ஆட்டத்தை ஆரம்பிச்ச நிஸான் டெக்டான்... ஹோண்டா எலிவேட் தாக்குப்பிடிக்குமா? அனல் பறக்கும் ஒப்பீடு!
சமீபத்தில் ஹோண்டா நிறுவனம் தனது எலிவேட் மாடலை அப்டேட் செய்து டெக்டான் -க்கு இணையாகக் கொண்டுவந்துள்ளது. இதில் எதை வாங்கலாம்
- ஒரு கருத்தை எழுதுக
| எங்களின் 50 அதிர்ஷ்டசாலி வாசகர்களுக்கு பிரத்யேக கார் வாங்கும் அனுபவ வழிகாட்டலை நாங்கள் வழங்குகிறோம். இதன் மூலம் நீங்கள் நேரடியாக ஒரு ஆட்டோமொபைல் நிபுணரிடம் பேசி உங்கள் சந்தேகங்கள் அனைத்தையும் தீர்த்துக் கொள்ள முடியும். உடனே இந்த படிவத்தைப் பூர்த்தி செய்யுங்கள். நீங்கள் அந்த அதிர்ஷ்டசாலிகளுள் ஒருவராக இருந்தால் விரைவில் உங்களைத் தொடர்பு கொள்வோம். |
ஏறக்குறைய ஒரே மாதிரியான விலை வரம்பில், எக்கச்சக்க அம்சங்கள், அதிக சொகுசு, இடவசதி கொண்ட கேபின் மற்றும் பல்வேறு பவர்டிரெய்ன் விருப்பங்களைத் தேடும் வாடிக்கையாளர்களை இந்த இரண்டு கார்களும் குறிவைக்கின்றன. ஆனாலும் டிசைன், விலை, வசதிகள் மற்றும் ஒட்டுமொத்த பலன்களில் இரண்டும் தனித்து நிற்கின்றன.
ஹோண்டா எலிவேட் மற்றும் நிஸான் டெக்டான் ஆகியவற்றில் எது உங்கள் வீட்டு கேரேஜை அலங்கரிக்கத் தகுதியானது என்பதை இப்போது ஒப்பிட்டுப் பார்க்கலாம்:
விலை
| மாடல் |
ஹோண்டா எலிவேட் |
நிஸான் டெக்டான் |
|||
|
|
|
-
விலைப்பட்டியலை உற்று நோக்கினால், ஹோண்டா எலிவேட்டை விட நிஸான் டெக்டானின் ஆரம்ப விலை குறைவாக இருப்பது தெளிவாகத் தெரிகிறது.
-
ஹோண்டா எலிவேட் ஒற்றை பெட்ரோல் இன்ஜினுடன் மேனுவல் மற்றும் ஆட்டோமேட்டிக் டிரான்ஸ்மிஷன் ஆப்ஷன்களில் மொத்தம் ஆறு வேரியண்ட்டுகளில் கிடைக்கிறது.
-
நிஸான் டெக்டானும் ஆறு வேரியண்ட்டுகளில் வந்தாலும், இதில் இரண்டு விதமான டர்போ பெட்ரோல் இன்ஜின்களைத் தேர்ந்தெடுக்கும் வாய்ப்பு வாடிக்கையாளர்களுக்கு வழங்கப்பட்டுள்ளது.
-
எலிவேட்டின் ஆரம்ப விலையை விட டெக்டானின் ஆரம்ப விலை சுமார் ரூ. 1.31 லட்சம் குறைவு.
-
இரண்டு கார்களும் ஒரே மாதிரியான வாடிக்கையாளர்களை ஈர்த்தாலும் விலையில் நல்ல வித்தியாசம் உள்ளது. அதேபோல் இடவசதி மற்றும் கேபின் அம்சங்களிலும் குறிப்பிடத்தக்க மாற்றங்கள் உள்ளன.
