கிரெட்டா -வை விட ஹோண்டா எலிவேட் சிறந்ததா?... விரிவான ஒப்பீடு இங்கே

சமீபத்தில் அறிமுகமான புதிய ஹோண்டா எலிவேட் ஃபேஸ்லிஃப்ட் மாடல் ரூ.11.80 லட்சம் (எக்ஸ்-ஷோரூம்) என்ற ஆரம்ப விலையில் களமிறங்கியுள்ளது. இந்த புதிய அப்டேட் மூலம் காம்பாக்ட் SUV செக்மெண்டில் தனக்கென ஒரு வலுவான இடத்தைப் பிடிக்கவும். குறிப்பாக இந்த செக்மெண்டின் ராஜாவாகத் திகழும் ஹூண்டாய் கிரெட்டாவிற்கு கடும் போட்டி அளிக்கவும் ஹோண்டா திட்டமிட்டுள்ளது. பலவிதமான இன்ஜின் தேர்வுகள் மற்றும் நவீன அம்சங்களுடன் கிரெட்டா கெத்து காட்டி வந்த நிலையில் எலிவேட் மாடலில் வசதிகள் குறைவாக இருப்பது பின்னடைவாக இருந்தது. ஆனால் தற்போது வந்துள்ள ஃபேஸ்லிஃப்ட் மாடலில் பாதுகாப்பு மற்றும் அம்சங்களை ஹோண்டா வெகுவாக உயர்த்தியுள்ளது. அப்படியென்றால் இந்த மாற்றங்கள் கிரெட்டாவை வீழ்த்த போதுமானதா? வாருங்கள் ஒப்பீட்டுப் பார்வையில் காண்போம்.

விலை ஒப்பீடு

• கிரெட்டாவின் ஆரம்ப விலை, எலிவேட்டின் பேஸ் வேரியண்ட்டை விட ரூ.89,000 வரை குறைவாக உள்ளது.

• அதேவேளையில், கிரெட்டாவில் டர்போ-பெட்ரோல் இன்ஜின் ஆப்ஷன்கள் இருப்பதால் அதன் டாப்-எண்ட் வேரியண்ட்டின் விலை எலிவேட்டை விட அதிகமாகச் செல்கிறது

அளவுகள்

• எலிவேட் காரின் மொத்த நீளம் கிரெட்டாவை விடக் குறைவாக இருந்தாலும், வீல்பேஸ் விஷயத்தில் எலிவேட் பெரிய அளவில் முன்னிலை வகிக்கிறது.
   

• கூடுதல் 40 மி.மீ வீல்பேஸ் காரணமாக எலிவேட்டின் கேபினுக்குள் மிகச் சிறந்த இடவசதி கிடைக்கிறது.

• எலிவேட் 15 மி.மீ கூடுதல் உயரத்தைக் கொண்டிருப்பதால் பயணியருக்குத் தலைக்கு மேலே தாராளமான ஹெட்ரூம் கிடைக்கும்.

• சுவாரஸ்யமாக, இரண்டு கார்களுமே ஒரே அளவிலான அகலத்தைக் கொண்டுள்ளன.

கலர் ஆப்ஷன்கள்

*குறிப்பிட்ட வேரியண்ட்களில் பிளாக் ரூஃப் தேர்வுடன் கிடைக்கிறது.

#குறிப்பிட்ட வேரியண்ட்களில் மேட் ஃபினிஷ் தேர்வுடன் கிடைக்கிறது.

• கிரெட்டாவில் மேட் ஃபினிஷ் தேர்வுகள் இருந்தாலும் எலிவேட் அதைவிட அதிகமான கலர் ஆப்ஷன்களை வழங்குகிறது

• எலிவேட் காரில் கவர்ச்சிகரமான டூயல்-டோன் வண்ணத் தேர்வுகளும் சேர்க்கப்பட்டுள்ளன

• கிரெட்டாவின் டாப்-ஸ்பெக் 'லவுஞ்ச் எடிஷன்' மாடலில் 'கோல்டன் பிரான்ஸ்' எனும் புதிய நிறம் கொடுக்கப்பட்டு, மற்ற வேரியண்ட்களில் இருந்து தனித்துத் தெரிகிறது.

• இரு மாடல்களிலுமே பிரத்யேக பிளாக் எடிஷன் உள்ளது. இதில் ஹோண்டா அதை 'Black' என்றும் ஹூண்டாய் 'Knight' என்றும் அழைக்கின்றன

வசதிகள் மற்றும் பாதுகாப்பு

• மேலே பார்த்தபடி எலிவேட் கார் அன்றாட பயன்பாட்டிற்குத் தேவையான அனைத்து முக்கிய அம்சங்களையும் கொண்டு போட்டிக்கு நிகராக நிற்கிறது.

• இருப்பினும் கிரெட்டாவில் இருக்கும் பிரம்மாண்டமான பானரோமிக் சன்ரூஃப் இதில் இல்லை என்பது ஒரு குறையே.

