டாடா ஏரிஸ் vs டிகோர்: பேரு மட்டும்தான் புதுசா... இல்ல வேற ஏதாச்சும் புது விஷயம் இருக்கா ?

சுமார் ஒரு தசாப்தத்திற்குப் பிறகு டாடா மோட்டார்ஸ் தனது பிரபலமான டிகோர் காம்பாக்ட் செடானை நிறுத்திவிட்டு, அதற்குப் பதிலாக புதிய டாடா ஏரிஸ்-ஐ அறிமுகப்படுத்தியுள்ளது. இந்த புதிய மாடல் புத்துணர்ச்சியான டிசைன் மேம்பட்ட இன்டீரியர் மற்றும் கூடுதல் அம்சங்களுடன் வருகிறது. ஆனால் இன்ஜின் மற்றும் டிரான்ஸ்மிஷன் ஆப்ஷன்கள் பழைய டிகோர்-ல் இருந்தவைதான். எனவே இந்த புதிய ஏரிஸ், டிகோர்-ஐ விட சிறந்த தேர்வா? இந்த புதிய டிசைன் மற்றும் கூடுதல் அம்சங்களுக்காக அதிக பணம் கொடுப்பது மதிப்புள்ளதா? வாருங்கள் விரிவாகப் பார்க்கலாம்.

விலை

• 'டிகோர்'  காருக்கு மாற்றாக வந்திருந்தாலும் 'ஏரிஸ்' காரின் ஆரம்ப விலை 'டிகோர்' காரை விட ரூ. 41,000 குறைவாக உள்ளது.

  இருப்பினும் ஹையர் வேரியண்ட்களைப் பொறுத்தவரையில் 'ஏரிஸ்' காரின் விலை ரூ. 64,000 அதிகமாக உள்ளது.

• டாடா ஏரிஸ் நிறுத்தப்பட்ட டிகோர் மாடலை விட சற்று அதிக விலையில் அறிமுகம் செய்யப்பட்டுள்ளது. குறிப்பாக டாப்-ஸ்பெக் வேரியன்ட்களில் இந்த விலை வித்தியாசம் அதிகமாகத் தெரிகிறது. டிகோர் அதன் காலத்தில் ஒரு மதிப்புமிக்க தேர்வாக இருந்தது.

• ஆனால் ஏரிஸ் வழங்கும் புதிய அம்சங்கள் மற்றும் பாதுகாப்பு மேம்பாடுகளுக்கு இந்த விலை உயர்வு அவசியமாகிறது. உதாரணமாக 6 ஏர்பேக்குகள் ஸ்டாண்டர்டாக வழங்கப்படுவது விலையில் கணிசமாக தாக்கத்தை ஏற்படுத்தியுள்ளது. எனவே நீங்கள் ஒரு புதிய காரை வாங்கும்போது கூடுதல் பாதுகாப்பு மற்றும் நவீன வசதிகளுக்காக இந்த விலை உயர்வை ஒரு முதலீடாகக் கருதலாம்.

வடிவமைப்பு

டிசைன்தான் ஏரிஸ் மற்றும் டிகோர் இடையே உள்ள மிகப்பெரிய வித்தியாசம். டிகோர் அதன் தனித்துவமான 'ஸ்டைல்பேக்' டிசைனுக்காக அறியப்பட்டது. ஆனால் பல ஆண்டுகளாக அதன் தோற்றத்தில் பெரிய மாற்றங்கள் இல்லை. மறுபுறம் டாடா ஏரிஸ் ஒரு முற்றிலும் புதிய மற்றும் முதிர்ச்சியான டிசைன் உடன் வருகிறது. இதன் நாட்ச்பேக் ரூஃப்லைன் காரின் தோற்றத்தை நேர்த்தியாக மாற்றியுள்ளது. குறிப்பாக பின்புறத்தில் உள்ள கனெக்டட் LED டெயில்லேம்ப்கள், டாடா-வின் புதிய தலைமுறை கார்களான நெக்ஸான் மற்றும் பன்ச் போன்றவற்றில் இருப்பது போல ஒரு பிரீமியம் தோற்றத்தை அளிக்கிறது. ஒட்டுமொத்தமாக டிகோர்-ஐ விட ஏரிஸ் மிகவும் நவீனமாகவும் கவர்ச்சியாகவும் தெரிகிறது.

பக்கவாட்டில் ஏரிஸ் பூட் இடத்தை விடுவிக்கும் ஒரு 'நாட்ச்பேக்' ரூஃப்லைனுடன் தனித்துவமான ரூஃப்லைனைப் பெறுகிறது. டிகோரில் கதவு கைப்பிடிகளுக்கான குரோம் அலங்காரம், வித்தியாசமான அலாய்-வீல் வடிவமைப்பு மற்றும் முன் கீழே ஒரு பேட்ஜ் ஆகியவற்றைத் தவிர்த்து டிகோர் போலவே இருக்கிறது.