ஒரே விலையில் எந்த காரில் என்னென்ன கிடைக்கிறது என்பதை விரிவாகப் பார்ப்போம்:
அளவீடுகள்
| Parameter |
ஹோண்டா எலிவேட் |
நிஸான் டெக்டான் |
Difference |
| நீளம் |
4312 மிமீ |
4349 மிமீ |
(-37 மிமீ) |
| அகலம் |
1790 மிமீ |
1815 மிமீ |
(-25 மிமீ) |
| உயரம் |
1650 மிமீ |
1674 மிமீ |
(-24 மிமீ) |
| வீல்பேஸ் |
2650 மிமீ |
2657 மிமீ |
(-7 மிமீ) |
| பூட் ஸ்பேஸ் |
458 litres |
518 litres |
(-60 litres) |
-
அளவீடுகளைப் பொறுத்தவரை நீளம், அகலம், உயரம் மற்றும் வீல்பேஸ் என அனைத்திலுமே நிஸான் டெக்டான் தான் பெரிய காராகக் காட்சியளிக்கிறது. ஆனால் கேபினுக்குள் இருக்கும் இடவசதி வேறு விதமான கதையைச் சொல்கிறது. நிஜ பயன்பாட்டில் ஹோண்டா எலிவேட் தான் சிறந்த நீ-ரூம் தருவதாக வாடிக்கையாளர்கள் தெரிவிக்கின்றனர்.
-
வீல்பேஸைப் பொருத்தவரை எலிவேட் மாடலானது டெக்டானை விட வெறும் 7 மிமீ மட்டுமே குறைவாக உள்ளது.
-
பூட் ஸ்பேஸில் டெக்டான் 518 லிட்டர் கொள்ளளவுடன் முன்னிலை வகிக்கிறது. இதன் காரணமாக பெரிய சூட்கேஸ்கள் மற்றும் கூடுதல் லக்கேஜ்களை எளிதாக ஏற்றிச் செல்ல முடியும்.
கலர் ஆப்ஷன்கள்
| ஹோண்டா எலிவேட் |
நிஸான் டெக்டான் |
| பிளாட்டினம் ஒயிட் |
பேர்ல் வொயிட் |
| லூனார் சில்வர் மெட்டாலிக் |
பிளேட் சில்வர் |
| மீட்டியோராய்டு கிரே மெட்டாலிக் |
மூன்போ கிரே |
| ரேடியன்ட் ரெட் மெட்டாலிக் |
ஃபிளேர் கார்னெட் ரெட் |
| அப்சிடியன் புளூ பேர்ல் |
இண்டிகோ புளூ |
| கிரிஸ்டல் பிளாக் பேர்ல் |
ஓனிக்ஸ் பிளாக் |
| நார்டிக் ஃபாரஸ்ட் பேர்ல் |
- |
-
இரண்டு கார்களிலுமே கண்களைக் கவரும் ஃபேன்சி மற்றும் கிளாஸிக் வண்ணங்கள் வழங்கப்பட்டுள்ளன.
-
ஹோண்டா எலிவேட்டின் டாப் வேரியண்ட்டில் நார்டிக் ஃபாரஸ்ட் பேர்ல், ரேடியன்ட் ரெட் மெட்டாலிக் மற்றும் பிரீமியம் ஒயிட் பேர்ல் ஆகிய மூன்று வண்ணங்களுக்கு டியூயல்-டோன் ரூஃப் ஆப்ஷன் கிடைக்கிறது.
-
அதே நேரத்தில், ஆனிக்ஸ் பிளாக் தவிர மற்ற அனைத்து வண்ணங்களுக்கும் டெக்டானில் டியூயல்-டோன் ஆப்ஷன் கொடுக்கப்பட்டுள்ளது.
-
எலிவேட்டின் டாப் மாடலான ZX பிளஸ் பிளாக் வேரியண்ட்டில் ஆல்-பிளாக் எக்ஸ்டீரியர் மற்றும் தனித்துவமான ஸ்டைலிங் அம்சங்கள் உள்ளன. இந்த அம்சங்கள் டெக்டானில் இடம்பெறவில்லை.
