விற்பனைக்கு வந்தது புதிய XUV 3XO ZNG CNG …டாடா நெக்ஸானுக்கு மஹிந்திரா செக் வைக்குமா ?
இந்தியாவின் சக்திவாய்ந்த டர்போ சிஎன்ஜி கார் - மஹிந்திரா XUV 3XO ZNG இப்போது விற்பனைக்கு வந்துவிட்டது!
- ஒரு கருத்தை எழுதுக
குறைந்த செலவில் பயணிக்க விரும்பும் வாடிக்கையாளர்களுக்குச் சிறந்த தேர்வாக CNG கார்கள் உருவெடுத்து வரும் நிலையில் மஹிந்திரா நிறுவனம் தனது காம்பாக்ட் எஸ்யுவி வரிசையில் டர்போ ஆற்றலுடன் கூடிய 'XUV 3XO ZNG' மாடலை விற்பனைக்குக் கொண்டு வந்துள்ளது.
ஆரம்ப விலையாக ரூ. 9.99 லட்சம் (எக்ஸ்-ஷோரூம்) என நிர்ணயிக்கப்பட்டுள்ள இந்த XUV 3XO ZNG மாடலில் 1.2-லிட்டர் டர்போசார்ஜ்டு பெட்ரோல்-CNG எஞ்சின் பொருத்தப்பட்டுள்ளது. இது 200 Nm டார்க் திறனை வழங்குவதோடு, கிலோவிற்கு 24.7 கி.மீ மைலேஜ் தரும் என தெரிவிக்கப்பட்டுள்ளது. மேலும் காரின் அடியில் பொருத்தப்பட்டுள்ள 'ட்வின்-சிலிண்டர்' தொழில்நுட்பம் காரணமாக 270 லிட்டர் அளவுக்குப் தாராளமான பூட் ஸ்பேஸ் வசதியும் கிடைக்கிறது.
மொத்தம் நான்கு வேரியன்ட்களில் களமிறங்கியுள்ள இந்த புதிய XUV 3XO ZNG CNG காரின் சிக்கனத்தையும் எஸ்யுவியின் கம்பீரமான செயல்திறன் மற்றும் வசதிகளையும் ஒன்றாக இணைத்து வழங்க முயல்கிறது.
இதன் விலை, எஞ்சின் விபரங்கள் மற்றும் வசதிகள் குறித்து விரிவாகப் பார்ப்போம்.
A post shared by CarDekho India (@cardekhoindia)
விலை மற்றும் வேரியன்ட்கள்
XUV 3XO ZNG மாடலின் விலை விவரங்கள் இதோ:
| வேரியண்ட் |
1.2-லி டர்போ-பெட்ரோல் வித் CNG |
1.2-டர்போ-பெட்ரோல் வித் |
வித்தியாசம் |
| MX Edge |
ரூ. 9.99 லட்சம் |
- |
- |
| RevX Edge (O) |
ரூ. 10.79 லட்சம் |
ரூ. 9.99 லட்சம் |
ரூ. 80,000 |
| AX5 |
ரூ. 11.19 லட்சம் |
ரூ. 10 லட்சம் |
ரூ. 1.19 லட்சம் |
| RevX A |
ரூ. 12.27 லட்சம் |
ரூ. 11.27 லட்சம் |
ரூ. 1.00 லட்சம் |
*அனைத்தும் எக்ஸ்-ஷோரூம் விலைகள்
-
XUV 3XO ZNG மாடலின் ஆரம்ப விலை ரூ. 9.99 லட்சம் முதல் தொடங்கி உயர்மட்ட மாடலின் விலை ரூ. 12.27 லட்சம் வரை (எக்ஸ்-ஷோரூம்) செல்கிறது.
-
REVX A வேரியன்ட் தான் இந்த CNG வரிசையின் டாப்-எண்ட் மாடலாகும்
என்னென்ன புதிய மாற்றங்கள்?
இதில் செய்யப்பட்டுள்ள மிகப்பெரிய மாற்றமே இதன் 1.2-லிட்டர் டர்போசார்ஜ்டு பெட்ரோல்-CNG எஞ்சின் தான். காம்பாக்ட் எஸ்யுவி பிரிவில் டர்போ செயல்திறனுடன் கிடைக்கும் விரல்விட்டு எண்ணக்கூடிய சில CNG கார்களில் இதுவும் ஒன்றாக இணைந்துள்ளது. இந்த எஞ்சின் 6-ஸ்பீட் மேனுவல் கியர்பாக்ஸுடன் இணைக்கப்பட்டுள்ளது. கிலோவிற்கு 24.7 கி.மீ மைலேஜ் தருவதாக மஹிந்திரா தெரிவிப்பதால், சிறந்த ஓட்டுதல் அனுபவத்தோடு குறைந்த பராமரிப்புச் செலவையும் இது உறுதி செய்கிறது.