ரியர்-எண்ட் ஸ்டைலிங் என்பது செடான்களின் முற்றிலும் மாறுபட்ட இரண்டு பெர்சனாலிட்டிகளை நீங்கள் பார்க்கும் இடமாகும். இணைக்கப்பட்ட எல்இடி டெயில்லேம்ப் அமைப்பு மற்றும் ரிஜிஸ்ட்ரேஷன் ஹவுஸிங் உடன் கூடிய மெல்லிய பம்பருடன் ஏரிஸ் ஒரு தைரியமான தோற்றத்தைக் கொண்டிருக்கும் இடத்தில் டிகோர் வழக்கமான பாணியில் ரேப்பரவுண்ட் எல்இடி டெயில்லேம்ப்கள் மற்றும் வளைந்த பம்பர் ஆகியவற்றைப் பெற்றுள்ளது. ரிஜிஸ்ட்ரேஷன் ஹவுஸிங் அதன் பூட்லிடில் இருந்தது.

கலர் ஆப்ஷன்கள்

புதிய மாடல் என்பதால், டாடா ஏரிஸ் லேட்டஸ்ட் டிரெண்டுக்கு ஏற்ற பல புதிய மற்றும் வித்தியாசமான வண்ண விருப்பங்களுடன் அறிமுகப்படுத்தப்பட்டுள்ளது. டாடா-வின் சமீபத்திய கார்களில் காணப்படும் டூயல்-டோன் ஆப்ஷன்கள் மற்றும் புத்துணர்ச்சியான வண்ணங்கள் ஏரிஸ்-லும் இடம்பெறுகின்றன. டிகோர் அதன் வாழ்க்கைச் சுழற்சியில் பல நிலையான வண்ணங்களைக் கொண்டிருந்தது. ஆனால் ஏரிஸ் இளைய தலைமுறை வாடிக்கையாளர்களைக் கவரும் வகையில் பிரகாசமான மற்றும் தனித்துவமான வண்ணத் தேர்வுகளை வழங்குவதில் கவனம் செலுத்துகிறது. இது காருக்கு ஒரு புதிய அடையாளத்தை அளிக்கிறது.

இன்ட்டீரியர்

உட்புறத்திலும் ஏரிஸ் ஒரு பெரிய முன்னேற்றத்தைக் காண்கிறது. டிகோர்-ன் இன்டீரியர் செயல்பாட்டுக்கு ஏற்றதாக இருந்தாலும் காலப்போக்கில் அது சற்று பழைமையானதாக உணரப்பட்டது. ஆனால் ஏரிஸ் ஒரு பிரீமியம் பெய்ஜ் நிற கேபின் தீம் உடன் வருகிறது. இது உட்புறத்தை மிகவும் விசாலமானதாகவும், காற்றோட்டமானதாகவும் உணர வைக்கிறது. மேலும் கேபினில் பயன்படுத்தப்பட்டுள்ள பொருட்களின் தரம் மற்றும் ஃபிட்-ஃபினிஷ் ஆகியவை டிகோர்-ஐ விட கணிசமாக மேம்படுத்தப்பட்டுள்ளன. இது உங்களுக்கு ஒரு உயர்ந்த கார் அனுபவத்தை வழங்குகிறது. டாஷ்போர்டு லேஅவுட் மற்றும் கன்ட்ரோல்கள் கூட நவீனமாக மாற்றியமைக்கப்பட்டுள்ளன.

ஏரிஸ் மாடலில் சுழலும் வகை கியர் செலக்டர் டயலுடன்  கூடிய முற்றிலும் புதிய சென்டர் கன்சோல் ஆனது ஏஎம்டி (AMT) வேரியன்ட்களில் கொடுக்கப்பட்டுள்ளது. அதேவேளையில் டிகோர் மாடலில் வழக்கமான கியர் ஷிஃப்டரே கொடுக்கப்பட்டிருந்தது. ஆனால் சிறிய பொருட்களை வைப்பதற்கான கூடுதல் இடவசதியையும், முன்பக்க நபர்களுக்கான தனித்தனி ஆர்ம்ரெஸ்ட்களையும் டிகோர் வழங்கியது.

பின்பக்க இருக்கைகளைப் பொறுத்தவரையில் பெரிய மாற்றங்கள் எதுவும் இல்லை. ஏரிஸ் தன் அளவிற்கு ஏற்ப தாராளமான இடவசதியைத் தொடர்ந்து வழங்குகிறது. வசதிகளைப் பொறுத்தவரை டிகோரைப் போலவே பின்பக்க ஆர்ம்ரெஸ்ட்டுடன் வருகிறது. இருப்பினும், புதிய பின்பக்க ஏசி வென்ட்கள்  சேர்க்கப்பட்டிருப்பது நிச்சயம் ஒரு சிறந்த பயண அனுபவத்தைக் கொடுக்கும்.

