமுறை மாடலை அடிப்படையாகக் கொண்டது. மிகவும் ஆபத்தான சூழல்களையும் எதிர்கொள்ளும் வகையில் ஏராளமான பாதுகாப்பு அம்சங்கள் இதில் வழங்கப்பட்டுள்ளன.

காரின் முதன்மை பாடி அமைப்பு கூடுதல் வலிமையுடன் மாற்றியமைக்கப்பட்டது. பல கோணங்களில் இருந்து வரும் தாக்குதல்களில் இருந்து காக்கும் ப்ளாஸ்ட் புரொடக்‌ஷன் ரூஃப், அடியிலிருந்து வரும் வெடிப்புகளைத் தாங்கும் வசதி, ரன்-ஃப்ளாட் டயர்கள் மற்றும் தோட்டாக்களைத் தாங்கும் கவசக் கண்ணாடிகள் என அனைத்தும் இதில் உள்ளன. இதில் சுவாரஸ்யமான விஷயம் என்னவென்றால், கதவுகள் பயன்படுத்த முடியாத சூழல் ஏற்பட்டால் பின்புற லக்கேஜ் ஏரியா மற்றும் டேல்கேட் வழியாக பயணிகள் அவசரமாக வெளியேறுவதற்காகத் தனி எஸ்கேப் சிஸ்டம் அமைக்கப்பட்டுள்ளது.

காரை இயக்குவதற்காகச் சூப்பர்சார்ஜ்டு V8 பெட்ரோல் என்ஜின் வழங்கப்பட்டுள்ளது. மேலும் இந்த கூடுதல் பாதுகாப்பு எடையைச் சமாளிக்க இதன் சேஸிஸ், சஸ்பென்ஷன் மற்றும் பிரேக்கிங் சிஸ்டம்கள் மேம்படுத்தப்பட்டுள்ளன. ரேஞ்ச் ரோவர் கார்களுக்கே உரித்தான ஆஃப்-ரோட் திறனுடன் இந்த பாதுகாப்பு அம்சங்களும் சேரும்போது, இது மிகவும் பாதுகாப்பான மற்றும் சொகுசான SUV-யாக மாறுகிறது.

எதிர்பார்க்கப்படும் புதிய மாடல்கள்

மெர்சிடிஸ்-பென்ஸ் S-கிளாஸ் கார்டு 

BMW 7 Series போலவே மெர்சிடிஸ்-பென்ஸ் நிறுவனத்தின் முதன்மை செடான் மாடலாக S-கிளாஸ் திகழ்கிறது. சொகுசுடன் சேர்த்து கூடுதல் பாதுகாப்பையும் விரும்பும் உயர் பதவியில் உள்ளவர்களுக்காக, தொழிற்சாலையிலேயே தயாரிக்கப்பட்ட S-கிளாஸ் கார்டு பதிப்பை உலகளாவிய சந்தைகளில் மெர்சிடிஸ் வழங்குகிறது. பழைய மெர்சிடிஸ் மேபெஜ் S650 கார்டு கார் 2021-ல் பிரதமர் மோடியின் பாதுகாப்புக் குழுவில் இணைக்கப்பட்டது; மேலும் இது 2015-லேயே இந்தியாவில் அறிமுகமானது. முகேஷ் அம்பானி போன்ற பிரபலங்களாலும் இது பரவலாகப் பயன்படுத்தப்படுகிறது. சமீபத்தில் வெளியான புதிய S-கிளாஸ் மற்றும் மேபெஜ் S-கிளாஸ் கார்களைத் தொடர்ந்து, புதிய S-கிளாஸ் கார்டு மாடலும் விரைவில் இந்தியாவில் அறிமுகமாகும் என்று எதிர்பார்க்கப்படுகிறது.

