முதல்வர் ஜோசப் விஜய் -யின் ரூ. 2.25 கோடி கார் முதல் ரேகா குப்தாவின் ரூ.19 லட்சம் கார் வரை… மாநில முதலமைச்சர்கள் எந்த காரை பயன்படுத்துகிறார்கள்

இந்திய முதலமைச்சர்களின் அதிகாரப்பூர்வ வாகனங்கள் குறித்த பார்வை மாறி வருகிறது. பாரம்பரிய அம்பாசிடர் மற்றும் ஸ்கார்பியோக்களுக்குப் பதிலாக இப்போது டொயோட்டா லேண்ட் க்ரூஸர் போன்ற பிரம்மாண்ட எஸ்யூவி-க்களும், ஹூண்டாய் அயோனிக் 5 போன்ற எலக்ட்ரிக் கார்களும் முக்கியத்துவம் பெறுகின்றன. இந்த மாற்றம் பாதுகாப்பு அம்சங்களுடன் சேர்த்து ஸ்டைல் மற்றும் நவீன தொழில்நுட்பத்திற்கும் முக்கியத்துவம் கொடுக்கப்படுவதைக் காட்டுகிறது.

இருப்பினும் அமைச்சர்கள் வேறு என்னென்ன கார்களை விரும்புகிறார்கள் என்பது குறித்து உங்களுக்கு எப்போதாவது ஆர்வம் இருந்திருக்கிறதா? இந்தியாவில் உள்ள முதலமைச்சர்கள் பயன்படுத்தும் முதல் ஐந்து கார்களின் பட்டியலை நாங்கள் தயாரித்துள்ளோம்:

டொயோட்டா லேண்ட் க்ரூஸர்

விலை: ரூ. 2.18 - 2.25 கோடி (எக்ஸ்-ஷோரூம்)

மாநிலம்: தமிழ்நாடு

தமிழக முதலமைச்சர் மாண்புமிகு. ஜோசப் விஜய் பயன்படுத்தும் டொயோட்டா லேண்ட் க்ரூஸர் LC300 சக்தி மற்றும் நம்பகத்தன்மையின் சின்னமாக விளங்குகிறது. இந்த பிரீமியம் எஸ்யூவி எந்த விதமான சாலைகளையும் சமாளிக்கும் திறன் கொண்டது. இதன் பிரம்மாண்டமான தோற்றம் ஒரு கான்வாய்-க்கு தேவையான கம்பீரத்தை அளிக்கிறது. பாதுகாப்பு காரணங்களுக்காக இந்த காரின் ஜன்னல்கள் புல்லட் புரூஃப் கண்ணாடிகளாகவும் கேபின் பகுதி வலுவூட்டப்பட்டும் இருக்கும். இதன் காரணமாகவே பல மாநில முதல்வர்களின் முதல் தேர்வாக லேண்ட் க்ரூஸர் இருக்கிறது.

லேண்ட் க்ரூஸரின் சமீபத்திய தலைமுறை 3.3 லிட்டர் டர்போ-பெட்ரோல் இன்ஜின் 308 PS மற்றும் 700 Nm டார்க்கை உற்பத்தி செய்கிறது. லேண்ட் க்ரூஸர் மிகவும் டொயோட்டாவின் நம்பகமான வாகனங்களில் ஒன்றாக நற்பெயரைக் கொண்டுள்ளது.

எம்ஜி வின்ட்சர் EV

விலை: ரூ 14.7 - 19 லட்சம் (எக்ஸ்-ஷோரூம்)

மாநிலம்: டெல்லி

ஒரு எளிமையான MG வின்ட்சர் EV இந்தியாவின் தலைநகரான டெல்லியின் முதலமைச்சரை ஏற்றிச் செல்கிறது. மாண்புமிகு முதலமைச்சர் திருமதி ரேகா குப்தா தலைநகரில் பயணம் செய்ய காம்பாக்ட் EV -யையே பயன்படுத்துகிறார். அதன்படி அதிகாரப்பூர்வ வாகனப் பயன்பாட்டில் எலக்ட்ரிக் கார்களின் வருகை ஒரு புதிய அத்தியாயத்தைத் தொடங்கியுள்ளது. எம்ஜி வின்ட்சர் EV போன்ற பிரீமியம் எலக்ட்ரிக் கார்கள் சுற்றுச்சூழலுக்கு உகந்த தேர்வாகப் பார்க்கப்படுகின்றன. அமைதியான பயணம் அதிநவீன தொழில்நுட்ப அம்சங்கள் மற்றும் குறைந்த பராமரிப்பு செலவு ஆகியவை EV-க்களை கவர்ச்சிகரமான தேர்வாக மாற்றுகின்றன. முதலமைச்சர்களின் கான்வாய்களில் EV-க்கள் இணைக்கப்படுவது, பசுமை ஆற்றலை நோக்கிய அரசின் நகர்வையும் பிரதிபலிக்கிறது.

