ரூ. 11,000 இருந்தா போதும் புக் பண்ணிரலாம்! டாடா ஏரிஸ் காருக்கான புக்கிங் விவரங்கள் இங்கே
இப்போது ரூ.11,000 செலுத்தி உங்கள் ஏரிஸை முன்பதிவு செய்யலாம். இந்த காருக்கான டெலிவரிகள் இந்த மாத இறுதியில் தொடங்கலாம் என எதிர்பார்க்கப்படுகிறது.
- ஒரு கருத்தை எழுதுக
ஃபேஸ்லிஃப்ட் செய்யப்பட்ட 2026 டாடா ஏரிஸ் காம்பாக்ட் செடானுக்கான புக்கிங்குகள் அதிகாரப்பூர்வமாகத் தொடங்கியுள்ளன. வெறும் ரூ. 11,000 முன்பணம் செலுத்தி இந்த புதிய காரை புக் செய்துகொள்ளலாம். புதிய டிசைன் உடன் மேம்பட்ட இன்டீரியர் மற்றும் நவீன டெக்னாலஜி அம்சங்களுடன் வரும் இந்த கார் மார்க்கெட்டில் பெரும் எதிர்பார்ப்பை ஏற்படுத்தியுள்ளது. இந்த காரை ஆன்லைனில் அல்லது டீலர்ஷிப் மூலம் எப்படி புக் செய்வது, டெலிவரி எப்போது தொடங்கும் மற்றும் இதன் விலை மற்றும் போட்டி குறித்த முழு விவரங்களையும் இங்கே பார்க்கலாம்.
உங்கள் டாடா ஏரிஸ் காரை புக் செய்வது எப்படி?
புதிய 2026 டாடா ஏரிஸ் காரை புக் செய்ய இரண்டு வழிகள் உள்ளன. வாடிக்கையாளர்கள் தங்களுக்கு வசதியான முறையைத் தேர்ந்தெடுத்து ரூ. 11,000 முன்பணம் செலுத்தி புக்கிங்கை உறுதி செய்யலாம். ஒன்று டாடா மோட்டார்ஸின் அதிகாரப்பூர்வ இணையதளம் மூலமான ஆன்லைன் புக்கிங் மற்றொன்று அருகிலுள்ள அங்கீகரிக்கப்பட்ட டாடா டீலர்ஷிப்பிற்கு நேரடியாகச் சென்று புக் செய்வது.
ஆன்லைனில் புக்கிங் செய்வது
டாடாவின் அதிகாரப்பூர்வ இணையதளத்திற்குச் சென்று முன்பதிவு பக்கத்தைத் தேர்ந்தெடுக்கவும்.
-
ஏரிஸ் என்ற கார் ஆப்ஷனை தேர்வு செய்யவும்
-
புக் நவ் Now ஆப்ஷனை கிளிக் செய்து கார் கான்ஃபிகரேட்டர் பக்கத்திற்குச் செல்லவும்.
-
உங்களுக்குத் தேவையான இன்ஜின் மற்றும் கியர்பாக்ஸ் வகையைத் தேர்வு செய்யவும்.
-
உங்கள் வசதிக்கேற்ற வேரியன்ட்டை தேர்வு செய்யவும்.
-
காரின் நிறத்தைத் தேர்வு செய்யவும்.
-
உங்களது தனிப்பட்ட விவரங்கள் மற்றும் பில்லிங் முகவரியை உள்ளிடவும்.
-
காரைப் பெற்றுக் கொள்ள விரும்பும் உங்களுக்கு அருகிலுள்ள டீலர்ஷிப்பைத் தேர்ந்தெடுக்கவும்.
-
முன்பதிவுத் தொகையான ₹11,000 செலுத்தி உங்கள் ஆர்டரை உறுதி செய்யவும்.
