కొత్త Volkswagen Taigun: ఔత్సాహికుల కోసం దాని DSG గేర్‌బాక్స్ ఎందుకు బెస్ట్ ఛాయిస్?

సాధారణంగా కారు కొనుగోలు చేసే సమయంలో ఇంజిన్, హార్స్‌పవర్, టార్క్, మైలేజీ వంటి అంశాల గురించే ఎక్కువగా చర్చిస్తుంటారు. కానీ ట్రాన్స్‌మిషన్ విషయానికి వచ్చేసరికి ‘‘మాన్యువల్ లేదా ఆటోమేటిక్’’ అనే దానితోనే ఆ చర్చ ముగిసిపోతుంది.

అయితే ఒకే ఇంజిన్‌తో, వేర్వేరు గేర్‌బాక్స్‌లతో ఉన్న రెండు ఎస్‌యూవీలను నిజంగా నడిపి చూస్తే.. పవర్‌లో వచ్చే మార్పు కంటే రోజువారీ డ్రైవింగ్ అనుభవంలో కనిపించే తేడానే ఎక్కువగా ఉంటుంది. Volkswagen Taigun టైగూన్ విషయంలోనూ ఇదే కనిపిస్తుంది. ఈ ఎస్‌యూవీలో DSG డ్యూయల్-క్లచ్ గేర్‌బాక్స్‌తో పాటు తాజాగా పరిచయం చేసిన 8-స్పీడ్ ATను అందిస్తున్నారు.

టైగూన్‌లోని వేగంగా గేర్ మారే ఈ ట్రాన్స్‌మిషన్‌లు డ్రైవింగ్ అనుభవంలో ఎలాంటి మార్పు తీసుకొస్తాయో ఇప్పుడు చూద్దాం:

DSG అంటే అసలు ఏమిటి?

DSG అంటే డైరెక్ట్-షిఫ్ట్ గేర్‌బాక్స్. ఇది వోక్స్వాగన్ ఉపయోగించే పేరు కాగా, సాధారణంగా దీనిని డ్యూయల్-క్లచ్ ట్రాన్స్‌మిషన్‌గా పిలుస్తారు. దీని ప్రాథమిక ఆలోచన చాలా సులభమైనదే అయినప్పటికీ ఎంతో తెలివైనది. సాధారణ మాన్యువల్ గేర్‌బాక్స్‌లో ఒక క్లచ్ మాత్రమే ఉంటుంది. కానీ DSGలో రెండు వేర్వేరు క్లచ్‌లు ఉంటాయి. వీటిలో ఒకటి బేసి సంఖ్య గల గేర్‌లను, మరొకటి సరి సంఖ్య గల గేర్‌లను నియంత్రిస్తుంది.

కారు మూడో గేర్‌లో ప్రయాణిస్తున్నప్పుడు, రెండో క్లచ్ ఇప్పటికే నాలుగో గేర్‌ను ముందుగానే సిద్ధం చేసి ఉంచుతుంది. గేర్ మార్చాల్సిన సమయం వచ్చిన వెంటనే ఒక క్లచ్ నుంచి మరో క్లచ్‌కు మారుతుంది. సంప్రదాయ గేర్‌బాక్స్‌లో జరిగేలా క్లచ్ విడదీయడం, గేర్ ఎంచుకోవడం, మళ్లీ క్లచ్ కలపడం వంటి ప్రక్రియ అవసరం ఉండదు. ఇందులో టార్క్ కన్వర్టర్ కూడా ఉండదు. దీంతో ఈ ప్రక్రియలో శక్తి నష్టం తక్కువగా ఉంటుంది. టైగూన్‌లోని 1.5-లీటర్ TSI EVO ఇంజిన్‌ను ఇదే సూత్రంపై పనిచేసే 7-స్పీడ్ DSGతో జత చేశారు.

DSG గేర్‌బాక్స్ అత్యాధునిక ట్రాన్స్‌మిషన్‌లలో ఒకటి. ఇది ఇతర ట్రాన్స్‌మిషన్‌లతో పోలిస్తే యాంత్రికంగా మరింత సమర్థంగా ఉంటుంది. అనేక లగ్జరీ, హై-ఎండ్ కార్లలోనూ ఇదే టెక్నాలజీని ఉపయోగిస్తున్నారు.

మెరుపు వేగంతో గేర్ మార్పులు

ఈ డ్యూయల్-క్లచ్ డిజైన్ వల్ల సాధారణ ఆటోమేటిక్ గేర్‌బాక్స్‌లతో పోలిస్తే గేర్ మార్పులు చాలా వేగంగా జరుగుతాయి. తదుపరి గేర్ ముందుగానే సిద్ధంగా ఉండటంతో, టార్క్-కన్వర్టర్ ఆటోమేటిక్‌తో పోలిస్తే DSG గేర్‌ను క్షణాల్లో మార్చేస్తుంది. ఈ సమయంలో పవర్ డెలివరీకి కూడా చాలా తక్కువ అంతరాయం ఉంటుంది.