MG வின்ட்சர் EV ஆனது 52.9 kWh பேட்டரியுடன் 449 km (MIDC -ன் படி) உரிமை கோரப்பட்ட வரம்பில் வருகிறது. வின்ட்சர் EV ஒரு வசதியான மற்றும் விசாலமான வாகனமாகும். இது குடும்பத்திற்கு ஏற்றது மற்றும் நீண்ட அம்சங்களின் பட்டியல் மூலம் உங்கள் பணத்தின் மதிப்பை உணர வைக்கும்.

மெர்சிடிஸ்-பென்ஸ் ஜி கிளாஸ்

விலை : ரூ. 2.55 - 4.30 Cr (எக்ஸ்-ஷோரூம்)

மாநிலம்: மகாராஸ்டிரா

மகாராஷ்டிராவின் மாண்புமிகு முதலமைச்சர் தேவேந்திர ஃபட்னாவிஸ் மெர்சிடிஸ்-பென்ஸ் ஜி கிளாஸ் காரை பயன்படுத்துகிறார். இது வெறும் ஒரு வாகனம் மட்டுமல்ல அது ஒரு ஸ்டேட்டஸ் சிம்பல். ராணுவப் பயன்பாட்டிற்காக உருவாக்கப்பட்ட இதன் பாக்ஸி டிசைன் இன்றும் அதன் அடையாளமாகத் திகழ்கிறது. கரடுமுரடான பாதைகளையும் எளிதில் கடக்கும் திறன் அதீத பாதுகாப்பு அம்சங்கள் மற்றும் சொகுசான உட்புறம் ஆகியவை ஜி கிளாஸை VVIP-க்களின் விருப்பமான காராக மாற்றியுள்ளது. பாதுகாப்பு நெறிமுறைகளின்படி இந்த காரும் குண்டு துளைக்காத கவசங்களுடன் பிரத்யேகமாகத் தயாரிக்கப்படுகிறது.

G வேகன் இரண்டு இன்ஜின் ஆப்ஷன்களில் வருகிறது. G400d காரில் 3-லிட்டர் டீசல் இன்ஜின் உள்ளது. இது G 450d போன்ற மைல்ட்-ஹைப்ரிட் அமைப்புடன் கிடைக்கிறது. AMG G63 -ல் அதிக செயல்திறன் கொண்ட 4-லிட்டர் டர்போ பெட்ரோல் இன்ஜினும் கிடைக்கும்.

டொயோட்டா ஃபார்ச்சூனர்

விலை: ரூ. 34.76 - 50.46 லட்சம் (எக்ஸ்-ஷோரூம்)

மாநிலம்: அசாம்

அசாமின் மாண்புமிகு முதலமைச்சர் ஹிமந்தா பிஸ்வா சர்மா ஃபார்ச்சூனரைப் பயன்படுத்துகிறார். பல ஆண்டுகளாக பல மாநில முதலமைச்சர்களின் கான்வாய்களில் நீங்கா இடம்பிடித்திருக்கும் ஒரு கார் டொயோட்டா ஃபார்ச்சூனர். இதன் பராமரிப்பு செலவு ஐரோப்பிய சொகுசு கார்களுடன் ஒப்பிடும்போது குறைவு. மேலும் டொயோட்டாவின் நம்பகத்தன்மை மற்றும் வலுவான கட்டமைப்பு காரணமாக இன்றும் பல மாநிலங்களில் ஃபார்ச்சூனர் ஒரு முக்கிய அதிகாரப்பூர்வ வாகனமாகப் பயன்படுத்தப்படுகிறது. இது பழைய மற்றும் புதிய தலைமுறை வாகனங்களுக்கு இடையே ஒரு பாலமாக விளங்குகிறது.

டொயோட்டா ஃபார்ச்சூனர் 2.8 லிட்டர் டீசல் இன்ஜினுடன் 204 PS மற்றும் 500 Nm டார்க்கை உற்பத்தி செய்கிறது. ஃபார்ச்சூனர் 2.7 லிட்டர் நேச்சுரல் அஸ்பிரேட்டட் பெட்ரோல் இன்ஜினுடன் கிடைக்கிறது.