ஏரிஸ் காரை ஆன்லைனில் முன்பதிவு செய்வது வசதியானது. ஆனால் நீங்கள் தனிப்பட்ட தொடர்புகளை விரும்பினால் டீலர்ஷிப் மூலம் உங்கள் ஏரிஸ் காரை முன்பதிவு செய்வதற்கான வழிகாட்டி இங்கே:
டீலர்ஷிப் மூலம் புக்கிங்
நீங்கள் நேரடியாக காரைப் பார்த்து, விற்பனைப் பிரதிநிதியுடன் பேசி புக் செய்ய விரும்பினால் அருகிலுள்ள டாடா டீலர்ஷிப்பிற்குச் செல்லலாம். அங்குள்ள ஊழியர்கள் உங்களுக்கு வேரியண்ட்கள் மற்றும் அம்சங்கள் குறித்த அனைத்து விவரங்களையும் விளக்குவார்கள். உங்களுக்குப் பிடித்த வேரியண்ட்டைத் தேர்ந்தெடுத்து, புக்கிங் தொகையான ரூ. 11,000-ஐ செலுத்தி ரசீதைப் பெற்றுக்கொள்ளலாம்.
| முக்கியமான விஷயம்: காரை முன்பதிவு செய்வதற்கு முன் உங்கள் குடும்பத்துடன் முழுமையான டெஸ்ட் டிரைவ் எடுத்துப் பார்க்கவும். மேலும் ரத்து செய்வதற்கான விதிகளைத் தெரிந்துகொள்ளவும் மற்றும் வேரியன்ட்டுக்கு ஏற்ப மாறுபடும் டெலிவரி நேரத்தைச் சரிபார்த்துக் கொள்ளவும் பரிந்துரைக்கிறோம். |
டெலிவரி டைம்லைன்
புதிய 2026 டாடா ஏரிஸ் காருக்கான டெலிவரிகள் அக்டோபர் 11, 2026 முதல் தொடங்கும் என டாடா மோட்டார்ஸ் அறிவித்துள்ளது. எனினும் நீங்கள் தேர்ந்தெடுக்கும் வேரியண்ட், நிறம், நகரம் மற்றும் டீலர்ஷிப்பைப் பொறுத்து டெலிவரி தேதி மாறுபடலாம். புக்கிங் செய்த பிறகு உங்கள் டீலர்ஷிப் டெலிவரி குறித்த சரியான தகவலை உங்களுக்குத் தெரிவிக்கும்.
2026 டாடா ஏரிஸ்: ஒரு பார்வை
இந்த ஃபேஸ்லிஃப்ட் மாடல் பல குறிப்பிடத்தக்க மாற்றங்களுடன் வருகிறது. இதன் வெளிப்புற டிசைன் முற்றிலுமாகப் புதுப்பிக்கப்பட்டுள்ளது. இது காருக்கு ஒரு ஃப்ரெஷ் மற்றும் மாடர்ன் தோற்றத்தைக் கொடுக்கிறது. இன்டீரியரைப் பொறுத்தவரையில் டேஷ்போர்டு லேஅவுட் மற்றும் பயன்படுத்தப்பட்டுள்ள மெட்டீரியல்கள் மேம்படுத்தப்பட்டுள்ளன. டெக்னாலஜி அம்சங்களில் புதிய 10.25-இன்ச் டச்ஸ்கிரீன், வயர்லெஸ் சார்ஜிங் மற்றும் 360-டிகிரி கேமரா போன்ற முக்கிய அப்டேட்கள் செய்யப்பட்டுள்ளன. இந்த அம்சங்கள் பயண அனுபவத்தை மேலும் வசதியாகவும் பாதுகாப்பாகவும் மாற்றும்.
உள்பகுதியில் தனியாக நிற்கும் டிஸ்பிளேக்கள் மற்றும் மிக எளிமையான நேர்த்தியான தோற்றத்துடன் டேஷ்போர்டு புதிய மாற்றத்தைப் பெற்றுள்ளது. இதில் 10.25-இன்ச் டச்ஸ்கிரீன் இன்ஃபோடைன்மென்ட் சிஸ்டம், டிஜிட்டல் இன்ஸ்ட்ரூமென்ட் கிளஸ்டர், ஆடியோ கன்ட்ரோல்கள் கொண்ட புதிய டூ-ஸ்போக் ஸ்டீயரிங் வீல் மற்றும் பீஜ் மற்றும் வெள்ளை நிறங்கள் இணைந்த டூயல்-டோன் கலர் தீம் கொடுக்கப்பட்டுள்ளது.