• அதேநேரத்தில் பின்பக்க இருக்கைகளுக்கும் வென்டிலேஷன் வசதி மற்றும் முன்பக்க ஃபாக் லேம்ப்கள் போன்ற பிரத்யேக அம்சங்களை எலிவேட் வழங்குகிறது.

• இரண்டிலுமே அடாஸ் (ADAS) பாதுகாப்பு வசதி இருந்தாலும் எலிவேட் கேமராவை மட்டுமே நம்பியிருப்பதால் பகல் நேரத்தில் மட்டுமே அது சிறப்பாகச் செயல்படும். ஆனால் கிரெட்டாவில் கேமரா மற்றும் ராடார் இரண்டும் கலந்த அதிநவீன அடாஸ் அமைப்பு உள்ளது

• பாதுகாப்புச் சோதனையைப் பொறுத்தவரை BNCAP மூலம் இரண்டும் இன்னும் சோதிக்கப்படவில்லை. எனினும் கிரெட்டா குளோபல் NCAP-ல் 5 நட்சத்திரங்களையும் எலிவேட் ஜப்பானிய NCAP மோதல் சோதனையில் 5 நட்சத்திரங்களையும் பெற்றுள்ளன.

பவர்டிரெயின்

MT- மேனுவல் டிரான்ஸ்மிஷன், CVT - கன்டினியூஸ்லி வேரியபிள் டிரான்ஸ்மிஷன் (ஆட்டோமெட்டிக்), AT- டார்க் கன்வெர்டர் ஆட்டோமெட்டிக் டிரான்ஸ்மிஷன்,  DCT- டூயல் கிளட்ச் டிரான்ஸ்மிஷன் (ஆட்டோமெட்டிக்

• ஹோண்டா இன்னும் ஒரே ஒரு இன்ஜின் ஆப்ஷனை மட்டுமே வழங்குகிறது. ஆனால் அதில் 6-ஸ்பீட் மேனுவல் அல்லது CVT கியர்பாக்ஸைத் தேர்வு செய்யலாம்.

• ஹூண்டாய் நிறுவனம் 3 விதமான இன்ஜின்கள் மற்றும் பலவகை கியர்பாக்ஸ் தேர்வுகளுடன் அதிக ஆப்ஷன்களை அள்ளி வழங்குகிறது.

• இருப்பினும் வழக்கமான பெட்ரோல் இன்ஜினை ஒப்பிடும்போது கிரெட்டாவை விட ஹோண்டா எலிவேட்டின் இன்ஜினே அதிக பவரை வெளிப்படுத்துகிறது.

• இரண்டு நிறுவனங்களுமே தொழிற்சாலையிலேயே பொருத்தப்படும் சிஎன்ஜி (CNG) மாடல்களை வழங்குவதில்லை.

• மைலேஜை மட்டுமே பிரதானமாக எதிர்பார்க்கும் வாடிக்கையாளர்களுக்கு டீசல் இன்ஜின் கொண்ட கிரெட்டாவே சிறந்த தேர்வாக அமையும்.

கார்தேக்கோ சொல்வது...

தேவையற்ற ஆடம்பரங்கள் ஏதுமின்றி, பின்பக்க இருக்கை வென்டிலேஷன் வசதியுடன் ஹோண்டாவின் புகழ்பெற்ற நம்பகத்தன்மை கொண்ட ஒரு பெட்ரோல் SUV வேண்டுமானால் எலிவேட் உங்களுக்கு கச்சிதமான தேர்வாக இருக்கும்.

மாறாக பானரோமிக் சன்ரூஃப், டீசல் அல்லது டர்போ இன்ஜின் தேர்வுகள் மற்றும் கூடுதல் அடாஸ் (ADAS) அம்சங்கள் வேண்டும் என விரும்பினால் நீங்கள் தாராளமாகக் கிரெட்டாவை பரிசீலிக்கலாம்.

முன்பெல்லாம் எலிவேட் காரில் அத்தியாவசிய அம்சங்கள் பல குறைவாக இருந்ததால் மக்கள் அதை வாங்குவதைத் தவிர்த்து வந்தனர். ஆனால் இந்த புதிய ஃபேஸ்லிஃப்ட் மூலம் அந்தப் பிம்பத்தை ஹோண்டா உடைத்தெறிந்துள்ளது. இன்ஜின் தேர்வுகளைத் தவிர்த்துப் பார்த்தால் காகித அளவில் இரண்டு SUV -க்களுமே தற்போது ஒன்றுக்கொன்று சளைத்தவை அல்ல!