வசதிகள் மற்றும் பாதுகாப்பு
| அம்சங்கள் |
ஹோண்டா எலிவேட் |
நிஸான் டெக்டான் |
| LED Headlamps |
✅ |
✅ |
| Connected LED DRLs |
✅ |
✅ |
| Connected LED Taillamps |
✅ |
✅ |
| Wheels |
17-inch alloy wheels |
18-inch alloy wheels |
| Shark Fin Antenna |
✅ |
✅ |
| Infotainment |
10.25-inch touchscreen |
10.1-inch touchscreen |
| Wireless Apple CarPlay / Android Auto |
✅ |
✅ |
| Instrument Cluster |
7-inch (Semi-digital) |
10.25-inch digital display |
| Wireless Phone Charger |
✅ |
✅ |
| Sound System |
8 speakers |
6-speaker Arkamys |
| Push-button start/stop |
✅ |
✅ |
| Cabin Theme |
Dual-tone Ivory and Black |
Tri-tone Beige, Burgundy, and Rose Gold |
| Ventilated Seats |
✅(Front and rear) |
✅(Front) |
| Height-Adjustable Driver Seat |
✅ (8-way electric) |
✅ (6-way electric) |
| Co-driver Seat Adjustment |
✅ (4-way electric) |
✅ (6-way electric) |
| Lumbar Adjustment |
❌ |
✅ |
| Adjustable headrests |
✅ |
✅ |
| Cooled Armrest Storage |
❌ |
✅ (DCT only) |
| Powered Tailgate |
❌ |
✅ |
| Paddle Shifters |
✅ (CVT only) |
✅ (DCT only) |
| Connected Car Tech |
✅ |
✅ |
| Cruise Control |
✅ |
✅ |
| Sunroof |
Electrically adjustable |
Panoramic |
| Automatic Climate Control |
✅ (single-zone) |
✅ (dual-zone) |
| Rear AC vents |
✅ |
✅ |
| Automatic Headlights |
✅ |
✅ |
| Rain Sensing Wipers |
✅ |
✅ |
| Ambient Lighting |
✅ (orange) |
✅ (48-colour) |
| Keyless Entry |
✅ |
✅ |
| Airbags |
6 |
6 |
| Level-2 ADAS |
✅ |
✅ |
| Drive Modes |
❌ |
✅ |
| Parking Sensors |
Front and rear |
Front and rear |
| Parking Camera |
✅ (360-Degree) |
✅ (360-Degree) |
| Blind View Monitor |
✅ |
✅ |
| Tyre Pressure Monitoring System (TPMS) |
❌ |
✅ |
| Electronic Stability Program (ESP) |
✅ |
✅ |
| Traction Control System (TCS) |
✅ |
✅ |
| All-wheel disc brakes |
✅ (CVT only) |
✅ |
| Electronic parking brake with auto-hold |
✅ (CVT only) |
✅ ( Auto-hold DCT only) |
| Auto-diமிமீing IRVM |
✅ |
✅ |
| ISOFIX Child Seat Mount |
✅ |
✅ |
-
இரண்டு கார்களிலுமே ஏராளமான சொகுசு மற்றும் பாதுகாப்பு அம்சங்கள் நிரம்பியுள்ளன. வயர்லெஸ் Android Auto மற்றும் Apple CarPlay சப்போர்ட் கொண்ட டச்ஸ்கிரீன் இன்ஃபோடெயின்மென்ட், எலக்ட்ரிக்கலி அட்ஜஸ்ட்டபிள் டிரைவர் இருக்கை, முன்பக்க வென்டிலேட்டட் இருக்கைகள், குரூஸ் கண்ட்ரோல், ஆட்டோமேட்டிக் ஹெட்லைட்டுகள், ஆட்டோ கிளைமேட் கண்ட்ரோல், ரியர் AC வென்ட்டுகள், Level-2 ADAS, 360-டிகிரி கேமரா, லெதரெட் அப்ஹோல்ஸ்டரி மற்றும் 6 ஏர்பேக்குகள் போன்ற பொதுவான சிறப்பம்சங்கள் இரண்டிலுமே உள்ளன.
-
ட்ரை-டோன் இன்டீரியர் தீம் கொண்ட நிஸான் டெக்டானின் கேபின் கூடுதல் பிரீமியம் அனுபவத்தைத் தருகிறது. எலிவேட்டுடன் ஒப்பிடும்போது பனோரமிக் சன்ரூஃப், 48 வண்ண ஆம்பியன்ட் லைட்டிங், முழு டிஜிட்டல் இன்ஸ்ட்ரூமென்ட் கிளஸ்டர், டியூயல்-ஸோன் கிளைமேட் கண்ட்ரோல், எலக்ட்ரிக் பவர்டு டெயில்கேட் மற்றும் முன்பக்க இருக்கைகளுக்கான லம்பார் அட்ஜஸ்ட்மென்ட் போன்ற கூடுதல் அம்சங்கள் இதில் உள்ளன.