టైగూన్‌లో ఇది గేర్ మార్పును ప్రత్యేకంగా గుర్తించలేని విధంగా, వేగం నిరంతరం పెరుగుతున్న అనుభూతిని ఇస్తుంది.

AMTలు, ATల మాదిరిగా ఇందులో గేర్ మారినప్పుడు విరామం లేదా కుదుపు ఉండదు. ఆర్‌పీఎంలు పెరుగుతూ గేర్లు మారుతున్న సమయంలో యాక్సిలరేషన్ నిరంతరంగా కొనసాగుతుంది. నెమ్మదిగా గేర్ మార్చే లేదా స్పందించడానికి సమయం తీసుకునే ఆటోమేటిక్ కారును నడిపిన వారికి టైగూన్‌లో యాక్సిలరేటర్‌ను తొక్కిన వెంటనే ఈ తేడా స్పష్టంగా తెలుస్తుంది. గేర్ మారే వేగం ఎంత ఎక్కువగా ఉంటుందంటే.. గేర్ ఎప్పుడు మారిందో కూడా గుర్తించలేరు.

మరింత తెలివైనది.. మరింత వేగంగా స్పందించేది

మాన్యువల్ కార్లను ఇష్టపడుతూ డ్రైవింగ్‌పై పూర్తి నియంత్రణ కోరుకునే వారైనా, తాము ఇచ్చే ఇన్‌పుట్‌ను అర్థం చేసుకుని వెంటనే స్పందించే కారును కోరుకునే వారైనా DSG ఆకట్టుకుంటుంది. ఇది కేవలం గేర్ మారే వేగం గురించి మాత్రమే కాదు. డ్రైవర్ ఇన్‌పుట్ ఇచ్చిన వెంటనే కారు ఎలా స్పందిస్తుందనేదీ ఇందులో కీలకమే. తదుపరి గేర్ ముందుగానే సిద్ధంగా ఉండటంతో, ఒక్కసారిగా యాక్సిలరేటర్‌ను పెంచినప్పుడు DSG ఆలోచించాల్సిన అవసరం ఉండదు. టార్క్ కన్వర్టర్ ఆటోమేటిక్‌లో దాని ఫ్లూయిడ్ కప్లింగ్ ద్వారా స్పందించాల్సి ఉంటుంది. CVTలో అయితే దాని పుల్లీ నిష్పత్తిని సర్దుబాటు చేయాల్సి ఉంటుంది. DSGలో ఈ ఆలస్యం ఉండదు.

వేగంగా మారుతున్న ట్రాఫిక్‌లో ఖాళీ స్థలం తగ్గిపోతున్నప్పుడు, హైవేపై వెంటనే ఓవర్‌టేక్ చేయాల్సి వచ్చినప్పుడు లేదా సిగ్నల్ వద్ద చుట్టూ ఉన్న వాహనాల కంటే ముందుగా నమ్మకంగా కదలాల్సి వచ్చినప్పుడు ఈ స్పందనలోని తేడా స్పష్టంగా తెలుస్తుంది.

టైగూన్‌లోని 1.5-లీటర్ TSI EVO + DSG కాంబినేషన్ ఈ సెగ్మెంట్‌లో అత్యంత ప్రీమియం, ఎక్కువగా కోరుకునే ఇంజిన్-గేర్‌బాక్స్ కాంబినేషన్‌లలో ఒకటిగా నిలిచింది. 

ఫలితం? ప్రతి డ్రైవ్‌ను ఆస్వాదించవచ్చు!

DSG వల్ల టైగూన్ డ్రైవింగ్ మరింత ఆనందదాయకంగా మారుతుంది. ప్యాడిల్ షిఫ్టర్ల ద్వారా డ్రైవర్ అవసరమైనప్పుడు మాన్యువల్‌గా గేర్ మార్చుకోవచ్చు. కార్నర్‌లోకి వెళ్లేటప్పుడు ఒక గేర్‌ను అలాగే కొనసాగించవచ్చు లేదా ఓవర్‌టేక్‌కు ముందే డౌన్‌షిఫ్ట్ చేసుకోవచ్చు. అదే సమయంలో ట్రాన్స్‌మిషన్ వేగంగా, దాదాపు ఎలాంటి అంతరాయం లేకుండా గేర్‌లను మార్చడం వల్ల స్పోర్టీ డ్రైవింగ్ మరింత సులభంగా, సహజంగా అనిపిస్తుంది. 

