భారతదేశంలో విడుదలైన కొత్త Mercedes-Benz S-Class: ధర, ఫీచర్లు, పవర్‌ట్రెయిన్ వివరాలు ఇవే!

2026 ప్రారంభంలో గ్లోబల్‌గా ఆవిష్కరించబడిన ఫేస్‌లిఫ్ట్ వెర్షన్ అనంతరం, Mercedes-Benz S-Class ఇప్పుడు భారత మార్కెట్లో కూడా విడుదలైంది. దీని ప్రారంభ ధర రూ. 2.20 కోట్లు (పరిచయ ఎక్స్-షోరూమ్, పాన్-ఇండియా). మెర్సిడెస్‌ ఫ్లాగ్‌షిప్ సెడాన్‌కు మిడ్-లైఫ్ అప్‌డేట్‌లో ఏమేమి మార్పులు వచ్చాయో తెలుసుకుందాం.

డిజైన్

• S-క్లాస్ యొక్క మొత్తం ఆకృతి ఇప్పటికీ సులభంగా గుర్తుపట్టే విధంగానే ఉన్నప్పటికీ, మెర్సిడెస్-బెంజ్ తన ఫ్లాగ్‌షిప్ సెడాన్‌కు కొన్ని సున్నితమైన కానీ ప్రీమియం డిజైన్ అప్‌డేట్‌లను అందించింది.

• ముందు భాగంలో ఇప్పుడు 20 శాతం పెద్దదైన ఇల్యూమినేటెడ్ గ్రిల్‌తో పాటు కొత్త LED హెడ్‌ల్యాంప్‌లు ఉన్నాయి. వీటిలో ట్విన్-స్టార్ లైటింగ్ సిగ్నేచర్, అడాప్టివ్ హైబీమ్ అసిస్ట్ మరియు గరిష్టంగా 600 మీటర్ల వరకు వెలుతురు ప్రసరించే సామర్థ్యం ఉన్నాయి.

• ఈ ఫేస్‌లిఫ్ట్‌తో తొలిసారిగా బోనెట్‌పై ఇల్యూమినేటెడ్ మెర్సిడెస్-బెంజ్ ఎంబ్లమ్‌ను కూడా అందించారు.

• కొత్త 18-అంగుళాల అల్లాయ్ వీల్ డిజైన్లు మరియు బంపర్‌లలో చేసిన చిన్న మార్పులు దీనిని పాత మోడల్‌తో పోలిస్తే ప్రత్యేకంగా నిలబెడతాయి.

• వెనుక భాగంలో ఇప్పుడు త్రీ-డైమెన్షనల్ క్రోమ్ ఫ్రేమ్‌తో కూడిన స్టార్ ఎలిమెంట్లను టెయిల్‌ల్యాంప్‌లలో చేర్చారు.

ఇంటీరియర్

• 2026 మెర్సిడెస్-బెంజ్ S-క్లాస్‌లో పూర్తిగా కొత్త డ్యాష్‌బోర్డ్ డిజైన్‌ను అందించారు. పాత మోడల్‌లో కనిపించిన అధిక వుడ్ ఫినిష్ డిజైన్‌కు బదులుగా ఇప్పుడు మరింత టెక్నాలజీ ఆధారిత క్యాబిన్ థీమ్‌ను తీసుకొచ్చారు.

• గతంలో ఉన్న 12.8-అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్ స్థానంలో ఇప్పుడు ‘సూపర్‌స్క్రీన్’ సెటప్‌ను అందించారు. ఇందులో 14.4-అంగుళాల సెంట్రల్ టచ్‌స్క్రీన్, 12.3-అంగుళాల ప్యాసింజర్ డిస్‌ప్లే మరియు 12.3-అంగుళాల డిజిటల్ డ్రైవర్ డిస్‌ప్లే ఉన్నాయి.