-
அதே நேரத்தில், பின்பக்க பயணிகளுக்கும் வென்டிலேட்டட் இருக்கைகள் மற்றும் 8 ஸ்பீக்கர் சவுண்ட் சிஸ்டம் ஆகிய அம்சங்கள் மூலமாக எலிவேட் கார் டெக்டானை முந்துகிறது.
-
டிரைவிங் அனுபவத்தைப் பொறுத்தவரை டிரைவ் மோடுகள், கார்னர் ஸ்டெபிலிட்டி கண்ட்ரோல் மற்றும் TPMS போன்ற சிறப்பம்சங்களையும் டெக்டான் தன்னுள் கொண்டுள்ளது.
-
சுருக்கமாகச் சொன்னால், நவீன காலத் தொழில்நுட்ப வசதிகளில் நிஸான் டெக்டான் கை ஓங்கியுள்ளது; ஹோண்டா எலிவேட் சற்று பின்தங்குகிறது. இருப்பினும் எலிவேட்டில் விடுபட்ட சில ஹைடெக் அம்சங்களைத் தவிர்த்துவிட்டுப் பார்த்தால், அன்றாடப் பயன்பாட்டிற்குத் தேவையான அத்தனை அம்சங்களும் அதில் மிகச் சரியாகவே அமைந்துள்ளன.
பவர்டிரெய்ன் விருப்பங்கள்
இன்ஜின் தேர்வுகளுக்கு வந்தால், ஹோண்டா எலிவேட் ஒற்றை 1.5-லிட்டர் நேச்சுரலி ஆஸ்பிரேட்டட் பெட்ரோல் இன்ஜினுடன் மட்டுமே கிடைக்கிறது. இதில் மேனுவல் மற்றும் CVT ஆட்டோமேட்டிக் டிரான்ஸ்மிஷன் ஆப்ஷன்கள் உள்ளன. ஆனால் நிஸான் டெக்டானில் இரண்டு டர்போ பெட்ரோல் இன்ஜின் ஆப்ஷன்கள் தரப்படுகின்றன. அவை 1-லிட்டர் டர்போ பெட்ரோல் மற்றும் அதிக ஆற்றல் கொண்ட 1.3-லிட்டர் டர்போ பெட்ரோல் இன்ஜின்கள் ஆகும். இரண்டு இன்ஜின்களிலுமே 6-ஸ்பீடு மேனுவல் கியர்பாக்ஸ் வழங்கப்படுகிறது; ஆட்டோமேட்டிக் ஆப்ஷன் பெரிய இன்ஜினில் மட்டுமே கிடைக்கிறது.
முழு பவர்டிரெய்ன் விவரக்குறிப்புகள் இதோ:
| மாடல் |
ஹோண்டா எலிவேட் |
நிஸான் டெக்டான் |
||
| எஞ்சின் |
1.5-litre naturally aspirated petrol |
1-litre turbo petrol |
1.3-litre turbo petrol |
|
|
4 |
3 |
4 |
|
| பவர் |
121 PS |
100 PS |
163 PS |
|
| டார்க் |
145 Nm |
166 Nm |
280 Nm |
|
| டிரான்ஸ்மிஷன் |
6-speed MT / CVT |
6-speed MT |
6-speed MT / 6-speed DCT |
|
MT- மேனுவல் டிரான்ஸ்மிஷன்; CVT- கண்டினியூஸ்லி வேரியபிள் டிரான்ஸ்மிஷன் (ஆட்டோமெட்டிக்); DCT- டூயல்-கிளட்ச் டிரான்ஸ்மிஷன் (ஆட்டோமெட்டிக்)
-
டர்போ பெட்ரோல் இன்ஜின் ஆப்ஷன்கள் கிடைப்பதே நிஸான் டெக்டானின் மிகப்பெரிய பலம். இது வேகத்தை விரும்பும் டிரைவர்களை வெகுவாக ஈர்க்கிறது.