மெர்சிடிஸ்-பென்ஸ் GLS

விலை : ரூ. 1.32 - 1.43 கோடி (எக்ஸ்-ஷோரூம்)

மாநிலம்: உத்தர பிரதேசம்

மாண்புமிகு உத்தரபிரதேச முதல்வர் யோகி ஆதித்யநாத் எஸ்யூவி-க்களின் எஸ்-கிளாஸ் என்று அழைக்கப்படும் சொகுசு மற்றும் இடவசதிக்கு பெயர் பெற்ற மெர்சிடிஸ்-பென்ஸ் GLS காரை பயன்படுத்துகிறார். நீண்ட தூரப் பயணங்களின்போது சௌகரியமான அனுபவத்தை வழங்குவதில் இந்தக் கார் சிறந்து விளங்குகிறது. இதன் மென்மையான சஸ்பென்ஷன், பிரீமியம் கேபின் மற்றும் நவீன தொழில்நுட்ப வசதிகள் உயர் மட்ட அதிகாரிகளுக்குத் தேவையான அத்தனை அம்சங்களையும் வழங்குகிறது. இது ஒரு முதலமைச்சரின் பயணத்தை சோர்வில்லாததாக மாற்றுவதை நோக்கமாகக் கொண்டுள்ளது.

GLS இரண்டு இன்ஜின் விருப்பங்களுடன் வருகிறது: 3-லிட்டர் டர்போ பெட்ரோல் இன்ஜின் 386 PS மற்றும் 500 Nm டார்க்கை உற்பத்தி செய்கிறது. 3 லிட்டர் டீசல் இன்ஜின் 367 PS பவரையும், 750 Nm டார்க் திறனையும் வெளிப்படுத்தும்.

ஹூண்டாய் அயோனிக் 5

விலை : ரூ. 55.70 லட்சம் (எக்ஸ்-ஷோரூம்)

மாநிலம்: பீகார்

பீகார் முதல்வர் மாண்புமிகு சாம்ராட் சௌத்ரி ஹூண்டாய் அயோனிக் 5 காரைப் பயன்படுத்துவது எலக்ட்ரிக் வாகனப் புரட்சியின் மிகத் தெளிவான உதாரணமாகும். இதன் ஃபியூச்சரிஸ்டிக் டிசைன் மற்றும் நீண்ட ரேஞ்ச் இது ஒரு நடைமுறைக்கு உகந்த எலக்ட்ரிக் கார் என்பதை நிரூபிக்கிறது. ஒரு மாநில முதல்வர், நவீன தொழில்நுட்பத்தையும் சுற்றுச்சூழலையும் ஆதரிப்பதன் அடையாளமாக இந்தக் கார் தேர்வு பார்க்கப்படுகிறது. இது முதலமைச்சர்களின் கார் தேர்வுகளில் ஏற்பட்டுள்ள மிகப்பெரிய மாற்றத்தைக் காட்டுகிறது.

ஹூண்டாய் அயோனிக் 5 ஆனது 84 kWh பேட்டரியுடன் வருகிறது மற்றும் 228 PS ஆற்றலை உற்பத்தி செய்கிறது.

கார்தேக்கோ சொல்வது...

முதலமைச்சர்களின் வாகனத் தேர்வுகள், வெறும் பயன்பாட்டிற்கான ஒன்றாக இல்லாமல் அவர்களின் இமேஜை வெளிப்படுத்தும் ஒன்றாகவும் மாறியுள்ளது. ஒரு காலத்தில் அம்பாசிடர், ஸ்கார்பியோ போன்ற கார்கள் போதுமானதாக இருந்தன. ஆனால் இன்று டொயோட்டா லேண்ட் க்ரூஸர் மற்றும் மெர்சிடிஸ் ஜி-கிளாஸ் போன்ற கார்கள் அதிகாரத்தையும், ஹூண்டாய் அயோனிக் 5 போன்ற EV-க்கள் நவீனத்துவத்தையும் வெளிப்படுத்துகின்றன. எந்த மாடலாக இருந்தாலும் புல்லட் புரூஃப் பாதுகாப்பு மற்றும் வலுவூட்டப்பட்ட கேபின் போன்ற பாதுகாப்பு அம்சங்கள் மிக முக்கியத் தேவையாக நீடிக்கின்றன. இந்த மாற்றம் செயல்திறன், சொகுசு மற்றும் பாதுகாப்பு ஆகிய மூன்றையும் சமமாகப் பார்க்கும் ஒரு புதிய அணுகுமுறையை தெளிவாகக் காட்டுகிறது.