• ఈ 24కొత్త డిస్‌ప్లే వ్యవస్థ మెర్సిడెస్-బెంజ్ తాజా MB.OS సాఫ్ట్‌వేర్ ఆర్కిటెక్చర్‌పై పనిచేస్తుంది. ఇది వాహనంలోని అనేక ఫంక్షన్‌లను స్క్రీన్‌ల ద్వారానే నియంత్రించేలా రూపొందించబడింది.

• స్టీరింగ్ వీల్ డిజైన్‌ను కూడా నవీకరించారు. ఇప్పుడు ఇందులో కీలకమైన ఫంక్షన్‌లను సులభంగా యాక్సెస్ చేయడానికి అనేక ఫిజికల్ కంట్రోల్స్ ఉన్నాయి.

• డ్యాష్‌బోర్డ్ చివరల వద్ద టర్బైన్-ప్రేరిత AC వెంట్స్‌ను అందించడం వల్ల క్యాబిన్ మరింత ఆధునికంగా కనిపిస్తుంది.

• సెంటర్ కన్సోల్‌ను పునఃరూపకల్పన చేసి, అందులో రెండు వైర్‌లెస్ ఛార్జింగ్ ప్యాడ్‌లను ఏర్పాటు చేశారు. దీంతో ముందు సీట్లలో ఉన్నవారు ఒకేసారి రెండు స్మార్ట్‌ఫోన్‌లను ఛార్జ్ చేసుకోవచ్చు.

• క్యాబిన్ అంతటా విస్తృతంగా ఆంబియంట్ లైటింగ్‌ను ఏర్పాటు చేయడం ద్వారా, ముఖ్యంగా రాత్రి సమయంలో మరింత లగ్జరీ అనుభూతిని అందిస్తుంది.

• వెనుక భాగంలో, గతంలో ఉన్న 7-అంగుళాల కంట్రోల్ టాబ్లెట్ స్థానంలో ఇప్పుడు స్మార్ట్‌ఫోన్ తరహా రెండు కంట్రోల్ యూనిట్‌లను అందించారు. వీటి ద్వారా వెనుక సీట్లలో ఉన్న ప్రయాణికులు వివిధ కంఫర్ట్ మరియు ఎంటర్‌టైన్‌మెంట్ ఫీచర్లను నియంత్రించవచ్చు.

• ఫ్రంట్ ప్యాసింజర్ డిస్‌ప్లేలో ఎంటర్‌టైన్‌మెంట్ యాప్‌లు మరియు సోషల్ మీడియా ప్లాట్‌ఫారమ్‌లను ఉపయోగించవచ్చు. అలాగే డ్రైవర్‌కు ఆ కంటెంట్ కనిపించకుండా చేసే ప్రైవసీ ఫీచర్ కూడా ఉంది. అంతేకాకుండా, ఇంటిగ్రేటెడ్ సెల్ఫీ మరియు వీడియో కెమెరా ద్వారా వీడియో కాన్ఫరెన్సింగ్ అలాగే కంటెంట్ క్రియేషన్ కూడా చేయవచ్చు.

• వెనుక సీట్లు 43.5 డిగ్రీల వరకు రిక్లైన్ అయ్యే సామర్థ్యాన్ని కొనసాగించాయి. అలాగే హీటింగ్, వెంటిలేషన్, మసాజ్ ఫంక్షన్‌లు మరియు మెడ భాగానికి హీటింగ్ వంటి ఫీచర్లు కూడా ఉన్నాయి.
• వెనుక సీట్లలో కూర్చునే ప్రయాణికులకు విస్తృతమైన లెగ్ రెస్ట్ మరియు దాదాపు ఫ్లాట్‌గా పడుకునే రిక్లైనింగ్ పొజిషన్ లభిస్తుంది. ఎలక్ట్రిక్ సన్ బ్లైండ్స్, అడాప్టివ్ రియర్ లైటింగ్ మరియు ఆటోమేటిక్ సీట్‌బెల్ట్ ఎక్స్‌టెండర్‌లు ఈ లిమోసిన్ అనుభూతిని మరింత మెరుగుపరుస్తాయి.
• కస్టమర్లు తమ అభిరుచికి అనుగుణంగా వివిధ ఇంటీరియర్ కలర్ థీమ్‌లు, అప్హోల్స్టరీ ఫినిష్‌లు మరియు ట్రిమ్ ఎంపికలను ఎంచుకునే అవకాశం కొనసాగుతుంది.

