டொயோட்டா வெல்ஃபையருக்கு போட்டியாக வரும் டென்ஸா D9: அறிமுகத்துக்கு முன் கசிந்த ஸ்பை படங்கள்!
இந்தியாவில் டென்ஸா பிராண்டின் கீழ் விற்பனைக்கு வரப்போகும் முதல் மாடல்களில் ஒன்றாக இந்த டி9 எம்பிவி இருக்கும் என எதிர்பார்க்கப்படுகிறது.
- ஒரு கருத்தை எழுதுக
| எங்களின் 50 அதிர்ஷ்டசாலி வாசகர்களுக்கு பிரத்யேக கார் வாங்கும் அனுபவ வழிகாட்டலை நாங்கள் வழங்குகிறோம். இதன் மூலம் நீங்கள் நேரடியாக ஒரு ஆட்டோமொபைல் நிபுணரிடம் பேசி உங்கள் சந்தேகங்கள் அனைத்தையும் தீர்த்துக் கொள்ள முடியும். உடனே இந்த படிவத்தைப் பூர்த்தி செய்யுங்கள். நீங்கள் அந்த அதிர்ஷ்டசாலிகளுள் ஒருவராக இருந்தால் விரைவில் உங்களைத் தொடர்பு கொள்வோம். |
இந்திய ஆட்டோமொபைல் மார்க்கெட்டிற்கு புதிய கார் நிறுவனம் ஒன்று நுழைகிறது என்றாலே அதைச் சுற்றி எப்போதுமே ஒரு தனி எதிர்பார்ப்பும் பரபரப்பும் உருவாவது வழக்கம். சில நேரங்களில் நிறுவனங்களே அதிகாரப்பூர்வமாக அந்த ஹைப்பை உருவாக்கும். ஆனால் பெரும்பாலான நேரங்களில் டெஸ்ட் மியூல்கள், உளவுப் படங்கள் மற்றும் கசியும் ரகசிய வீடியோக்கள் மூலமாகவே அந்தப் பரபரப்பு பற்றிக்கொள்ளும். இப்போது BYD நிறுவனத்தின் ஆடம்பரப் பிரிவான டென்ஸா நிறுவனமும் இதேபோன்ற ஒரு ஸ்பை ஷாட் மூலம் இணையத்தில் கவனத்தை ஈர்த்துள்ளது.
இந்த வார இறுதியில் இந்தியாவில் அதிகாரப்பூர்வமாக அறிமுகமாகவுள்ள நிலையில் அந்நிறுவனத்தின் D9 எலெக்ட்ரிக் எம்பிவி காரின் ஸ்பை படங்கள் இணையத்தில் வெளியாகி வைரலாகி வருகின்றன. எந்தவித மறைப்பும் இல்லாமல், ட்ரெய்லரில் இருந்து நேரடியாக இறக்கப்படும் போதே இந்த கார் கேமராவில் சிக்கியுள்ளது.
யார் இந்த டென்ஸா?
முன்பே குறிப்பிட்டது போல டென்ஸா என்பது BYD நிறுவனத்தின் ஆடம்பரப் பிரிவாகும். டொயோட்டா நிறுவனத்திற்கு லெக்ஸஸ் பிராண்ட் எப்படியோ அதேபோலத்தான் BYD-க்கு டென்ஸா. பிளாட்பார்ம் மற்றும் தொழில்நுட்பங்கள் ஒன்றாகப் பகிரப்பட்டாலும், பிரீமியம் அனுபவத்தை வழங்குவதே இதன் முக்கிய நோக்கம்.
BYD நிறுவனம் 2007 முதல் இந்தியாவில் இயங்கி வந்தாலும், 2021-ல் தான் பயணிகள் வாகனப் பிரிவில் களமிறங்கியது. அட்டோ 3, சீல், சீலயன் 7 மற்றும் இமேக்ஸ் 7 ஆகிய மாடல்கள் மூலம் இந்திய சந்தையில் தனக்கான இடத்தை பிடிக்க முயன்று வரும் BYD, ஐந்து ஆண்டுகளுக்குப் பிறகு இப்போது லெக்ஸஸ், மெர்சிடிஸ் பென்ஸ், பிஎம்டபிள்யூ, ஆடி மற்றும் வால்வோ போன்ற முன்னணி சொகுசு கார் பிராண்டுகளுக்கு நேரடியாக சவால் விடத் தயாராகிவிட்டது.
டென்ஸா D9 சிறப்பம்சங்கள்
சொகுசு எம்பிவி மாடலான D9, சந்தையில் உள்ள எம்ஜி எம்9 மற்றும் டொயோட்டா வெல்ஃபையர் போன்ற முன்னணி கார்களுக்கு நேரடிப் போட்டியாக அமையவுள்ளது. சர்வதேச சந்தையில் பல்வேறு பவர்டிரெய்ன் தேர்வுகளுடன் இது விற்பனை செய்யப்பட்டாலும், இந்தியாவில் எந்த வேரியன்ட் அறிமுகமாகும் என்பது இன்னும் உறுதி செய்யப்படவில்லை. இந்த கார் சர்வதேச மாடலின் அதே டிசைனுடன் CBU முறையில் இறக்குமதி செய்யப்பட்டு இந்தியாவில் விற்பனைக்கு வர வாய்ப்புள்ளது.