சொந்தமாக உருவாக்கப்பட்ட இண்டக்ரேட்டட் புரொடக்‌ஷன் சிஸ்டம் மற்றும் காரின் செக்யூரிட்டி செல் காரணமாக சிவிலியன் வாகனங்களிலேயே மிகயுயர் பாலிஸ்டிக் சான்றிதழான VPAM VR10 பாதுகாப்புத் தரத்தை இந்த S-கிளாஸ் கார்டு பெற்றுள்ளதாக மெர்சிடிஸ் நிறுவனம் அறிவித்துள்ளது. இதனால் சாதாரண தோட்டாக்கள், சக்திவாய்ந்த துப்பாக்கிச் சூடுகள், கிரானைட் அல்லது மைன் வெடிப்புகள் என எதுவாக இருந்தாலும் உள்ளே இருக்கும் பயணிகளுக்கு முழு பாதுகாப்பு கிடைக்கும். கூடுதல் பாதுகாப்பிற்காக ஃபயர் எக்ஸ்டிங்குவிஷர், எமர்ஜென்சி ஃப்ரெஷ் ஏர் சிஸ்டம், பேனிக் அலாரம் சிஸ்டம், எக்ஸ்டர்னல் கம்யூனிகேஷன் மற்றும் செர்வோ-அசிஸ்டெட் கதவுகள் போன்றவை வழங்கப்பட்டுள்ளன. மற்ற கார்களைப் போலவே இதிலும் சிறப்பு ரன்-ஃப்ளாட் டயர்கள் உள்ளன.

மற்ற கார்களைப் போலல்லாமல், இந்த S-கிளாஸ் கார்டு மாடலில் 6-litre V12 டர்போ-பெட்ரோல் என்ஜின் பொருத்தப்பட்டுள்ளது. ஏர் சஸ்பென்ஷனில் இயங்கும் இந்த காரின் கூடுதல் எடையைச் சமாளிக்கும் வகையில், இதன் டிரைவ்ட்ரெயின் மற்றும் பிரேக்கிங் சிஸ்டம் ஆகியவை மாற்றியமைக்கப்பட்டுள்ளன என்று மெர்சிசிஸ் தெரிவித்துள்ளது.

வின்ஃபாஸ்ட் LacHong 900 LX

வின்ஃபாஸ்ட் LacHong 900 LX என்பது வின்ஃபாஸ்ட் நிறுவனத்தின் VF9 பிளாட்ஃபார்மை அடிப்படையாகக் கொண்டு உருவாக்கப்பட்ட ஒரு கவச ஆடம்பர SUV ஆகும். இது இதுவரை இந்தியாவில் பார்க்கப்பட்டதில்லை என்றாலும் இதற்கான காப்புரிமையை வின்ஃபாஸ்ட் நிறுவனம் சமீபத்தில் பதிவு செய்துள்ளது. இது அடுத்த ஆண்டில் இந்தியச் சந்தைக்கு வரக்கூடும் என்பதைக் காட்டுகிறது.

வலுவூட்டப்பட்ட பாடி, சேஸிஸ், கண்ணாடி கதவுகள் மற்றும் பின்புற புல்லட்ரூஃப் கண்ணாடிகளுடன், இந்த வாகனம் VPM VR7 பாதுகாப்புத் தரத்தைக் கொண்டுள்ளது. துப்பாக்கியால் சுடப்பட்ட பின்னரும் 100 km தூரம் வரை பயணிக்கக்கூடிய ரன்-ஃப்ளாட் டயர்கள் இதில் பொருத்தப்பட்டுள்ளன. மேலும், ஆக்ஸிஜன் வழங்கி ஆதரவளிக்கும் ஆக்ஸிஜன் சிஸ்டம் மற்றும் காரிலேயே அமைக்கப்பட்ட ஃபயர் எக்ஸ்டிங்குவிஷிங் சிஸ்டம் போன்ற சிறப்பு உபகரணங்களும் இதில் இடம்பெற்றுள்ளன.

இந்த பட்டியலில் உள்ள ஒரே எலெக்ட்ரிக் வாகனம் LacHong 900 LX மட்டுமே. இதன் டுயல் மோட்டார் அமைப்பு 455 PS பவர் மற்றும் 620 Nm டார்க் வெளிப்படுத்துகிறது. வியட்நாமில் இது நாட்டின் தலைவர்கள் மற்றும் வெளியுறவு அமைச்சக அதிகாரிகளின் பயன்பாட்டிற்காகப் பயன்படுத்தப்பட்டு வருகிறது.

பொதுவாக பாதுகாப்பு என்பதற்குத் தனியாக விலை இருக்கக்கூடாது தான், ஆனால் நிஜ உலகில் அதற்கு விலை உண்டு என்பது மட்டுமின்றி கூடுதல் கட்டணமும் செலுத்த வேண்டியிருக்கிறது