-
அதே சமயம், எலிவேட்டின் நேச்சுரலி ஆஸ்பிரேட்டட் பெட்ரோல் இன்ஜின் டெக்டானின் ஆரம்ப நிலை 1-லிட்டர் இன்ஜினை விட அதிக பவரை வெளிப்படுத்துகிறது.
-
இந்த விலைப் பிரிவில் அட்ரினலின் எகிறும் டிரைவிங் அனுபவத்தைத் தேடுபவர்கள் டெக்டானைத் தேர்வு செய்யலாம். அதற்காக எலிவேட் சளைத்தது அல்ல. இரண்டு தசாப்தங்களுக்கும் மேலாகத் தனது தரத்தை நிரூபித்த எலிவேட்டின் 1.5-லிட்டர் இன்ஜின், அசைக்க முடியாத நம்பகத்தன்மை கொண்டதோடு, கடினமாக இயக்கும் போது நல்ல ஸ்போர்ட்டியான உணர்வையும் தருகிறது.
கார் தேக்கோவின் பார்வை…
அளவு, பூட் ஸ்பேஸ், நவீன அம்சங்கள் மற்றும் பவர்டிரெய்ன் விருப்பங்கள் ஆகியவற்றில் நிஸான் டெக்டான் ஹோண்டா எலிவேட்டை விட ஒரு படி மேலே நிற்கிறது. குறிப்பாக இந்த செக்மென்ட்டிலேயே அதிகபட்ச பவரைத் தரும் 163 PS திறன் கொண்ட 1.3-லிட்டர் டர்போ பெட்ரோல் இன்ஜின் இதில் உள்ளது. எலிவேட் மாடலில் ஒற்றை 1.5-லிட்டர் நேச்சுரலி ஆஸ்பிரேட்டட் பெட்ரோல் இன்ஜின் மட்டுமே உள்ளது. ஆனாலும் எலிவேட்டின் இன்ஜின் பல வருடங்களாக நற்பெயரையும் நம்பகத்தன்மையையும் பெற்றுள்ளதுடன் ஸ்மூத்தான CVT ஆட்டோமேட்டிக் வசதியைக் கொண்டுள்ளது; டெக்டானின் சக்திவாய்ந்த இன்ஜின் ஓட்டுவதற்கு உற்சாகமாக இருந்தாலும் இன்னும் களத்தில் தன்னை நிரூபிக்க வேண்டியுள்ளது..
பனோரமிக் சன்ரூஃப், டிஜிட்டல் இன்ஸ்ட்ரூமென்ட் கிளஸ்டர், டியூயல்-ஸோன் கிளைமேட் கண்ட்ரோல், 48 வண்ண ஆம்பியன்ட் லைட்டிங், பவர்டு டெயில்கேட் மற்றும் லம்பார் அட்ஜஸ்ட்மென்ட் என கேபின் சிறப்பம்சங்களில் டெக்டான் முன்னணியில் இருக்கிறது. இதற்குப் பதிலடியாக எலிவேட் பின்பக்க பயணிகளுக்கான வென்டிலேட்டட் இருக்கைகளையும், அட்டகாசமான 8 ஸ்பீக்கர் சவுண்ட் சிஸ்டத்தையும் வழங்கி ஈடுகட்டுகிறது.
ஒட்டுமொத்தமாக இரண்டு எஸ்யூவிகளுமே தங்களின் பலத்தை ஆணித்தரமாக நிலைநிறுத்துகின்றன. கம்பீரமான ரோட் பிரசன்ஸ், நவீன அம்சங்கள் மற்றும் சிறப்பான பெர்ஃபாமன்ஸ் வேண்டுமென்றால் டெக்டானைத் தேர்ந்தெடுக்கலாம். அதே சமயம் விசாலமான கேபின், சொகுசான பயணம், நம்பகமான நேச்சுரலி ஆஸ்பிரேட்டட் இன்ஜின் மற்றும் இந்தியாவில் ஹோண்டாவின் அசைக்க முடியாத பிராண்ட் மதிப்பு தேவைப்பட்டால் எலிவேட் சிறந்த சாய்ஸ். முடிவில், அதிநவீன வசதிகளுடன் கூடிய டர்போ ஆப்ஷன் தேவையா அல்லது நீண்ட காலம் உழைக்கும் நம்பகமான சொகுசு கார் தேவையா என்பதைப் பொறுத்தே உங்கள் தேர்வு அமைய வேண்டும்.