ఫీచర్లు మరియు భద్రత

• కొత్త సూపర్‌స్క్రీన్ సెటప్ మరియు డ్యూయల్ వైర్‌లెస్ ఛార్జింగ్ ప్యాడ్‌లతో పాటు, ఫేస్‌లిఫ్ట్ S-క్లాస్‌లో మరెన్నో లగ్జరీ ఫీచర్లు ఉన్నాయి.
• ఈ లగ్జరీ సెడాన్‌లో డ్యూయల్-పేన్ సన్‌రూఫ్‌ను అందించారు. ఇది క్యాబిన్‌ను మరింత విశాలంగా మరియు ఎయిరీ అనిపించేలా చేస్తుంది.
• వెనుక సీట్ల ప్రయాణికుల కోసం 13.6-అంగుళాల రెండు ఎంటర్‌టైన్‌మెంట్ స్క్రీన్‌లను అందించారు. ఇవి HDMI, USB మరియు బ్లూటూత్ కనెక్టివిటీకి మద్దతు ఇస్తాయి. రెండు స్క్రీన్‌ల మధ్య కంటెంట్‌ను షేర్ చేసుకోవచ్చు. అదనంగా వైర్‌లెస్ యాక్టివ్ నాయిస్ క్యాన్సిలేషన్ హెడ్‌ఫోన్‌లను కూడా అందించారు.

• ఇంటిగ్రేటెడ్ వీడియో కెమెరాల సహాయంతో ప్రయాణంలోనే బిజినెస్ మీటింగ్‌లు మరియు వీడియో కాల్స్ నిర్వహించవచ్చు.

• కొత్త S-క్లాస్‌లో 4-జోన్ క్లైమేట్ కంట్రోల్‌ను కూడా అందించారు. దీంతో వాహనంలోని ప్రతి సీటింగ్ పొజిషన్‌లో ఉన్నవారు తమకు నచ్చిన ఉష్ణోగ్రతను విడిగా సెట్ చేసుకోవచ్చు.

• అలాగే ఓవర్-ది-ఎయిర్ (OTA) సాఫ్ట్‌వేర్ అప్‌డేట్‌ల సదుపాయం కూడా ఉంది. దీంతో కొన్ని సాఫ్ట్‌వేర్ మరియు వాహన ఫంక్షన్‌లను సర్వీస్ సెంటర్‌కు వెళ్లకుండానే రిమోట్‌గా అప్‌డేట్ చేసుకోవచ్చు.
• టెక్నాలజీ ప్యాకేజీలో భాగంగా AI ఆధారిత కొత్త అసిస్టెంట్‌ను కూడా చేర్చారు. ఇది గత మోడల్‌తో పోలిస్తే మెరుగైన ఇంటరాక్షన్ మరియు ఫంక్షనాలిటీని అందిస్తుంది.
• అలాగే 31 స్పీకర్లు, 8 సీట్ ఎక్సైటర్లు, 1,610 వాట్ల అవుట్‌పుట్ మరియు డాల్బీ అట్మాస్ సపోర్ట్‌తో కూడిన బర్మెస్టర్ 4D సరౌండ్ సౌండ్ సిస్టం కూడా ఉంది.
• భద్రత పరంగా, ఫేస్‌లిఫ్ట్ S-క్లాస్ భారతదేశంలో ఏకంగా 15 ఎయిర్‌బ్యాగ్‌లను పొందిన తొలి కారుగా నిలిచింది.
• అలాగే ఇందులో లెవల్-2 ADAS (అడ్వాన్స్‌డ్ డ్రైవర్ అసిస్టెన్స్ సిస్టమ్) సూట్‌ను అందించారు. ఇది మరిన్ని డ్రైవర్ సహాయక మరియు భద్రతా ఫీచర్లను అందిస్తుంది.
• ఆటోమేటిక్ పార్కింగ్ అసిస్ట్ సిస్టమ్‌ను కూడా మెరుగుపరిచారు. ఇది పార్కింగ్‌ను మరింత సులభతరం చేస్తుంది.
• తక్కువ వేగాల్లో చురుకుదనాన్ని, అధిక వేగాల్లో స్థిరత్వాన్ని పెంచే రియర్-వీల్ స్టీరింగ్ వ్యవస్థ కూడా కొనసాగుతుంది.
• అదనంగా, అత్యుత్తమ రైడ్ క్వాలిటీ మరియు కంఫర్ట్ కోసం ఎయిర్ సస్పెన్షన్ సెటప్‌ను అందించారు.