டிசைனைப் பொறுத்தவரை முன்பக்கத்தில் மிகப்பெரிய ஃபாக்ஸ் கிரில் மற்றும் அதைச் சுற்றிலும் தடிமனான சில்வர் ஃபினிஷிங் கொடுக்கப்பட்டுள்ளதால் சாலையில் செல்லும்போது கம்பீரமான தோற்றத்தை தருகிறது. பேட்டரிகள் மற்றும் எலெக்ட்ரிக் மோட்டாரை குளிர்விப்பதற்காக பம்பரின் கீழ்பகுதியில் சிறிய அளவிலான கிரில் பொருத்தப்பட்டுள்ளது. பக்கவாட்டுத் தோற்றத்தில், கேபினுக்குள் அதிக இடத்தை உறுதி செய்யும் வகையில் உயரமான வடிவமைப்பு மற்றும் சற்றே சிறிய அளவிலான வீல்களுடன் வழக்கமான எம்பிவி ஸ்டைலில் காட்சியளிக்கிறது. மேலும் இதில் 18 இன்ச் அலாய் வீல்கள், ஸ்லைடிங் ரியர் டோர் மற்றும் ஷார்க்ஃபின் ஆண்டெனா ஆகியவை இடம்பெற்றுள்ளன.
வெளியாகியுள்ள ஸ்பை படங்களில் D9 காரின் பின்பகுதி தெளிவாகத் தெரிகிறது. அதில் பல அடுக்குகளைக் கொண்ட தடிமனான LED டெயில்லேம்ப்கள் மெல்லிய கனெக்டிங் லைட் பார் மூலம் இணைக்கப்பட்டுள்ளன. பின்பக்க விண்ட்ஸ்கிரீனுக்கு மேலே அகலமான ஸ்டாப் லேம்ப் மற்றும் நம்பர் பிளேட் பகுதிக்கு மேலே மீசை போன்ற தோற்றத்தை தரும் தடிமனான குரோம் பட்டை ஆகியவை காரின் லுக்கை கூட்டுகின்றன.
ட்ரெய்லரில் இருந்து இறக்கப்பட்ட காரின் டெயில்கேட்டில் EV AWD பேட்ஜ்கள் எதுவும் காணப்படவில்லை என்பதால், இந்தியாவில் டென்ஸா இந்த காரை FWD அமைப்பில் மட்டுமே வெளியிடுமா என்பது இன்னும் தெளிவாகத் தெரியவில்லை.
பேட்டரி விவரக்குறிப்புகள்:
| பேட்டரி |
103.6 kWh |
| பவர் |
313 PS (FWD) / 374 PS (AWD) |
| டார்க் |
360 Nm (FWD)/ 470 Nm (AWD) |
| ரேஞ்ச் |
580 Km (FWD) / 600 Km (AWD) |
*FWD- ஃபிரண்ட்-வீல் டிரைவ், AWD- ஆல்-வீல் டிரைவ்
கார்தேக்கோவின் கருத்து...
இந்தியாவின் சொகுசு எம்பிவி பிரிவில் டென்ஸா D9 நிச்சயமாக ஒரு சுவாரஸ்யமான தேர்வாக இருக்கும். தற்போதைய நிலையில் இந்தியாவில் முழுமையான எலெக்ட்ரிக் சொகுசு எம்பிவி-யாக எம்ஜி எம்9 மட்டுமே உள்ளது. அதேசமயம் BYD -யின் புகழ்பெற்ற பிளேட் பேட்டரி தொழில்நுட்பம் இதில் பயன்படுத்தப்படுவதால் பேட்டரி மேனேஜ்மென்ட் மற்றும் நம்பகத்தன்மையில் டென்ஸா D9 தனித்து நிற்கும் என எதிர்பார்க்கலாம்.
BYD தயாரிக்கும் எலெக்ட்ரிக் கார்கள் வழக்கமான கார்களைப் போன்றே நேர்த்தியான ஓட்டுதல் அனுபவத்தைத் தருபவை என்பதால், டென்ஸா D9 மாடலும் வெல்ஃபையருக்கு மிக நெருக்கமான பிரீமியம் அனுபவத்தைத் தரக்கூடும். இந்திய சந்தையில் BYD நிறுவனத்திற்கு இதுவரையில் கிடைக்காத ஒரு வலுவான அடித்தளத்தை இந்த டென்ஸா பிராண்ட் பெற்றுத் தருமா என்பதை பொறுத்திருந்துதான் பார்க்க வேண்டும்.
இந்த சொகுசு வேன் மாடலைப் பற்றி நீங்கள் என்ன நினைக்கிறீர்கள்? உங்கள் கருத்துக்களை கமெண்ட்டில் பகிர்ந்துகொள்ளுங்கள்!