போட்டியாளர்கள்

இந்த செக்மெண்டில் கிரெட்டா மற்றும் எலிவேட்டைத் தவிர்த்து வேறு கார்களைப் பார்க்க விரும்பினால், இதோ உங்களுக்கான மாற்றுத் தேர்வுகள்:

• கியா செல்டோஸ்: இந்த செக்மெண்டின் மற்றொரு முன்னணி மாடலான செல்டோஸ் கிரெட்டாவில் உள்ள அனைத்து வசதிகளையும் வழங்கி, தோற்றத்திலும் மதிப்பிலும் இன்னும் ஒரு படி மேலே நிற்கிறது.

• டாடா சியரா: இந்திய ஆட்டோமொபைல் வரலாற்றின் ஒரு ஐகான் மாடலின் மறுபிறப்பு. அட்டகாசமான டிசைன், தாராளமான இடவசதி மற்றும் ஏராளமான அம்சங்களுடன் பலரையும் கவர்கிறது. எனினும், விற்பனைக்குப் பிந்தைய சேவையிலும் குவாலிட்டியிலும் டாடா இன்னும் கவனம் செலுத்த வேண்டும்.

• போக்ஸ்வேகன் டைகுன்: இந்த ஜெர்மன் SUV இந்த ஆண்டின் தொடக்கத்தில் ஃபேஸ்லிஃப்ட் செய்யப்பட்டு போட்டியாளர்களுக்கு நிகரான வசதிகளுடன் புதுப்பிக்கப்பட்டுள்ளது. ஓட்டுவதற்கு மிகவும் ஜாலியான காம்பாக்ட் SUVக்களில் இதுவும் ஒன்று.

• ஸ்கோடா குஷாக்: டைகூனின் சகோதர மாடலான இதுவும் டிரைவிங் செய்வதற்கு அற்புதமாக இருக்கும். டைகூனை விடக் கூடுதலாகப் பின்பக்க இருக்கைகளில் மசாஜ் வசதியும், சிறப்பான டிசைனும் இதன் பிளஸ் பாயிண்ட்கள்.

• மாருதி சுஸூகி கிராண்ட் விட்டாரா: மற்றொரு எளிமையான, நம்பகமான SUV. இதில் டீசல் அல்லது டர்போ இன்ஜின் இல்லை என்றாலும் டீசலை விட சிறந்த மைலேஜ் தரும் ஸ்ட்ராங்-ஹைப்ரிட் தொழில்நுட்பம் இதில் உள்ளது.

• மாருதி சுஸூகி விக்டோரிஸ்: கிராண்ட் விட்டாராவின் டிசைன் பிடிக்காதவர்களுக்கு பெரிய பூட் ஸ்பேஸ் கொண்ட விக்டோரிஸ் பிடிக்கும். அதே இன்ஜின்களுடன் கூடுதல் வசதிகள், 5-ஸ்டார் BNCAP பாதுகாப்பு ரேட்டிங் மற்றும் அடாஸ் வசதியுடன் இது வருகிறது.

• டொயோட்டா அர்பன் க்ரூஸர் ஹைரைடர்: கிராண்ட் விட்டாராவின் டொயோட்டா பதிப்பே இந்த ஹைரைடர். மாருதியின் அதே வசதிகள் இன்ஜின் மற்றும் சொகுசுதான் என்றாலும் டொயோட்டாவின் சிறந்த வாரண்டி பேக்கேஜ்கள் இதில் கிடைக்கின்றன.

• சிட்ரோன் ஏர்கிராஸ் X: பலராலும் கவனிக்கப்படாத இந்த கார் இந்த செக்மெண்டிலேயே அல்லது இதற்கு அடுத்த செக்மெண்ட்டை விடவும் மிகச்சிறந்த ரைடிங் சௌகரியத்தைக் (Ride quality) கொண்டுள்ளது. மேலும், அவசர தேவைக்கு 3-வது வரிசை இருக்கை வசதியை வழங்கும் ஒரே காம்பாக்ட் SUV இதுதான்.

• ரெனால்ட் டஸ்டர்: இந்தியாவில் காம்பாக்ட் SUV செக்மெண்ட்டைத் தொடங்கி வைத்ததே டஸ்டர்தான். இதன் புதிய மாடல் சிறந்த டிசைன் பில்ட் குவாலிட்டி மற்றும் வசதிகளுடன் மீண்டும் களம் இறங்கியுள்ளது. தற்போது இரண்டு டர்போ-பெட்ரோல் இன்ஜின்கள் உள்ள நிலையில், விரைவில் ஸ்ட்ராங் ஹைப்ரிட் மாடலும் வரவுள்ளது.

• நிஸான் டெக்டான்: டஸ்டரின் பிளாட்ஃபார்ம், வசதிகள் மற்றும் இன்ஜின்களைப் பகிர்ந்துகொள்ளும் இந்த கார் நிஸானின் பிரத்யேக ஸ்டைலில் கிடைக்கிறது. ஓட்டுவதற்குச் சிறந்த காராக இருந்தாலும் இந்தியாவில் இதன் ஹைப்ரிட் மாடல் வருமா என்பது பற்றிய தகவல் இல்லை.