அம்சங்கள்

அம்சங்களைப் பொறுத்தவரையில் இன்ஜின் மற்றும் கியர்பாக்ஸ் ஆப்ஷன்கள் டிகோர்-ல் இருந்து எந்த மாற்றமும் இல்லாமல் ஏரிஸ்-லும் தொடர்கின்றன. செயல்திறனில் எந்த வித்தியாசமும் இருக்காது. ஆனால், வசதி மற்றும் பாதுகாப்பு அம்சங்களில் ஏரிஸ் தெளிவாக முன்னிலை வகிக்கிறது. இதில் LED ஃபாக் லேம்ப்கள், வயர்லெஸ் ஃபோன் சார்ஜர் போன்ற நவீன வசதிகள் சேர்க்கப்பட்டுள்ளன. இவை டிகோர்-ல் இல்லை. மிக முக்கியமாக ஏரிஸ்-ன் அனைத்து வேரியன்ட்களிலும் 6 ஏர்பேக்குகள் ஸ்டாண்டர்டாக வழங்கப்படுகின்றன. இது டிகோர்-ல் ஸ்டாண்டர்டாக இருந்த 2 ஏர்பேக்குகளை விட மிகப்பெரிய பாதுகாப்பு மேம்பாடு ஆகும். இந்த கூடுதல் அம்சங்கள் ஏரிஸ்-ஐ ஒரு முழுமையான பேக்கேஜாக மாற்றுகின்றன.

பவர்டிரெயின் ஆப்ஷன்கள்

டிசைன், கேபின் மற்றும் வசதிகள் ஆகியவற்றில் பல மாற்றங்கள் செய்யப்பட்டிருந்தாலும், இன்ஜின் (Powertrain) தேர்வுகளில் எந்த மாற்றமும் இன்றி அப்படியே வைக்கப்பட்டுள்ளன. டிகோர் மாடலில் உள்ள அதே பெட்ரோல் மற்றும் சிஎன்ஜி (CNG) இன்ஜின்களே ஏரிஸ் மாடலிலும் கொடுக்கப்பட்டுள்ளன. அவற்றின் விவரங்கள் இதோ:

* MT = மேனுவல் டிரான்ஸ்மிஷன், AMT = ஆட்டோமேட்டட் மேனுவல் டிரான்ஸ்மிஷன்

கார்தேக்கோ சொல்வது...

டாடா ஏரிஸ் என்பது வெறும் டிகோர்-ன் ஃபேஸ்லிஃப்ட் அல்ல; இது ஒரு முழுமையான அப்கிரேடு. இன்ஜின் ஒன்றாக இருந்தாலும், டிசைன், இன்டீரியர் தரம், நவீன ஃபீச்சர்கள் மற்றும் மிக முக்கியமாக பாதுகாப்பு ஆகியவற்றில் ஏரிஸ் ஒரு படி மேலே செல்கிறது. நீங்கள் ஒரு புதிய காம்பாக்ட் செடான் வாங்க திட்டமிட்டிருந்தால், கூடுதல் விலைக்கு கிடைக்கும் மேம்பட்ட பாதுகாப்பு (6 ஏர்பேக்குகள்) மற்றும் பிரீமியம் கேபின் அனுபவத்திற்காக டாடா ஏரிஸ் ஒரு மிகச் சிறந்த தேர்வாகும். பழைய டிகோர் ஒரு நல்ல காராக இருந்தாலும், இன்றைய காலகட்டத்திற்குத் தேவையான நவீனத்துவத்தையும் பாதுகாப்பையும் ஏரிஸ் வழங்குகிறது. எனவே புதிய டிசைன் மற்றும் அம்சங்களுக்காக கூடுதல் செலவு செய்வது நிச்சயமாக மதிப்புக்குரியது.

டாடா ஏரிஸ் தவிர சப்-காம்பேக்ட் செடான் பிரிவில் பின்வரும் மாடல்களும் கிடைக்கின்றன:

மாருதி டிசையர்: வசதியான பயணம் மற்றும் சிறந்த மைலேஜ் தரும் இன்ஜினுடன் இந்தப் பிரிவில் ஒரு சிறந்த ஆல்-ரவுண்டர் காராகத் திகழ்கிறது.

ஹோண்டா அமேஸ்: இந்தப் பிரிவில் சிவிடி (CVT) ஆட்டோமேட்டிக் கியர்பாக்ஸ் கொண்ட ஒரே கார் இதுவே ஆகும். இது மிகவும் சீரான ஓட்டுதல் அனுபவத்தை வழங்குகிறது.

ஹூண்டாய் ஆரா: இக்கார் அப்டேட் செய்யப்பட வேண்டிய நிலையில் உள்ளதுடன் சில வசதிகளையும் தவறவிடுகிறது. இருப்பினும் அடிப்படைத் தேவைகளைச் சரியாகப் பூர்த்தி செய்கிறது.