అందుకే టైగూన్‌లోని 1.5-లీటర్ TSI EVO DSG వేరియంట్లను అత్యంత ఆకర్షణీయమైన కాన్ఫిగరేషన్‌గా తరచుగా పేర్కొంటారు. ఈ కాంబినేషన్ కారు వేగంగా అనిపించడమే కాకుండా, ఎక్కువ దూరం ప్రయాణించే సమయంలోనూ సాఫీగా క్రూజ్ చేయడానికి సహాయపడుతుంది.

అంతేకాకుండా, టైగూన్‌లోని ఆకట్టుకునే హ్యాండ్లింగ్, సమర్థవంతమైన ఛాసిస్‌తో ఈ ఇంజిన్-గేర్‌బాక్స్ కాంబినేషన్ చక్కగా సరిపోతుంది. దీంతో ప్రతి మలుపు కనిపించినప్పుడు కాస్త మరింత వేగంగా నడపాలనిపించేలా చేస్తుంది.

ప్రాక్టికల్ 8-స్పీడ్ AT.. సైడ్‌కిక్ పాత్రలో!

ఇక్కడ DSG హీరో అనడంలో సందేహం లేదు. అయితే 1-లీటర్ TSI ఇంజిన్‌తో జత చేసిన 8-స్పీడ్ AT కూడా తనదైన ప్రత్యేకతను కలిగి ఉంది. ప్రతి ఒక్కరూ డ్యూయల్-క్లచ్ గేర్‌బాక్స్‌ను కోరుకోరు. ఈ విషయాన్ని దృష్టిలో ఉంచుకునే వోక్స్వాగన్ మరో ఆప్షన్‌ను అందించింది.

ఈ గేర్‌బాక్స్ ట్రాఫిక్‌లో పదేపదే ఆగుతూ కదులుతున్నప్పుడు స్మూత్‌నెస్‌కు ప్రాధాన్యం ఇస్తుంది. ఇలాంటి పరిస్థితుల్లో టార్క్ కన్వర్టర్‌లు సంప్రదాయంగా డ్యూయల్-క్లచ్ యూనిట్లపై ఆధిక్యం చూపుతాయి. చాలా తక్కువ వేగంతో ముందుకు కదులుతున్నప్పుడు డ్యూయల్-క్లచ్ గేర్‌బాక్స్‌లు కొన్నిసార్లు కొంత ఆలస్యంగా స్పందించవచ్చు. 8-స్పీడ్ ATలో అదనంగా రెండు గేర్లు ఉండటం వల్ల హైవేపై క్రూజింగ్ సమయంలో ఇంజిన్ మరింత సమర్థవంతమైన ఆర్‌పీఎం పరిధిలో పనిచేస్తుంది. దీంతో రిఫైన్‌మెంట్, ఇంధన సామర్థ్యం మెరుగవుతాయి. అదే సమయంలో యాక్సిలరేటర్‌ను పెంచినప్పుడు అవసరమైన వేగవంతమైన గేర్ మార్పులూ అందుబాటులో ఉంటాయి. 

సిటీ ట్రాఫిక్‌లో 8-స్పీడ్ AT మరింత ప్రశాంతమైన డ్రైవింగ్ అనుభవాన్ని అందిస్తుంది. ట్రాఫిక్‌లో నెమ్మదిగా ముందుకు కదులుతున్నప్పుడు పవర్ డెలివరీ చాలా స్మూత్‌గా ఉంటుంది. DSGతో కూడిన కార్లలో చాలా తక్కువ వేగంతో ప్రయాణిస్తున్నప్పుడు అప్పుడప్పుడు కనిపించే స్వల్ప కుదుపు ఇందులో ఉండదు. పార్కింగ్ వేగంతో యాక్సిలరేటర్‌ను ఉపయోగించినప్పుడు కూడా స్పందన మరింత అంచనా వేయదగిన విధంగా ఉంటుంది. రద్దీగా ఉండే సిగ్నళ్ల వద్ద నెమ్మదిగా కదులుతున్నప్పుడు లేదా ఇరుకైన పార్కింగ్ ప్రాంతాల్లో వాహనాన్ని నడుపుతున్నప్పుడు ఇది ఉపయోగకరంగా ఉంటుంది. రోజువారీ డ్రైవింగ్‌లో ఎక్కువ సమయం భారీ ట్రాఫిక్‌లోనే గడిపే కొనుగోలుదారులకు టార్క్ కన్వర్టర్ ప్రయోజనాలు ఇక్కడ కనిపిస్తాయి. సాఫీగా, వేగంగా జరిగే గేర్ మార్పులు సిటీ ట్రాఫిక్‌కు చక్కగా సరిపోతాయి.