இந்த இரண்டு கார்களில் உங்கள் சாய்ஸ் எது? மறக்காமல் கீழே உள்ள கமெண்ட் பகுதியில் பதிவிடுங்கள்!
கவனிக்க வேண்டிய பிற கார் மாடல்கள்:
-
ரெனால்ட் டஸ்ட்டர்: டெக்டானின் பிளாட்ஃபார்மில் தயாராகும் மாடல். எக்கச்சக்க வசதிகள், சிறந்த ரைடு, ஹேண்ட்லிங், அசத்தலான பெர்ஃபாமன்ஸ் மற்றும் கம்பீரமான ரோட் பிரசன்ஸ் இதன் பலம்.
-
டாடா கர்வ்: கூபே வடிவிலான புதுமையான டிசைனில் மிட்-சைஸ் காரைத் தேடுபவர்களுக்கு ஏற்ற மாடல்.
-
கியா செல்டோஸ்: பிரீமியம் கேபின், எக்கச்சக்க வசதிகள், நம்பகமான பிராண்ட் மதிப்பு மற்றும் பலவித இன்ஜின், கியர்பாக்ஸ் தேர்வுகள் கொண்ட சிறந்த ஆல்டர்னேட்டிவ்.
-
ஹூண்டாய் கிரெட்டா: இந்தியாவின் டாப்-செல்லிங் மிட்-சைஸ் எஸ்யூவி. சிறந்த பேக்கேஜ், வசதிகள் நிறைந்த கேபின், சொகுசான பயணம் மற்றும் பல இன்ஜின் ஆப்ஷன்களைக் கொண்டுள்ளது.
-
டாடா சியரா: டாடாவின் இணையற்ற பாதுகாப்பு மற்றும் சிறப்பம்சங்கள், வரலாற்றுப் பெருமை கொண்ட பெயர், ரெட்ரோ டிசைன் மற்றும் பல பவர்டிரெய்ன் ஆப்ஷன்களுக்காக இதைத் தேர்வு செய்யலாம்.
-
மாருதி விக்டோரிஸ்: பராமரிப்பு தொல்லை இல்லாத நம்பகமான அனுபவம், தனித்துவமான டிசைன், குறைவான சர்வீஸ் செலவு, ஹைப்ரிட் டெக்னாலஜி தரும் சூப்பர் மைலேஜ், விசாலமான கேபின் மற்றும் ஆப்ஷனல் AWD தேடுபவர்களுக்கு ஏற்றது.
-
மாருதி கிராண்ட் விட்டாரா / டொயோட்டா அர்பன் க்ரூஸர் ஹைரைடர்: விக்டோரிஸ் மாடலில் இருக்கும் அதே பலன்களுடன் பாக்ஸியான பாரம்பரிய எஸ்யூவி தோற்றத்தில் கிடைக்கும் மாடல்கள்.
-
ஃபோக்ஸ்வேகன் டைகுன் / ஸ்கோடா குஷாக்: அதிரடியான டர்போ பெட்ரோல் இன்ஜின் மற்றும் ஹை-பெர்ஃபாமன்ஸ் DSG கியர்பாக்ஸ் மூலம் சிறந்த டிரைவிங் டைனமிக்ஸை வழங்குவதோடு, ஸ்போர்ட்டி டிசைன் மற்றும் பிரீமியம் கேபினைக் கொண்டுள்ளன.
-
சிட்ரோன் ஏர்கிராஸ் எக்ஸ்: இந்த செக்மென்ட்டிலேயே மிகச் சிறந்த சொகுசுப் பயணம், சிறப்பான பவர்டிரெய்ன் மற்றும் 7-சீட்டர் ஆப்ஷனுடன் வருகிறது.
-
எம்ஜி ஆஸ்டர்: அதீத வேகம் தேவையில்லை, ஆனால் பணத்திற்கு ஏற்ற மதிப்பு, வசதிகள் நிறைந்த கேபின், பிரீமியம் டேஷ்போர்டு மற்றும் சொகுசான பயணம் வேண்டும் என்பவர்களுக்கான சிறந்த சாய்ஸ்.