எஞ்சின் விவரக்குறிப்புகள்:
| எஞ்சின் |
1.2-லிட் டர்போ பெட்ரோல்-CNG எஞ்சின் |
| பவர் |
111 PS |
| டார்க் |
200 Nm |
| டிரான்ஸ்மிஷன் |
6-ஸ்பீடு MT |
| மைலேஜ் |
24.7 km/kg |
*MT- மேனுவல் டிரான்ஸ்மிஷன்
மற்றொரு முக்கியமான அம்சம் என்னவென்றால், இதன் அடிப்புறத்தில் பொருத்தப்பட்டுள்ள ட்வின்-சிலிண்டர் CNG அமைப்பாகும். இது தட்டையான பூட் தளத்தை வழங்குவதோடு 270 லிட்டர் வரையிலான பயன்பாட்டு இடத்தை அளிக்கிறது.
மேலும், ஓட்டுநர்கள் எளிதாகத் தெரிந்துகொள்ளும் வகையில் பெட்ரோல் மற்றும் CNG இரண்டிற்கும் தனித்தனியான ரியல்-டைம் மைலேஜ் டிஸ்ப்ளே வசதியும் இதில் உள்ளது. CNG மோடில் இயங்கும்போதே இந்த கார் 0-வில் இருந்து 60 கி.மீ வேகத்தை 4.9 வினாடிகளிலும், 0-வில் இருந்து 100 கி.மீ வேகத்தை 11.8 வினாடிகளிலும் எட்டிவிடும் என்று மஹிந்திரா கூறுகிறது.
இதன் மூலம் மற்ற CNG கார்களை விட இந்தப் பிரிவிலேயே அதிக ஆற்றல் மற்றும் டார்க் திறனை வழங்கும் காராக XUV 3XO ZNG உருவெடுத்துள்ளது.
| கவனிக்க: இரட்டை சிலிண்டர் அமைப்பு காரணமாக லக்கேஜ்களை ஏற்றுவதற்கும் இறக்குவதற்கும் ஏதுவாக பூட் தளம் தட்டையாக சமமாக அமைந்துள்ளது. இருப்பினும் வழக்கமான பெட்ரோல் XUV 3XO மாடலிலேயே பூட் ஸ்பேஸ் சற்று குறைவாக இருக்கும் சூழலில், இந்த CNG மாடலின் பூட் ஸ்பேஸ் அளவு சராசரியான ஒன்றாகவே கருதப்படுகிறது. |
அம்சங்கள் & பாதுகாப்பு
CNG எஞ்சினுடன் கூடிய XUV 3XO நான்கு வேரியன்ட்களில் விற்பனைக்கு வருகிறது. இதன் டாப்-ஸ்பெக் மாடலில் வயர்லெஸ் ஆண்ட்ராய்டு ஆட்டோ மற்றும் ஆப்பிள் கார்ப்ளே ஆதரவுடன் கூடிய 10.25-இன்ச் டச்ஸ்கிரீன் இன்ஃபோடைன்மென்ட் சிஸ்டம், CNG ரியல்-டைம் மைலேஜ் காட்டும் 10.25-இன்ச் டிஜிட்டல் டிரைவர் டிஸ்ப்ளே, டூயல்-ஜோன் கிளைமேட் கன்ட்ரோல், வயர்லெஸ் போன் சார்ஜிங், பெரிய பேனோராமிக் சன்ரூஃப், LED ஹெட்லேம்ப்கள், LED DRL-கள் மற்றும் உயர்த்தி அமைக்கும் டிரைவர் சீட் போன்றவை வழங்கப்பட்டுள்ளன.
பாதுகாப்பைப் பொறுத்தவரை 6 ஏர்பேக்குகள் எலக்ட்ரானிக் ஸ்டெபிலிட்டி கன்ட்ரோல், TPMS, கீலெஸ் என்ட்ரி, ரியர் பார்க்கிங் சென்சார்கள், ரிவர்ஸ் பார்க்கிங் கேமரா, ஆட்டோமேட்டிக் ஹெட்லேம்ப்கள், ரெயின் சென்சிங் வைப்பர்கள் மற்றும் ISOFIX சைல்டு சீட் மவுண்ட்கள் ஆகியவை இடம்பெற்றுள்ளன. மேலும், BNCAP கிராஷ் டெஸ்ட்டில் இந்த XUV 3XO கார் 5-ஸ்டார் பாதுகாப்பு மதிப்பீட்டைப் பெற்றுள்ளது குறிப்பிடத்தக்கது.