தொழில்நுட்ப வசதிகளைப் பொறுத்தவரையில் இதில் இருபோன்களுக்கான வயர்லெஸ் சார்ஜர்கள், வயர்லெஸ் ஆண்ட்ராய்டு ஆட்டோ மற்றும் ஆப்பிள் கார்ப்ளே, 6-ஸ்பீக்கர் சவுண்ட் சிஸ்டம், டிஜிட்டல் இன்ஸ்ட்ரூமென்ட் கிளஸ்டர், ஆட்டோமேட்டிக் கிளைமேட் கன்ட்ரோல், எலக்ட்ரிக் சன்ரூஃப் மற்றும் பின்வரிசைக்கான ஏசி வென்ட்கள் ஆகியவை உள்ளன.
பாதுகாப்பு வசதிகளாக 6 ஏர்பேக்குகள், பிளைண்ட்-ஸ்பாட் மானிட்டருடன் கூடிய புதிய 360-டிகிரி கேமரா, எலக்ட்ரானிக் ஸ்டெபிலிட்டி கன்ட்ரோல் (ESC), ஹில் ஹோல்ட் கன்ட்ரோல் (HHC), ரியர் பார்க்கிங் சென்சார்கள், டயர் பிரஷர் மானிட்டரிங் சிஸ்டம் (TPMS) மற்றும் ரியர் டிஃபாக்கர் ஆகியவை இதில் இடம்பெற்றுள்ளன
பவர்டிரெய்ன்கள்
புதிய ஏரிஸ் ஒரே ஒரு இன்ஜின் ஆப்ஷனுடன் கிடைக்கிறது. ஆனால் வெவ்வேறு எரிபொருள் மற்றும் டிரான்ஸ்மிஷன் தேர்வுகளுடன் வருகிறது. இது வாடிக்கையாளர்களுக்கு அவர்களின் தேவைக்கேற்ப தேர்ந்தெடுக்கும் சுதந்திரத்தை அளிக்கிறது.
ஏரிஸ் தொழிற்சாலையில் பொருத்தப்பட்ட இரட்டை சிலிண்டர் CNG கிட் உடன் வருகிறது.
அதன் விரிவான விவரக்குறிப்புகள் இங்கே:
| இன்ஜின் |
1.2-லி நேச்சுரலி அஸ்பிரேட்டட் பெட்ரோல் |
1.2-லி நேச்சுரலி அஸ்பிரேட்டட் பெட்ரோல் + CNG |
| பவர் |
86 PS |
75 PS CNG |
| டார்க் | 113 Nm |
96.5 Nm CNG |
| டிரான்ஸ்மிஷன் |
5-ஸ்பீடு MT/ 5-ஸ்பீடு AMT |
5-ஸ்பீடு MT/ 5-ஸ்பீடு AMT |
*MT- மேனுவல் டிரான்ஸ்மிஷன், AMT- ஆட்டோமேட்டட் மேனுவல் டிரான்ஸ்மிஷன்
விலை மற்றும் போட்டியாளர்கள்
2026 டாடா ஏரிஸ் காரின் விலை ரூ. 5.29 லட்சம் முதல் ரூ. 9.74 லட்சம் வரை (எக்ஸ்-ஷோரூம்) நிர்ணயிக்கப்பட்டுள்ளது. இந்த விலையில் இது இந்திய காம்பாக்ட் செடான் செக்மென்ட்டில் மிகவும் வலுவான போட்டியாளராக நிலைநிறுத்தப்பட்டுள்ளது. மார்க்கெட்டில் இது மாருதி சுஸூகி டிசையர், ஹோண்டா அமேஸ் மற்றும் ஹூண்டாய் ஆரா போன்ற கார்களுக்குக் கடுமையான போட்டியை அளிக்கும். இதன் புதிய டிசைன், நவீன அம்சங்கள் மற்றும் போட்டித்தன்மை வாய்ந்த விலை ஆகியவை வாடிக்கையாளர்களைக் கவரும் முக்கிய அம்சங்களாக இருக்கும்.
டாடா ஏரிஸ் ஆனது மாருதி டிசையர், ஹோண்டா அமேஸ் மற்றும் ஹூண்டாய் ஆரா போன்ற சிறிய செடான்களுக்கு போட்டியாக உள்ளது.
புதிய டாடா ஏரிஸ் பற்றி உங்கள் கருத்து என்ன? கீழே கமென்ட்ஸில் எங்களுக்குத் தெரியப்படுத்துங்கள்.