బోనెట్ కింద ఏముంది?

• భారతదేశంలో తొలిసారిగా మెర్సిడెస్-బెంజ్ S-క్లాస్‌ను ప్లగ్-ఇన్ హైబ్రిడ్ పవర్‌ట్రెయిన్‌తో అందిస్తున్నారు. కొత్త S450e ద్వారా భారత మార్కెట్లో మెర్సిడెస్-బెంజ్ యొక్క తొలి PHEV మోడల్‌గా ఇది నిలిచింది.

• ఇందులో 3-లీటర్ ఇన్‌లైన్-సిక్స్ పెట్రోల్ ఇంజిన్‌తో పాటు 163 PS ఎలక్ట్రిక్ మోటార్ మరియు 22 kWh బ్యాటరీ ప్యాక్ ఉన్నాయి.
• హైబ్రిడ్ వ్యవస్థలో ఇన్ఫినిట్‌గా సర్దుబాటు చేసుకునే రీజెనరేటివ్ బ్రేకింగ్, వన్-పెడల్ డ్రైవింగ్ మోడ్, అలాగే ఎలక్ట్రిక్, హైబ్రిడ్ మరియు బ్యాటరీ హోల్డ్ డ్రైవ్ మోడ్‌లు ఉన్నాయి.
• S450e PHEV వేరియంట్ 449 PS పవర్ మరియు 680 Nm టార్క్‌ను ఉత్పత్తి చేస్తుంది.
• S450 పెట్రోల్ వేరియంట్ 404 PS పవర్ మరియు 500 Nm టార్క్‌ను అందిస్తుంది.
• S350d డీజిల్ వేరియంట్ 330 PS పవర్ మరియు 650 Nm టార్క్‌ను ఉత్పత్తి చేస్తుంది.
• సాంప్రదాయ పవర్‌ట్రెయిన్‌ను కోరుకునే కొనుగోలుదారుల కోసం S450 పెట్రోల్ మరియు S350d డీజిల్ వేరియంట్‌లను కూడా కొనసాగిస్తున్నారు.
• ఈ మూడు వేరియంట్‌లకూ 9-స్పీడ్ ఆటోమేటిక్ ట్రాన్స్‌మిషన్‌ను అందించారు.

ప్రత్యర్థులు

భారత మార్కెట్లో ఈ లగ్జరీ సెడాన్‌కు ప్రత్యక్ష ప్రత్యర్థిగా BMW 7 Series మాత్రమే ఉంది. అలాగే ఈ ధర పరిధిలో ప్లగ్-ఇన్ హైబ్రిడ్ పవర్‌ట్రెయిన్‌ను అందిస్తున్న ఏకైక మోడల్ కూడా ఇదే.