பவர்டிரெயின் ஆப்ஷன்கள்
CNG தவிர்த்து, XUV 3XO மாடலானது 1.2-லிட்டர் டர்போ-பெட்ரோல், 1.5-லிட்டர் டீசல் மற்றும் 1.2-லிட்டர் TGDi டர்போ-பெட்ரோல் ஆகிய மூன்று எஞ்சின் தேர்வுகளிலும் மேனுவல் மற்றும் ஆட்டோமேட்டிக் கியர்பாக்ஸ்களுடன் விற்பனையாகி வருகிறது.
கூடுதல் விவரங்கள்:
| மாடல் |
மஹிந்திரா XUV 3XO |
||
| இன்ஜின் |
1.2-litre turbo-petrol |
1.2-litre T-GDi turbo-petrol |
1.5-litre diesel |
| பவர் |
111 PS |
131 PS |
117 PS |
| டார்க் |
200 Nm |
230 Nm |
300 Nm |
| டிரான்ஸ்மிஷன் |
6-ஸ்பீடு MT, 6-ஸ்பீடு AT |
6-ஸ்பீடு MT, 6-ஸ்பீடு AT |
6-ஸ்பீடு MT, 6-ஸ்பீடு AMT |
| டிரைவ்டிரெயின் | FWD |
FWD |
FWD |
*MT- மேனுவல் டிரான்ஸ்மிஷன், AT- டார்க் கன்வெர்டர் ஆட்டோமெட்டிக், FWD- ஃபிரண்ட்-வீல் டிரைவ்
போட்டியாளர்கள்
தொழிற்சாலையிலேயே பொருத்தப்பட்ட CNG வசதியுடன் வரும் டாடா நெக்ஸான், மாருதி பிரெஸ்ஸா, மாருதி ஃபிரான்க்ஸ் மற்றும் டாடா பஞ்ச் ஆகிய கார்களுக்கு இந்த XUV 3XO CNG நேரடியாகப் போட்டியிடுகிறது. இதுதவிர கியா சோனெட், ரெனால்ட் கைகர், ஹூண்டாய் வென்யூ, நிஸான் மேக்னைட், டொயோட்டா டைஸர் மற்றும் கியா சைரோஸ் ஆகிய கார்களுக்கும் இது சிறந்த மாற்றாக இருக்கும்.
கார்தேக்கோவின் கருத்து…
CNG காரில் வெறும் சிக்கனத்தை மட்டும் எதிர்பார்க்காமல் சிறந்த ஓட்டுதல் அனுபவத்தையும் விரும்புபவர்களுக்கு இந்த XUV 3XO ZNG ஒரு சிறந்த தேர்வாக இருக்கும். இதன் டர்போ எஞ்சின் விறுவிறுப்பான பயணத்தை உறுதி செய்வதோடு, ட்வின்-சிலிண்டர் அமைப்பு அன்றாட பயன்பாட்டிற்கான பூட் இடத்தையும் அளிக்கிறது. இருப்பினும் ஆட்டோமேட்டிக் கியர்பாக்ஸ் இல்லாததும், ஒப்பீட்டளவில் சற்று குறைவான பூட் ஸ்பேஸும் சில வாடிக்கையாளர்களுக்குத் தயக்கத்தை ஏற்படுத்தலாம்.
ரூ. 9.99 லட்சம் என்ற ஆரம்ப விலையில் சிறந்த செயல்திறன், நவீன வசதிகள் மற்றும் குறைந்த பராமரிப்புச் செலவு ஆகியவற்றை விரும்புபவர்கள் தாராளமாக இந்த காரைப் பரிசீலிக்கலாம். அதிக லக்கேஜ் இடத்தையும் ஆட்டோமேட்டிக் வசதியையும் முதன்மையாகக் கருதுபவர்கள் பிற தேர்வுகளைப் பார்க்கலாம்.
ஒட்டுமொத்தமாகப் பார்க்கும்போது டர்போ எஞ்சினின் பவர் மற்றும் CNG -யின் சிக்கனம் இரண்டும் தேவைப்படுபவர்களுக்கு இந்த மஹிந்திரா XUV 3XO ZNG மிகச் சரியான கார் என்பதில் சந்தேகமில்லை!