ఈ రెండు ట్రాన్స్‌మిషన్‌లతో వోక్స్వాగన్ కొనుగోలుదారుల అవసరాల్లోని రెండు విభిన్న అంశాలను దాదాపుగా కవర్ చేసింది. DSG ద్వారా డ్రైవింగ్‌లో ఎక్కువ ఎంగేజ్‌మెంట్ లభిస్తే, 8-స్పీడ్ AT స్మూత్‌గా, తక్కువ శ్రమతో డ్రైవింగ్ చేసే సౌకర్యాన్ని అందిస్తుంది.

పోటీదారుల కంటే ఇది ఎక్కడ ముందుంది?

ఇక్కడే టైగూన్ ట్రాన్స్‌మిషన్ లైనప్ సెగ్మెంట్‌లోని చాలా మోడళ్ల కంటే ముందంజలో నిలుస్తుంది. అనేక ప్రత్యర్థి ఎస్‌యూవీల్లో కనిపించే కంటిన్యూయస్‌లీ వేరియబుల్ ట్రాన్స్‌మిషన్‌లు (CVT) ప్రధానంగా సామర్థ్యం, స్మూత్‌నెస్‌కు ప్రాధాన్యం ఇస్తాయి. ఇంజిన్‌ను అత్యంత పొదుపైన ఆర్‌పీఎం పరిధిలో ఉంచడం ద్వారా CVTలు మంచి ఇంధన సామర్థ్యాన్ని అందిస్తాయి. అయితే వేగంగా యాక్సిలరేట్ చేయాల్సినప్పుడు కొన్నిసార్లు ‘రబ్బర్-బ్యాండ్’ ఎఫెక్ట్ కనిపిస్తుంది. కారు వేగాన్ని త్వరగా పెంచడానికి ఇబ్బంది పడుతున్నట్లు అనిపించవచ్చు. 

మరోవైపు, మాన్యువల్ గేర్‌బాక్స్‌లు డ్రైవర్‌కు నియంత్రణను అందించినప్పటికీ, తరచూ డ్రైవర్ ఇన్‌పుట్ అవసరం అవుతుంది. భారతదేశంలోని చాలా నగరాల్లో కనిపించే స్టాప్-అండ్-గో ట్రాఫిక్‌లో ఇది నిజంగా అలసటకు గురిచేయవచ్చు. కొంతమంది ప్రత్యర్థులు కూడా AT గేర్‌బాక్స్‌ను అందిస్తున్నప్పటికీ, టైగూన్‌లో ఉన్న 8-స్పీడ్ ATను అందించే మోడళ్లు లేవు. టైగూన్‌లోని DSG, 8-స్పీడ్ AT కాంబినేషన్.. CVT అందించలేని వేగవంతమైన గేర్ మార్పులు, డ్రైవింగ్ ఎంగేజ్‌మెంట్‌ను, మాన్యువల్ ఇవ్వలేని తక్కువ శ్రమతో కూడిన సౌకర్యాన్ని అందిస్తుంది.

కార్దెకో చెబుతున్నదేమిటంటే..

కొనుగోలుదారులు హార్స్‌పవర్, టార్క్ నంబర్లను పోల్చడంలో ఎక్కువ సమయం కేటాయిస్తారు. అయితే ఆ ఇంజిన్ వెనుక ఉన్న గేర్‌బాక్స్ కూడా కారు రోజువారీ వినియోగంలో ఎలా అనిపిస్తుందో నిర్ణయించడంలో అంతే కీలక పాత్ర పోషిస్తుంది. వోక్స్వాగన్ టైగూన్‌లోని 7-స్పీడ్ DSG స్పోర్టీ డ్రైవింగ్‌ను కోరుకునే వారికి వేగవంతమైన, ఎంగేజింగ్ గేర్ మార్పులను అందిస్తుంది. అదే సమయంలో 1-లీటర్ TSIతో వచ్చిన కొత్త 8-స్పీడ్ టార్క్-కన్వర్టర్ ఆటోమేటిక్ రోజువారీ ప్రయాణాలకు స్మూత్‌నెస్, సామర్థ్యాన్ని అందిస్తుంది.

ఈ రెండింటి కలయికతో కారు కొనుగోలు నిర్ణయంలో సాధారణంగా ఇచ్చే దానికంటే ట్రాన్స్‌మిషన్ ఎంపికకు మరింత ప్రాధాన్యం ఇవ్వాల్సిన అవసరం ఉందని స్పష్టమవుతోంది. ఈ రెండు అంశాల్లోనూ టైగూన్ సరైన నిర్ణయం తీసుకున్నట్లు చెప్పొచ్చు.